الى الاعضاء-سطايفية وافتخر-mostafa 31والى كل من يريد المساعدة

[aimad17]

السلام عليكم ورحمة الله ويركاته
والله انا في مأزق حقيقي اود المساعدة منكم لوجه الله
انا طالب سنة اولى رياضيات واعلام الي جامعة بجاية-ولاية اقامتي-
سجلت لكي أعيد الباكلوريا بصفة مترشح حر ( تحصلت عليه بـ 13.58 علوم تجريبية ) لكن حلمي و هدفي أن أدرس الطب
إرتكبت خطأ عندما لم اقم بأخذ عطلة اكاديمية و تجميد السنة الدراسية حيث كنت أظن أنني أستطيع التوفيق بين التحضير للباكلوريا و دراسة الرياضيات و الاعلام الالي mi لكنني قد أخطأت .

ذهبت هذه الايام للرئاسة الجامعية لكي استفسر عن تجميد السنة فقالوا لي أنت متأخر جدا.
كما تعلمون نحن الان في فترة الامتحانات وانا امتحن عادي.
لكني أنوي عند انتهاءالامتحانات أتوقف و أتفرغ للتحضير للباك نقطة.
اسئلتي هي:
ما هي العواقب التي تنجر عن غيابي في السداسي الثاني وهل اذا رحت نسينيي في امتحانات الاستدراك والفصل الثاني يعتبر عادي كاني لم اتغيب,?
هل استفيد من المنحة الجامعية عادية??



اسمحوا لي اذا أطلت عليكم اتمنى لكم التوفيق وبارك الله فيكم

[سطايفية بكل فخر]

غيابك في الفصل الثاني سيقصيك وتعيد السنة تلقائيا يعني حتى لو رحت للامتحانات فانت مقصى لانو غياب اكثرمن ثلاث مرات بدون مبرر يعني الاقصاء و5 بمبرر ايضا يقصيك
+
ادا اردت ان تعود مرة اخرى للاعلام والرياضيات لازم دير اعادة ادماج باش يرجعوك تقرا طبعا ليموديل لي خرجتهم في الفصل الاول متعاودهمش
+
المنحة لا توقف لانو ليس هناك عطلة اكاديمية تديها عادي
رايحة تتوقفلك العام الجاي حتى تعيد دمج نفسك وتوليلك
اي سوال اخر تفضل بيه

[aimad17]

بارك الله فيك يا اختاه
اود ان اعرف ما معنى الاقصاء(هل هو اقصاء نهائي من الجامعة)+اعادة ادماج
العام الجاي رح ندخل للجامعة بباك جديد وما يقلقني هو المنحة .الاقامة.فهميني كيفاش يديرو
يعني ماراحش نواصل رياضيات واعلام الي، انصحيني ماذا افعل يا اختاه
سمحيلي يا ختي والله غير صمطت عليك بالاسئلة ديالي

[سطايفية بكل فخر]

بارك الله فيك يا اختاه
اود ان اعرف ما معنى الاقصاء(هل هو اقصاء نهائي من الجامعة)+اعادة ادماج
العام الجاي رح ندخل للجامعة بباك جديد وما يقلقني هو المنحة .الاقامة.فهميني كيفاش يديرو
يعني ماراحش نواصل رياضيات واعلام الي، انصحيني ماذا افعل يا اختاه
سمحيلي يا ختي والله غير صمطت عليك بالاسئلة ديالي


الاقصاء يعني تشطيب اسم من قوائم الطلبة تاع الرياضيات والاعلام الالي يعني حتى وتروح تعقب الكونطرول تلقا روحك مكانش او ادا نساو ممحاوهش وعقبت الامتحانات توالكم عادي من بعد تفيريفي الادارة وتقصيك ب0
زيد سقسي عندكم بلاك راهم متساهلين مع الغيابات يعني مهمش يطبقة في القوانين قدقد في هدي الحالة ممكن ميقصيوكش انت اسال ماكش خاسر والو لاني انا راني نهدرلك بالصفة القانونية لي مطبقا عنا للاسف ممكن انتم مهمش يخدمو ريقلو
+
فيما يخص الادماج بما انو شطبو اسمك لازم تعاود تسجل روحك كطالب ودلك بالدماج نفسك من جديد هنا يطلبولك مبرر التوقف عن الدراسة رايحين يهبلوك شوية مي من بعد يوافقو
+
فيما يخص المنحة هدا العام تديها نورمال اخي
العام الجاي ادا كتب ربي ودرت شعبة اخرى رايحين يطلبو منك سحب نهائي لباكك الاول واثناء السحب رايحين ينحيولك المنحة تاع الباك الاول
ولما تسجل بالباك الثاني يوليو يمدوهالك منحة الباك الجديد على اسا انك في شعبة اخرى
+
فيما يخص الاقامة نفس الشيء اخي هدا العام تتوقف والعام الجاي سجل بالباك الجديد اقامة
+
لا تعتدر اي سوال اخر تفضل بيه راني هنا باش نفهمك
+
نصيحة خارج عن اسئلتك متجلعش المدسين نقطة توقف عندها حياتك هناك عدة شعب احسن منها
يعني ادا لا قدر الله ومجبتش معدل تاع طب متتاثرش وتكره الجامعة سجل بيه شعبة مليحة واقراها
بالتوفيق ليك اخي هدي نصيحة فقط ان شاء الله تجيب الطب وتولي طبيب كبير

[aimad17]

الاقصاء يعني تشطيب اسم من قوائم الطلبة تاع الرياضيات والاعلام الالي يعني حتى وتروح تعقب الكونطرول تلقا روحك مكانش او ادا نساو ممحاوهش وعقبت الامتحانات توالكم عادي من بعد تفيريفي الادارة وتقصيك ب0
زيد سقسي عندكم بلاك راهم متساهلين مع الغيابات يعني مهمش يطبقة في القوانين قدقد في هدي الحالة ممكن ميقصيوكش انت اسال ماكش خاسر والو لاني انا راني نهدرلك بالصفة القانونية لي مطبقا عنا للاسف ممكن انتم مهمش يخدمو ريقلو
+
فيما يخص الادماج بما انو شطبو اسمك لازم تعاود تسجل روحك كطالب ودلك بالدماج نفسك من جديد هنا يطلبولك مبرر التوقف عن الدراسة رايحين يهبلوك شوية مي من بعد يوافقو
+
فيما يخص المنحة هدا العام تديها نورمال اخي
العام الجاي ادا كتب ربي ودرت شعبة اخرى رايحين يطلبو منك سحب نهائي لباكك الاول واثناء السحب رايحين ينحيولك المنحة تاع الباك الاول
ولما تسجل بالباك الثاني يوليو يمدوهالك منحة الباك الجديد على اسا انك في شعبة اخرى
+
فيما يخص الاقامة نفس الشيء اخي هدا العام تتوقف والعام الجاي سجل بالباك الجديد اقامة
+
لا تعتدر اي سوال اخر تفضل بيه راني هنا باش نفهمك
+
نصيحة خارج عن اسئلتك متجلعش المدسين نقطة توقف عندها حياتك هناك عدة شعب احسن منها
يعني ادا لا قدر الله ومجبتش معدل تاع طب متتاثرش وتكره الجامعة سجل بيه شعبة مليحة واقراها
بالتوفيق ليك اخي هدي نصيحة فقط ان شاء الله تجيب الطب وتولي طبيب كبير
بارك الله فيك على التوضيح
راني سقسيتحتى حنا قالو ما يتساهلوش مع الغيابات
هل اللذين قاموا بتجميد السنة لا يستفيدون من المنحة والايواء?
راني معول العام الجاي بمشيئة الله ندير الطب واذا ما كتبش ربي ندير علوم التمريض هنا في بجاية
اذن العام المقبل نعاود ندير ملف المنحة+الاقامة من جديد?
انا في الاول كنت اظن ان الاقصاء نهائي من الجامعة ولا يمكن لي التسجيل بباك جديد
راح نواصل نعقب هذه الامتحانات وعند الانتهاء اتوقف لاتفرغ للباك ما رايك?
جزاك الله الفردوس الاعلى

[سطايفية بكل فخر]

نعم اخي يسحبولهم كل البطاقات حتى قيمة المنحة لي تدخل يعني الاولى يدفعو حقها طي يجمدو
+
معدلك هدا العام مسمحلكش علوم تمريض؟
بالتوفيق ان شاؤ الله تجيب طب مدامك حابو
+
ادا كتب ربي ونجحت اول شيء يلزموك تسحب باكك الاول نهائيا من الجامعة وهنا السحب يفقد الباك صلاحيتو تولي متقدرش تخدم بيه
ثم تسجل بالباك الجديد نفس التسجيلات لي قمت بيها هدا العام كانك طالب جديد
+
لا اخي لا علاقة بالباك الاول بالثاني شخصيا عندي ابنة خالي سحبة الاول من علوم المادة وسجلت بالباك الثاني طب اسنان
+
بالتوفيق ليك في امتحاناتك
بالنسبة ليا ادا قدرت توفق بين الجامعة والباك كمل اقرا خير لانو متدريش الواحد يطيح في ظروف وقادر مبوصلش للي باغيه او لا قدر الله ميجيبش الباك على الاقل ميضيعلوش عام كامل ويعاود من جديد وانا عندي صحاباتي حبسة لقراية ومن بعد مجابوش واش حابين وعاودو السنة الاولى وعندي صديقاتي اقراو عادي طلعو عامهم الجامعي وجابو الباك ودارو فارماسي
قصدي اخي انت وقدرتك وظروفك ادا كنت قادر تكمل كمل
ادا شفت روحك تقدر جيب باك مليح ةالجامعة ماثرة فيك حبس
بالتوفيق ليك اخي ان شاء الله يكتبلك ربي واش في بالك
+
امين اجمعين ان شاء الله ادعيلي ربي يوفقني في امتحاناتي
ةربي يوفقك انت ثاني

[aimad17]

والله لا اجد كلما ت الشكر سوى ان اقول اللهم احشرها في الجنة مع الصاحين
سؤال اخير اختي
هل ابنة خالك كانت في مثل حالي يعني لم تقم بالتجميد
فكرت الاف المرات وقررت يا اختاه لن استطيع التوفيق بين الاثنين
في ما يخص التمريض مدوها ب13.57 وانا جبت الباك ب13.58 لم اخترها لاني كنت ناقص معلومات حولها لكن اذا قدر الله وما لحقتش الميدسين راح نديرها باذن الله
بالتوفيق لك في الامتحانات وليكن الله في عونك

[mostafa31]

السلام عليكم ما عندي مانزيد الأخت السطايفية قالت كل شئ اما انا نقول بلى ما تخليش عامك يروح هاكا خصوصا فهاد الوقت لأنو الوقت فات على البلوكاج وحاول توفق بين الجامعة ودراستك لإعادة الباكالويا ومثل ما قالت الأخت يعني هاداك هو الحل لأنها مطلعا على كل الأمور تقريبا
وربي يسهلك اخي وللجميع

[شهـرزآد]

السلام عليكم

اختي سطايفية قريت ردك وخلعتيني هههه

انا تاني العام الماضي قريت السوماستر الاول برك والسوماستر الثاني ماقريتوش وما عقبتش الامتحانات

و هاد العام سجلت سنة اولى عادي لانو يعتبروني معيدة ما قالولي لا اعادة ادماج لا والو واسمي مازال في قوائم الطلبة

هل انا مقصية ولا لالا

وبارك الله فيك

[سطايفية بكل فخر]

السلام عليكم

اختي سطايفية قريت ردك وخلعتيني هههه

انا تاني العام الماضي قريت السوماستر الاول برك والسوماستر الثاني ماقريتوش وما عقبتش الامتحانات

و هاد العام سجلت سنة اولى عادي لانو يعتبروني معيدة ما قالولي لا اعادة ادماج لا والو واسمي مازال في قوائم الطلبة

هل انا مقصية ولا لالا

وبارك الله فيك

اخت>ي قوانين العام الماضي متنصش على اجبارية الحضور في ليكور
حتى الادارات مكانش متشدة كيما هدا العام لانو القوانين الجديدة تعاودو غير كيما
ممكن ادارتكم تساهلت معاكم واعادتلكم العام فقط
وبما انك سجلتي هدا العام وجبتي ليكارت تاوعك ادا انت طالبة منتظمة وتقدري تدخلي الفصل الثاني عادي
+
هدي لي نصحتو على جالها شفتي كون قريتي كون مضيعتييش عامك وراكي سنة ثانية

[سطايفية بكل فخر]

والله لا اجد كلما ت الشكر سوى ان اقول اللهم احشرها في الجنة مع الصاحين
سؤال اخير اختي
هل ابنة خالك كانت في مثل حالي يعني لم تقم بالتجميد
فكرت الاف المرات وقررت يا اختاه لن استطيع التوفيق بين الاثنين
في ما يخص التمريض مدوها ب13.57 وانا جبت الباك ب13.58 لم اخترها لاني كنت ناقص معلومات حولها لكن اذا قدر الله وما لحقتش الميدسين راح نديرها باذن الله
بالتوفيق لك في الامتحانات وليكن الله في عونك

العفو واجبي اخي والحمد لله راهو اخي مصطفى دخل وزاد اكدلك كلامي لانه ادرى بالامور الادارية مني بحكم عمله في الجامعة
ربي يخليه للطلبة وربي يجازيه على فعل الخير
+
نعم بنت خالي مجمدتش عامها وسحبت الباك نهائيابعدما ما جابت الباك الثاني
+
نصيحة اخي قبل متقوم بهدا القرار صلي صلاة الاستخارة باش ربي يباركلك قرارك ويقويك على الاكمال للاخير في قرارك الدي ستتخده
+
نزيدك حاجة بما انك مش مطلع مليح عن القوانين في الجامعة
ادا قدر ربي وجبت معدل اقل من معدلك الحالي ان شاء الله تجيب اكثرنصيحتي ليك اخي انك دير تحويل بباكك الاول الى علوم التمريض
يعني راهو مزال مفيد بالنسبة ليك
بالتوفيق ليك اخي وربي ينولك الطب

اي استفسار مهما كان صغير او كبير اطرؤحوا على الاقل متتكلحش كيما صرالك هدا العام في علوم التمريض مش عيب الواحد يسقسي العيب انو يبقى معلابالوش ومخبي

[شهـرزآد]

معليش ضيعت عام في باطل

وليكور شحال من غياب باش يقصى الطالب من الموديل ؟

يعطيك الصحة اختي

[aimad17]

الله ينور ليك دربك يا اختاه
لقد وضعك الله في طريقي واحمدذه على ذلك
اذن فهي لم تكمل دراسة علو مالمادة الى اخر السنة مثلي انا
كيفاش ندير التحويل وانا مقصى من mi+(الاولوية للي جابو باك جديد على اللي دارو تحويل والا لا)

[سطايفية بكل فخر]

معليش ضيعت عام في باطل

وليكور شحال من غياب باش يقصى الطالب من الموديل ؟

يعطيك الصحة اختي

اختي ليكور 3 غيبات بدون مبرر و5 غيابات بمبرر يعرضوك للاقصاء
نفس الشيء للتيدي والتيبي مع العلم انو التيبي كل غياب فيه ينقصلك نقطة

[سطايفية بكل فخر]

الله ينور ليك دربك يا اختاه
لقد وضعك الله في طريقي واحمدذه على ذلك
اذن فهي لم تكمل دراسة علو مالمادة الى اخر السنة مثلي انا
كيفاش ندير التحويل وانا مقصى من mi+(الاولوية للي جابو باك جديد على اللي دارو تحويل والا لا)

ربي يقدرنا على فعل الخير
+
نعم اخي لم تكمل ولم تدخل امتحانات الفضل الثاني حتى الفصل الاول مطلعاتوش الحمد لله ربي وفقها في الباط الثاني والا كانت الكارثة
+
اخي التحويل ديرو بعد الادماج ولازم تسرع شوية لانو التحويلات عندها مدة محددة
+
نعم الاولوية للداو باك جديد ولما يبقى الاماكن يدخلو لي تحولو وادا مبقاوش الله غالب يقفلو التحويل لتلك الشعبة
مي بيناتنا مع المعارف تقدر تسجل قبل لي عندو الباك الجديد والحديث قياس

[aimad17]

ربي يقدرنا على فعل الخير
+
نعم اخي لم تكمل ولم تدخل امتحانات الفضل الثاني حتى الفصل الاول مطلعاتوش الحمد لله ربي وفقها في الباط الثاني والا كانت الكارثة
+
اخي التحويل ديرو بعد الادماج ولازم تسرع شوية لانو التحويلات عندها مدة محددة
+
نعم الاولوية للداو باك جديد ولما يبقى الاماكن يدخلو لي تحولو وادا مبقاوش الله غالب يقفلو التحويل لتلك الشعبة
مي بيناتنا مع المعارف تقدر تسجل قبل لي عندو الباك الجديد والحديث قياس

وفقك الله يا اختاه
لك جزيل الشكر على هذه المساعدة
وسمحيلي لاني اخذت من وقتك الكثير خاصة في هذه المرحلة الهامة.

[سطايفية بكل فخر]

العفو اخي بالتوفيق ليك انت ايضا اي سوال يخطر في بالك او مساعدة تحتاجها متنساش اختك السطايفية هنا