البركوكس**من فضلكم**

[serine alger]

السلام عليكم.
أخواتي في المنتدى أنا من العاصمة.ولما جيت للغرب لقيتهم يديرو بزاف البركوكس وفي المناسبات أيضا ويعجبني بزاف.أتمنى تعطولي الوصفة .**خاصة البركوكس بالدجاج وكريات اللحم المرحي**رااااااااااائع. شكرا

[amina-31]

menba3d nchallah nekteblek recette

[amina-31]

سلام
قلي راس توم كروطة كورجات بصل وطماطم 1و لا2 ولحم ودجاجة ولا غي صدورا قليهم مليح زيدي طماطم مصبرة كركم سكنجبير ملح حرور كحل رشة قرفة قلي مليح ومرقي ديري شوية معدنوس وقسبر وككرافس 2عروق ولا3 لازم يكون هو كثر وحمص كي طيب اللحم صفي المرق وطبخي بركوكس بعد مافورتيه وزيدي في الاخير الدرسة('براس الحانوت تاع بركوكس..)
نسيت وجدي قبل كفتة بالثوم وحرور كحل ملح قسبر ومعدنوش(ديري من كل حاجة شوية على خاطرش البويون فيه كل شيء راهي تنباع تتبيلة الكفة واجدة)وكوريها وطيبيها وحدها قلي شوية بصل طماطم مصبرة و حب شوية خرقوم رشة قرفة فلفل كحل واحمرشوية ماء كي يطبخ البركوكس زيدي لكفتة بالمرق تاعها باش يجيك حمروخليها تطبخ شوية حنا ندير راس حانوت بججهة لي يزدير قدامه بالنسبة للخضر كاين لي يحبها مقطعة كاين لي يطحنها انا نصفيها

[amina-31]

كل واحد وكيفاش يطيبه انا يعجبني كي ناكله عند ناس سيرتو تاع عبابسة و مغناوة
كاينة لي مادير فيه والو غي جومبو ويجي يهببببببل
ان شاء الله نشوفوا بناتلخرين كي يديرو يطيبوه
بغيت ندير موضوع عليه فالمولد ومعرفتش نحمل صور من جهازي

[ام ملاك.]

نعطيلك البركوكس على طريقتي اذا حبيتي انا ندير هادي كمية تكفي 3 من العباد حبة بصلة متوسطة 4 سنات ثوم كبار 3حبات زرودية é2 حبات بطاطا متوسطين حبة لفت حبة ولا زوج كورجيت حميصة اذا تحبيها لحم ولا الدجاج اللي تختاريه وتحبيه الخضرة تقطعيها مكعبات صغيرة تتناسب مع البركوكس قللي البصل والثوم واللحم اللي درتيه مع بعض وزيدي مغرفة كبيرة نتاع طوماطيش بواطة نص مغرفة صغيرة من فلفل لكحل ومغرفة صغيرة راس الحانوت ونص مغرفة كسبر مرحي مغرفة صغيرة فلفل لحمر مرحي ملح وفلفل حار واحد اذا تحبيه كثري واذا لا ماتديريهش كي يتقلى كلشي مرقي بالما تقريبا 2 لتر وخليهم يطيبو كي يطيب اللحم نتاعك والخضرة فرغي عليهم كاس نتاع ما من البركوكس ا>ا شريتي محمصة ديري كاس كبير واذا بركوكس مفتول ديري 2 كيسان كبار وخليه يغلي مع المرقة وكل مرة شوفيه وحركيه باش مايلصقلكش حتان يطيب في الاخير كي تفرغي في الطبسي تحبي تقطعي الكسبر عليه رقيق يجي بنين وبصحتك اليوم في العشا درت بركوكس خسارة لوكان عرفت هكدا لوكان صورتو ماعليش انا نحبو مرة واحدوخرى نعاودو ونصورهولك بالخطوات ملاحظة تقدري تستغناي على الخضر اذا ماتحبيهمش مي نصيحة بالخضر خير باش ماتسمانيش

[serine alger]

الأختamina-31 (http://www.djelfa.info/vb/member.php?u=425440) يعطيك الصحة .في انتضار الطرق الأخرى. (http://www.djelfa.info/vb/member.php?u=425440)

[serine alger]

مونية ك (http://www.djelfa.info/vb/member.php?u=434307) شكرا لك.وياربي يعطيلك واحد كيما الصورة الي في توقيعك.

[أنوثة شرقية]

احنا ف الشرق نديروه بالخضرة والحمص واللحم حسب الرغبة. لكن عندي جارتي من معسكر ذقت البركوكس نتاعها هايل الصراحة علمتني الطريقة. هي كيما قالو الاخوات تقلي البصل والتوم واللحم مع خضر.. جزر كورجات ولفت وطماطم حب.. والسرهو في راس الحانوت هو خاص بالبركوكس ومعاه الكبابة تطحنيها وتضيفيها مع التقلية وفي الاخير تضيفي طماطم العلب والمعدنوس والقصبر واعراف كرافس وتمرقي. وتوجدي دجاجة تنظفيها وتشدي الكفتة تفوحيها بالتوم والتوابل والمعدنوس وشوية قصبر وتحشي بيها الدجاجة من الداخل وتشكلي كويرات صغيرة تفويرهم ف الكسكاس شوية ولما تغلي برمتك تحطي الدجاجة المحشية وكويرات الكفتة وتفويري البركوكس المفتول ولما يفور تحطي شوية تاع زيت بين يديك وتفتليه شوية لما تخلطيه حطيه في المرق يطيب وحركي باش مايلصقش حتى يطيب. لازم يجي جاري موش ناشف اطفي وحطي قصبر مقطع وشوية معدنوس ورشة كمون. صدقيني هاذ الطريقة جربتها واهل زوجي هبلو عليه

[serine alger]

احنا ف الشرق نديروه بالخضرة والحمص واللحم حسب الرغبة. لكن عندي جارتي من معسكر ذقت البركوكس نتاعها هايل الصراحة علمتني الطريقة. هي كيما قالو الاخوات تقلي البصل والتوم واللحم مع خضر.. جزر كورجات ولفت وطماطم حب.. والسرهو في راس الحانوت هو خاص بالبركوكس ومعاه الكبابة تطحنيها وتضيفيها مع التقلية وفي الاخير تضيفي طماطم العلب والمعدنوس والقصبر واعراف كرافس وتمرقي. وتوجدي دجاجة تنظفيها وتشدي الكفتة تفوحيها بالتوم والتوابل والمعدنوس وشوية قصبر وتحشي بيها الدجاجة من الداخل وتشكلي كويرات صغيرة تفويرهم ف الكسكاس شوية ولما تغلي برمتك تحطي الدجاجة المحشية وكويرات الكفتة وتفويري البركوكس المفتول ولما يفور تحطي شوية تاع زيت بين يديك وتفتليه شوية لما تخلطيه حطيه في المرق يطيب وحركي باش مايلصقش حتى يطيب. لازم يجي جاري موش ناشف اطفي وحطي قصبر مقطع وشوية معدنوس ورشة كمون. صدقيني هاذ الطريقة جربتها واهل زوجي هبلو عليه






شكرا أختي .يعني كل واحد وطريقتو.يعطيك الصحة.