المساعد الشخصي الرقمي

مشاهدة النسخة كاملة : حاجة حطوها في الاعتبار


رانيا 1990
2013-01-25, 13:27
:dj_17::dj_17::dj_17::dj_17:
حابة نفهم علاه تحطو صور طبخاتكم و ما تحطوش الوصفة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
و تكتبو "اذا عجبتكم ردو و راني نحط الوصفة لاحقا " و تخليو البنات كل شوي يرجعو لموضوعكم يحوسو على الوصفة و كانهم فارغين شغل
هذا منتدى اساسو الوصفات لي ماشي حابة تحط الوصفة او حابة تجيب اكبر قدر من طلبات الوصفة في الردود ما تحط والو . و اذا شفتي الوقت ما يكفيكش باش تحطي الوصفة و الصور معا انتظري حتى تعودي فارغة شغل. لانو حتى لو ماهوش قصدكم راكم تزعجو و انا شخصيا شفت في عدد من الاقسام نفس الحكاية و انزعجت لاني كل دقيقة نرجع للموضوع نحوس على الوصفة .

عذرا اذا تجاوزت الحدود لكن كل هاذ الشي للرقي بالمنتدى .
و نذكر انو الطباخات لي هنا كامل همهم الوحيد افادة القارئ اكثر منه جمع الردود .

وحاجة نبهتني ليها الاخت ام ماجد و هي كي يكون موضوعك منقول : اكتبي بلي راهو منقول باش واحد ما ياكل حق واحد

مع احتراماتي

لمسة حنية
2013-01-25, 13:39
كلااااامك محق اختى وبارك الله فيكي على كل كلمة ذكرتيها
بلنسبة لي محطوش صور في الوصفة او يحط صورة وميحطوش وصفة
متهبلونااش هههههههههههههههههه
انا وااحده نسخف بزاف ونحب نعاند ونعمل اي شيء كل يوم راني في الكوزينة ونطيب الجديد
ولازمنا نشوف كل وصفة معاها طريقة بتفصيل و صورة شكرا تقبل تحياتي

sabrina47
2013-01-25, 15:28
ايه والله غير عندك الحق حنونة والله مرات نعتابرو استفزاز معناتو حطي رد نعطيك الوصفة هادي هي شغل رانا نتاجرو واللي يخدم حتجة يخدمها لوجه ربي مثلا كي تحط وحدة وصفة جديدة ولا وصفة واحدة منا ما تعرفهاش تكون كسبت اجر وراح تدعيلها بلا ما تقول وشكرا اختو لاثارة هاد النقطة.

sasafede
2013-01-25, 15:42
والله اختي راكي اتجهتي لنقطة مهمة واحد النهاراتي في منتدى اخر كنت انا وخالتي انشوفو في والوصفات خالتي كانت تتوحم ايا شافت واحد القاطو سموه على ما اتذكر شنيك والاخت حطت الصورة فقط مسكينة من كثرت خالتي ابغات الحلوى حتى ولات كل يوم تفتح وتنتظر الوصفة وصارت من كثرت سخفت اعليها تقعد اتشوف في الصورة حتى غاضتني ايا انا روحت ابحثت في محلات القاطو حتى صبتو وديتولها وكلاتو قالتلي كون مكليتوش كونت رايحا نترتق امبعد انا ردتي على صاحبة الموضوع وكنت زعفانة قلتلها متزيدوش تتمسخرو بالناس
والله احرام اعليهم يعملو هكا الي حبت اتحط الصورة ترفق امعاه الوصفة ولا ترييح كيما راهي

wissem173
2013-01-25, 16:19
بارك الله فيك...

بسمة تحدي
2013-01-25, 16:58
بارك الله فيك

rofia.sarah
2013-01-25, 19:40
شكرا لك أختي على إثارة هذا الموضوع لأنه حت أنا نتقلق كي نلقى صورة و ما نلقاش وصفة و كل مرة نطل و هما يستناو غير في الردود حاجة ماشي مليحة يا يحطو الوصفة كيما عرفو يحطو الصورة ولا يخلونا طرانكيل

رانيا 1990
2013-01-26, 09:44
شكرا على التفاعل

أم ماجد
2013-01-26, 11:26
كلامك حق والحق يقال واذا كان الموضوع منقول فاكتبوا ذلك

معاذ عبدو
2013-01-26, 11:55
يعطيك الصحة على هذه الالتفاتة

souma kh
2013-01-26, 11:59
يعطيك الصحة على الهدرة الزينة، وكيما قلتي اللي ماتحبش تحط الوصفة ماتحطش اصلا الصورة

رانيا 1990
2013-01-26, 12:06
مشكورين على التفاعل

ام شرفو
2013-01-27, 06:01
عجبني موضوعكم وحبيت نعطي وجهة نظري
كي نقرا لوم كيما هذا نحس صح منتدى الجلفة عائلة وحدة و هو دارنا كل واحد عندو الحق يعطي رايو
- انا كمشاهدة انحب نلقى الوصفات بالصور و الشرح نكتبهم عندي و نطبقهم هذا واش اندير مع المنتديات الاخرى
اما في دارنا( الجلفة) انحاول انرد بالتشجيع او التطبيق باش المنتدى يطوال في عمرو لان كل دخول الى المنتدى راح يزيد فالفايدة
هذا من جهة اما من جهة اخرى ما فيها باس اذا اخت استعملت التشويق و ستنيناها يوم و تعطينا وصفتها
و كاين حاجة واحد اخرى كاين اخوات يتعبو في التحضير لانزال الموضوع و لكن واحد ما يرد ويروح الموضوع في النسيان و نلقاوه باسماء اخرى في منتديات اخرى
انا يظهر لي اذا عجبتكم وصفة و مولاتها تتقنش لوموها عشرين او ثلاثين مرة في نفس الموضوع
واذا كثرت راح تلقاو ما خير

أم أسامة 07
2013-01-29, 14:53
بارك الله فيكم جعلها الله في ميزان حسناتك

رانيا 1990
2013-01-29, 15:49
شكرا على التفاعل

** موحدة 02 **
2013-01-29, 16:51
السلام عليكم
سامحيني اختي لكن راكي قسيتي على اخواتك شوية لانهم حتى هوما بهاذ الطريقة راهم يدعموا في المنتدى ذرك نفهمك وعلاه
كي تحط الوصفة راهي قع الناس تقدر تشوفها يعني المسجلين و غير المسجلين لكن اذا اخفاتها ممكن تكون سبب في تسجيل الاعضاء و هذا + للمنتدى
كي تحط الوصفة تلقاي المشاهدات 1000 و الردود 20 و يلا كانت مخيرة تلحق 50 فهل هذا عدل ؟؟راهي تاني تتعب و تشقى و اعداد كيما هاذي راهي قاسية شوية
و كاين ناس تعجز بش تدخل تضرب طلة تدي كلش و تروح **انا وحدة منهم** مليح اسلوب كيما هذا بش يحفزونا على الدخول للمنتدى
و في الاخير انت وش يكلفك رد بالعكس ضربتي 3 عصافير بحجر واحد دعمت المنتدى و شفتي الوصفة و فرحتي اختك
و كيما قالت الاخت قبلي من حقهم يتقلشو و ما خسرنا والو كي نقلشوهم برد يكثر خيرهم

mars1981
2013-01-29, 17:01
444444444444444444444444444444444444

نانا الحيرانة
2013-01-29, 17:30
كلامك في محله أختي بارك الله فيك

ربي يهديهم وخلاص

رانيا 1990
2013-01-29, 19:06
شكرا اخواتي على الردود بالنسبة للاخت موحدة : صراحة ما قتنعتش بكلامك لانو كاين مواضيع وصلت الردود فيها 200 و 300 . و ايضا البنات كي يحطو الدروس تاع الطبخ يحطوها لوجه الله و الردود تبقى للتشجيع فقط . و كي يكون الموضوع يستاهل اكيد راح يلقى ردود . شكرا لردك مع احترامي

رانيا 1990
2013-06-21, 11:52
شكرا على الردوووووووووود حبيباتي

ام سارة ورقية
2013-06-21, 13:03
عندة الحق اختي
انا مرات يعجبوني الصور ونبقى نسنا في الوصفة حتى ننساها
بارك الله فيك على الموضوع

محبة الكتاب
2013-07-01, 20:13
يعطيك الصحة اختي وفعلا نتمنى يثبت موضوعك باش ماتتحرقش اعصابنا وخصوصا راهو رمضان جاي ماناش ناقصين انشوفو صورة وصفة نهبلو اعليها بلا مايكون فيها وصفةةةةةةة

hanane09
2013-07-01, 22:53
كلامك حق والحق يقال
اناعجبتني قريوش وضعنها اخت
ولم تضع الوصفة
كال يوم روح نشوف منليقهش
وكيما قلتي اللي ماتحبش تحط الوصفة ماتحطش اصلا الصورة

تاج النور@
2013-07-03, 00:19
%/% كلام صحيح
ربي يخلي الحق يسري من لسانك

الأمنيات
2013-07-03, 10:00
والله يا اختي قلناها كم من مرة حطي الوصفه راه فيه المتوحمات والي تسخف
اعلاه تقارعوا حتى يشكروكم ويردوا باش تحطوا وصفه ربي يهديكم

رانيا 1990
2013-07-03, 13:22
شكراااااااااااااااااااااااااااااااااااااااا
معا للقضاء على هذه العادة السيئة