اقتراح مفيد لأختي crono **طلبات تشريح**أي بترونات

[المتيقنة بالله سارة]

البسملة1
السلام1
اليوم حبيت نقترح على أختي crono بما أنني لاحظت أنها مسؤولة على وضع البترونات على حسب طلب الاخوات....ويا ريت المشرفات ياخذوه بعين الاعتبار ...خممت لو نديرو قسم خاص بالتشريح ...أي طلب بترونات.......سواءا للمحترفات أو المبتدئات الفائدة للجميع فستان بيت أو سهرة أو بنطلون أو تنورة .....ألخ حسب طلب الاخوات .وتتكفل أخت crono برسم البترون لاخت في حدود مقدرتها ومراعاة لالتزاماتها الاخرى وظروفها......وهاد القسم أكيد راح يخضع لشروط معينة أقترح لبعض منها:

1*عند كتابة الموضوع يرجى من الاخوات في البداية استخدام عنوان واضح وله معنى ويدل على موضوع صاحبته مثلا : ممكن مساعدة في تشريح فستان

* تجنب عبارات لفت الانتباه لكي تسهل الاجابة بالترتيب.

* كل عضوة لها موضوعها المستقل وتجنب وضع موضوع جديد في موضوع آخر لكي تعم الفائدة

* قبل كتابة الموضوع يرجى من العضوة التأكد من أن الموضوع ليس مكرر مراعاة لجهد أخت crono أذا وافقت على اقتراحي اولا:D:D وتجنب التكرار

* التأكد من عدم وضع صور عارية وتحري طمس الوجه واخفاء الاجزاء الظاهرة حفاظا على قوانين المنتدى

* كل عضوة تكتب موضوع تتجنب كتابة موضوع ثاني لنفس الطلب...عدم التسرع وانتظار الرد فقد يتطلب بعض الوقت


هذا فالحقيقة مجرد مسودة اقتراح أولي قابل للقبول أو الرفض من طرف المشرفين وحتى الاخت crono واذا قبل سيكون اضافة جيدة لهذا القسم مع بعض التعديلات

في اتظار الرد من المسؤولين على القسم...أرجو من اخواتي تقييم الموضوع

الخاتمة1

[stayfiya]

فكرة ممتازة اصلاً الباترونات وحدها لازملها قسم خاص و راهو اقتراح في محلو انا نوافقك الراي يزيدو لبنات و الأكيد الراي الول و الأخير للمشرفين و شكراًً اختي
Stayfiya

[المتيقنة بالله سارة]

شرفتيني أختي سطايفية بمرورك حنونة....وكيما قلتي لازملو قسم خاص لاني شفت موضوع الطلبات لي ثبتوه في طلبات مختلفة.قلت علاش ما نديروش قسم طلب البترونات تع الاخوات وحدو مراعاة للتنظيم وتعميم الفائدة

[stayfiya]

راني معاك و منالأحسن تكون هناك دروس منظمة و كل الباترونات العامة موجودة و يدخل فيها ركن التساؤلات خاطر راهو المنتدىكامل ولا طلبات باترون حتىتسرقي روبة تحطيها يقولولك هاتيلنا الباترون نتاحا هههههه (احححرااااج) و حنا رانا نتعلمو يعني مالغري توريلهم كيفاشفصلتي ميكونش ضمن قواعد مدروسة فهمتيني!! صافي من الأحسن الطلبات تتوجه اصاحب الإختصاص

[المتيقنة بالله سارة]

77 مشاهدة ولا وحدة كلفة خاطرها تعطينا رايها........كونو اجابيين شوية

[صاحب الامل]

السلام عليكم ورحمة الله تعالى وبركاته

شكرا للاخت المتيقنة بالله سارة على الاقتراح او الفكرة

فيما يخص طلب انو نعملو قسم خاص بالباترونات اكيد هذا شيئ يسهل اكثر عملية التصفح والتنظيم
ولكن احنا قبل كل شيئ حبينا ننظموا اولا هذا القسم ومن بعد نفتحوا اقسام اخرى لانه للاسف اغلبية الاعضاء هنا غير منظمين
لقد فتحنا قسم خاص بالطلبات ....ولكن للاسف كل ما ندخل نلقى بعض المواضيع الخاصة بالطلبات هنا وهناك
يعني الاشراف وش راح يدير يراقب المواضيع او يحذفها او يغلقها او يفتح اقسام جديدة باه يراقبها......الخ

اما فيما يخص الاخت crono وربي يجازيها كل خير
احنا في الاول قلنا من يتطوع ويتحمل مسؤولية تلبية طلبات الاعضاء فتطوعت هي والاخت biba (بارك الله فيهما)
ولكن هذا لا يعني انو راح يتحملو كل الطلبات قلنا اللي يقدر يساعد يساعد ماشيئ شرط كرونو وبيبا
والحمد لله لقيناهم قد المسؤولية

وفتحت انا والاخت كرونو موضوع التصميم وتنفيذ الباترون

يعني نظن انو الاخت كرونو راهي مساعدتنا اكثر من اللازم

حيث نجد انو الاغلبية هنا متعلم الخياطة والباترون ويخيطو ولكن لا نرى اي فائدة من وجودهم سوى الطلبات واذا كثروا يحطولنا صورة لا اكثر ولا اقل

احنا حبينا الكل يساهم والكل يفيد لوجه الله
حبينا نتعاونو لانو المنتدى على هذا الحال لن يستمر لا المشرفين وحدهم ولا عضو او اثنين راح يطوروه
المنتدى باه يطور لازم الكل يتعاون

اكيد كثرت في الهدرة ولكن ان شاء الله المغزى يكون واضح

وان شاء الله راح نعملوا على تطبيق فكرتك اذا لقينا اذان صاغية تفيدنا وتساعدنا
لانو هذا العمل لازملو مجموعة وليس الاخت كرونو وحدها

وشكرا

ا

[ام مريم اسراء]

فكرة رائعة و مفيدة و انا نظن ان وضع قوانين لكل ركن راح يسهل المهمة .... و اكيد طلبات التشريح . البترونات- لازملها خبرة بالدرجة الاولى و مساعدة و ما يزيد في نشر الفائدة و تعميمها هو احتلاام طلبات الغير يعني 5 طلبات في الاسبوع و ننتظر اسبوع للرد و المساعدة .... هذا مجرد اقتراح و حبذا لو يساعد الخبراء في مجال البترونات يعني المؤطرين اكادميا في تصحيح او دعم هذا الركن الخاص بالتشريح و الغاية هي المساعدة و الفائدة و ربي يوفقكم و يوفقنا اجمعين

[بوعنينبة]

انا كذلك نظن لازم تكون اقسام مختلفة قسم للتشريحات والبترونات
قسم الطلبات قسم الكتب والمجلات وهكذا
انشاء الله يكون تفاعل والكل يستفيد

[ghagha]

رانى مع الاقتراح وربى يسهل لانه سوف يعم علينا بالفائدة

[fifiarch]

فكرة مليحة اختي

لكن لو طرحتيها بصيغة اخرى

وهي موضوع خاص بالباترونات

لانو افتتاح قسم جديد

امر صعب نوعا ما

لانه يتطلب مشاورة بين المشرفين

ثم ادارة المنتدى

وكذا التزام من العضوات

فاقتراح فتح موضوعمثبت خاص سيكون افضل ويخد الفكرة جيدا

[ام فراس الشاوية]

راني معكم نديرو قسم الباترونات نبداو من الساهل ونروحو وهكا نتعلمو كامل وشكرا لصاحبة الاقتراح

[المتيقنة بالله سارة]

السلام علييكم حقيقة اشكرك اخوة لي ردو وبالخصوص المشرف والمشرفة......انا ذكرت اخت كرونو على سبيل مثال لاني شفتها توضح وتشرح وترسم البترونات لاخوات..... يعني محصرتش فيها يعني يكثر خيرها راهي قايمة بالواجب هيا والاخت بيبا وزيادة ربي يقدرهم...............وحتى اقتراح اختي فيفي بوضع موضوع مثبت ايضا فكرة جيدة مدام فكرة القسم ـاخد وقت ومجهود.