مشكل هيونداي أتوس 2010 [الأرشيف] - منتديات الجلفة لكل الجزائريين و العرب

hamzadaksi

2013-01-22, 20:15

من فضلكم أريد معرفة سبب أنو سيارة هيونداي أتوس ما تنوضش من المرة الأولى في الشتاء ؟؟؟؟
يعني تدرب أكثر من 5 مرات باش تنوض
هل هناك من ليه فكرة عن الأمر
وفي الحالة العادية تنوض عادي جدا للإشارة فقط

عبدالله بولنوار

2013-01-22, 20:23

سلام عليكم

الامر عادي مع برودة الجو خاصة ان كانت السيارة تبيت خارج المرأب
المشكل يكون صباحا فقط

اي بعد التشغيل الأول صباحا باقي النهار عادي

zita88

2013-01-22, 22:07

ايه طبيعي أتوس كامل نفس الفكرة خصوصا اذا كانت مركونة في الخارج

elkhalifa

2013-01-22, 22:14

السلام عليكم
السبب في نوع البنزين اذا كان تستعمل في البنزين دون رصاص في الشتاءوفي الصباح لازم تضرب كداه نمرة باش تنوض لأنو خفيف وباش تطلعو لابونب لازم تضرب كداه نمرة عكس البنزين العادي
ماتنساش الشمعات كي يعودو بداو يتعبو يديروها

hamzadaksi

2013-01-23, 20:42

شكرا على الردود جميعا صح أنا نبيتها في الخارج يعني ليست في مٍرأب
لكني غيرت البنزين وليت نستعمل بدون رصاص وغيرت الشمعات وغيرت الفيلتر تاع الوقود
ودائما نفس الشيء
وزيد كل أصحابي اللي عندهم أتوس بعانون من نفس المشكل شتاءا كاين اللي حتى 11 مرة باش تنوض ؟؟؟؟
هذا يعني ديفو في السيارة حسب ما أعتقد

hamzadaksi

2013-01-23, 20:43

وحسب ما فهمت من عندكم أنوا لا شيء مقلق وأنوا الأمر عادي

عبدالله بولنوار

2013-01-24, 08:16

عادي جدا ان كانت تبيت خارج الرأب

تحتاج فقط بطارية - باتري - جيد
لكن الأمر يتعب الموتور مع الوقت

لو تبات السيارة في المرأب تنوضلك عادي

lalib40

2013-01-24, 09:27

ما تنساش البطارية انتاع السيارة بلاك ميتة

abdel02

2013-01-24, 12:48

لا تقلق صاحبي...هو عيب سيارة الأتوس
أنا نبيتها في القاراج ونضرب أحيانا 4 أو 5
مرات باش تنوض...وأحيانا في الضربة ألأولى.

hamzadaksi

2013-01-24, 19:28

شكرا للجميع على التوضيح وكيما قالوا الإخوة أيضا ممكن الباتري ؟؟؟بدات تموت
abdel02 تحيرت صح يا أخي شكرا راك هنيتني
نحيتولي التوسويس أنا ضنيت أنوا مشكل ما
سلامي لكم جميعا

ptcman007

2013-01-25, 15:30

salam 3alaykom .
jma3a ana 3andi sahbi 3andou atos 2008..kenet dima dirlou kima haka ..
hatan daha 3and la maison ta3 hyeindai ..daroulou fiha wahad flash special ta3 hiver .
galoulou lazem kol 3am tjibeha 3andena beh ndiroulek flash ..
1500 da bark ou tweli men darba lawla tnod .
salam

hamzadaksi

2013-01-25, 17:36

salam 3alaykom .
Jma3a ana 3andi sahbi 3andou atos 2008..kenet dima dirlou kima haka ..
Hatan daha 3and la maison ta3 hyeindai ..daroulou fiha wahad flash special ta3 hiver .
Galoulou lazem kol 3am tjibeha 3andena beh ndiroulek flash ..
1500 da bark ou tweli men darba lawla tnod .
Salam

واش من ولاية صديقك من فضلك ؟؟؟؟؟؟؟؟؟؟؟؟

zayd61

2013-02-05, 00:40

نفس المشكل كان عندي .....غيرت للبنزين العادي...تنوض من المرة الأولى.

رزان.

2013-02-23, 17:15

السلام عليكم

أنصحك باستعمال البنزين من النّوع الممتاز لأنه سريع الإحتراق

و ليكن في علمك إذا استعملت البنزين بدون رصاص المحرك لا يشتغل في المرة الأولى

rada fika

2013-02-23, 17:24

شكرا على النصيحة

youcef26300

2013-02-23, 17:51

كانت عندي أتوس 2010 بنفس المشكل سواء في المدية الباردة أو شرشال الساحلية كنت أرجع الأمر إلى الستارتور و لكني لم أعر للأمر أهمية لأنها في النهاية تنوض و هذا حال السيارات الأسيوية واحدة تنقص الزيت و الأخرى يقولك في الألف كاينة واحدة مسيقمونتية لازم تسيقمونتيها
كما أنها ليست للمسافات البعيدة و تتعب السائق أما الركاب في الخلف فلاحدث و لا حرج
الكونفور زيرو حتى أن سيارة 206 القديمة كونفور عليها
بقي أن أقول إن سيارة أتوس جيدة من ناحية حرارة المحرك فهي أحسن من سيارات بيجو و مشكل حرارة المحرك

lalib40

2013-02-23, 18:13

انا عندي atos 2009 نستعمل البنزين العاد ي مع الصباح اتنوض عادي

sbmwhadz

2013-03-01, 16:16

كانت لدينا سيارة أتوس 2010 كان فيها نفس المشكل وحتى بعد أكثر من 3 مرات لكن بعد مدة أصبحت أضغط على دواسة السرعة (نطلع ليسونس) نضغط مرتين ثم ندير كوناكت نستنى شوية و ننوض تنوض عادي ولكن قد يكون المشل في ليبوجي ففي سيارة سابمول (بنزين ممتاز ) كان فيها مشكل في الشتاء وكما قال الاخوة ربما لأن الموتور راه بارد

Kob-Tiarti

2013-04-29, 17:32

ياخويا هذا ديفو في الاتوس كامل ما تخافش

bah999

2013-06-14, 21:23

المشكل في البنزين الممتاز عبي البنزين العادي تـنوض عالول

charmous

2013-06-20, 21:02

السلام عليكم اخي نصيحتي لك البنزين الممتاز خطيك من العادي انا عندي اتوس 2010 و ليس لدي كراج تبات في باركينغ نتع برة.الصباح تنود للمرة الاولى مرة واحدة دارتهالي قعدت نود وحد 05 الى 06 خطرات باه تنود مي ديتها لا ميزو هيونداي دارولها سكانار مي دروق الحمدو لله وكاين جاجة وحدوخرة الصباح كي تكون باردة كي تحب تنود السيارة زير غي شوية في الدربة نتع التنويدة الاولى و شوف

BATI ABOOD

2013-10-27, 23:04

جربلها البنزين العادي

زيدان حيمر

2013-11-02, 21:13

شكرا على الموصوع

Z34

2013-11-15, 00:09

عندي atos 2011تبات في القراج لها نفس المشكل في الشتاء تضرب 3 او 4 مرات باش تنوض رغم ان الوقود هو super
وفي بعض الاحيان مرة واحدة .ليس المشكل هو الباتري او الشمع . اما عن الفلاش هل هذا يخص atos فقط لم نسمع به في سيارات اخرى .
هذا في الشتاء فقط .نعم يخص فقط les atos .

hamzadaksi

2015-04-29, 08:50

...................................

neulone

2017-01-17, 22:16

كي تبات في القراج تنوض عادي

mehdi khennouf

2017-01-25, 20:49

خاوتي بحكم تجربتي مع سيارتي و مع عملي سابقا في شركة هيونداي ربراب في واد السمار كمكانيكي فإن المشكل ليس فقط في البنزين راهم كامل الأطوس عندهم مشكل بسيط و هو يعيطولو boitier papion لازم درجة الإنفتاح تاعو تتعدل من 100 % إلى 118% غير تروح للورشة تعهم في واد السمار رايحين يفروها في دقيقة بواسة جهاز scanner .

hamid3409

2017-06-15, 02:52

softech

2017-06-15, 03:35

شوف يا اخي ما تكسر راسك ما تكثر التخلاط دير لها البنزين الممتاز و ان شاء الله يروح المشكل
صراتلي في سيارة اتوس 2010
بدلت لها كلش الباتري منظم الريح الفيلترات كرهت جدها
و في الاخير لقيت بلي البنزين كان هو السبب لاني كنت ندير لها السونبلو و ما ساعدهاش
جرب و ردلنا الخبر

softech

2017-06-15, 03:38

voila le probleme c'est le starter comment faire vous dite il est regle sur le clima assiatique pour ca il faut un reglage avec scanner chez la maison hyndai c'est tout mes amis ni defaut ni essence ni batterie ni rien faite un scanner est vous alles voir ce que j'ai dit bonne chance

نونونو يا اخي واش من كليما آزياتيك هذي جامي سمعتها
المشكل هو في البنزين sans plomb الجزائري ما يساعدش atos
و صرالي نفس المشكل مع سيارة فيات ما تنوضش من الضربة الاولى
و لما غيرت البنزين الى الممتاز صار الموتور مثل النحلة ولو في درجة 0