حسبي الله و نعم الوكيل

[املي بالله]

السلام عليكم هده اول مشاركة لي ف المنتدي و لمشاكلي التي لا تنتهي بداتها من هنا علي اجد مساعدة معنوية احتاجها ف دنيتي .مند ضغري تستهويني الجرائد و خاصة فضاء المشاكل لدرجة انني اتاتر بهم كتيرا و ابكي لمعاناتهم ولم اتخيل يوما انا الفتاة المرهفة الحس ستعيش ف مشاكل تنسيها هموم الناس.معاناتي بدات يوم تقدم رجل دو خلق و دين و بار بوالديه وو و ووكل ما اوصي به رسولنا الكريم موجود به عيبه انه ليس من عرشنا(اااه للتقاليد البالية)المهم تقدم وانا فاتحت امي ل تخبر ابي لكنه رفض حتي استقباله .المهم انا حاولت و حاولت لكن لا جدوي لكن ماحز في نفسي ان اباك الدي جاء بك لهده الدنيا يعدبك و يتلدد بتعديبك قالها المي بالحرف الواحد نحرقلها قلبها كيما محبتش تتزوج بواحد من عرشنا والاتي اكتر تخيلو انه يقولو لي انت بنت شارع !!!!!!!!!راح تقولولي بلاك مسمع من الناس مي انا نقولكم واللهواحدة ف حينا ماهي متال للتربية كيفي مي غير جيت للحلال وليت بنت شارع.تخيلو يقولي اخرجي من الدار قولولي وين نروح والله لوكان جيت ماشي متربية نخرج مي انا عن نفسي منقدرش نديرها والله نكتب و نبكي حسبي الله ونعم الوكيل.قلت نطوي الصفحة و نبقا هكدا بلا زواج و رضايتو هي المهم يهضر معايا غير علا الدراهم شحال عندك ف الحساب واش دخلولك دراهم و و و وو غير نخرج نسمعو يقولهم نكرهها و معنديش بنتي اسمها....وهي اكره واحد ف الددنيا قولولي برك كيفاه متحبوش قلبك يكحال.يحاسب فيا علا الماء ل ندوش بيه الحليب و العشاء و الغداءو و و وو.فهموني برك جابني من الشارع ولاااااااااااا.كرهت حياتي .ديما برا ناكل برا غير باه مايحاسبنيش نقعد علا الميكرو يقلع الكونتور و درك يحوسني نخلص كامل الفاتورة والله ماني مشحاحة مي علاه الضلم هدا .كل مرة نشري صوالح للدار راح حطهملي برا قالي مانيش محتاجلك حاجة من عندك والله مفهمت واش ف راسو .ولي يغيضك من الصف الاول تاع المسجد ما يخرجش قدام الناس ملاك مي معايا حسبي الله ونعم الوكيل .هده معاناتي علابالي راه تقولولي غالطة و عندكم الحق مي واش من حنانة خلاها ف القلب جيت نترسم والله كامل صحابو مكلفش خاطرو يقولهم هاديك بنتي .صرالي مشكل مع تلميد قالهم لوكان غير قتلها .واش تحبوني نزيد والله كرهت ادعولي يهديه ربي و تتفرج همومي والله شوية و نهبل شعري وكل يوم نحي منو شعرة حتي طاح نمشي برا نهضر و حدي.مي كاين ربي .يا هم عندي رب كبير.اسمحولي طولت عليكم مي غير فضفضت ليكم درك محس روحي مرتاحة شوية.نسيت عمري 24 سنة .والله غايضني شبابي

[جمال الدين الأفغاني]

لا اله الا الله محمد رسول الله

ولا حول ولا قوة الا بالله العظيم وحسبنا الله ونعم الوكيل

اللهم فرج كرب هذه الأخت وارفع همها واهدي أباها لما تحبه وترضاه

يا ربنا لا ملجأ لنا سواك إن لم ترحمنا أنت فمن ذا يرحمنا إن لم تعنا على نوائب الدنيا

فمن ذا يعيننا ربنا أيدينا نرفعها اليك فلا تردنا خائبين ربنا انزل علينا السكينة في قلوبنا

واملأها بالايمان بك وباليقين بقضائك وقدرك واجعل ما هو آت خير مما فات

واجعل الضر الذي مسنا في ميزان حسناتنا ولا تفتنا ولا تمتحنا وعافنا واعف عنا

ربنا هذا الدعاء ومنك الإجابة فاللهم عجل بالخلاص لنا يا ربنا

[منهاج]

السلام عليكم

ربي يكون معاك

[yasmina31]

اصبري اختي و ان شاء الله ربي يفرج عليك عاجلا غير آجل و يفرحك و يحنن قلب باباك عليك و يهديه

[Blanche neige s]

الصبر مفتاح الفرج

[sarra5]

rabiii ysabrak w yahdiiiii babak

[موح الحراشي]

و عليكم السلام،والله موقف مؤثر ما انت فيه،
و ما اصعب الظلم،خاصة من المقربين،انت مزالك صغيرة،
وا ن شاء الله ربي يحنن قلب الوالد تاعك،ولا تدرين بين ليلة و ضحاها
فقلوب العباد بين اصبعبن في يد الرحمن،نتي تصدقي دوما،و ادعي ،و ابعثي لامام
حيكم يوعي بطريقة غير مباشرة عن هده الافات و ربي يفرج

[mira mira02]

الصبر ثم الصبر ثم الصبر حسبي الله و نعم الوكيل ربي يهدي الاب تاعك الى الطريق المستقيم والله اثرتي فيا بزاف واش نقلك ربما كاين ناس راهم يعمرو راس باباك احنا تان كي كنا صغار الاب تاعنا عاملنا كيما انتي كان يسبنا و يدعي علينا كانا بنات واخ واحد حتى هو ماطلقوش بالسب و شتم و معاير بصح احنا كانت الام تاعو و اختو و خاوتو هوما لي معمريلو راسو و يقولولو عندك غير الهم قصدهم البنات هوما هم بصح احنا صبرنا و قرينا رغم الظروف الصعبة لي عشناها و ربي افتح علينا بمناصب و مع الايام الاب تاعنا تغير و بدا قلبو يلين راكي عارفا علاش لان الناس كلمهم قالولو عندك ماجبت والله 5بنات خيرمن 100راجل و ولد واحد خرجللك خير من 100ولد والله صدقينا خرجنا خيرمن ولاد عمومنا خلاصة القول الناس الغيارة تقدر تدير واش تحب انت ادعي ربي باش الاب تاعك قلبو يلين راني متاكدة انو يجي نهار ويفطن ربي يجيب لي فيه الخير ربي يعوضك خيرا ان شاء الله ربي يعطيك على حساب قلبك

[مواطنة]

السلام عليكم ورحمة الله و بركاته
اختي الفاضلة كل اذا اردت ان ترتاح نفسيتك على الاقل دون ان تحل مشاكلك مبدئيا حاولي الذهاب لمستشفى و رايت الناس المرضى فستعرفين قيمة الصحة وعندما ترين اناس يعانون اكثر منك ستحمدين الله و هذا هو السر ما ان رضيت بقدر الله سترتاحين و اعلمي انه ما دمت حية كل شيء عندو حل
ابوك الله يهديه و يحنن قلبو عفوا اذا هو صعيب و يحب الماديات نقولك حاجة بالك جيك غريبة لكن مفيدة جدا جدا خصصي له مبلغا شهريا من المال لوجه الله لن يتقص مالك بل ستزيد حسناتك حتى و ان لم يخبرك ربما يريد منك ان تفهمي و اعطيه المال بولسطة امك و اعطي لامك كذلك يا اختي الهدية تحنن القلوب الصعبة و بمرور الوقت سيتغير باذن الله ما تقوليش هادا مالي ما عندوش حق لكن اذا راكي حابة بابك يرضى عليك و الله يرضى عليك كوني سخية و لا تشتري للبيت فقط ساعديه هو.اما عن الرجل الذي تريدينه اقول لك نصيحة مباشرة اذا رايت ان اباك لا يريده فلا تجعلي حياتك جحيما من اجله و تفسدي علاقتك مع والدك لانه بالاخير لن تلجئي لغير والدك من الناس عندما تشتد امور الزواج و انشاء الله فيه خير. و قصص الدفاع عن الحب خرطي مسلسلات لان الراجل لي يرضاو عليه الاهل يحبوه و يحبوك و لي ما يرضاوش عليه يكرهوه و يكرهوك و يبقاو يسناو وقتاش تفسد علاقتكم و ليست بحياة متوازنة .
اختي ارضي بما قدره الله لك في الشياء التي ليست بيدك تغييرها و اسعي لكسب الاب و اكثري من الدعاء و الاستغفار

[farah16]

ربما عليكي بتغيرنظرتك للأمور في بعض الأحيان الإنسان عليه بالتفكير بعكس ما يره بمعنى أنه الأمر سيء يره من الجانب الأحسن لك شيء بقدر ةو كل شيء له غاية ربما الوالد تلفظتي بكلمة عن غير قصد فأذته نصيحتي لكي أنه مهما كان فهو أب لا يجوز الخطأ في حقه ولكن الصبر أعرف حالة لسيدة ذات توامين يعني بمسؤلية وليست بمستوى تعلمي و مصدر الدخل حديث و قليل و معاملة ألأم لها سيئئة أكثر مما كتبتي و أيضا عليها تكاليف تفوق دخلها البسيط و في بعض الأحيان يزيد الطينة بلة المشاكل التي تحدث معها في العمل لكنها تقول الحمد لله و بالإصرار في السؤال حتى تحدثك بما تعانيه
فرضا و رؤية الأمور بجانب منير تزيل عنكي الكثير
فرج الله همك
أرجو أن أكون بالفائدة

[sali-sali]

مهما كان ماتقوليش حسبي الله و نعم الوكيل لانو يبقى اباك.........قولي الله يهديه
جربي تتقربي منو باي طريقة ...حتى و ان صدك ارجعي وحاولي
تحدثي معه بكل صراحة


ربي معاك اختي

[طيب القلب]

الله يفتح عليك

[*نآدرة~]

ياختي ياختي واش نقولك والله غير غاضني حالك،الله يفرج عليك ويقويك
لوكان جا هاذ الظلم من واحد بعيد والله ما تغيض كيما هاك بالصح كي جا من أقرب الناس ما تلقاي ماتديري وزيد هذا الاب لي وصى عليه ربي سبحانه ولي رضايته سبب سعادتنا،واش ديري اصبري ومن ربي يجي الفرج،ما عندنا ما نقولولك ما ترديش عليه وخليه يهدر كيما يبغي انت المهم ربحيه سكات،وادعي ياختي وصلي واستغفري واكيد ربي ما يضيعكش
الله يرزقك الزوج الصالح لي يعوضك ويسعدك ويجعلك أميرة زمانك
ما تغلطيش مع باباك يبقى يبقى باباك بالاكي ديري حاجة تندمي عليها
وربي يوفقك ويفتح عليك وتعيشي خبرينا عليك مين ذاك وطمنينا

[loulou02]

لا حول ولا قوة الا بالله

و الله يا أختي ماعرفت ما نقول غير ربي يفرج عليك ، و نزيد نقولك مراكيش الوحيدة في مثل هذه الحالة ، كاين بنات بزاف كيما حالتك و أكثر كيما يقولو "البيوت أسرار" .
إصبري و أكثري من الإستغفار و متقنطيش ، إنما أمره بين الكاف و النون ، و إذا أراد شيئا قال له كن فيكون .

[محبة عبد الرحمان]

يا أختي الصبر هذا باباك ما كان حتى هربة منو حاولي تتقربي ليه اشريلو حوايج يحبهم و قولي لماماك تهدر معاه و ما تنسايش الدعاء و الله ي أختي ما كانش عبد رايح في هذي الدنيا اعتبريني أختك وقت ما حبيتي تفرغي قلبك راني هنا سلام

[هدى الجيجلية]

السلام عليكم
اختي
مهما قلتي ومهما فعلتي
هذا أبوك
وربي ايخلهولك يارب
وصدقيني اختي
والله راح أيغير كلامه
مهما طال الزمن او قصر

[rosa allia]

والله حكايتك حزت في نفسي يا أختي ماعندك ماديري جات في باباك لازم تحملي وخلاص حاولي تتجنبيه على قد ماتقدري وكثري من الإستغفار وأن شاء الله ربي يفتح ويفرج عليك راني مجربة كي يكون باباك غضبان عليك خاصة كي يكونو ناس من برا هوما اللي يعمرو فيه، وزيد كانت عندي وحدة صحبتي باباها يسبها يدفلها في وجها حاشاك لكنها تزوجت وفي وهران أقصى الغرب عندنا ولى يموت عليها ويتمنى غير بشوفها ويحكي معاها
أحسني الظن بربي سبحانو وربي يفرج عليك

[حزن بحر]

ربي يلين قلبو ان شاء الله

[املي بالله]

مشكوووووووووووووووووورين اخوتي علا مساعداتكم المعنوية والله قريت ردودكم ريحت شوية و اسمحولي ل مكنتش نرد عليكم اول باول انو الجهاز كان ممنوع عليا دخلت ن عند صاحبتي برك باه نشوف اراءكم اخوتي و اخواتي .كيما قلتو هدا بابا ندعي ربي يهديه و يفرج علينا كامل و الله رايحا نموت من راسي و جع غير طبيعي تخيلو واش قال الموت تديها يا رب .انا واش راح نقول اميييييييييييييييييييييييييين يا رب.

[مريم الصابرة]

السلام عليكم اختي
لا حول ولا قوة إلا بالله معليش اختي تحملي وصبرك عند ربي مهما نحكو تبقاي إنت صاحبة المعاناة وربي راح يمتحن في قوة صبرك وهذا باباك مهما كان يجي نهار يعرف قيمتك وخلي الماديات تروح إعتبري روحك ما راكيش تخدمي كيما قالت الأخت خصصي مبلغ مالي مديهولو في سبيل الله حاولي ترضيه معليش خلصي الفاتورة عارفة بزاف عليك وعارفة وحسيت بكل كلمة كتبتيها وربي معاك ولكن يبقاو اهلك احسن بزاف من الشارع حاولي تحكي مع إمام جامع ينصحو من بعيد لبعيد بلاما يحس إنك إنت قلتيلو يعني يدير خطبة او اي شيء ممكن يحرك قلبو أحكي مع امك تحاول معاه وانا نقولك لما يعاملك هكذا روحي صلي وإدعي ربي الدعاء يسهل امور بزاف وندعيلك ربي يحنن قلبو موفقة

[أم عائشة أنفال]

اصبري يا أختي.....وان شاء الله ربي يفرج عليك

[fati 17]

الصبر الصبر اختي حال مايبقى على حالو

[oum anas 69]

rabi m3ak okhti w ya3tik asbar w rabi yarazkak zawj salah li tarday 3lih w babak rabi yahdih wallah makhaliti fiya walooooooo