تنظيف الطابونة [الأرشيف] - منتديات الجلفة لكل الجزائريين و العرب

فراشات العمر

2013-01-22, 08:19

السلام عليكم شكون تمدلي الطريقة تاع تنظيف الطابونة او البيتاغاز وشكرا مسبقا

ام البنتين

2013-01-22, 09:18

نعم شمري برك على يديك +الماء الساخن و صابون الغسيل

souads

2013-01-22, 11:19

اشري نازع الدهون ينظف الة الطبخ وسطحها الخارجي وصفائح الطهي والشواء واواني كذلك الخزف
فقط قومي بالرش على السطح وانتظري 10دقائق ثم امسحي واغسلي المنطقة وشوفغي النتيجة راه يتباع وسعره 150دج

djihanegirl

2013-01-22, 14:20

انصحك بالنظاف أو جيف رشي و امسحي بعد دقائق

اسماء47

2013-01-22, 14:35

عندي ليك زوج طرق علابالي الا جربتي وحدة فيهم راح تدعيلي
في حالة حابة تنقي داخل الكوشة
تحطي شوية خل و شوية ماء في طبق و تشعلي الفور اقصى درجة و دخلي فيه هاذاك الطبق كي يبدى يتغلى حكي الفور من الجوانب باش يتنحى الزيت
و العيون حطيهم في طاجين فيه نصف كاس خل و قارص و صابون تاع مشينة ولا صابون الطرف و تخليهم يغلو و حطيهم بالسلك و البسي القفازات باش يديك ميخسروش
و عندي تاني طريقة اسرع و اروع
و هي تجيببي بيكاربونات الصودا تذريهم في الطابونة و ترشي عليهم الماء و تخليه ساعة او اكثر و امبعد حكيه
و رجعيلي لخبر

فراشات العمر

2013-01-23, 07:02

عندي ليك زوج طرق علابالي الا جربتي وحدة فيهم راح تدعيلي
في حالة حابة تنقي داخل الكوشة
تحطي شوية خل و شوية ماء في طبق و تشعلي الفور اقصى درجة و دخلي فيه هاذاك الطبق كي يبدى يتغلى حكي الفور من الجوانب باش يتنحى الزيت
و العيون حطيهم في طاجين فيه نصف كاس خل و قارص و صابون تاع مشينة ولا صابون الطرف و تخليهم يغلو و حطيهم بالسلك و البسي القفازات باش يديك ميخسروش
و عندي تاني طريقة اسرع و اروع
و هي تجيببي بيكاربونات الصودا تذريهم في الطابونة و ترشي عليهم الماء و تخليه ساعة او اكثر و امبعد حكيه
و رجعيلي لخبر
بارك الله فيك هذه الطريقة لي كنت ابحث عنها جزاك الله كل خير

ROSEBLANCHE78

2013-01-25, 19:03

لماذا هذا الكلام يااخواتي:o:dj_17:

دموع تائبة

2013-02-08, 13:34

بارك الله فيك على النصيحة

نجوى لحلوة

2013-02-08, 14:58

نعم شمري برك على يديك +الماء الساخن و صابون الغسيل
والله ضحكتيني

oum radja

2013-02-10, 03:53

اشري المنظف force expresse يعطيك نتيجة هايلة بدون ما يؤذي يديك

nounoudjs

2013-02-13, 08:39

بارك الله فيك

امال222

2013-03-23, 19:09

دواء تصبير الزيتون له فاعلية كبيرة للقضاء الزيوت

كريمة كوكة

2013-03-24, 22:17

نعم شمري برك على يديك +الماء الساخن و صابون الغسيل
راهي تقول طابونة ماشي سلة حوايج؟؟؟؟

حواء 19

2013-03-30, 15:24

انا كويزينيار نغسلها بالماء و نديرلها لى برووي وتخرج تشعل بصح الطابونة جامى نغسلها لابها تزنجر من الداخل و تولي تكحل الطاجين ا

لميس حواء

2013-03-30, 20:38

مشكورات اخواتي لقد استفدت من المعلومات المقدمة

هيام الكسندرا

2013-05-17, 22:57

بارك الله فيك

اسماء الشطورة

2013-07-14, 12:25

لعلم الجميع تنضيف الطابونة صعب سيرتو للمبتديئات والحل الافضل لكل ربة بيت لتنضيف الطابونة هو انك تحكمي الطابونة وتنزعي منها اليد النحاسي و تفتحيه ومن الافضل اكون الزوج او الاخ اكون يعرف باالنسبة ليا انا نفتحو ونغسلو باالقارص ونحكو مليح يرجع يلمع ونضفو بلقطنة مليح ونتركو ينشف مليح ومبعد نحكم الطابونة الكحلة ونوجد لحطب في بتية كبير ةوندير مجموعة كبيرة من الحطب ونحط الطابونة والكانون انتاعها ونضيف لحطب فوقها ونشعل النار بشوى مازوت باه تشعل النار بلخف وخليها ان تطفي النار وتبرد ونرفدها بلعقل ونجيب الشيتة ونحكها مليح ومبعد نغسلها باالماء والصابون و نضفها ..ونزيد نحكم اكانون انتاعها ونضفو كذلك باالماء والصابون ونضفو مليح ومبعد انخليهم في الشميسة حتى ينشفو مليح ومبعد نركبها كما كانت وهنا كملنا تنضاف انتاعها و ركبناها وباه تجتنبي ان تتوسخلك حطى طرشونة مشمخة على يد الطابونة تاع النحاس وتركيها وعندما تطبخي بزيوت او اي حاجة متتوسخش لك بلخف وشكرا وان شاء الله اذا مفهمتوش خبرونى رانى في الخدمة اختكم الشطورة

اسماء الشطورة

2013-07-14, 12:56

رانى مجربتها وفي هذا رمضان نضفت طابونة ديالي وخليتها تشعل شعيل