طبطبطاب اول تطبيق ليا ندخل و الا نرجع منين جيت

[~ حراير ~]

السلام عليكم و رحمة الله تعالى و بركاته
اخواتي لعزيزات و لحبيبات الي نعرفهم و والي راح نتعرف بيهم

من مدة طويييييييلة و انا ندخل لمنتدى الطبخ نهز الوصفة الي نحبها و نخرج دون حتى ان احمل نفسي جهد كتابة رد
...... لكن تأكدو اني ندعي عن ظهر الغيب:rolleyes: .....

لكن مرة و بالضبط في موسم اول محرم دخلت للمنتدى و لقيت أكلة تقليدية اسمها المقطعة طبعا هي لأختنا الشاطرة و القافزة مونية ك
و قالت ان كل الجزائر تعرف هاد الكلة التقليدية لكني اكدتلها اننا في بسكرة مانعرفوهاش و بعد ما جربتها و ذقت طعمتها المميزة عرفت اني كنت غالطة و الدزاير كلها تعرفها و انما احنا في بسكرة نسموها بطوط احمر

على هكدا كي جيت اليوم نفرغ هاتفي من الصور و نوضع تطبيقاتي حبيت نبدأ باول تطبيق استفزتني صاحبته بكلامها الطيب و خلاتني نرد عليها

مونية حبيبتي شكرا لك الي خليتيني نكون وحدة من حراير و شاطرات المنتدى:19:

و ياله بعد هاد التعبير الكتابي نبداو في الأهم و هو الأكل "و كان حضر المأكول .............. تذهب لعقول":1:

http://im36.gulfup.com/qdJ81.jpg (http://www.gulfup.com/?DLFb5v)

نبداو بسم الله
و هاد هوما المكونات قديد ، فول أخضر، حمص طايب ، بطاطا، جزر، ثوم ، فرماس للبنة، فلفل حار ، شوية بصل شوية ثوم و طبعا محبوبة الجماهير الدبشة "القسبر"
و الطماطم الحب و المصبرة

http://im36.gulfup.com/3Hk02.jpg (http://www.gulfup.com/?cOmCBS)

http://im36.gulfup.com/JlFp4.jpg (http://www.gulfup.com/?7uQkII)

و هنا حبيت نأكد على التوابل
درت طبعا ملح و راس حانوت بسكري حر ، و فلفل احمر حاااااااااااااااااااااااااااار، و قنطس "الي مايعرفش القنطس هو عود بني و لما تهرسيه تلقايه ابيض و هو يطلق توزويز في الفم دون حرارة يعني تمويه على الحرارة nfused::1::confused:"

http://im36.gulfup.com/6pev3.jpg (http://www.gulfup.com/?lEoyZ4)

و هاد راني لحت كلشي في البرمة بارد في بارد يعني ماقليتش

http://im36.gulfup.com/7vz49.jpg (http://www.gulfup.com/?wY436E)

و درك نروحو للعجينة هاي ليك فرينة و قرصة ملح و تلميها

http://im36.gulfup.com/QvYB5.jpg (http://www.gulfup.com/?n4vcHQ)

و تحليها

http://im36.gulfup.com/xqYB6.jpg (http://www.gulfup.com/?iciRrM)

مونية قوليلي هك محلولة مليح و الا رقيقة

http://im36.gulfup.com/KGXo7.jpg (http://www.gulfup.com/?F6WE2N)

و هنا قطعناها

http://im36.gulfup.com/sHdU8.jpg (http://www.gulfup.com/?3UFto8)

اكيد استغربتو وعلاش مقطعة باحجام متنوعة ...... طبعا كل واحد و قياس فمه :D ..... عذرا عذرا رني نتمسخر السبب انه مونية ماقلتلناش على الطول و العرض هيههيهيهيهيهيهيهيه:sdf:

و هنا غربلناها من الفرينة

http://im19.gulfup.com/z8au1.jpg (http://www.gulfup.com/?qYdyTB)


و هنا لحناها مع المرقة الي طابت خضرتها

http://im36.gulfup.com/8sqE10.jpg (http://www.gulfup.com/?IXXHK8)

و امممممممممم ريحة الفلفل الحار تققققققققققققققققققققققتل

http://im19.gulfup.com/xpjK2.jpg (http://www.gulfup.com/?mOuVjV)

و هنا سقيناها ماقدرناش نصبرو حتان تبرد الريحة في الدار دارت حالة

http://im19.gulfup.com/GZwq3.jpg (http://www.gulfup.com/?8i11v5)

و شوفو راني طيبت معاها رخساس لأنه جاتني تشبه للعيش و احنا من عادتنا ناكلوه بالرخساس


http://im19.gulfup.com/QKJo4.jpg (http://www.gulfup.com/?gcqzVl)

اوووووووووووووه شكون الي جات درك خسارة ماجيتي تكملي تقراي التعبير الكتابي تاعي حتان لقيتي القصعة

http://im19.gulfup.com/8q885.jpg (http://www.gulfup.com/?IwidqE)

:mh31::mh31::mh31:


حق نسيت هو ليكم الرابط تاع الوصفة
http://www.djelfa.info/vb/showthread.php?t=1139832

[zhor1970]

ايه اختي يعطيك الصحة هي اكلة معروفة بزاف في الشرق الجزايري كيما قلت المقطعة وتاني المقرطفة


حبيت برك انقولك باللي كيتفتحيها رشي عليها الفرينة وروليها حول نفسهاكيما انروليو ورقة البوراك ومن بعد قطعيها رايحين ايجيوك كل القطع متساويين ويعطيك الف عافية

[أنوثة شرقية]

تطبيق هايل يعطيك الصحة

[~ حراير ~]

ايه اختي يعطيك الصحة هي اكلة معروفة بزاف في الشرق الجزايري كيما قلت المقطعة وتاني المقرطفة


حبيت برك انقولك باللي كيتفتحيها رشي عليها الفرينة وروليها حول نفسهاكيما انروليو ورقة البوراك ومن بعد قطعيها رايحين ايجيوك كل القطع متساويين ويعطيك الف عافية

شكرا يا زهور و يعطيك الصحة على النصيحة
في الحقيقة انه احنا تقريبا انقرضت هاد الأكلة عندنا في بسكرة يعني قلييييييييييل الي يطيبها لكن حلت محلها اكلة تشبهلها اسمها "بطوط احمر" فقط العجينة نطيبوها و نقولولها مرخوس و نفتوها رقيقة و بعدين نجمروها في المرقة و هي تقريبا نفس الذوق و البنة

شكرا على ردك العطر يا زهور

[ساندي 28]

كان درتيهم نفس الشكل بصح مليحة شكرااااااااااااااااااااااااااااااااااااا

[ام فريال]

بصحتكم وفي لخر جاتك هايلة انا نديرها بسميد ارطب ونحلها بفرينة بصح عند بالي
في بسكرة ايديروها

[الأمنيات]

ايه ماشاء الله ركي جايبتها تبارك الله نجي نتغذى عندك
شكرااااااااااااااااااااا لك

[أم ماجد]

هذه دخلة رائعة اختي اريج يا الفحلة نحن في سطيف نديروها بكثرة وقت الشتاء

[it's me]

اييييه راهي دايرة حااالة طاطا و انا ناعلاباليييش
هاذي احنا نسموها الحسوة
الله يبارك تطبيق رااائع

[ام ملاك.]

خرجتلك روعة شهيتيني اممممم خسارة القصعة خلاصت
هداك هو الفتيح نتاعها المهم تكون رقيقة وماعليش كل يوم تديريها حتان تولي تجيبي تقطاعها
هي من الاحسن تجي رقيقة بلبزاف
مي جاتك روعة خير من تاعي
بصحتكم

[ام ملاك.]

نسيت النقطة
11على 10
متازة جدا جدا جدا

[ام حسسام]

راني جيعانة اعطيني ناكل هههههههههههههه

[oumraja]

يعطيك الصحّة أختي جاتك هايلة وربّي يحفظ الجزائر من أقصى الشمال لأقصى الجنوب ومن أقصى الشّرق لأقصى الغرب ويجعله بلداً آمنا مطمئنّاً

[omaymen]

ههههههههه انا تاني مجيت نكمل القراية لقيت القصعة فارغة خليتي برك الفلفلة حبيتي تشوطيلي فمي :sdf: ههههههههه
نتمسخر بيك انا نحب الحار بزاف
تطبيق رائع و عجبني اسلوبك المرح

[سمراء الدنيا]

راكي تهيمي منا و احنا نقولو وين غبتي
نقولهالك للمرة الثانية نحييك على الكوراج نتاعك تزدمي بكل قوة
ربي يخليلك صحيحتك .... و بصحتكم القصعة الشهية ...

[hadjer]

الله يبارك و الله غير تتحفة

[kiya]

يعطيك الصحة اريج يا بنت الزيبان جات تشهي ولله غير نتفرج ويريوق تسيل بصحتك
بصح راكي بخستي بينا يخاه عليك كيفاش تقولي مانعرفهاش هاذي الاكلة ندريوها وخاصة كي يكون واحد مزدور وندروها غير مرقة ماندرولهاش الخضرة ونسموها التقطيعة وتجي حارة وحامظة تمسح القلب

[feuilleblanche17]

بصحتكم حنا منعرفوهاش في الجلفة
حنا نديرو الشخشوخة

[بسمة فرح07]

الله يبارك قصعة وعليها الكلام ران جاية نتعشى معاك

[فراشات العمر]

اممممممممممممممممممممممممممممممممممممممممممممممممم ممممم امممممممممممممممممممممممممممممممممممممممممممممممم

[وفاء سعاد]

قصعة تبرد عل القلب وتنحي الدمار والزعاف واش نقولك حرة بنت حرة والله غير سخفتيني انا مانعرفهاش بصح نجربها مليحة في البرد بزاف

[*أم كوثر*]

امممممممممممممم قصعة تشهي في هد البرددددددد
تسلمي

[نبض الفؤاد]

bon courage ma chère

[ماريا205]

يعطيك الصحة يا اريج والله شهيتينا في هذ البرد
بصحتكم قصعة وعليها الكلام

[meriama13]

يعطيك الصحة
هاد الاكلة جامي كليتها مانديروهاش في الغرب

[ام عبيدة]

حنا نقلولها المقطيعه وندروها للنافس

باركالله فيك

[أنا أمهم]

ليلى تدق الباب؟؟؟؟؟؟؟؟ تفضلي البيت بيتك !!! المرة الجاية من غير ما تدقي ههههه أدخلي طوالي ههههه



تطبيق موفق صحة و بالشفاء ليكم

[naughty13]

ya3tik essa7a ya okhti

[geroise]

يعطيك الصحة

[dahbia2009]

يعطيك الصحة أختي [تطبيق ممتاز إحنا فقلولها المقرطفة عند القبائل والمقطعة في سطيف انا نعملها في الشتاء خاصة في الثلج نعملوها بالسيد كي نجوى نقطعوها ندردرو الفرينة من فوق مليح نلافوها ونقطعوا بارك الله فيك بسكرية فحلة

[~ حراير ~]

السلام عليكم و رحمة الله تعالى و بركاته

تطبيق هايل يعطيك الصحة

الله يسلمك حنونة شكرا على كلامك الطيب

كان درتيهم نفس الشكل بصح مليحة شكرااااااااااااااااااااااااااااااااااااا

راني درتهم تقريبا زي بعضاهم خاصة في البرمة ماعادوش باينين ... حبيت نتمسخر معاكم برك

بصحتكم وفي لخر جاتك هايلة انا نديرها بسميد ارطب ونحلها بفرينة بصح عند بالي
في بسكرة ايديروها

الله يسلمك ام فريال صح يديروها لكن تتبدل التسميات كيما قلت

ايه ماشاء الله ركي جايبتها تبارك الله نجي نتغذى عندك
شكرااااااااااااااااااااا لك

مرحبا بيك الأمنيات تشرفيني
ايه ارواحي تنحي الزعاف و البرد

هذه دخلة رائعة اختي اريج يا الفحلة نحن في سطيف نديروها بكثرة وقت الشتاء

الله يسلمك ام ماجد يا الشاطرة انا ثاني ماعادتش تخطي داري خاصة مع هاد البرد

اييييه راهي دايرة حااالة طاطا و انا ناعلاباليييش
هاذي احنا نسموها الحسوة
الله يبارك تطبيق رااائع

الله يسلمك بنيتي


خرجتلك روعة شهيتيني اممممم خسارة القصعة خلاصت
هداك هو الفتيح نتاعها المهم تكون رقيقة وماعليش كل يوم تديريها حتان تولي تجيبي تقطاعها
هي من الاحسن تجي رقيقة بلبزاف
مي جاتك روعة خير من تاعي
بصحتكم

الله يسلمك مونية
شفتي كيفاش قدرتي تخرجي الغولة الي كانت مخبية
يعطيك الصحة و ربي يبارك فيك و في اهلك و رزقك
و النقطة خلاص راهي عجبتني :19:

راني جيعانة اعطيني ناكل هههههههههههههه

ارواحي ارواحي تاكلي الخير بزاف :1:

يعطيك الصحّة أختي جاتك هايلة وربّي يحفظ الجزائر من أقصى الشمال لأقصى الجنوب ومن أقصى الشّرق لأقصى الغرب ويجعله بلداً آمنا مطمئنّاً

االلهم آمين لبلادنا لحبيبة و لكل بلدان المسلمين

ههههههههه انا تاني مجيت نكمل القراية لقيت القصعة فارغة خليتي برك الفلفلة حبيتي تشوطيلي فمي :sdf: ههههههههه
نتمسخر بيك انا نحب الحار بزاف
تطبيق رائع و عجبني اسلوبك المرح

سلامة قلبك و سلامة فمك الي يطلق الشهد و لعسل
شكرا عزيزتي ام ايمن و ربي يحفظهولك و يحفظك

[~ حراير ~]

راكي تهيمي منا و احنا نقولو وين غبتي
نقولهالك للمرة الثانية نحييك على الكوراج نتاعك تزدمي بكل قوة
ربي يخليلك صحيحتك .... و بصحتكم القصعة الشهية ...

الله يسلمك يا سمراء ياله المرة الجاية نطبق من عندكم من البيض الزينة و من عند سمراء لحنينة

الله يبارك و الله غير تتحفة

يبارك فيك و ينجيك عزيزتي هاجر

يعطيك الصحة اريج يا بنت الزيبان جات تشهي ولله غير نتفرج ويريوق تسيل بصحتك
بصح راكي بخستي بينا يخاه عليك كيفاش تقولي مانعرفهاش هاذي الاكلة ندريوها وخاصة كي يكون واحد مزدور وندروها غير مرقة ماندرولهاش الخضرة ونسموها التقطيعة وتجي حارة وحامظة تمسح القلب

الله يسلمك بنت بلادي انت رواقينك سالو على الماكلة و انا ريوقي سالت على كلامك العسل يا عسل
احنا ثاني نديروها بصح بالمرخوس
اما هاذي التقطيعة فراني كلمت اما اليوم نسقسي فيها عليها قاتلي اييييييييييييه بكري كنا نديروها سخفتيني ارواحي تطيبيهالي ...... هيهيهيهيهيه هيا على السعد و الوعد نضت لبست جلابيتي و رحتلها تاكل و توحوح :1:

بصحتكم حنا منعرفوهاش في الجلفة
حنا نديرو الشخشوخة

الله يسلمك جربيها راهي ساهلة و بنيييييييييييييييينة

الله يبارك قصعة وعليها الكلام ران جاية نتعشى معاك

مرحبا بيك يا بسمة ارواحي نفرحو معاك

اممممممممممممممممممممممممممممممممممممممممممممممممم ممممم امممممممممممممممممممممممممممممممممممممممممممممممم

ياله جربيها باش تقولي اممممممممممممممممممممممممممممممممممممممممممممممممم مممممممممممممممممممممممممممممممممممممممممممممممممم مممممممممممممممممممممممممممممممممممممممممممممممممم مممممممممممممممممممممممممممممممممممممممممممممممممم مممممممممممممممممممممممممممممممممممممممممممممممممم مممممممممممممممممممممممممممممممممممممممممممممممممم مممممممممممممممممممممممممممممممممممممممممممممممممم مممممممممممم

قصعة تبرد عل القلب وتنحي الدمار والزعاف واش نقولك حرة بنت حرة والله غير سخفتيني انا مانعرفهاش بصح نجربها مليحة في البرد بزاف

الله يسلمك وفاء جربيها راح تعجبكم و راهي تغيير رائع من الأكلات الخفيفة الي رهجونا بيها

امممممممممممممم قصعة تشهي في هد البرددددددد
تسلمي


الله يسلمك ام كوثر

bon courage ma chère

شكرا عزيزتي

يعطيك الصحة يا اريج والله شهيتينا في هذ البرد
بصحتكم قصعة وعليها الكلام

الله يسلمك ماريا شكرا على مرورك و كلامك الطيب

يعطيك الصحة
هاد الاكلة جامي كليتها مانديروهاش في الغرب

الله يسلمك ياله اسرعي اسرعي و جربيها خاصة مع هاد البرد راهي رائعة

حنا نقلولها المقطيعه وندروها للنافس

باركالله فيك

و فيك بارك الله شكرا لمرورك الجميل ام عبيدة

[~ حراير ~]

ليلى تدق الباب؟؟؟؟؟؟؟؟ تفضلي البيت بيتك !!! المرة الجاية من غير ما تدقي ههههه أدخلي طوالي ههههه

ربي يزيد فضلك و يقوي ايمانك و يمد في عمرك آمين
راني زعم حشمانة قلت نطبطب لكن منا وجاي راح نزدم على طول كي نحيتولي الحشمة :1:

تطبيق موفق صحة و بالشفاء ليكم

الله يسلمك عزيزتي و شكرا على ردك الجميل و المميز الي نورلي صفحتي


ya3tik essa7a ya okhti

الله يسلمك حنونة

يعطيك الصحة

بارك الله فيك عزيزتي على مرورك

يعطيك الصحة أختي [تطبيق ممتاز إحنا فقلولها المقرطفة عند القبائل والمقطعة في سطيف انا نعملها في الشتاء خاصة في الثلج نعملوها بالسيد كي نجوى نقطعوها ندردرو الفرينة من فوق مليح نلافوها ونقطعوا بارك الله فيك بسكرية فحلة

و في ك بارك الله
شكرا لك عزيزتي على ردك
نقولك يا دهبية هاد المقرطفة في عنابة هي التريدة تاع قسمطينة
يعني ممكن تكون اكلة واحدة و تختلف تسميتها
ربي يحفظلنا دزايرنا و يجعلها آمنة سالمة و كل بلاد المسلمين آمين

[لمسة حنية]

الله الله ياريج فعلا ابدااع وتطبيق راائع وروح خفيفة ومرحه ارووووووووووووع ماشاء الله عليكي
وعلى القصعة الراائعة شهيتينا في شتاء البارد بصحتكم

[soriaalg]

بصحتكم اختي روعة ما شاء الله وتعبيرك اروع عندك اسلوب هايل

[نزهة الربيع]

امممممممممممممممممم باينة بنيينة تسخف خاصة في هدا البرد
تاكلي بالصحة والهناء

[~ حراير ~]

الله الله ياريج فعلا ابدااع وتطبيق راائع وروح خفيفة ومرحه ارووووووووووووع ماشاء الله عليكي
وعلى القصعة الراائعة شهيتينا في شتاء البارد بصحتكم

الله يسلمك اختي و يبارك فيك
ياله كي شهيتك جربيها و ماراحش تندمي

بصحتكم اختي روعة ما شاء الله وتعبيرك اروع عندك اسلوب هايل


الله يسلمك حبيبتي فرحتيني بكلامك الطيب

امممممممممممممممممم باينة بنيينة تسخف خاصة في هدا البرد
تاكلي بالصحة والهناء

الله يسلمك وخيتي
وش هاد الدبلوماسية
خلي كي تجي و نحكيو خير :mh31:

[Minnnaaa]

http://img169.imageshack.us/img169/7966/13826677141751639635ax9.gif

[قطرة شكولا]

تسلمي حنونة بارك الله فيك