تعال و فرغ قلبك ههههه

[ibtissem488]

:mh31:أريد أن أعرف رأيكم في أساتذتكم هذا العام لأنني هذا العام أعاني كثيرا خاصة أن أستاذ العلوم "مسكر وحابس "
أما الفيزياء فحدث ولا حرج غياب طيلة العام ،لكن أستاذ الرياضيات هو الأحسن.....هيه على كل حال انشاء الله نعوضوها العام الجاي وندوا الباك ونوريولهم التعليم نتع الصح
ماذا عنكم؟؟؟؟؟؟

[ياسمينة الجزائر]

السلام عليكم :
و الله نفس المشكل حنا تاني استادنا تاع الفيزياء ماكان ماكان
و العلوم يضلو يبدلونا في الاساتذة بصح الرياضيات استادنا روعة

والحاجة المليحة الي تعجب : زادت راحت علينا استادة العلوووووووم
يعني رانا في عداد الموتى لا فيزيا لا علوم
قولي يرحم باباك وش من باك نديوه؟؟؟؟؟؟؟؟؟؟؟؟؟؟؟
مشكورة اختي على الموضوع ومازال مابردتش قلبي مليح

[xp_10]

اسمع نقلك على الاساتذة نتاوعنا
أستاذ الرياضيات كاين فرق بين مسكر ولا حابس تعيا تفهم
وأستاذ الفيزياء ضال يهدر منفهمو عنوا والوا
أستاذة العلوم حدث ولا حرج
المهم ربي يكون في عونا وذرك رانا في الاضرابات ألى أخر السنة هذي قرايا ولا خلي
إضراب مفتوح
وشكرا على طرح الموضوع

[hibata]

ارى انكم بهدا تغتبون الاساتدة






















ولكن بصراحة هده فكرة رائعة فانا اعاني مع جميع اساتدتي

[xp_10]

اسمعوااااااااااااااااا أخر خبر رانا في إضرابات والأسوأ من هذا إضراب مفتوح الى أخر السنة
والله هذا عام ولا خلي

[soumia2050]

الله يكون في عونكم وانشاء الله تجيبو الباك وتتهناو منهم

[xp_10]

نشاالله من فمك لربي

[بلادي الجزائر]

رانا كامل كيف كيف يا خاوتي حنا الاستاذة تاع الفيزياء دايمن روطار وكي جي دير باقار مع الادارة وباش جي تقرينا تدخل للكلاسة الضوء متشوفوش وتاع العلوم يقوللنا البروقرام ساهل *هذي مشي قراية...........* والاستاذ تاع الرياضيات ميفهمناش خلاص يمدلنا رقم صفحة الكتاب ويقلنا اكتبو ويخرج يشايخ وكي تبقى 5 دقائق يجي يفهمنا وكي تصوني يقلنا الحصة الجاية انكملو .................ايه وشمن قراية ووشمن باك راكم تهدرو عليه يرحم باباكم...................................تحياتي... ...............وارجو ان تتقبلو مروري ....................سلام

[hamici aya]

بصحتكم حنا الاستاذ نتاع الفيزياء جاء هو اللي يقرينا عدنا حنا اللي نقريو فيه
اما استاذة الرياضيات زعمة هي اللي تعرف تقري في المؤسسة بصح مكان مكان من تدخل وهي تعيط علينا نتخرج
اما بالنسبة للعلوم الحمد الله منقراوهاش تهننا منهاربي يعوضنا العام الجاي ان شاء الله ونديو الباك مكرة فيهم

[المربي01]

السلام عليكم
نفس المشكلة في الفيزياء فهي دائما تنجخ و تعس غير الشيرات
اما تاع الطرائق حدث و لا حرج ملي يدخل و هو يسقسي كي سموك ؟
بصح تاع الرياضيات رررررررررررررررررررررررررررررووووووووووووووووووووع ة
الله يكون في عوننا ان شاء الله.

[92ahmed]

أما أ،ا لفيقال بأ، ثانويتنا هي الأحسن في الجزائر ولكن النتيجة وخدة كمايقال أو الريح فالشبك فأستاذ الفيزياء <ماشاء الله عليه > لا تكاد تفهم شيئالابببببببب الاكسدة الإرجاعية نديرو القانون منتبلخهايبس89يبعليباعهيب89ؤهرعيبو الم أستاذ العلوم <دبدوب> لاتي بجماعة والباقي الله يجيب وأستاد الريضيات لاتي ب2 قطات يعلم فيهم والنتيجدة نفس الشيء وعندما أقترح طريقة ما < لا تجدها القطتان > يقول لي < روح اكتبها فالفوروم> ونفس الشيء بالنسبة للفزياء أنا نفهمك ولال أنت تفمني لسيلهخعيسبغ8عفمنكبيغهخثق0حغبلختغثقخهمكوق4ى وهذه الطريقةتللاثبهختسلامنثقخهلبينليست منهجية

[Nour el houda93]

أيا بركاو مقباحتكم قاعدين غير للتمنشير ليجي يشوف يقولك يغيضو مساكن
كي تديرو واجبكم وتراجعو دروسكم كما ينبغي هذاك اليوم ارواحو تقيمو الاساتذة.......ماكمش فالمستوى باش تقيموهم
صح ماشي الاساتذة اكل كيف كيف بصح ضاهرة التمنشير والتقطاع راهي انتشرت بزاف هذا الوقت












من علمني حرفا كنت له عبداااا

[الهام الحياة]

ايه و الله الناس الكل تشكي من الاساتدة
احنا عندنا استادة الفيزياء ما فاهمة فيها والو .. كيف تدخل تقري احنا التلاميد نصلحولها اخطاء في الصبورة على خاتر نديرو ليكور عند استاد واحد اوخر..
و ما نحكيلكمش على استاد الرياضيات
و استادة التاريخ و الجغرافيا و ..............
بصح الحمد لله استادة العلوم روعة ماشاء الله تقري مليح
ربي يستر العام الجاي الباك ... كيفاه ريايحين نديرو

[الهام الحياة]

أيا بركاو مقباحتكم قاعدين غير للتمنشير ليجي يشوف يقولك يغيضو مساكن
كي تديرو واجبكم وتراجعو دروسكم كما ينبغي هذاك اليوم ارواحو تقيمو الاساتذة.......ماكمش فالمستوى باش تقيموهم
صح ماشي الاساتذة اكل كيف كيف بصح ضاهرة التمنشير والتقطاع راهي انتشرت بزاف هذا الوقت




من علمني حرفا كنت له عبداااا

اسمحيلي اختي بصح كاين صح معلمين لا علاقة :confused::confused: انا فاهمة خير منهم :mad::mad:
معليش هدا رايك يمكن انتي مش تلميدة :rolleyes: او المعلمين تيعك ملاح
كل واحد و وجهة نضرو

[basma1992]

انا نقول رايي و اللي عجبه فيها و فالخير واللي ما عجبهش الباب يفوت جملد
واش انقولك ابتسام راني عندي عامين انعاني من الغش انتاعهم ولاو يخدمو بلا ضمير
الحاجة الاولى احنا 45 واحد في القسم و زيد القاوها سبة والله عندي عامين ما رفدت والو لوكان ما انراجع بوحدي
واحد الاستادة انتاع الفيزياء يا لطيف تقول مراهقة .انهار انهار و هي تشوف في روحها و انتاع الرياضيات انوكل ربي اعليه
بصح انتاع العلوم ربي انشاء الله يعطيه بيت في الجنة .وحد الاستاد .جامي ننساه.يشرحلك الدرس حتى تحس روحك انت راك هاديك الحاجة اللي كيشرحلك فيها.يعطيه الصحة و الله ينورله ايامه و يطوله عمره انشاء الله.و المواد الاخرى من داك ماشي اساسية ما تهمنيش بزاف. ولكن خير من تاع الرياضيات و الفيزياء.الغش نورمال تحب و اللا تكره
و مرسي عليك اللي فتحتي هاد الموضوع باش انفرغلك قلبي
المهم ربي ايخلص كل واحد كان يغش و ضيع شحال من واحد و انقول لكل استاد اتقي الله في الرسالة اللي راك توصل فيها
مع احترامي لكل الاساتدة المحترمين.اللي يحسو بالمسؤولية.

[Barçawia]

والله انا ثاني استاذ الفلسفة ملي تدخل وهيا تملي ..اما العربية هايل .....و الفرنسية شويا يعني ...و الانجليزية رائعة بصح راحت.........والرياضيات والله ملي يدخل وهوا يكتب.............والعلوم يملي برك ...والفزيا كيفكيف..........ان شاء الله العام الجاي....
...

[القايمة]

والله الفزيا بدينا القرايا فالثلاثي 2 والرياضيات استادة مبتدئة اول عام تقري والعلوم معندناش استاذ

[فريال المحتاجة عفو الله]

تع العلوم : حدث و لا حرج تقول عليه يجري وراه قطار ما تفهمي عليه حتى كلمة
تع الفيزياء: صغير و يحير واااااااااااااااعر الدبانة ما تدورس في الحصة تيعو
تع الرياضيات: البورتابل ما يتنحاش من ودنو غير يبدل في الكوستيمات و الروايح و لي كرافات
تع الفرنسية: عمرها 22 سنة و تقرري في الثانوية هبلوها الدكورة
تع الانجليزية: روووووووعة دمها خفيف الحصة تيعها تعدي في ساع
تع العربية: عمرها ما كتبت في السبورة نداولو عليها أنا و 2 بنات اوخرين و عمرها لا كتبت في دفتر النصوص أنا نتولى المهمة على سعدي حتى من الإمضاء أنا لي نمضي واش رايكم
تع التاريخ و الجغرافيا: ما شاء الله مثقفة ياااسر تقول عندها انترنت في مخها و تحبنا نولليو كيفها الكايي راح يطرطق من المعلومات
تع العلوم الشرعية: المخير تع المخير أستاذ و لا أروع خاصة كي يتلو القرآن يا الله صوتو هاااايل
تع التربية البدنية: بابا العزيز
تع الإعلام الآلي: الأولى كانت حامل غير ترقد و الثانية روعة روعة روعة
تع التكنو: يروح باسل يجي اللي أكثر منو
انشاء الله يجيونا معلمين أحسن بصح نقولكم سر : " نموت عليهم كامل "

[خمينةb]

سلام عليكم
حنا استاذة الرياضيات ولله العجب كلش تمليه ملى ندخلو حتى نخرجو وكى نحوسو نفهمو تقلك كاين دروس خصوصية
وتخيلو اصعب درس تاع المات الاحتمالات فى اخر العام نسختلينا الدروس فى اوراق وقاتلنا اقروهم و افهموهم هههههه
ربي يسطر لاتحكما حتى العام الجاى

[فريال المحتاجة عفو الله]

و الله العظيم ما نكذب مرة الاستاذ تيعنا تع الرياضيات دارلنا فرض طلعو واش الفرض هادا 2 تمارينات من الكتاب كتبلنا الصفحة و الرقم تيعهم و خرج راحت طفلة شافتهم و قالتلنا . طلعو هادوك التمرينات مصلحينهم ديجا في القسم و عندنا في الكراس . جا الأستاذ داير روحو ما عمبالو بوالو قالنا ياخي ما شفتوش الصفحة و الرقم قلنالو لا . قالنا أم في الكراس و حكم الجريدة و غطى بيها وجو جبدنا كامل الكراسات و أنا خايفة نسنى فيه غير يهبط الجريدة و يكسفنا
ساعة كاملة ما خزرش فينا دينا كامل 20/20 و روحو شوفو الزردة اللي دارها المدير . قاللو ما كنتش على بالي بللي عندنا 18 خوارزمي ههههههههههههههه بكريعيش تسمع درك عيش تشوف

[أبو فاطمة الزهراء]

الي خانها ذراعها قالت سحروني

[salah eddine 1989]

والله غير عجب روحي يا بلادي روحي بالسلامة. العقوبة للجامعة وتصيبو شيوخة اكثر من هكا

[أَبُو رَُئَيـــــــــــــــــــــــْمْ]

أيا بركاو مقباحتكم قاعدين غير للتمنشير ليجي يشوف يقولك يغيضو مساكن
كي تديرو واجبكم وتراجعو دروسكم كما ينبغي هذاك اليوم ارواحو تقيمو الاساتذة.......ماكمش فالمستوى باش تقيموهم
صح ماشي الاساتذة اكل كيف كيف بصح ضاهرة التمنشير والتقطاع راهي انتشرت بزاف هذا الوقت












من علمني حرفا كنت له عبداااا
يا اختي نحن عباد الله و لسنا عباد استاذ او ...................

[arwa13]

كين شي اساتذة هايلين وكاين ..............

[تقرت30]

تعال و فرغ قلبك ههههه
وانا مالقيت اللي نفرغ عندها قلبي

[aladin2010]

عندنا استاذ العلوم حابس ميت
راك عارف
بعض المراة نقول نوض نقري انا خير في القسم
راك عارف
كارثة

[ايمان-09]

انا هاد العام الاساتذة كلهم في المستوى ما عدا استاذ العالوم الي راح ودروك ما عندناش استاذ
ولكن عن قريب ان شاء الله
يجي استاذ
قسمي
قسم يحتوي على معظم التلاميذ النجباء
وان شاء الله يوفقنا

[ايوب94]

انا استاذ الرياضيات تاعنا كل ما يقول كلمة اكمل وراها حرف اس مثلا ان هذه الدالة يقولها *ان هذه الدالس
الساعة كامل ترروح ضحك

[رماد الحب]

استذة الرياضيات هي المليحة في الأساتذة أكل
أستاذة الفيزياء حابسة ويابسة
أما أستاذة العلوم متعرفش تقري وثاني الفصل أكل غابت فيه ماقريناش مره جابونا وحدة أخرى تقري كيما الدروس في الانترنيت صافي هي ثاني ماشي مليحة
ربي يصبرنا هذا مانقدر نقولك
وشكرا لك على طرح هذا المشكل

[lamis sassi]

والله غير احنا تاني رانا نعانو مع هديك الاستادة تاع العلوووووووووووم تعيف:mad::confused::mad: وزعمة متخرجة من المدرسة العليا للاساتدة .......ورانا صابرين وربي يستر بارك

[مصطفى]

الله يهيد ما خلق

[nina1000]

الاساتدة بخلاء انا عندي مشكل نتاع النقاط في المراقبة المستمرة تحسب راهم يخلصو عليهم الدارهم ياك قلك لي قرا قرا بكري رانا نجوز فوقتنا مع العلم اهههههههههههه