المساعد الشخصي الرقمي

مشاهدة النسخة كاملة : اعطولي عفسى مليحة

أم ياسين الزهراء
2013-01-20, 14:11
بنات شريت حذاء جديد والمشكل انو رجل جاني مليح والرجل الاخرى صباعي يجعني شكون عندها عفسى باش نوسعو شوي ربي يعيشكم وشكرا
ليلى القسنطينية
2013-01-20, 14:37
قبل ما تلبسيه حطي فيه شوية جريدة مشمخة بالماء شوية ماش بزاف و خليه لفترة حتى يولي ليّن

موفقة
امونة الشاوية
2013-01-25, 19:42
هاي اختي ام ياسين الزهرة شفتي قالك دير الخير وانساه ما تدري واين تلقاه ههههههههههههههههههههه
راني جيتك اولا بصحتك الصباط وتانيا ديريلو البودر تاع الاولاد يولي يزلق والبسيه في الدار البسيه ودوري بيه في الدار وكي يوجعك نحيه وهكذا .....حتى يتسع باش ما يوجعكش وانت في الخارج راني سالتك سوال في الموضوع تاع الفنون تاع الطياب تعيشي جاوبيني و الله يخليلك بنتك
ام مريم اسراء
2013-01-30, 18:21
اختي الفاظلة اثرتي موضوع هام وحساس بتساؤلك ... انتم تعرفون مشاكل و خطورة ضيق الحذاء تقدر تسببنا تورم او تشكل مسامير او حتى امراض خبيثة عافانا الله جميعا منها
اختي يقال انه يختلف الجنب الايمن عن اليسر و نلاحظ ذلك خاصة في الخذاء
لا تتحيري فام مريم جابتلك الحل .... اولا عندما نشري حذا ضيق كثيرا ما نتفاجا بعد يوم بانه ضيق مما لا نملك القدرة على ارجاعه و الحل؟
اولا نجيب الفردة الي ضيقة و نجيب قرعة خل عادي و مجموعة من اوراق الجرائد نبللها جيدا بالخل و نفرغ في الحذاء كمية معتبرة من الخل و نبدا بحشوه باوراق الجرائد المبتلة و نظغط جيدا حتى نعمرو كامل بالجرائد المبللة بالخل حتان يولي يبقبق و بعدها نجيبو كيس بلاستيكي او اشنين و نغلف الخذاء بالكيس و نضعه فس الفريزر - مجمد الثلاجة - الكونجيلاتور لمدة ليلة كاملة و غدا انزعي الجرائد و خليه ينشف رايحا تلاحظي الفرق من الوهلة الاولى سيرجيه و تقدري تلبسيه في مساء نفس اليوم اذا حطيتيه في الشمس جربيها و ادعيلي
أم ياسين الزهراء
2013-01-30, 21:34
شكرا جزيلا اختي راح نجربها وندعيلك
sondse1
2013-01-30, 21:59
اختي ام ياسين الزهراء
ادهني رجلك بشوي فازلين قبل ما تلبسيه
صدقيني رح يتكسل وحدو وحدو

عن تجربة شخصية

بالتوفيق
أم ياسين الزهراء
2013-01-31, 08:46
صدقوني راح نجرب كل العفايس لاني اثق فيكم بارك الله في الجميع
ماريا205
2013-01-31, 08:53
اختي ام ياسين الزهراء

ادهني رجلك بشوي فازلين قبل ما تلبسيه
صدقيني رح يتكسل وحدو وحدو

عن تجربة شخصية


بالتوفيق


شكرا اختى عفسة ما كانش ما اسهل منها راح نجربها
حنان امة الرحمان
2013-01-31, 16:56
مديه لوحدة رجلها اكبر من رجلك تكسلهولك
أم ياسين الزهراء
2013-01-31, 18:34
مديه لوحدة رجلها اكبر من رجلك تكسلهولك


بوه علي بوه انا هي اكبر رجل في العايلة هههههههههههههههههههه بصح شكرا
سميرة احمد
2013-02-01, 16:38
وانا تاني عفسة مجربتها اعطيه لكاش واحدة رجلها اكبر و تلبسو لمدة قصيرة كان ما نجحتش صدقيه و اشري واحد اخر اجر و منفعة
بصيرة11
2013-02-01, 16:50
مساء الخير بكل بساطة اختي مديه للكوردوني يحطهولك فالقالب
tamtoma
2013-02-04, 22:10
صدقيه واشري واحد اخر
nounoudjs
2013-02-20, 11:42
بصحتك الصباط حطي فيك الكحول الطبي والبسيه