ارتفع ضغطي وهذا هو طبعي [الأرشيف] - منتديات الجلفة لكل الجزائريين و العرب

كاميلا

2013-01-20, 11:30

السلام عليكم
الى كل من يقولون ان المرا لازمها وعليها الخ الخ خاصة في مسألة خدمتها لاهل زوجها من جد واب وام واخوة الفتاوي واضحة ليس من واجبها وليست ملزومة الا تكرما منها نقطة انتهى
وانا اقولها واكررها انا ملزومة بخدمة والدي حتى بعد الزواج وخدمة زوجي واولادي ووالدي زوجي ان كانا قاصرين ان كانا فقط لا غير
نتوما الرجال المرا حاطين فوق راسها كل شيء ونتموما واش الديره تهدره على الحقوق والواجبات مديروش فيهم
انا اللي يحبني نخدم والديه يخدم والديا ويقوم بيهم اما خلاف ذلك فلا والف لا واتحدى الجميع بموضوعي هذا وخاصة الذكور اللي موجودين كي ديروا واجباتكم اهدروا على واش على المرا من واجبات
:mad::mad::mad::mad::mad::mad::mad::mad:

سومية88

2013-01-20, 11:56

والله غير نحيتيها من فمي انا كيما انت نخمم والله غير اختي تخدم مالين راجلها دايرينها خدامةوتزيد يقولولها اصرفي علي الدار وراجلها مايقمش ماما حتي بالكلمة الطيبة ويقول النساء دايرين القرون لوكان نهار يدي المسؤلية تع المراءة في الدار وفي الخارج والله غير كل اليوم يكرمها

le chameau

2013-01-20, 12:59

شوفو نعطيك قصة و الفاهم يفهم قالك واحد الرجل كل مايزيد عندو مزيود ذكر يدبح المهم يدير ولائم تاع 7ايام و كى تريد عندو انثى ما يدير والو واحد النهار زاد عندو ذكر فاتى والديه باه يهنوه فدقو على الباب فقالت له الزوجة لا تفتح لوالديك فلم يفتح لهم الباب فذهبا فبعد قليلاتو والديها ففتحت لهم الباب روح يا زمان تلد زوجته مرة اخرى انثى ففرح الزوج بيها فدبحى لها فقالت له زوجته لماذا ذبحت لابنتك قال لها لان هذه التى تفتح لى الباب عندما اكبر و الحديث قياس

الدكتور سام

2013-01-20, 17:36

السلام عليكم
الى كل من يقولون ان المرا لازمها وعليها الخ الخ خاصة في مسألة خدمتها لاهل زوجها من جد واب وام واخوة الفتاوي واضحة ليس من واجبها وليست ملزومة الا تكرما منها نقطة انتهى
وانا اقولها واكررها انا ملزومة بخدمة والدي حتى بعد الزواج وخدمة زوجي واولادي ووالدي زوجي ان كانا قاصرين ان كانا فقط لا غير
نتوما الرجال المرا حاطين فوق راسها كل شيء ونتموما واش الديره تهدره على الحقوق والواجبات مديروش فيهم
انا اللي يحبني نخدم والديه يخدم والديا ويقوم بيهم اما خلاف ذلك فلا والف لا واتحدى الجميع بموضوعي هذا وخاصة الذكور اللي موجودين كي ديروا واجباتكم اهدروا على واش على المرا من واجبات
:mad::mad::mad::mad::mad::mad::mad::mad:

السلام عليكم
اختي من خلال كلامك انت باينة واعرة:1: ههههههه امزح
اولا لا شك ان ما قلته كل صحيح.لكن في هده الدنيا هناك اشياء يجب ان نصبر عليها و نحتسب الاجر من الله.لا شئ يدوم

النجمة القطبية

2013-01-20, 21:51

اعتقد ان هذه مسالة شخصية تناقش مع اصحاب الشان
بصح علاش راكم زعفانين
نوغمال واش فيها :d:d

nibrasse76

2013-01-20, 22:30

هناك اشخاص يذهبون لدور العجزة من خلال الاشتراك في جمعيات خيرية لخدمة هؤلاء الشوخ المساكين في اخر ايامهم ...كلما كانت لهم اوقات فراغ ــــ حتى عند الكفار ــــ الانسانية اسمى وارقى الحقوق الشخصية التي ينبغي ان نطلبها ....لكن .......؟؟

لم يبق سوى الهواء لم تقسموه حقي وحقك ـــ ربي يهدي الجميع .

كاميلا

2013-01-20, 22:35

وزيدكم وحدة اتا الراجل نقدر نخليه على جالت والديا كي يتحتم الوضع ووالديا اللي ندخل بيهم الجنة

الزبرجد

2013-01-20, 23:01

السلام عليكم
الى كل من يقولون ان المرا لازمها وعليها الخ الخ خاصة في مسألة خدمتها لاهل زوجها من جد واب وام واخوة الفتاوي واضحة ليس من واجبها وليست ملزومة الا تكرما منها نقطة انتهى
وانا اقولها واكررها انا ملزومة بخدمة والدي حتى بعد الزواج وخدمة زوجي واولادي ووالدي زوجي ان كانا قاصرين ان كانا فقط لا غير
نتوما الرجال المرا حاطين فوق راسها كل شيء ونتموما واش الديره تهدره على الحقوق والواجبات مديروش فيهم
انا اللي يحبني نخدم والديه يخدم والديا ويقوم بيهم اما خلاف ذلك فلا والف لا واتحدى الجميع بموضوعي هذا وخاصة الذكور اللي موجودين كي ديروا واجباتكم اهدروا على واش على المرا من واجبات
:mad::mad::mad::mad::mad::mad::mad::mad:

ليس من واجبك أختي خدمة أي كان ...حتى والدين زوجك

و لكن من واجبك طاعة الزوج طاعة عمياء ما لم تكن في معصية

وزيدكم وحدة اتا الراجل نقدر نخليه على جالت والديا كي يتحتم الوضع ووالديا اللي ندخل بيهم الجنة اليوم

أما هذه :d:d,,,,,أقول لك استغفري الله فقط ...فقد أعماك الغضب

nibrasse76

2013-01-20, 23:15

وزيدكم وحدة اتا الراجل نقدر نخليه على جالت والديا كي يتحتم الوضع ووالديا اللي ندخل بيهم الجنة

اعتقد ان الوالدين سيكونوا سعداء فعلا لما تكوني متهنية في حياتك ؟؟؟

soso sirin

2013-01-20, 23:24

واش بيك يا كاميلا و علاش هذا الزعاف كامل اختي راكي مقلقة تاع الصح.هي كلش نهار الاول يبان انتي والديك على الراس و العين يحترمهم بلا مزيتو و هو والديه على الراس و العين تحترميهم بلا مزيتك .قيمة مالين الراجل من قيمة الراجل و العكس صحيح معنتها الي يبغيني يبغي والديا و عايلتي خط احمر مكانش الي يفوت فيهم حتا و يكون راجلي في حد ذاتو و قيمتهم محفوظة و اذا حتاجوه يعاون بلا مايطلبو و هو قيمتو محفوظة عند ماليا و خط احمر و مكانش الي يجبدو بكلمة و كل واحد في بلاصتو و انتي تهنيتي .و انتي اذا خدمتي والديه فمن محبتك ليه و الي يبغيه هو تبغيه في جالو اما خواتاتو و خواتو اذا كانو صغار راح تكسبي فيهم اجر اذا كانو كبار الخدمة تاع الدار كي تولي في دارو كلشي يبان .و نزيدك حاجة والديك اصلا ماراهمش رايحين يكونو مرتاحين كي نسيبهم يعاونهم و هو اذا كان وليد اصل ماتخافيش منو و انتي بنت اصل امالا راح تخدمي والديه لانو تربيتك مليحة .و في حياتك ماتحطيش روحك في موقف انك راح تختاري بين والديك و بين راجلك و ربي يهنيك ان شاء الله لانو كل واحد و بلاصتو و كل واحد و قيمتو

nasser26

2013-01-20, 23:25

مي وعلاش كاامل هذي الشحنات تاع الغضب منك

بالعقل بالعقل عليك

ان شاء الله ما يكونوش كااااااااااااااامل البنات متعصبين كيفك

يجيك النهار وتفهمي

imane1

2013-01-21, 12:03

مصادر القانون في الجزائر تقوم على 3 أشياء ترتيبها كالآتي :|

1- التشريع
2- مبادئ الشريعة الاسلامية
3-الــــــعـــــرف

في ديننا أختي الفاضلة , لا يدخل ضمن واجباتك القيام بأهل الزوج , ولكن يدخل البر بهم والاحسان اليهم.
ولو أمرك زوجك بخدمتهم فلك أن ترفضي لأن الطاعة في المعروف .

ولو تطوعت وساعدت في حدود قدرتك لكان ذلك أحسن وأفضل وأبر ..

لكن الدين نفسه يعتبر العرف , والعرف ينص على وجوب مساعدة الزوجة لأهل زوجها*خاصة أم الزوج *
وخاصة خاصة إذا كنت تسكنين معهم في بيت واحد

أما زوجك أختي , فإن لمست منه عدم تقدير واحترام لأهلك فراجعي الأسباب
لربما كان أحدها تكلمك عن أهله بالسوء نتيجة اغضابهم لك
والتماسه لعدم حبك لهم وكثرة شكواك منهم
فإنه يجزيك بالمثل ولو كان أهلك محسنون معه
أي انه يعاقبك من خلالهم , ويحاول أن يذيقك شيئا من مرارة ما يتجرعه نتيجة استياء علاقتك بهم
أو علاقتهم بك ..

فإن علم أنك ذهبت الى أهلك وساعدت أمك في التنظيف و الترتيب
يقول محدثا نفسه "ايه يماها تعاونها...... ويما ماتعاونهاش"

انتي تقولي هذيك يما , وهاذي عجوزتي..ماشي كيفكيف

وهو يقول " هاذي يما وهاذيك يماها"

انتي تنظرين اليهما بمعيار القرابة , أيهما تقربك أكثر
وهو ينظر اليهما بمعيار الماهية , يعني "ماذا يعنيان "يعني أم أمام أم ولا فرق ..

فينتج عن ذلك -في تفكير الرجل - كفتين متساوين * يما = يماها *في طريقة التعامل
فالرجل يتوقع منك المعاملة بالمثل , واعتبار أمه كأمك ولو لم تكن كذلك ..

وفي تفكير المرأة يوجد راجح *يما * ومرجوح * عجوزتي *
كفتين غير متساويتين

لتجنب الصدام أختي ولعيش حياة زوجية هنيئة
حاولي التوفيق بينهما

وتأكدي أنه لو كان زوجك امرأة , لما قصر في مساعدة أمه في شغل البيت
ولربما يتمنى الرجل في هكذا مواقف أكثر من مرة لو كان امرأة فقط كي يساعد أمه
وكونه رجلاً ليس امرأة , يتزوج امرأة كي تكون شطره الثاني
فيتحقق له المطلوب

ولا ينسى لك معروفك أبداً
يجزيك بالتي هي أفضل وأنت لا تشعرين
يحسن من معاملته لأهلك , ومن معاملته لك , ويسعى جاهداُ لارضائك

لن تخسري شيئا بمساعدة أمه في حدود الاستطاعة
ولا تنتظري منها مقابلا ولا تنتظري منها شكراً ولا عرفانا
اجتهدي لوجه الله اولا , ثم لوجه زوجك ثانياً , ثم لتجنب الوقوع بين ناري *أهلي أم زوجي " ثالثا ..

ولو كان أقصى ما تحصلينه بمساعدتك لأهل زوجك " تحسين علاقة زوجك بأهلك " لكفــــى

ومتى شعرت بالضجر تذكري أنك لست أول امرأة تخدم أهل زوجها
ولن تكوني آخر واحدة ان شاء الله

وعادي اختي كامل تجينا لحظات نتقلقو فيها لكن ممبعد نراجعو انفسنا ونولو

لانو في هاذ الدنيا ما ينفع غير الصح ..والدايم الله وسعدك يا فاعل الخير

وفقك الله أختي ورزقك الصبر والإحسان

knives55

2013-01-21, 12:31

لم نقل شيئ لماذ هذ الغصب

حتي واحد مقالك ماتتهليش في ولديك

لم افهم سبب كتابتك هذ الموضوع أذ كان زوجك اغضبك فهذ لا يعني

تلموي اعضاء المنتدي

********************
وزيدكم وحدة اتا الراجل نقدر نخليه على جالت والديا كي يتحتم الوضع ووالديا اللي ندخل بيهم الجنة

وهذي نعم تقد تدخلي الجنة بطاعة والديك

وتقدري تدخلي لنار بعصاين راجلك

كاميلا

2013-01-21, 12:42

:mad::mad::mad::mad::mad::mad::mad::mad::mad::mad: :mad::mad: انا غيارة نغير على والديا نسمح في اي شيء الا هوما
يقيسوني انا معليش يقيسوا خاوتي ممكن اما والديا خط احمر مام حتى يكونه غالطين :mad::mad::mad::mad::mad::mad::mad::mad::mad: انتم متعرفوش هوما واش بالنسبة ليا نمدلهم عينيا وميكفيش ضحوا بزاف بزااااف خاصة امي وابي راه من الخدمة عينيه الطوموبيل ميقدرش يسوقها انا الشوفور تاعه وامي انا هي الخدامة تعها وهذا كامل ميجيش ربع اللي داروه عليا ومستعدة طول حياتي نخدمهم :mad::mad::mad::mad::mad::mad::mad:

واللي قالولي علاش راكي مقلقة نوووووو راني هاد النقطة بعد اللي يخربشلي عليها ناكل بعضايا :mad::mad::mad::mad:

imane1

2013-01-21, 12:59

كوني عاقلة

بدل ما تبيني استعدادك لخسارة طرف مقابل كسب طرف اخر

كوني شاطرة وكافحي لكسب الطرفين معاً مادام ذلك ممكنا

قبل زواجك , كان لديك مهم واحد " والديك "
بعد زواجك وقبل الانجاب , أصبح لديك مهمين :والديك وزوجك
وبعد الانجاب يزيد مهم ثالث ..
وتكبر الاهتمامات كلما تقدم بك العمر
فهل كلما ازددت مرحلة أو زمنا من العمر تفرطين في مهم من المهمات ؟
حتى تنتهي بك الحياة وحيدة ..!!

كوني عاقلة ..
ديننا الذي جعلته محلا ومصدرا لاستشهادك , دين الوسطية والاعتدال
فيه نص يقول " لا ضرر ولا ضرار "

والديك نفسهم اذا كنت حابه تكسبي رضاهم وتفرحيهم اكسبي زوجك ورضيه عليك
ولا تجعليه كبش فداء في كل سوء تفاهم يحصل
كما لو أن زوجك تحصيل حاصل ولا يعني لك شيئا

ولكن أقنعي نفسك بأن زوجك مهم و والديك مهمين
وأقنعي زوجك بذلك
وأقنعي أهلك بذلك

ثم أعطي كل ذي حق حقه

knives55

2013-01-21, 13:33

:mad::mad::mad::mad::mad::mad::mad::mad::mad::mad: :mad::mad: انا غيارة نغير على والديا نسمح في اي شيء الا هوما
يقيسوني انا معليش يقيسوا خاوتي ممكن اما والديا خط احمر مام حتى يكونه غالطين :mad::mad::mad::mad::mad::mad::mad::mad::mad: انتم متعرفوش هوما واش بالنسبة ليا نمدلهم عينيا وميكفيش ضحوا بزاف بزااااف خاصة امي وابي راه من الخدمة عينيه الطوموبيل ميقدرش يسوقها انا الشوفور تاعه وامي انا هي الخدامة تعها وهذا كامل ميجيش ربع اللي داروه عليا ومستعدة طول حياتي نخدمهم :mad::mad::mad::mad::mad::mad::mad:

واللي قالولي علاش راكي مقلقة نوووووو راني هاد النقطة بعد اللي يخربشلي عليها ناكل بعضايا :mad::mad::mad::mad:

الواضح أن هناك شيئ ليس في مكانه

من حقك ان تغضبي وتغاري و الخ لكن نحن ما ذنبانا

تهكم مباشر بدون سبب

اما أن توتر انتقل من مالي الى هنا

mustapha harreche

2013-01-21, 13:33

علاش هدا التعصب أو هدا الغضب مكاش لقالك تزوجي أو خدمي والدين راجلك
ابقاي فداركم أخدمي يماك أو باباك و خلاص أو ربي يخلهملك
برك ما تزعفيش ما شي مليح لصحتك

كاميلا

2013-01-21, 14:03

الواضح أن هناك شيئ ليس في مكانه

من حقك ان تغضبي وتغاري و الخ لكن نحن ما ذنبانا

تهكم مباشر بدون سبب

اما أن توتر انتقل من مالي الى هنا

الظاهر انكم خفته ههههههه والله راني نضحك دركا كي نقرى الردود واحد قالي اكي واعرة واحد مالي هههههه :mad::mad::mad::mad::mad::mad::mad::mad::mad::mad: حابين تزيده عليا :mad::mad::mad::mad::mad:
:D:D:D:D
:eek::eek::eek::eek::eek:

كاميلا

2013-01-21, 14:05

علاش هدا التعصب أو هدا الغضب مكاش لقالك تزوجي أو خدمي والدين راجلك
ابقاي فداركم أخدمي يماك أو باباك و خلاص أو ربي يخلهملك
برك ما تزعفيش ما شي مليح لصحتك

ايه هاذيك هي وماكنش اللي قالق تاني قلق روحك بموضوعي راك قاعد في المنتدى ترد وتعلق وخلاص :mad::mad::mad::D:D:D

رُقية

2013-01-21, 14:14

ربي يخليلك الوالدين نتاعك وكذلك زوجك وعائلتك التانية والامور تاخذ بحكمة الله يرضى عليك والقلق ماهوش مليح لصحتك
تقبلي مروري

mustapha harreche

2013-01-22, 13:08

ايه هاذيك هي وماكنش اللي قالق تاني قلق روحك بموضوعي راك قاعد في المنتدى ترد وتعلق وخلاص
:mad::mad::mad::d:d:d

أنا كنت جايز على موضوعك سمعتك تعيطي جيت نسلكك خفت عليك
راكي صح تباني واعرة .........ههههههههههههههههههه
عدرا إن كنت قد تطاولت عليكي و لكني و الله لم أقصد الإساءة بل
أردتكي أن تعودي لرشدك و أن لا تتكلمي عن أشياء لم تصل بعد
لأن الزواج رحمت و ود و تفاهم بين الزوجين
أنا مثلا كنت أتغيب عن العمل من أجل أم زوجتي رحمها الله
لأنها كانت مريضة بالسرطان عافاكي الله و والديك و تحتاج
لمن يرعاها و يأخدها إلى المستشفى .
بارك الله فيكي و في والديك

كاميلا

2013-01-22, 17:39

أنا كنت جايز على موضوعك سمعتك تعيطي جيت نسلكك خفت عليك
راكي صح تباني واعرة .........ههههههههههههههههههه
عدرا إن كنت قد تطاولت عليكي و لكني و الله لم أقصد الإساءة بل
أردتكي أن تعودي لرشدك و أن لا تتكلمي عن أشياء لم تصل بعد
لأن الزواج رحمت و ود و تفاهم بين الزوجين
أنا مثلا كنت أتغيب عن العمل من أجل أم زوجتي رحمها الله
لأنها كانت مريضة بالسرطان عافاكي الله و والديك و تحتاج
لمن يرعاها و يأخدها إلى المستشفى .
بارك الله فيكي و في والديك

:mad::mad::mad::mad::mad::mad::mad::mad::mad::mad: :mad::mad::mad:

قالك الواعر مربوط في السنسلة :rolleyes::rolleyes::rolleyes::rolleyes::rolleyes: :rolleyes:

:cool::cool::cool::cool:

لا مقلقني حتى رد مي ههههه حسيت باللي راكم خفته مني ههههههههههه ساعة غضب وراحة لحالها انا طبعي نغضب ليه ليه ونتكالما ليه ليه :eek::eek::eek::eek:

دموع الانابة

2013-01-24, 12:08

السلام عليكم ان خدمة المراة لاهل زوجها فعلا ليست من واجباتها و لا يمكن للزوج ارغام زوجته على ذلك و لكن الزوجة الصالحة التي قال عنها رسول الله صلى الله عليه و سلم انها خير متاع الدنيا لا يمكنها ان ترى زوجها يسعى لخدمة والديه و لا تسارع في مساندته كما احب تنبيهك انه متى ما تزوجت المراة تصبح طاعة زوجها مقدمة على طاعة والديها .......انما هو جنتك و نارك......اما عن اسلوب الزوج مع اهل الزوجة فمرده الى اخلاقه و مروئته

nooriman

2013-01-25, 13:47

ربي يخليلك والديك و زوجك كلاهم نعمة من الله عليك الحفاظ عليها و من الخطأ و ضعهم محل مقارنة لأنك ستجدين نفسك تدورين في حلقة مفرغة كما انك ستكونين انت الخاسرة

ربي يهنيك كلنا نمر بنوبات عصبية و احيانا لا نجد من يسمعنا في الواقع فنتجه الى منتدى الجلفة اين العقول النيرة و القلب الكبير

sarra5

2013-01-25, 14:07

biensur mais lemliha tkon 3la wejh rabi wlh hasana 3omrek kamla w matakhlasch

c pr ca ki ykono nass mlah w msaken mrad wlh 3la l3in w lrass

manesenach ykon rajli kifi w ydir kima ndir ana pask wlh maya9dar ana mra w howa rajel

alor kol wahad w 3o9liyto kifeh

mais ki ykono mechrarin jamais ndir fihom lkhir pask mayestahlouch

الجليس الصلح

2013-01-25, 15:04

السلام عليكم
صراحة البعض يكتب بالدارجة وهذا غير معقول من فئة أضنها مثقفة
الموضوع جميل والحكمة دار المؤمن ومرشده لما يجب ان يكون
والعصبية لا تجدي نفعا مع من كان
شكرا على الموضوع

كاميلا

2013-01-25, 16:05

السلام عليكم
صراحة البعض يكتب بالدارجة وهذا غير معقول من فئة أضنها مثقفة
الموضوع جميل والحكمة دار المؤمن ومرشده لما يجب ان يكون
والعصبية لا تجدي نفعا مع من كان
شكرا على الموضوع

والمهم شكرا على التصويت هههههههههه راهي راحت العصبية :1:

السي محمد

2013-01-25, 17:56

ما فهمتش خلفية الموضوع؟؟؟؟؟

علاه راكي زعفانة

sarl02

2013-01-25, 19:20

:mad::mad::mad::mad::mad::mad::mad::mad::mad::mad: :mad::mad::mad:

قالك الواعر مربوط في السنسلة :rolleyes::rolleyes::rolleyes::rolleyes::rolleyes: :rolleyes:

:cool::cool::cool::cool:

لا مقلقني حتى رد مي ههههه حسيت باللي راكم خفته مني ههههههههههه ساعة غضب وراحة لحالها انا طبعي نغضب ليه ليه ونتكالما ليه ليه :eek::eek::eek::eek:

الواعر مربوط فالسنسلة؟؟؟؟...شكون هذا المخلوق الي داعية عليه امو وراح يديك ؟؟زيني النية اذا حبيتي تربحي يا بنتي.

قندوز

2013-01-25, 19:50

لا حول ولا قوة الا بالله ، مالكم هبلتوا !!!!!!!!!!!!!!!!!

كاميلا

2013-01-25, 19:57

الواعر مربوط فالسنسلة؟؟؟؟...شكون هذا المخلوق الي داعية عليه امو وراح يديك ؟؟زيني النية اذا حبيتي تربحي يا بنتي.

الهدرة ماش ليك يرحم والديك

كاميلا

2013-01-25, 19:59

لا حول ولا قوة الا بالله ، مالكم هبلتوا !!!!!!!!!!!!!!!!!

كي هبلت وعلاش ترد هنا روح رد بعيد والا انتا تاني مهبول؟

كاميلا

2013-01-25, 20:00

ما فهمتش خلفية الموضوع؟؟؟؟؟

علاه راكي زعفانة

والله يا اخي السي محمد كاين خلفيات كيما قلت

السي محمد

2013-01-25, 20:40

احكي و نتفاهمو مع اختنا غير بالعقل

كاميلا

2013-01-25, 20:51

احكي و نتفاهمو مع اختنا غير بالعقل

في الحقيقة ساعة غضب وراحة لحالها وزدت تحاملتا على الذكور ههههه وليت ناقريسي لاني قلقت انا اللي يهدر كلمة او حتى يتنفس تنفيسة على والديا ناكله بسنيا ويكون واش يكون غير والديا مكان حتى واحد رح يخلف بلاصتهم والا يدير عليا ربع اللي داروه وخاصة الزوج المستقبلي ان اراد ان احسن لوالديه يحسن لوالديا وانا اتكلم على الاحسان وليس الاحترام يعني هل هاذي حاجة تقلق كي وحدة مام تزوج رح تبقى من جمعة لجمعة تروح لامها تقوملها بشغل الدار ؟؟؟؟؟؟ اذا البعض لا يعتبرها واجب انا اعتبرها واجب وبل حق والدي عليا نقوم بيهم ومن حق ايضا الزوج نقوم بيه يعني برك تدخل في عقلك امي مريضة وعجوزتي صحيحة ومازالها عندها الصحة ربي يباركلها وعندها ولادها نخلي امي نشوفها بعيني في اقصى حالات المرض نخليها ونروح نعاون عجوزتي ؟؟؟؟؟؟؟؟؟ والله وندري نطلقه على هاذي بعد والله العظيم

السي محمد

2013-01-25, 21:00

و هل والديك يفرحو لما تتطلقي ؟؟؟

و امك تقبل تتلطقي بسببها و بسبب مرضها؟

و يزعف منك راجلك و تزعف عليك عجوزك؟؟؟؟

كاميلا

2013-01-25, 21:04

و هل والديك يفرحو لما تتطلقي ؟؟؟

و امك تقبل تتلطقي بسببها و بسبب مرضها؟

و يزعف منك راجلك و تزعف عليك عجوزك؟؟؟؟

هيه اسيدي خلينا من الطلاق الله ليوصلنا
مي نخلي امي ؟؟؟؟؟؟؟؟؟ نخليها تموت ؟؟؟؟ بعيد الشر عليها ؟؟؟؟؟؟ هل هذا يعقل ام تراني لست من هذا العالم

والعجوزة عندها حقوق على ولادها وولدها ماشي عليا انا

السي محمد

2013-01-25, 21:18

مش قضية حق وواجب

قضية كرم و إكرام

انتي تخدي عجوزك كرم منك و تكرُم منك

هي كبيرة و ضعيفة وانتي بصحتك و شابة تخدميها و تكرميها

لانك كريمة و بنت اصل كريم

و لما تكبري ربي يسخر لك زوجة ابنك تخدمك و تتهلا فيك

يعني ما جزاء الاحسان إلا الاحسان

اما والديك حتى واحد ما يمنعك تخدميهم و تتهلاي فيهم

خصوصا إذا كنتي البنت الوحيدة

أما اذا كاين خاوتك آخرين

فهُم اولى برعايتها خدمتها

و زوجك و اولادك و عجوزك اولى برعايتك له

و لا راني غالط؟؟؟؟