بيتك جنتك ورضاء ربك مبتغاك

[oummalak]

نسالكم لبنات ماهي الطريقة الي راكم متبعينها في حفظ القران ان شاء الله تجاوبوني باه ننافسكم

[سمراء الدنيا]

ما شاء الله عليك يا ام ملاك دخلت حالفة عيني عليك باردة شفتي مرات كي نكونو عاجزين يشجعنا المنتدى انا و الله كي نلقا تطبيقات سندس نغير و نقول هي صغيرة و تنوض بكري و تقوم كلش ايا نحشم و نوض ننفض روحي و تاني حافز اخر التصاوير كي نخدم حاجو و نصورها تحفزني اكثر .... بالنسبة للحفظ انا نقولك على طريقتي نكتب في اللوحة نص السورة و نحطها معايا في الكوزينة و نشغل نفس السورة في الميكرو انا نبغي صوت عيون الكوشي و يبقا غير يعاود و انا نردد معاه و في الليل كي ندخل في بلاصتي نحاول نكرر باه نشوف روحي وين وصلت و هكذا كل يوم .... هاذ الطريقة راها مساعدتني بزاف

[سمراء الدنيا]

يا لبنات توحشت فطيمة بزاف سبحانالله كل ما نصلي على النبي نتفكرها ربي يجعلها بكل صلاة على النبي حسنة

[سمراء الدنيا]

صباحكم بالخير عزيزاتي
مرحبا بيك ام ملاك وعودة مبروكة ...وماتعاوديش الغيبة راه المنتدى باكمله بلا بيك سامط والدليل كي طل نورك علينا كل المشاركات قفزو وراح علينا الكسل
لكن اذا جيتي للصح الاخت سمراء الدنيا ما خلاتش الفراغ في وسطنا كل يوم تكون في القمة الله يخليها لينا ولوليداتها..........اااامييين

كيراكي ام منيب شفتي الفرحة اللي رانا فيها اليوم و المورال راهو طالع كي رجعت ام ملاك عقبال رجوع فطيمة

بغيت نشكرك على الكلمات الجميلة كانت تغيضني الصفحة كي نلقاها فارغة و ما نبغيش نبدا حاجة و مانكملهاش

[سمراء الدنيا]

سارة و ماريا يعطيكم الصحة راكم ناشطين
نوصيكم زيرو على الدين هو اللي ندوه معانا

[oummalak]

شكرا اختي سمراء رايحة نتبع طريقتك عجبتني ومن الغد رايحة نبدا نحفظ وزيد نسقسيك الوحة كي دايرة ولا انتاع القلم الفتر

[oummalak]

راكم لقيتوني ايا نروحو نبحثو على فطيمة حتى انا توحشتها ياعيني عليها تولف وفراقها صعيب
تاني وفاء وليلى ونبض الفؤاد وبنت خليل ربي يرجعهم بخير

[ام امجد14]

الله الله عليك يا ام ملاك راكى قايمة ما شاء الله بصح التهلاى فى روحك و غير بشوي
ان للاسف اليوم مادرت والو بنتى نهار كاااااااااااامل و هى فى حجرى والله الفراش رفتو على العشرة وفطور للاولاد و خلاص ان شاء الله ريح ونولى معاكم كيف زمان

[ام امجد14]

والله يا بنات انا ايضا توحشت فطيمة طالت غيبتها ان شاء الله خير

[oummalak]

الله الله عليك يا ام ملاك راكى قايمة ما شاء الله بصح التهلاى فى روحك و غير بشوي
ان للاسف اليوم مادرت والو بنتى نهار كاااااااااااامل و هى فى حجرى والله الفراش رفتو على العشرة وفطور للاولاد و خلاص ان شاء الله ريح ونولى معاكم كيف زمان

تهلاي في بنتك كي تكبر شوي عندك ما تخدمي
ربي يحفظهالك

[sarra5]

ان شاء الله يا ام ملااك بارك الله فيك

رانا نتعلمو منكم

قاطو سهل و يحمر الوجه

http://www.youtube.com/watch?v=99WLj4LJ2i4

انا عجبني بزاااف

[سمراء الدنيا]

دعاء يوم الجمعة

بِسْمِ اللّهِ الرَّحْمنِ الرَّحِيمِ“

الحَمْدُ للّهِ ِ الأَوَّلِ قَبْلَ الإنْشاءِ وَالاِحْيأِ وَالاخِرِ بَعْدَ فَنأِ الاَشْيأِ، العَلِيمِ الَّذِي لايَنْسى مَنْ ذَكَرَهُ وَلا يَنْقُصُ

مَنْ شَكَرَهُ وَلايَخِيبُ مَنْ دَعاهُ وَلايَقْطَعُ رَجأَ مَنْ رَجاهُ. اللّهُمَّ إِنِّي اُشْهِدُكَ وَكَفى بِكَ شَهِيداً، وَاُشْهِدُ

جَمِيعَ مَلائِكَتِكَ وَسُكَّانَ سَماواتِكَ وَحَمَلَةَ عَرْشِكَ، وَمَنْ بَعَثْتَ مِنْ أَنْبِيائِكَ وَرُسُلِكَ، وَأَنْشَأتَ مِنْ أَصْنافِ

خَلْقِكَ، أَنِّي أَشْهَدُ أَنَّكَ أَنْتَ اللّهُ لا إِلهَ إِلا أَنْتَ وَحْدَكَ لا شَرِيكَ لَكَ وَلا عَدِيلَ وَلا خُلْفَ لِقَوْلِكَ وَلا تَبْدِيلَ،

وَأَنَّ مُحَمَّدا صَلَّى اللّهُ عَلَيْهِ وَاَّلِهِ عَبْدُكَ وَرَسُولُكَ أَدّى ما حَمَّلْتَهُ إِلى العِبادِ وَجاهَدَ فِي اللّهِ عَزَّ وَجلَّ

حَقَّ الجِهادِ، وَأَنَّهُ بَشَّرَ بِما هُوَ حَقٌ مِنَ الثَّوابِ، وَأَنْذَرَ بِما هُوَ صِدْقٌ مِنَ العِقابِ. اللّهُمَّ ثَبِّتْنِي عَلى

دِينِكَ ما أَحْيَيْتَنِي، وَلا تُزِغْ قَلْبِي بَعْدَ إِذْ هَدَيْتَنِي، وَهَبْ لِي مِنْ لَدُنْكَ رَحْمَةً إِنَّكَ أَنْتَ الوَهّابُ.

اللهم صَلِّ عَلى مُحَمَّدٍ وَعَلى اَّل مُحَمَّدٍ، وَاجْعَلْنِي مِنْ أَتْباعِهِ وَشِيعَتِهِ، وَاحْشُرْنِي فِي زُمْرَتِهِ،

وَوَفِّقْنِي لأَداءِ فَرْضِ الجُمُعاتِ وَما أَوْجَبْتَ عَلَيَّ فِيها مِنْ الطّاعاتِ وَقَسَمْتَ لأهْلِها مِنَ العَطاءِ فِي يَوْمِ

الجَزاءِ. إِنَّكَ أَنْت‌َ العَزِيزُ الحَكِيمُ.”

[سمراء الدنيا]

دعاء ختم القرآن



~~~اللهم ارحمني بالقرآن واجعله لي إماماً ونوراً وهدى ورحمة .. اللهم ذكرني منه مانسيت وعلمني منه ماجهلت وارزقني تلاوته آناء الليل وأطراف النهار واجعله لي حجة يارب العالمين * اللهم أصلح لي ديني الذي هو عصمة أمري وأصلح لي دنياي التي فيها معاشي وأصلح لي آخرتي التي فيها معادي واجعل الحياه زيادة لي في كل خير واجعل الموت راحة لي من كل شر * اللهم اجعل خير عمري آخره وخير عملي خواتمه وخير أيامي يوم ألقاك فيه * اللهم إني أسالك عيشة هنية وميتة سوية ومرداً غير مخزي ولا فاضح * اللهم إني أسالك خير المسأله وخير الدعاء وخير النجاح وخير العلم وخير العمل وخير الثواب وخير الحياة وخير الممات وثبتني وثقل موازيني وحقق إيماني وارفع درجتي وتقبل صلاتي واغفر خطيئاتي وأسالك العلا من الجنة * اللهم إني أسألك موجبات رحمتك وعزائم مغفرتك والسلامة من كل إثم والغنيمه من كل بر والفوز بالجنة والنجاة من النار * اللهم أحسن عاقبتنا في الأمور كلها وأجرنا من خزي الدنيا وعذاب الآخرة * اللهم اقسم لنا من خشيتك ماتحول به بيننا وبين معصيتك ومن طاعتك ماتبلغنا بها جنتك ومن اليقين ماتهون به علينا مصائب الدنيا ومتعنا بأسماعنا وأبصارنا وقوتنا ماأحييتنا واجعله الوراث منا واجعل ثأرنا على من ظلمنا وانصرنا على من عادانا ولا تجعل مصيبتنا في ديننا ولا تجعل الدنيا أكبر همنا ولا مبلغ علمنا ولا تسللط علينا من لايرحمنا * اللهم لاتدع لنا ذنباً إلاغفرته ولا هماً إلا فرجته ولا ديناً إالاقضيته ولا حاجة من حوائج الدنيا والآخرة إلا قضيتها ياأرحم الراحمين * ربنا آتنا في الدنيا حسنة وفي الآخرة حسنة وقنا عذاب النار ~~~

وصلى الله على نبينا محمد وعلى آله وأصحابه الأخيار وسلم تسليماً كثيراً

[ام منيب]

دعاء يوم الجمعة

http://im32.gulfup.com/xCkIT.gif

[sarra5]

جمعة مباركة على الجميع

[ماريا205]

ان شاء الله يا ام ملااك بارك الله فيك

رانا نتعلمو منكم

قاطو سهل و يحمر الوجه

http://www.youtube.com/watch?v=99wlj4lj2i4

انا عجبني بزاااف

بارك الله فيك
:19::19::19:

[oummalak]

جمعة مباركة

[ام اكرم31]

السلام عليكم اختي ارجوكي ساعديني في يوم السبت يديرو في المنطقة لنسكن فيها سوق اسبوعي نشرو هداك نهار الخضرة بصراحة هداك نهار انا منصيبش روحي التخمال و الخضرة تنضيمها و الطياب و عندي رضيع في عمرو 4اشهر اي عناية خاصة و الاخر 3سنوات ارجو المساعدة

[ليلى القسنطينية]

http://im29.gulfup.com/37xK1.gif


و نهاركم طيب

[ليلى القسنطينية]

تطبيقاتي ليوم أمس الجمعة
ما نضتش بكري نضت على الـ 9 صليت و شغلت سورة البقرة ووجدت الفطور ثم غسلت القش و نشرتو ثم وجدت الغذاء البارح نهار بارد درت العيش ( البركوكس ) و سلاطة و خبزت كسرة
وراء صلاة الجمعة تغذينا و غسلت الماعن و سيقت الكوزينة و عقبت على الدار كاملة ثم خرجت للبالكون سيقتو مليح و مسحت الباب تاعو
كي خلصت غسلت صليت العصر
و العشاء عملت بيري يحبوها في الدار
الجانب الجمالي كالعادة مظهر عادي
الناحية الدينية في تحسن مستمر
المعاملة مع الزوج و الأولاد مليحة
المهم الأوضاع راهي من حسن إلى الأحسن
وأاترككم في أمان الله

[sarra5]

السلام عليكم اختي ارجوكي ساعديني في يوم السبت يديرو في المنطقة لنسكن فيها سوق اسبوعي نشرو هداك نهار الخضرة بصراحة هداك نهار انا منصيبش روحي التخمال و الخضرة تنضيمها و الطياب و عندي رضيع في عمرو 4اشهر اي عناية خاصة و الاخر 3سنوات ارجو المساعدة

رضعي ابنك مليح واغسليلو وماتخليه ناقصو والوا وخايه عند جارتك قوليلها ساعة ونكون في الدار اكيد راح تكمهولك هي و ابنك الاخر

هذه في حالة اذا ماعندكش عندمن تخليهم

وروحي تقضي ديري في بالك ساعة فقط وبعدها ارجعي للدار نصف ساعة ترتاحي فيها ومن بعدها خملي الخضرة ورتبيها والغذائ في هذاك النهار بالتحديد يستحب اطيبيه في الليلة الي قبلها على خاطر ماراحش يكفيك الوقت

اتمنى اني نكون افدتك

[وفاء سعاد]

مساء الخير عليكم واش راكم معليكمش سليمة اسمحيلي كانو عندي الضياف وحشمت نقعد مع الميكرو ونخليهم راني نتبع فيكم وندخل نقرا مشاركاتكم التطبيقات اعمال عادية في البيت راه كان عندنا التلج

[oummalak]

السلام عليكم لبنات واش راكم والله سامحوني ما دخلت كانو عندي الضياف
ان شاء الله الى تقدرو نبداو الاسبوع الرابع والى ما قدرتو ما عليه راهو البرد كثير مع الثلج

[ام منيب]

http://www.djelfa.info/vb/images/editor/menupop.gif

[oummalak]

السلام عليكم اختي ارجوكي ساعديني في يوم السبت يديرو في المنطقة لنسكن فيها سوق اسبوعي نشرو هداك نهار الخضرة بصراحة هداك نهار انا منصيبش روحي التخمال و الخضرة تنضيمها و الطياب و عندي رضيع في عمرو 4اشهر اي عناية خاصة و الاخر 3سنوات ارجو المساعدة

على سلامتك اختي مرحبا بيك بيناتنا
انا عن نفسي اختي السبت ما نخدم شغل كبير حتى يوم الاحد ونبدا اسبوعي
بما انه عندك السوق يوم السبت نقترح عليك تنظمي الخضر انتاعك في ليبوات وتنظميهم فالثلاجة الطماطم في سلة وحتى هي فالثلاجة القسبر او الحشيش نقيه ولفيه في بابيي سارفييت وضعيه حتى هو في لا بوات راهو يشدلك حتى 15يوم
في هدا اليوم نقترح عليك ديري حاجة من البقول الجافة عدس او لوبيا ديريها الصباح ما تدليكش الوقت فالتحضير
اما عن سائر الايام حاولي تبعي نظامالوقت كل غرفة تحاولي تخلصيها في وقت محدد مثلا غرفتك من تنظيم ومسح الغبار وكنس او مسح تحاولي ما تتجاوزي 25د او 20د هده الطريقة رايحة تساعدك كثير
والعميق راني مخصصتلو 50د تديريه الوقت الي تقدري من يومك
اماعن ابنكالرضيع علميه تغسليلو الصباح وترضعيهوتوضيه امام التلفاز وبجانبه قميص انتاعك فيه الرائحة انتاعك رايح يحس انك بجانبه هده طريقتي الي ربيت بها اولادي
رايح يبكي في اليوم الاول ومن بعد يوالف
وزيد انقولك انا بنتي عندها عامين ونص ولفتها براعم ولات ما تنوض من قدامها
نطلب ربي يعاونك ويكون معاك ونصيحة كثري من الاستغفار والتسبيح فانهما يدان ممتدتان لتساعدك يا سبحان الله
بالتوفيق حبيبتى

[oummalak]

تطبيقاتي ليوم أمس الجمعة
ما نضتش بكري نضت على الـ 9 صليت و شغلت سورة البقرة ووجدت الفطور ثم غسلت القش و نشرتو ثم وجدت الغذاء البارح نهار بارد درت العيش ( البركوكس ) و سلاطة و خبزت كسرة
وراء صلاة الجمعة تغذينا و غسلت الماعن و سيقت الكوزينة و عقبت على الدار كاملة ثم خرجت للبالكون سيقتو مليح و مسحت الباب تاعو
كي خلصت غسلت صليت العصر
و العشاء عملت بيري يحبوها في الدار
الجانب الجمالي كالعادة مظهر عادي
الناحية الدينية في تحسن مستمر
المعاملة مع الزوج و الأولاد مليحة
المهم الأوضاع راهي من حسن إلى الأحسن
وأاترككم في أمان الله


الله الله عليك حتى مع البرد وراك شاطرة ربي يعاونك
والحمد لله انها حياتك راهي تتحسن وربي يدومها نعمة عليك وعلى جميع الاخوات

[oummalak]

مساء الخير عليكم واش راكم معليكمش سليمة اسمحيلي كانو عندي الضياف وحشمت نقعد مع الميكرو ونخليهم راني نتبع فيكم وندخل نقرا مشاركاتكم التطبيقات اعمال عادية في البيت راه كان عندنا التلج

بصحتكم الثلج وفاء وما عليه المهم طلتك علينا ولما تصيبي الوقت راني نستنى النصائح انتاوعك في ما يخص الاسرة والتعامل مع الزوج لكي ننتقل من الحسن الى الاحسن
بارك الله فيك

[oummalak]

الاحد
خزانة احدى البنات من الداخل والخارج +سرير من مسح وتغيير فراشوغسله+غسل الستارة50د

[سمراء الدنيا]

السلام عليكم و رحمة الله و بركاته
اللهم صل و سلم على سيدنا محمد عليه الصلاة و السلام
ما قدرتش نكتب تطبيقاتي ليوم الجمعة و السبت .... في الحقيقة ما كان حتى تطبيقات في هاذ اليومين خرجت شحال من مرة و جاو عندي زيارات ..... ما قضيت حتى صلاح

[سمراء الدنيا]

اما اليوم السبت نضت ناشطة على 6 درت الخبز يطيب هو الاول و توضيت و صليت و قريت الاذكار و قريت 6 صفحات من سورة البقرة .... ناضو لولاد فطرو و مشاو
انا اصلا كنت خايفة من هاذ الاسبوع لانو غرفة الاولاد كارثة هوما ما يرقدوش فيها ما فيهاش التدفئة بصح فيها ملابسهم و طوابل لقراية اول ما دخلت ليها صادفني هاذ الشي
http://im34.gulfup.com/NL7A9.jpg
رفدتهم و درتهم هنا
http://im34.gulfup.com/TLg0L.jpg
و من بعد طابلة بنتي
http://im34.gulfup.com/U03kn.jpg

نظمتها
http://im34.gulfup.com/L3Ght.jpg
و خزنتها
http://im34.gulfup.com/ooguR.jpg
بديت بالخمارات نظمتهم في قجر
http://im34.gulfup.com/kw9oJ.jpg
و الملابس الرقيقة تاني درتهم في قجر

و لخرين طويتهم
http://im34.gulfup.com/Gub6A.jpg
و غدوة بادن الله نكمل للي بقالي
لغدا درت لا سوب نتاع الفرماج و الروز بالمرقاز
http://im34.gulfup.com/0tw8e.jpg

[سمراء الدنيا]

وينكم يا لبنات وينها التطبيقات في بالي غلبكم البرد

[أم هجورة]

جزاك الله خيرا ياأختي

[oummalak]

اما اليوم السبت نضت ناشطة على 6 درت الخبز يطيب هو الاول و توضيت و صليت و قريت الاذكار و قريت 6 صفحات من سورة البقرة .... ناضو لولاد فطرو و مشاو
انا اصلا كنت خايفة من هاذ الاسبوع لانو غرفة الاولاد كارثة هوما ما يرقدوش فيها ما فيهاش التدفئة بصح فيها ملابسهم و طوابل لقراية اول ما دخلت ليها صادفني هاذ الشي
http://im34.gulfup.com/nl7a9.jpg
رفدتهم و درتهم هنا
http://im34.gulfup.com/tlg0l.jpg
و من بعد طابلة بنتي
http://im34.gulfup.com/u03kn.jpg

نظمتها
http://im34.gulfup.com/l3ght.jpg
و خزنتها
http://im34.gulfup.com/oogur.jpg
بديت بالخمارات نظمتهم في قجر
http://im34.gulfup.com/kw9oj.jpg
و الملابس الرقيقة تاني درتهم في قجر

و لخرين طويتهم
http://im34.gulfup.com/gub6a.jpg
و غدوة بادن الله نكمل للي بقالي
لغدا درت لا سوب نتاع الفرماج و الروز بالمرقاز

http://im34.gulfup.com/0tw8e.jpgشاطرة ما عندي ما نقول والله انا ما درت والو من الصباح وانا فتلمسان باه ندير راديو اسمو emgهدا وين دخلت توضيت صليت درت بطاطا فالفور وجيت نفقد غزالاتي لقيتك غير وحدك يالحبيبة ربي يحفظك ويجازيك على الصور والتطبيقات رائعة
ربي يوفقك ويزيد فيك راك قائمة بالواجب واكثر

[oummalak]

[COLOR="Red"][/ان شاء الله غدا سابدا احط تطبيقاتي لاني راني مقصرة شويCOLOR]

[oummalak]

جزاك الله خيرا ياأختي

ولك احسن الجزاء حبيبتي مرحبا بك ضيفة او مشاركة انا والاخوات نستقبلك بصدر رحب

[fati 17]

مساء النور لقد عدت كيف احوالكم اتمنى تكونو كامل لباس سوف ابدا معكم من الغد انشاالله

[ام منيب]

جاولولاد فطرتهم وبعد صلاة الضهر خرجت زيارة وعدت مع المغرب حضرت جواز بطاطامع الدجاج ولما تعشينا غسلت الماعن والان راني معاكم يا حلوات

[ليلى القسنطينية]

السلام عليكم و رحمة الله
اليوم كيما العادة نضت بكري صليت وجدت الفطور فرزت البيوت و سيقتهم و درت كسرة و الغذاء ثم غسلت الماعن صليت الظهر و قيلت شوية و المساء و جدت العشاء و راجعت لإبني شوية
يعني كل شيء عادي ماكانش الجديد
و بانتظـــــاركمـ
.
.
في أمان الله

[سمراء الدنيا]

مساء الخير لبنات كيراكم

[سمراء الدنيا]

شاطرة ما عندي ما نقول والله انا ما درت والو من الصباح وانا فتلمسان باه ندير راديو اسمو emgهدا وين دخلت توضيت صليت درت بطاطا فالفور وجيت نفقد غزالاتي لقيتك غير وحدك يالحبيبة ربي يحفظك ويجازيك على الصور والتطبيقات رائعة
ربي يوفقك ويزيد فيك راك قائمة بالواجب واكثر

شكرا ليك يا مشجعتنا و انت رانا حاسنيلنك العون للي يروح للطبيب يدير حسابو كامل النهار يروحلو.... ربي يجيب الشفا ان شاء الله ... بالنسبة للتطبيقات مللي شفت هاذوك التصاوير نتاع معا الى الله في البيت النظيف عنوان اهلو و انا شعلت فيا النار لو كان لقيت كل الدار نقلبها .... بصح راني نتبع فيك اختي سليمة بالعقل باش ما نطيحش للرض.....ههههه
بصح راني راضية على الدار بدات تبان النتيجة نتاع خدمة كل يوم 20 د في غرفة راهي الدار نظيفة و مرتبة تبقالي بيت لولاد قريب نكملها و نتهنى نولي ما نغفلش عليها و نديرليها تاني هي 20 د كل يوم

[oummalak]

مساء النور لقد عدت كيف احوالكم اتمنى تكونو كامل لباس سوف ابدا معكم من الغد انشاالله

رانا الحمد لله يسقسي عليك الخير
ان شاء الله نكونو غدوة في احسن حال ونبداو ونكونو سوبر ومن

[oummalak]

جاولولاد فطرتهم وبعد صلاة الضهر خرجت زيارة وعدت مع المغرب حضرت جواز بطاطامع الدجاج ولما تعشينا غسلت الماعن والان راني معاكم يا حلوات

واش راك ام منيب ان شاء الله راك بخير حتى انا كنت كامل النهار فالخارج دخلت حتى السابعة مساء

[oummalak]

السلام عليكم و رحمة الله
اليوم كيما العادة نضت بكري صليت وجدت الفطور فرزت البيوت و سيقتهم و درت كسرة و الغذاء ثم غسلت الماعن صليت الظهر و قيلت شوية و المساء و جدت العشاء و راجعت لإبني شوية
يعني كل شيء عادي ماكانش الجديد
و بانتظـــــاركمـ
.
.
في أمان الله



الله الله شاطرة كما نعرفك والجديد هو انو راك تطلي وما تغيبيش علينا

[oummalak]

شكرا ليك يا مشجعتنا و انت رانا حاسنيلنك العون للي يروح للطبيب يدير حسابو كامل النهار يروحلو.... ربي يجيب الشفا ان شاء الله ... بالنسبة للتطبيقات مللي شفت هاذوك التصاوير نتاع معا الى الله في البيت النظيف عنوان اهلو و انا شعلت فيا النار لو كان لقيت كل الدار نقلبها .... بصح راني نتبع فيك اختي سليمة بالعقل باش ما نطيحش للرض.....ههههه
بصح راني راضية على الدار بدات تبان النتيجة نتاع خدمة كل يوم 20 د في غرفة راهي الدار نظيفة و مرتبة تبقالي بيت لولاد قريب نكملها و نتهنى نولي ما نغفلش عليها و نديرليها تاني هي 20 د كل يوم

يمسيك بالخير كيف الحال
كما قلتي غير بالعقل لانو المثل عندنا يقول العقل يوصل
انا عن نفسي نمل كي كل يوم نخمل غرفة كاملة نعيا ونمرض ومن بعد نلاشي ونولي ما ندير والو املا غير في غرضي ونخدم انا تاني ما نحبش نخدم كامل النهار نحب الظهر نكمل
هذا عن نفسي وكل واحد ما يقدر
سلامي الحار

[oummalak]

الاحد
خزانة احدى البنات من الداخل والخارج +سرير من مسح وتغيير فراشوغسله+غسل الستارة50د
الاثنين
خزانة البنت الاخرى+سريرمن مسح وتبديل وغسل الغطاء الخاصبه+مسح الثريا 50د
الثلاثاء
تنظيم ومسح المكتب+الكومود+غسل التابي السجاد50د
الاربعاء
مسح الحائط +الباب 50د
الخميس
غسل البلكونة او النافدة +مسح الزجاج50د[
هدا برنامج الاسبوع

[نافلة]

السلام عليكم و رحمة الله و بركاته
كيراكم يا الفحلات
توحشتكم بزززاف بزززاف و كل واحد باسمها
بغيت نخبركم عن سبب غيابي اني كانت عندي وفاة ولهذا كنت غايبة ان شاء الله نرجعو لنشاطنا مبصح راني زعفانة منكم لاني حاسة انكم غافلين عن الجانب النبوي شوية بحكم ما قريت في الصفحات السابقة
ماقنعنيش
غدا ان شاء الله نبدا معاكم درس جديد
***
اختي ام ملاك على سلامتك نهار كبير انك رجعتيلنا

[oummalak]

اختي ام ملاك على سلامتك نهار كبير انك رجعتيلنا
يسلمك يا لحبيبة والحمد لله كي رجعت حتى انت
عظم الله اجركم في فقيدكم واحسن الله مثواه
والله الحالة راهي راقدة مع البرد
الا اختي سمراء راهي قائمة بكل شيء ربي يحفظها

[oummalak]

يصبحكم بالخير حبيباتي واش راكم

[ام منيب]

صباح الخير عليكم ياحلوات سامحوني امس
حاولت عدة مرات نبعثلكم التطبيقات لكن ماحبوش يفوتو

[oummalak]

صباح الخير عليكم ياحلوات سامحوني امس
حاولت عدة مرات نبعثلكم التطبيقات لكن ماحبوش يفوتو

ما عليه النت راهي تهبل وتخرج مالعقل
المهم راك لاباس

[oummalak]

لبنات انا نروح نبدا شغلي راهو يستناني ربي يعاونكم

[ماريا205]

صباح الخير عليكم يا لبنات الفحلات
كي راكم
الله يبارك على النشاط والحيوية ربي يكمل
حبيت نصبح عليكم ونقولكم هيا الى العمل
يا معين

[ام منيب]

الله ما صل وسلم علي نبينا محمد وعلى اله وصحبه الى يوم الدين

[ام منيب]

واش راكي سمراء الدنيا
حبيت نسقسيك علي الخبز كي تعجنيه في الليل وتطيبيه على 6صباحا كيفاش تعمليه
والخمارة تعمليها قليلة ولا عادية

[ام منيب]

سال عليك الخير عزيزتي ام ملاك والله يحفضك لينا
برنامجك كل يوم نزيد نطبق منه في بيتي رائع ...رائع
لكن عندي مشكل انو ولادي مايناموش بكري حتى تحكم 12تاع الليل وانا مع الزعاف والدواس
زوج ولاد في الابتداءي والبنت في المتوسط حتى الصغير يعاندهم
والصباح يعذبوني في المنواض وانا ثاني نولي نرعش

[fati 17]

صباحكم مسك عن يومي اليوم بديت من الصفر لاني كنت غايبة عن بيتي 9 ايام لوفاة عمي رحمه الله وجدت الدار كامل غبرة والشخص اللي خليناه عايش فيها حياة عزاب المهم نضت على 7 خملت شمبرتي وخرجت الزرابي البرة مسحت الغبرة ثم رحت لدوش بالصابون والجافيل غسلت الارضية وبنوار ولفابووالمراياوالحوايج الدايرة بيها ثم عدت للمطبخ عاودت غسلت كامل المواعين وعلب التوابل مسحت الثلاجة ونضمت الخضرة وحكيت الكوشة مسكينة كانت في حالة رجعت لبيت الجلوس نفضت فراشها مسحت الكنبيات والتلفزيون وطابلتو وبديت التسياق طبعا بالصابون ومنبعد عقبتت على الغرف بالنشاف حوش سيقتو وحوش كنستو برك درت غداء سباقيتي برك ملهيتش بالنسبة للجانب الديني للاسف صليت الصبح على 7 كنت تعبانة من الفياج 400كم راحت عليا نومة ربي يغفرلي القران كيما العادة 15صفحة والتسبيح الجانب الجمالي ديما نظيفة الحمد لله ولنتم ربي يوفقكم ويوفق ام ملاك الحبيبة

[سمراء الدنيا]

واش راكي سمراء الدنيا
حبيت نسقسيك علي الخبز كي تعجنيه في الليل وتطيبيه على 6صباحا كيفاش تعمليه
والخمارة تعمليها قليلة ولا عادية

اهلا بيك ام منيب كيراكي
بالنسبة للعجين نعجنو قبل لا نرقد و نديرلو مغرف كبيرة خمارة في كيلو دقيقو نغطيه مليح و نخليه فوق البوتاجي لانو راه البرد ما نخافش عليه و في الصباح نوض 6 نقرصو في البلاوات و نحطهم فوق المدفاة بين و لا صليت و ذكرت يكون خمر مرة اخرى ندخلو في الفور
نعمل لخميرة عادية لانو راه البرد

[سمراء الدنيا]

السلام عليكم و رحمة الله و بركاته
جيت نكتب تطبيقاتي لهاذا اليوم لاني ما نقدرش نكتبهم من بعد
الجانب الديني و الجمالي تمام و الحمد لله..... اليوم نظمت صوالح بنتي الصغيرة ملاك هاذو لي جو نتاعها
http://im33.gulfup.com/HHiih.jpg
فرزت الصغار درتهم في سلة و المكسرين رميتهم
http://im33.gulfup.com/JrIWh.jpg
و الكبار علقتهم
http://im33.gulfup.com/nY4Zc.jpg
طويتليها قشها و سدفتو في القجورة
http://im33.gulfup.com/ajjKQ.jpg
و رحت درت لغدا حريرة مغربية و زبيب و سلاطة بيطراف
http://im33.gulfup.com/iEIP4.jpg
و عجنت كعك باه نروح زيارة عند ناس معرفة نتاع راجلي
http://im33.gulfup.com/QPBqX.jpg
ما زال ما طيبتوش راه عاد يخمر

[ليلى القسنطينية]

صباحكم مسك عن يومي اليوم بديت من الصفر لاني كنت غايبة عن بيتي 9 ايام لوفاة عمي رحمه الله وجدت الدار كامل غبرة والشخص اللي خليناه عايش فيها حياة عزاب المهم نضت على 7 خملت شمبرتي وخرجت الزرابي البرة مسحت الغبرة ثم رحت لدوش بالصابون والجافيل غسلت الارضية وبنوار ولفابووالمراياوالحوايج الدايرة بيها ثم عدت للمطبخ عاودت غسلت كامل المواعين وعلب التوابل مسحت الثلاجة ونضمت الخضرة وحكيت الكوشة مسكينة كانت في حالة رجعت لبيت الجلوس نفضت فراشها مسحت الكنبيات والتلفزيون وطابلتو وبديت التسياق طبعا بالصابون ومنبعد عقبتت على الغرف بالنشاف حوش سيقتو وحوش كنستو برك درت غداء سباقيتي برك ملهيتش بالنسبة للجانب الديني للاسف صليت الصبح على 7 كنت تعبانة من الفياج 400كم راحت عليا نومة ربي يغفرلي القران كيما العادة 15صفحة والتسبيح الجانب الجمالي ديما نظيفة الحمد لله ولنتم ربي يوفقكم ويوفق ام ملاك الحبيبة


رحم الله عمك اختي فاتي و أسكنه فسيح جناته ان شاء الله
و يعطيك الصحة بالشوية برك الدار راهي غولة كيما نقولو حنا في قسنطينة الخدمة ما تخلاصش ديما
بالتوفيق لك

[ليلى القسنطينية]

يعطيك الصحة اختي سمراء الدنيا و ربي يخليلك بنتك و يحفظها ان شاء الله

[ام منيب]

اختي فاتي
ان لله ما اخذ
وله ما اعطى
وكل شيء باجل مسمى
نتمنالك الصبر والاحتساب
وادخل فقيدكم فسيح جنانه

[oummalak]

صباحكم مسك عن يومي اليوم بديت من الصفر لاني كنت غايبة عن بيتي 9 ايام لوفاة عمي رحمه الله وجدت الدار كامل غبرة والشخص اللي خليناه عايش فيها حياة عزاب المهم نضت على 7 خملت شمبرتي وخرجت الزرابي البرة مسحت الغبرة ثم رحت لدوش بالصابون والجافيل غسلت الارضية وبنوار ولفابووالمراياوالحوايج الدايرة بيها ثم عدت للمطبخ عاودت غسلت كامل المواعين وعلب التوابل مسحت الثلاجة ونضمت الخضرة وحكيت الكوشة مسكينة كانت في حالة رجعت لبيت الجلوس نفضت فراشها مسحت الكنبيات والتلفزيون وطابلتو وبديت التسياق طبعا بالصابون ومنبعد عقبتت على الغرف بالنشاف حوش سيقتو وحوش كنستو برك درت غداء سباقيتي برك ملهيتش بالنسبة للجانب الديني للاسف صليت الصبح على 7 كنت تعبانة من الفياج 400كم راحت عليا نومة ربي يغفرلي القران كيما العادة 15صفحة والتسبيح الجانب الجمالي ديما نظيفة الحمد لله ولنتم ربي يوفقكم ويوفق ام ملاك الحبيبة

عظم الله اجرك اختى فتيحة واحسن الله مثوى عمك
اما عن الشغل رغم تعبك راك قمت بكل شيء ماشاء الله عليك
ربي يوفقك انت تاني ويحفظلك ما عندك ويرزقك بالي تستناي قولي امين يارب

[oummalak]

السلام عليكم و رحمة الله و بركاته
جيت نكتب تطبيقاتي لهاذا اليوم لاني ما نقدرش نكتبهم من بعد
الجانب الديني و الجمالي تمام و الحمد لله..... اليوم نظمت صوالح بنتي الصغيرة ملاك هاذو لي جو نتاعها
http://im33.gulfup.com/hhiih.jpg
فرزت الصغار درتهم في سلة و المكسرين رميتهم
http://im33.gulfup.com/jriwh.jpg
و الكبار علقتهم
http://im33.gulfup.com/ny4zc.jpg
طويتليها قشها و سدفتو في القجورة
http://im33.gulfup.com/ajjkq.jpg
و رحت درت لغدا حريرة مغربية و زبيب و سلاطة بيطراف
http://im33.gulfup.com/ieip4.jpg
و عجنت كعك باه نروح زيارة عند ناس معرفة نتاع راجلي
http://im33.gulfup.com/qpbqx.jpg
ما زال ما طيبتوش راه عاد يخمر

واش نقولك 200على100 ماشاء الله عيني عليك باردة ............
وربي يحفظلك ملاك ويخليها ليك

[oummalak]

السلام عليكم و رحمة الله و بركاته
كيراكم يا الفحلات
توحشتكم بزززاف بزززاف و كل واحد باسمها
بغيت نخبركم عن سبب غيابي اني كانت عندي وفاة ولهذا كنت غايبة ان شاء الله نرجعو لنشاطنا مبصح راني زعفانة منكم لاني حاسة انكم غافلين عن الجانب النبوي شوية بحكم ما قريت في الصفحات السابقة
ماقنعنيش
غدا ان شاء الله نبدا معاكم درس جديد
***
اختي ام ملاك على سلامتك نهار كبير انك رجعتيلنا


يسلمك يا لحبيبة والحمد لله كي رجعت حتى انت
عظم الله اجركم في فقيدكم واحسن الله مثواه
والله الحالة راهي راقدة مع البرد
الا اختي سمراء راهي قائمة بكل شيء ربي يحفظها

[oummalak]

سال عليك الخير عزيزتي ام ملاك والله يحفضك لينا
برنامجك كل يوم نزيد نطبق منه في بيتي رائع ...رائع
لكن عندي مشكل انو ولادي مايناموش بكري حتى تحكم 12تاع الليل وانا مع الزعاف والدواس
زوج ولاد في الابتداءي والبنت في المتوسط حتى الصغير يعاندهم
والصباح يعذبوني في المنواض وانا ثاني نولي نرعش

حتى انا عندي مشكل النوم مع ولادي لكن الصغيرة نديرها في بلاصتها ونقولها ما كانش لمناض والاخرين قوليلهم كل واحد مكانو واطفيو الضوء مع الوقت يوالفو
طفي تاني الميكرو والتلفاز ولا ديري كيفي اطفي الويفي اي الانترنت راك تقطعي عليهم السهر وزيدي اطفي كهرباء التلفاز

[oummalak]

http://im33.gulfup.com/QPBqX.jpg
سمرائي راك جوعتيني وانا نموت على الكعك
من فضلك حطيلي الوصفة مع طريقة التحضير

[ليلى القسنطينية]

مساء الخير عليكم كامل
واش احوالكم ؟؟؟

[oummalak]

مساء الخير عليكم كامل
واش احوالكم ؟؟؟

الحمد لله وانت واش راك

[ليلى القسنطينية]

مساء الخير عليك اختي ام ملاك
اليوم ما درت والو ديت ابني الكبير للطبيب مرضلي بالزدرة و خفت يعدي خوه و درك راني هنا في المنتدى الدار مظيفة البارح سيقتها و درت كلش بقالي العشاء برك راني نستنى في العصر باه نصلي و ندخل طول للكوزينة

[fati 17]

رحم الله عمك اختي فاتي و أسكنه فسيح جناته ان شاء الله
و يعطيك الصحة بالشوية برك الدار راهي غولة كيما نقولو حنا في قسنطينة الخدمة ما تخلاصش ديما
بالتوفيق لك

شكرا اختي ليلى الله يعيشك وشكر الله سعيك راني لقيتها كي الغولة

[fati 17]

اختي فاتي
ان لله ما اخذ
وله ما اعطى
وكل شيء باجل مسمى
نتمنالك الصبر والاحتساب
وادخل فقيدكم فسيح جنانه
امين ام منيب وشكر الله سعيك ربي يعيشك اختي

[fati 17]

عظم الله اجرك اختى فتيحة واحسن الله مثوى عمك
اما عن الشغل رغم تعبك راك قمت بكل شيء ماشاء الله عليك
ربي يوفقك انت تاني ويحفظلك ما عندك ويرزقك بالي تستناي قولي امين يارب
شكر الله سعيك اختي ام ملاك وامين

[fati 17]

اين اختي بنت خليل هذي مدة وهي غايبة

[ام منيب]

عندك الصح يا فاتي بنت خليل تركت فراغ كبير بيناتنا
انا شخصيا استفدت من معلوماتها الدينية كثيرا
انشاء الله تولينا بالف صحة

[ام اكرم31]

رضعي ابنك مليح واغسليلو وماتخليه ناقصو والوا وخايه عند جارتك قوليلها ساعة ونكون في الدار اكيد راح تكمهولك هي و ابنك الاخر

هذه في حالة اذا ماعندكش عندمن تخليهم

وروحي تقضي ديري في بالك ساعة فقط وبعدها ارجعي للدار نصف ساعة ترتاحي فيها ومن بعدها خملي الخضرة ورتبيها والغذائ في هذاك النهار بالتحديد يستحب اطيبيه في الليلة الي قبلها على خاطر ماراحش يكفيك الوقت

اتمنى اني نكون افدتك

شكرا اختي على نصيحتك ولكن مفهمتنيش انا منديرش السوق وانما زوجي ولكن عجبتني فكرة نطيب في ليلة يوم الجمعة فكرة شابة شكرا

[ام اكرم31]

على سلامتك اختي مرحبا بيك بيناتنا
انا عن نفسي اختي السبت ما نخدم شغل كبير حتى يوم الاحد ونبدا اسبوعي
بما انه عندك السوق يوم السبت نقترح عليك تنظمي الخضر انتاعك في ليبوات وتنظميهم فالثلاجة الطماطم في سلة وحتى هي فالثلاجة القسبر او الحشيش نقيه ولفيه في بابيي سارفييت وضعيه حتى هو في لا بوات راهو يشدلك حتى 15يوم
في هدا اليوم نقترح عليك ديري حاجة من البقول الجافة عدس او لوبيا ديريها الصباح ما تدليكش الوقت فالتحضير
اما عن سائر الايام حاولي تبعي نظامالوقت كل غرفة تحاولي تخلصيها في وقت محدد مثلا غرفتك من تنظيم ومسح الغبار وكنس او مسح تحاولي ما تتجاوزي 25د او 20د هده الطريقة رايحة تساعدك كثير
والعميق راني مخصصتلو 50د تديريه الوقت الي تقدري من يومك
اماعن ابنكالرضيع علميه تغسليلو الصباح وترضعيهوتوضيه امام التلفاز وبجانبه قميص انتاعك فيه الرائحة انتاعك رايح يحس انك بجانبه هده طريقتي الي ربيت بها اولادي
رايح يبكي في اليوم الاول ومن بعد يوالف
وزيد انقولك انا بنتي عندها عامين ونص ولفتها براعم ولات ما تنوض من قدامها
نطلب ربي يعاونك ويكون معاك ونصيحة كثري من الاستغفار والتسبيح فانهما يدان ممتدتان لتساعدك يا سبحان الله
بالتوفيق حبيبتى
شكرا حبيبتي ام ملك على النصاءح القيمة جعل الله لكي هدا العمل في ميزان حسناتك اختي سوف اتبع نصيحتك انشاء الله
غاصة واني احب كتيرا النضام وبالنسبة للخضر مكنتش نديرها في لبوات انا نديرها في الصندوق الخاص بالخضرة الكبير تع التلاجة وابني فعلا مولفاتو قنات براعم واستفاد منها بزاف عندي مشكل وحداخر انا منوضش بكري مرا 9 ومرات 9والنصف لاني نبات نرضع مل يحلالي صباح الرقاد وانا نحب بيتي ديما نضيف لكن عندي كوزينة صغيرة مهما رتبتها منكونش راضية على الترتيب احس مزال خاصها باقي البيوت معنديش مشكل معاهم معنديش بروقرام نمشي عليه كي شفت طريقتك عجبتني نحاول نشاء الله نفد ربي يخاليك لينا اختي

[oummalak]

السلام عليكم ورحمة الله
كي صبحتو اليوم راهو الريح قوي والبرد قارس ما كان شغل
رايحة ننخصصو للخياطة بيدي
تحياتي حبيباتي

[ام منيب]

صباح الخير على حبابات الخير
اللهم صل على محمد و على ازواجه وذريته
كما صليت على ال ابراهيم
وبارك على محمد وعلى ازواجه وذريته
كما باركت على ال ابراهيم
انك حميد مجيد

[ماريا205]

السلام عليكم ورحمة الله تعالى
يومكم طيب نهار مبارك كله نشاط وحيوية
ابدا تطبيقي لنهار امس
نضت على 10_6 توضيت صليت
وجدت الفطور كي كملنا غسلت الماعن
لميت الديار مسحت الغبرة غسلت القش
غسلت الثلاجة وعاودت نظمت الخضرة
سيقت الكوزينة ونشفت البيوت تغدينا شخشوخة غسلت الماعن
وبقاتلي العشية ريحت فيها وقريت قران مع التسبيح والاستغفاروالصلاة على النبي ولله الحمد
الجانب الجمالي درت قناع العسل.

[oummalak]

السلام عليكم ورحمة الله تعالى
يومكم طيب نهار مبارك كله نشاط وحيوية
ابدا تطبيقي لنهار امس
نضت على 10_6 توضيت صليت
وجدت الفطور كي كملنا غسلت الماعن
لميت الديار مسحت الغبرة غسلت القش
غسلت الثلاجة وعاودت نظمت الخضرة
سيقت الكوزينة ونشفت البيوت تغدينا شخشوخة غسلت الماعن
وبقاتلي العشية ريحت فيها وقريت قران مع التسبيح والاستغفاروالصلاة على النبي ولله الحمد
الجانب الجمالي درت قناع العسل.

ما شاء الله عليك اختي راك قائمة بكل الجوانب ربي يثبتك على دينك

[fati 17]

صباح الانوار اريد اليوم طلب اجازة ليوم واحد صبحت مريضة الجانب الديني التسبيح والاستغفار فقط

[oummalak]

صباح الانوار اريد اليوم طلب اجازة ليوم واحد صبحت مريضة الجانب الديني التسبيح والاستغفار فقط

كامل رانا اجازة كما قتلك لامورال لايدين يخدمو هههههههههههه

[ام منيب]

كامل رانا اجازة كما قتلك لامورال لايدين يخدمو هههههههههههه

يا اختي ام ملاك انشاء الله ربي يكون في عونا
ا

[ام منيب]

وين راكي يا سمراء الدنيا
ما صبحتيش معانا
انشاء الله خير ما عندكم

[ام منيب]

صباحكم بالخير يا خواتاتي
عن تطبيقاتي يوم امس
فطنت بالبورطابل مع الاذان الثاني نضت توضيت وصليت ودعيت رب العالمين وقريت الذكار مع الاسف ماقدرتش نحفضهم يعني نقراهم فقط
صليت على النبي ودخلت الكوزينة حضرت القهوة والحليب وحطيتهم مع مسكوشو محضرة من قبل
اتجهت لعزيزتي المشينة لافي حاطتها في البالكو تاع الكوزينة عمرتها حوايج وبديت الغسيل باريات المسحوق الرائع وفي نفس الوقت مسحت الفريجدار وعاودت خملتو
فطنت لولاد مع باباهم وبعد مافطرو وخرجو لميت الماعن غسلتهم
ورميت لوبيا يابسة للغدا
ومن بعد درت رغوة للكوزينة مع البالكو ومسحتهم بعد ماشللت كل الحوايج لكن مانشرتهمش باش يقدني الوقت
هجمت على الغرف والصالو حليت التيوق ومسحت الارض وعاودت خملتم
لقيت اني كملت بسرعة نشرت الحوايج بعقلي في البالكو
دخلو لولاد فطرتهم
ومن بعد الظهر خرجت زيارة

[ام منيب]

.......ماتخلوناش نقفلو هاذي اللمة المباركة بعد مارانا نفيدو ونستفادو..........

[fati 17]

صباح الانوار شاطرة ام منيب اليوم واش عندنا راه تخلطلي الجدول

[oummalak]

الحالة راهي راقدة يالبنات البرد غلبنا ولا واش

[fati 17]

صباح الانوار وين راكم يابنات الهمة والنشاط لازم اليوم نستعيدو نشاطنا واش صبحتي ام ملاك في اي اسبوع رانا انا كاتبة جدول فيه ميسح السقف راني صحيحة ام لا

[ام امجد14]

صباح الخير يا بنات اسمحولى رانى مقصر بزااااااف الله غالب كانو اولادى مراض و الان الحمد لله
يا بنات رانى مغبونة مع شغل البيت الدور الاول والثانى ما عرفتش نوفق بينهمالدور الاول غرف و الصالة و القراج و الاول وغرفة الشيخ و العجوز دايما مخلط تعرفو الكبار
و الدور الثانى المطبخ غرفة البنات و غرفة الاولاد و اول و الحوش و غرفة المعيشة وغرفة الرئيسية و الدوش
رانى ضايعة
سااااااااااااااااااااعدونى

[oummalak]

صباح الخير يا بنات اسمحولى رانى مقصر بزااااااف الله غالب كانو اولادى مراض و الان الحمد لله
يا بنات رانى مغبونة مع شغل البيت الدور الاول والثانى ما عرفتش نوفق بينهمالدور الاول غرف و الصالة و القراج و الاول وغرفة الشيخ و العجوز دايما مخلط تعرفو الكبار
و الدور الثانى المطبخ غرفة البنات و غرفة الاولاد و اول و الحوش و غرفة المعيشة وغرفة الرئيسية و الدوش
رانى ضايعة
سااااااااااااااااااااعدونى

واش راك ام امجد ان شاء الله اولادك راهم لاباس وراح عليهم المرض فيما يخص الشغل انا نقولك اول حاجة نقي الصالة الي فوق واغلقيها
الغرف الي ما تحتاجيهم اغلقيهم ولما تلقاي وقت نظفيهم لكن ليس دفعة وحدة كل يوم نظم ونظم من هده الغرف 15د لااكثر وهكدا رايحين ينقاو واغلقيهم
اما عن الغرف الي فوق دائما رتبيهم قبل التاسعة باه لما تنزلي التحت حتى الى ما لقيتيش وقت ترجعيلهم على الاقل يكونو نضاف والى عندك دوش التحت استعملوه وانتاع الفوق خلوه غير لليل هكدا تنظفيه غير كل ثلاث ايام
وانا نقترح عليك 15د لكل غرفة رايحة تساعدك ونزيد نقلك اليوم الى مسحتي غبار غرفة النوم ما تمسحيش غرفة البنات وزيدي امسحي غرفة الاولاد وغرفة الجلوس اي غبارهم
نصيحتى انك تستعملي هده الطريقة انتاع ضبط الوقت
ان شاء الله نكون افدتك قليلا اختك ام ملاك

[oummalak]

صباح الانوار وين راكم يابنات الهمة والنشاط لازم اليوم نستعيدو نشاطنا واش صبحتي ام ملاك في اي اسبوع رانا انا كاتبة جدول فيه ميسح السقف راني صحيحة ام لا

رانا فالاسبوع الرابع لكن لغياب الاخوات كلو راه حابس ان شاء الله يرجعو بخير

[سمراء الدنيا]

مساء الخير يا لبنات كيراكم واش هاذ الرقاد ايا نوضو ....ههههه.....
سمحولي كانت النت مقطوعة و كانت عندي ظروف اخرى لكني ما تخليتش على التطبيقات و راني نتبع البرنامج صذقوني يا لبنات راهو مريحني على الاخر مثلا اليوم جاوني ضيفات على غفلة لقاو كلشي يبرق و انا كنت فرحانة و مرتاحة و انا نديرليهم في الغدا

[oummalak]

http://forum.hwaml.com/imgcache2/hwaml.com_1312481450_969.jpg
هدا العطر انه قاتل فيه غاز يقتل هدا المنتج لممثلة يهودية متشددة هناك عدة حالات موت وعدة حالات في العناية المركزة بالبحرين وبالسعودية
اتمنى انكم ما تستعملوه وتنصحو كل الي تشوفوها تستعمله

[oummalak]

مساء الخير يا لبنات كيراكم واش هاذ الرقاد ايا نوضو ....ههههه.....
سمحولي كانت النت مقطوعة و كانت عندي ظروف اخرى لكني ما تخليتش على التطبيقات و راني نتبع البرنامج صذقوني يا لبنات راهو مريحني على الاخر مثلا اليوم جاوني ضيفات على غفلة لقاو كلشي يبرق و انا كنت فرحانة و مرتاحة و انا نديرليهم في الغدا

ما شاء الله والله تفرحي طلعيلي شوي المورال للاحد لاني اليوم راني رايحة لدار ابي نفوت الويكاند هادي من عطلة الشتاء ما رحت

[سمراء الدنيا]

عزيزتي ام ملاك هاذي وصفة الكعك للي طلبتيها و الطريقة بالتفصيل رايحة نحطها في قسم الحلويات
1 كلغ فرينة
حبة بيض
فاني و قشور ليمون او برتقال و حبة حلاوة
نص كاس زيت
كاس سكر
2 خميرة حلوى
2 مغارف كبار خميرة خبز
ماء دافي للعجن
http://im33.gulfup.com/UgG6Q.jpg

و اللوحة للي كنت سالتيني عليها هاذي هي
http://im33.gulfup.com/qIMfU.jpg

[oummalak]

عزيزتي ام ملاك هاذي وصفة الكعك للي طلبتيها و الطريقة بالتفصيل رايحة نحطها في قسم الحلويات
1 كلغ فرينة
حبة بيض
فاني و قشور ليمون او برتقال و حبة حلاوة
نص كاس زيت
كاس سكر
2 خميرة حلوى
2 مغارف كبار خميرة خبز
ماء دافي للعجن
http://im33.gulfup.com/ugg6q.jpg

و اللوحة للي كنت سالتيني عليها هاذي هي
http://im33.gulfup.com/qimfu.jpg

شكرا لك سمراء رايحة ان شاء الله نبدا نحفظ باه ربي يشرحلي صدري

[سمراء الدنيا]

ما شاء الله والله تفرحي طلعيلي شوي المورال للاحد لاني اليوم راني رايحة لدار ابي نفوت الويكاند هادي من عطلة الشتاء ما رحت

ان شاء الله تروحي و تغيري الجو ... الانسان لو كان ما يغيرش الجو يطرطق
داركم في نفس المدينة و لا بعاد ... انا من اوت كنت عند اهلي و رجعت في نوفمبر غير يومين رحت عند طبيب و راني نستنى في عطلة الربيع و نروح ان شاء الله

[oummalak]

بيني وبينهم 6كلم لكن مع لولاد يقراو وكانو عندنا الملاك في فاميلت راجلي وووووو لي ما تكمل

[سمراء الدنيا]

بيني وبينهم 6كلم لكن مع لولاد يقراو وكانو عندنا الملاك في فاميلت راجلي وووووو لي ما تكمل

عندك الحق لولاد شدونا على اهلنا ... انا امي مرضت الاسبوع للي فات ما صبتش كي ندير نروح مع لقراية فوت اسبوع غير بكي و هي مسكينة راحت عند خالتي رفدتها

[سمراء الدنيا]

السلام عليكم و رحمة الله و بركاته
ان شاء الله تكونو جميعا بخير
تطبيقاتي في اليومين اللي غبتهم الجانب الديني شادة فيه و مزيرة الصلاة في وقتها الاذكار و التسبيح و الصلاة على النبي اثناء الشغل و صلاة الضحى الحمد لله على نعمة الاسلام الجانب الجمالي لاباس بيه اما التنظيفي ما يخطيش ههههه... يوم الاثنين كنت عملت شوي كعك باش نروح نطل على جارنا كان مريض لكن للاسف توفي مسكين
وليت نكمل شغلي الصباح و نروح عندهم لعشية لمدة 3 ايام في هاذ الايام كملت غرفة الاولاد و نظفت الصالة الصغيرة بديت بالبلافو و اللوستر نقيتهم و من بعد الطابي كنت نشمخ الشيتة و ن حكو ما قدرتش نغسلو
http://im31.gulfup.com/5mi2a.jpg
http://im31.gulfup.com/SNLKl.jpg
و مسحت الباب و التاقة كانو ديجا نظاف و ما تعبونيش و خيطت عباية لجارتي و 4 مخاد بالكوردون
http://im31.gulfup.com/dHU5D.jpg
http://im31.gulfup.com/4ngF9.jpg
..... البارح نضت على 30..5 الصباح وجدت لفطور لخدمة راجلي عملت 16 خبزة نتاع شحم و 3 تيرمويات تاي
http://im31.gulfup.com/bK0j8.jpg
http://http://im31.gulfup.com/pgNYI.jpg

اليوم بديت الشغل بكري لميت شومبرتي و شومبرة الاولاد و الكوزينة و الهول و سيقت و مسحت الغبرة و كملت بالدوش و التوالات حاشاكم راني عاد نخمم واش ندير للعشا حتى صونا التيليفون جاييني عمة زوجي و بناتها 2 و ولادهم يتغداو دخلت للكوزينة طيبت حريرة و زيتون و فريت و بيطراف و سلاطة خضرا و خدمت الجو نتاع الجزر و الليمون الحمد لله تغداو و الدار كانت تمام غسلت ماعين لغدا هوما راحو و انا ريحت في الميكرو هههه كنت متوحشة اخباركم
قلت نحكيلكم كلشي بالتفصيل باش نديرليكم الكوراج و ما تعجزوش من البرد راها خدمة الدار لو كان تحبسي نهار يتخلطلك لحساب

[سمراء الدنيا]

وين راكي يا سمراء الدنيا
ما صبحتيش معانا
انشاء الله خير ما عندكم

صباح الخير ام منيب كيراكي
بارك الله فيك على السؤال كانت النت مقطوعة و الان الحمد لله
راني نشوف بللي راكي ناشطة كملي كيما هاك و تشوفي الراحة النفسية
و السعادة للي تنزل عليك يا رب يثبتنا و يعاونا على اشغالنا

[سمراء الدنيا]

اللهم صل و سلم على سيدنا محمد عليه افضل الصلاة و ازكى التسليم

اصبحنا و اصبح الملك لله عز و جل و الحمد لله و الكبرياء و العظمة لله و الخلق و الامر و الليل و النهار و ما سكن فيهما لله تعالى ....اللهم اجعل اول هذا النهار صلاحا و اوسطه نجاحا و اخره فلاحا يا ارحم الراحمين .

[fati 17]

صباح النور حنوناتي قبل كل ادعو معي لام ملاك ربي يحفضها من كل سوء وربي يعطيها صحتها وربي يحفضلها اوبلدها ويهنيها مع زوجها لانها كانت السبب في النشاط والهمة والنضام الليرانا فيه تطبيقي ليوم امس الصباح نضت عادي الصيح روبو نضفت الدار الروتين اليومي والعمل العميق مسحت الزجاج وغسلت الملابس وكي نشفو طبقتهم ووضعتهم في الجزانة بشكل منظم والضهر رحتلغند سلفتي خياطة مزال مخيطتليش روبتي وكي رجعت بديت نوجد في العشا عندي ضيوف اصدقاء الزوج بديت بالعصير البرتقال والكريم كراميل خدمتهم ودسيتهم يبردو ثم السلطة الي درتها فلة جاتني روعة ومن باعد دوزنت الحريرة والجلبانةبالفقاع وليبول والدجاج غسلت الفواكهوخبزت الخميرة كي كملت وجدت مواعن التسربي غسلتهم وجدتهم جاو الجماعة تعشاو بالصحة كي روحو غسلت الاواني وسيقت الكوزينة وقعدت نتعشى وكي كملت رحت للصالة خملتها كيما كانت اول مرة كي جوني الصياف يدخلو بلامنشوف الصالة وندور عليها لانها تشعل التلفزة ممسوحة طولتها كذلك الدنيا تشعل وكان بعد الضهر فراغ طياب العشاء برك هذا نتيجة النضام كملو حبيباتي راهو روعة للاسف نسيت الثلاجة مركبتلهاش البريس عندي كمية معتبرة من اللحوم ياربي متكونش فسدت هذا واش دارت اخيتكم

[fati 17]

اللهم صل و سلم على سيدنا محمد عليه افضل الصلاة و ازكى التسليم

اصبحنا و اصبح الملك لله عز و جل و الحمد لله و الكبرياء و العظمة لله و الخلق و الامر و الليل و النهار و ما سكن فيهما لله تعالى ....اللهم اجعل اول هذا النهار صلاحا و اوسطه نجاحا و اخره فلاحا يا ارحم الراحمين .اصبحنا واصبح الملك لله والحمد لله صباحك فل سمورة

[ام امجد14]

السلام عليكم يا بنات
اختى سليمة مشكووووورة على نصائحك ان شاء الله نطبقها
التهلاى انتى ايضا فى روحك و ما تفكريش فى المرض انسايه ينساك
وان شاء الله وين نصلى رانى ندعيلك ربى يعطيك الصحة و يخليلك اولادك هوما الجنان
حق شعلا عندك اولاد و شعال اعمارهم رانى نسيت

[سمراء الدنيا]

باسم الله و الحمد لله و لا حول و لا قوة الا بالله

السلام عليكم و رحمة الله و بركاته .... كيراكم يا لغزالات
تطبيقي ليوم الجمعة بعد ما خلصت الجانب الديني و فطرت هجمت على البلاكار الموجود في بيت الاولاد
http://www.mobdi3ine.net/image2623403.html
دخلت فيه مصيبة :sdf::sdf:..... فاااااااااااااااااااار ........خرجت كل الخردة اللي فيه و طلعتها للسطح فيه المحفظات قدام و ملابس الصيف في فاليزات و بعض الاغطية اللي ما نستعملوهمش المهم فرغتو الكل .... و نظفتو مليح و مالقيتش هذاك الفار هههه...حطيتلو الرهج في زاوية و رجعت القش و غلقتو و درت شوي ملابس في الماشنة لافي و غسلت طابي خفيف نتاع الاولاد و 2 حصاير ...
http://www.mobdi3ine.net/image2623404.html
و هويت كل الدار و سيقتها ..مع هاذ التعب لغدا درت سفة باللبن ...
http://www.mobdi3ine.net/image2623406.html
صلينا و تغدينا و رجعت للشقا هودت للتحت نقيت الصالة و لميتها
http://www.mobdi3ine.net/image2623405.html
و سيقت الgاراج ....

بغيت نكمل كل الشغل مرة وحدة باش ندي لبنات اليوم للحمام
لكن في الليل ما تشوفوش فيا العشا ما قدرتش ناكل ... كتافي و ظهري كانو يتقطعو ... الحمد لله على كل حال ....منين نشوف الدار نقية و منظمة يروحلي كل التعب .

[fati 17]

صباح النور البنات سمراء راكي44444444444444 تطبيقي ليوم امس العمل العادي والروتيني ملقيت واش نخدم الدنيا نظيفة ومن الغد انشاالله البرنامج انا عندي في الجدول المطبخ الجانب الديني كونجي

[سمراء الدنيا]

صباح الخير فاتي كيراكي
انا تاني اليوم كيفك صبح كلشي نظيف ريحت في الميكرو

[سمراء الدنيا]

شوفو يا لبنات هذا رابط الكعك ممكن يفيدكم
http://www.djelfa.info/vb/showthread.php?t=1217333
و هذا رابط الكيكة البسيطة قلت نوريهالكم بلاك تجربوها
http://www.djelfa.info/vb/showthread.php?t=1208373&highlight=%DF%ED%DF%C9+%E3%CE%D8%D8%C9+%C8%D3%ED%D 8%C9

[سمراء الدنيا]

وين راكم يا لبنات
ليلى القسنطينية ...... و ماريا ..... ام منيب
فطيمة .... وفاء .... ام امجد
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[ام منيب]

وين راكم يا لبنات
ليلى القسنطينية ...... و ماريا ..... ام منيب
فطيمة .... وفاء .... ام امجد
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صباح الخير عليكم كامل خاصة اختي سمراء الدنيا لي ديما تسقسي علينا ...اسمحولي النت كانت مقطوعة عندي و زادو ولادي خصرو الميكرو و صلحناه اليوم الصباح ;)

[بنت الجزاير الغالية]

السلام عليكم
يعطيكم الصح يا الفحلات راني نتبع فيكم من بعيد و نفرح بنشاطكم و خصوصا سمراء الدنيا و نشكر الأخت أم ملك و ربي يجازيها كل خير على فكرة 50 دقيقة يوميا و الله نفعتني و ندعيلها من قلبي
يا ريت تقبلوني معاكم
عندي فكرة نتمنى تعجبكم راح نزيدوا نشجعوا بعضنا أكثر و يكون تواجدنا في الموضوع أكثر كان قبلتوني نقلكم على فكرتي
سلامي لوفاء سعاد لأنها الوحيدة اللي نعرفها في هذا الموضوع و باقي البنات تشرفت بمعرفتكم

[oummalak]

السلام عليكم يا لحبيبات انتاعي توحشتكم واش راهو الحال
نطلب من كل مشاركة معنا تقولنا واش باقي في منزلها يخصو تنظيف عميق باه نديرولو ايامات ونبداو من جديد راهي الحالة راقدة نتمنى الهمة تكون عالية
والله راني نحس انها دعواتكم لي راهي جابت نتيجة والحمد لله
الى تحبو الاخوات غدا ان شاء الله نخصصوهللمطبخ نمرو على كل حاجةفيه من ثلاجة وكويزنيار وخزانات وكل شيء لازم يكون على السريع اى ما يتجاوز خمس دللحاجة باه المطبخ يقعد لينا نقي
الى توافقوني الراي راني نستنى فالرد

[oummalak]

السلام عليكم
يعطيكم الصح يا الفحلات راني نتبع فيكم من بعيد و نفرح بنشاطكم و خصوصا سمراء الدنيا و نشكر الأخت أم ملك و ربي يجازيها كل خير على فكرة 50 دقيقة يوميا و الله نفعتني و ندعيلها من قلبي
يا ريت تقبلوني معاكم
عندي فكرة نتمنى تعجبكم راح نزيدوا نشجعوا بعضنا أكثر و يكون تواجدنا في الموضوع أكثر كان قبلتوني نقلكم على فكرتي
سلامي لوفاء سعاد لأنها الوحيدة اللي نعرفها في هذا الموضوع و باقي البنات تشرفت بمعرفتكم


مرحبا بك حبيبتي والله فرحت لدخولك وتشريفك موضوعي
من فضلك حطي فكرتك رانا متشوقات وبالاخص انا
اهلا بك مرة اخرى غاليتي

[وفاء سعاد]

اسعد الله صباحكم البنات واش راكم معليكمش يارب تكونو لاباس كل واحدة باسمها

[وفاء سعاد]

ام ملاك اسمحيلي كنت ماندخلش مع فروض الاولاد 3الله يبارك واحد يخلص والاخر يبدا وندير غير الشغل العادي وراني موافقتك عل المطبخ اليوم انشاء الله نديرو عل السريع

[وفاء سعاد]

السلام عليكم
يعطيكم الصح يا الفحلات راني نتبع فيكم من بعيد و نفرح بنشاطكم و خصوصا سمراء الدنيا و نشكر الأخت أم ملك و ربي يجازيها كل خير على فكرة 50 دقيقة يوميا و الله نفعتني و ندعيلها من قلبي
يا ريت تقبلوني معاكم
عندي فكرة نتمنى تعجبكم راح نزيدوا نشجعوا بعضنا أكثر و يكون تواجدنا في الموضوع أكثر كان قبلتوني نقلكم على فكرتي
سلامي لوفاء سعاد لأنها الوحيدة اللي نعرفها في هذا الموضوع و باقي البنات تشرفت بمعرفتكم


ربي يعيشك اختي راكي كنت مغيبة خلاص نتمنى تبقاي معانا في هده اللمة ونستفادو اكتر من بعضانا ومرحبا بيك ورانا نستناو في فكرتك شوقتيني باه نعرفها

[وفاء سعاد]

صليحة ربي يعطيك صحتك مرا ونص راكي قايمة بجميع الجوانب ربي يحفظك ويخليك دايما فحلة

[وفاء سعاد]

فاتي درك واين عرفت منواه تسماني تطيبي اكل يشهي ومايتقومش علا هاديك ماتقدريش ماتتعشايش هاهاها

[oummalak]

ام ملاك اسمحيلي كنت ماندخلش مع فروض الاولاد 3الله يبارك واحد يخلص والاخر يبدا وندير غير الشغل العادي وراني موافقتك عل المطبخ اليوم انشاء الله نديرو عل السريع

ربي يحفظلك لوليدات من كل شر ويفرحك بنجاحهم يارب
الحمد لله الي راك بخير
حطيلنا نصيحتك لليوم باه نطبقوها

[oummalak]

قوليلي سعاد كيفاه ندير باه نصبر على العشاء

[وفاء سعاد]

ام منيب ربي يخليك دايما ناشطة

[سمراء الدنيا]

صباح الخير و الربح و الرزق و النشاط و النظافة و الهمة العالية

باسم الله و الحمد لله و لا حول و لا قوة الا بالله
اللهم صل و سلم على سيدنا محمد صلى الله عليه و سلم

كيراكي ام ملاك اليوم ان شاء الله راكي ناشطة و المورال طالع
كيراكي وفاء ماعليكش .....و اخيرا صبتك الله ينجح وليداتك ووليداتنا كامل

[سمراء الدنيا]

عزيزتي سليمة طليتي على قلبي .... البارح في الليل فرغت بلاكار تحت البوتاجي و سيقتو و بيتو ينشف و اليوم ان شاء الله نرجع الماعين اللي فيه تاني هوما غسلت البارح .... هوما كانو نظاف لكن انا الاسبوع اللي فات كان دخلي فار ..... و البارح برك حكمناه و قررت نعاود نخسل كل الكوزينة بصح غير بالعقل .... و راني دايرة حسابي اليوم على الدوش نظفو تنظيف عميق و نعقمو.... اذا كانش حاجة تنصحيني بيها

[سمراء الدنيا]

السلام عليكم
يعطيكم الصح يا الفحلات راني نتبع فيكم من بعيد و نفرح بنشاطكم و خصوصا سمراء الدنيا و نشكر الأخت أم ملك و ربي يجازيها كل خير على فكرة 50 دقيقة يوميا و الله نفعتني و ندعيلها من قلبي
يا ريت تقبلوني معاكم
عندي فكرة نتمنى تعجبكم راح نزيدوا نشجعوا بعضنا أكثر و يكون تواجدنا في الموضوع أكثر كان قبلتوني نقلكم على فكرتي
سلامي لوفاء سعاد لأنها الوحيدة اللي نعرفها في هذا الموضوع و باقي البنات تشرفت بمعرفتكم


مرحبا بيك اختي معانا تنورينا و تونسينا .... و راكي شوقتينا بزاف نعرفو الافكار نتاعك ...رانا نحوسو على كل جديد و مفيد .... اهلا و سهلا

[سمراء الدنيا]

واااااااااااااااش ...؟ تاني اليوم ما بانتش فطيمة...... الله يرجعها بخير

[نبض الفؤاد]

السلام عليكم ورحمة الله تعالى وبركاته
الحمد لله وكفى وصلى الله على المصطفى وبعد عزيزاتي كيفاه راكم توحشتكم بالبزاف ونحمد الله تعالى اللي راني لقيتكم بخير
عزيزتي صليحة شكرا على السؤال الدائم ويجعل محبتنا في الله ونلتقاو عند حوض النبي ان شاء الله
كيفك سليمة وأم أمجد ،وفاء والاخريات؟؟؟؟؟؟

[سمراء الدنيا]

يا اهلا و سهلا بيك عزيزتي نبض الفؤاد ...توحشناك توحشناك و لا نغنيهالك هههههه
الحمد لله كي راكي بخير .....كيراهم لبنات و كانش ماكرامي ...كانش شغل ...كانش نشاط

[نبض الفؤاد]

كنت معاكم قلبا وليس قالبا ،فقد كنت دايرة سياسة على الاولاد ما حبيناش نخلصو النت لمدة معينة حسيتها كعقاب ليا انا
المهم البنات راهم كلهم بخير وراهم يدخلو امتحان ويخرجو من لاخر وهي رايحة
اما انا كنت نبعث بنتي تشوفلي واش راكم تديرو و تقولي ...كنت نوقب هههههههههه
يعني الاخبار ما كانتش توصل مية بالمية بصح توصل
الجانب الديني الحمد لله
الجانب الجمالي حاجة جديدة ليgommage au citron حاجة هايلة
الجانب التنظيفي عموما لاباس مع الثلج والبرد يعني لازمني العميق ظرك كيما البارح واول البارح مع الملابس المعاطف والستاير......
الاكل الطعام بالرايب الجمعة والعشاء لا بيري والجاج محمر وسلطة (ضيفت وليدي القادم من الجامعة) و البارح غدا لوبيا وسلاطة
والعشا سلق في الفرن (قراتان) للقهوة في الويكند كنت خدمت طرونية تهني

[نبض الفؤاد]

عزيزتي الماكرامي حتى شوية للعطلة بصح انا راني نخيط ونرقع هههههههههههههه

[سمراء الدنيا]

هههه شفتي كي نبغو نعاقبو لولاد نعاقبو رواحنا انا ما قدرتش 3 ايام و زيرتو حتى خلصو و راني وزعت ليهم الوقت و كل واحد عندو ساعة و نص و نقعد معاهم انا و لا باباهم ربي يقوينا برك

[ليلى القسنطينية]

السلام عليكم و رحمة الله و بركاته
واش احوالكم ؟

اسمحولي مادخلتش اليومين هاذو و مادرت وااالو في الشغل العميق راني غير في الروتين
لأني مرضت عندي يومين و أنا في الفراش دارتلي السخانة و جسمي كامل يوجع فيا ندخل للمنتدى نطل برك و نخرج
المهم الشهر هذا راه فات و ان شاء الله نبداو برنامج جديد
أنا اليوم راني خصصتو للمطبخ و الديبارة عندي بزاف ما فرزتهاش
و ربي يوفقكم جميعا

[سمراء الدنيا]

اهلا بعودتك اختي ليلى طهورا ان شاء الله
و غير بالعقل عليك .... الكوزينة غولة ما تكملش في نهار

[نبض الفؤاد]

المشكلة كيكبارو كيفاه تقعدي معاهم عندهم مواضيع مختلفة والفيس بوك ندوخ ما نقدرش نروح كاش ما نحفظ على روحي
لالا ماعنديش مشكل معاهم في وين يدخلو بقدر ما يقلقني الوقت ينساو رواحهم كل وقت نعيط

[fati 17]

صباح النور على سلامتك ليلى ربي يشفيك اليوم انا عندي في الجدول بداية الشهر الثاني المطبخ ورربي يوفق الجميع

[نبض الفؤاد]

عندك الحق الاخت ليلى الديبارا انا عندي كارثة

[fati 17]

فاتي درك واين عرفت منواه تسماني تطيبي اكل يشهي ومايتقومش علا هاديك ماتقدريش ماتتعشايش هاهاها
يا وفاء راني قتلك ااماء وحدو يسمني :1:

[نبض الفؤاد]

نخليكم ظرك ونروح كاش ماندير الى الملتقى

[oummalak]

عزيزتي سليمة طليتي على قلبي .... البارح في الليل فرغت بلاكار تحت البوتاجي و سيقتو و بيتو ينشف و اليوم ان شاء الله نرجع الماعين اللي فيه تاني هوما غسلت البارح .... هوما كانو نظاف لكن انا الاسبوع اللي فات كان دخلي فار ..... و البارح برك حكمناه و قررت نعاود نخسل كل الكوزينة بصح غير بالعقل .... و راني دايرة حسابي اليوم على الدوش نظفو تنظيف عميق و نعقمو.... اذا كانش حاجة تنصحيني بيها

الدوش بلعيه واطلقي الماء السخون في بسينة وخليه راهو يعرق ويجيك ساهل وخلطي البيكاربونات والخل واغيلي راهو ليه مفعول سحري
والفار الحمد لله الي حكمتيه اكبر حاجة نكرهها في حياتي

[oummalak]

اختي نبض الفؤاد على سلامتك الحمد لله على رجوعك والله هاد اليوم مبروك
حتى راجلي عاقبنا 10ايام بلا انترنت هبلت حتى خلصها

[oummalak]

ليلى القسنطينية ربي يشافيك غير بالعقل باه ما تعاوديش تمرضي الكوزينة غولة كما قالت سمراء

[oummalak]

نخليكم الى العمل سر

[it's me]

السلام عليكن
وشركم ..على سلامتك حلومة وش حوالك؟؟
انا كنت كونجي درت الميناج للدار و الكوزينة ثاني درت بزاف حوايج و الجانب الديني كنت معذورة
اما الجمالي لاباس لاهية بروحي بصح ساعات نقلق نطيش كلش هههه

[سمراء الدنيا]

المشكلة كيكبارو كيفاه تقعدي معاهم عندهم مواضيع مختلفة والفيس بوك ندوخ ما نقدرش نروح كاش ما نحفظ على روحي
لالا ماعنديش مشكل معاهم في وين يدخلو بقدر ما يقلقني الوقت ينساو رواحهم كل وقت نعيط

شوفي انا عندي الولد لكبير 16 سنة ما يقعدش بزاف ساعة يخرج ساعة يريح في الميكرو انا نريح حداه نرقع و لا ندير كانش حاجة بصح السوسة نتاع بنتي 13 سنة تقعد بالسوايع و نقعد رايحة جاية و لا يقعد حداها باباها
غير باش يحسو بالمراقبة ...ما نحبش الحرية المطلقة شويا هاك و شويا هاك

[ليلى القسنطينية]

نشكركم أخواتي كل واحدة باسمها
و ربي يعطيكم الصحة و القوة و المزيد من النشاط و الحماس
في امان الله

[Minnnaaa]

السلام1
اصبحنا واصبح الملك لله
راني حاسة داري راها كامل خاصها تنظيف عميق
راني نتبع في برنامج سليمة اختي وكي نكمل 50دقيقة ونلقا مازال الباتري معمرة نروح لحاجة وحدخرى
ربي يقدرنا ويقدركم
في رعاية الله وحفظه

[سمراء الدنيا]

نخليكم الى العمل سر

فعلا سليمة نروح نصلي الضحى و نهجم على الدوش نطبق نصائحك و من بعد نرجعلك لخبر

[وفاء سعاد]

اليوم الحالة راهي ناشطة راكم بكل دخلتو نتمنى نبقاو دائما هكدا

[وفاء سعاد]

يعطيك الصحة صليحة والله نسيت صلاة الضحى خلاص راني ملي نضت وانا مع الدنيا والكوزينة ماخرجتش منها ومانيش واضية قلت نسيق ونروح ندوش بصح كي قريت ردك درك نروح هي اللي تفيدني

[وفاء سعاد]

ليلى على سلامتك وبالعقل على روحك راكي شفتي الليامات اللي عداو كانو تلج انا ومادرتش العميق راني رايحة نبدا من جديد

[وفاء سعاد]

نبض الفؤاد اهلا وسهلا بيك افتقدناك وليك وحشة وماتزيديش تعاقبي الاولاد بالميكرو عاقبيهم ببرنامج يحبوه او نزهة مايروحولهاش لانك انت اللي تخسري

[وفاء سعاد]

فاتي امالا ماديري سبور ماوالو روحي حللي الهرمونات كيما قلتلك من قبل وان شاء الله تريقليهم وتولي مانكا

[وفاء سعاد]

مينة حبيبتي شفتي حنا النساء لكان بدينا الخدمة واش يحبسنا بصح لا خلصت وقعدت في البلاصة نتكروشة

[وفاء سعاد]

ام ملاك بالنسبة للعشاء انا نشرب الحليب على 5مساءا والعشاء نحطو عل 7او 8 احيانا ونخلي الاولاد والراجل وحدهم يتعشاو ومانقعدش معاهم باه مانضعفش خاصة كي تعود حاجة مليحة وكي يخلصو نلم الطابلة ونبقى غير مع الماء لاشتة قيمة نصف فنجان وندير قرعة لي نهار كامل واحد مايقيسها وفي الليل نشوف كم بقات ساعات نكملها وساعات تبقي شوة باه تحرق الدهون وتزيد في معدل الاستقلاب ولكان ماتقدريش ترقدي من الجوع كولي حبة تفاح تغسلك كرشك وعروقك من الدهون او جزر وماتبقايش تدوري راهم يهبطلك السكر وتحكمك القلقة لانك في مرحلة التخلص من ادمان الاكل لازم ارادة ورايحة توالفي انا البارح كي تعشيت المعدة قتلتني على خاطر والفت العشاء مكانش والبارح حشمت من خويا بات عندي راكي تبداي غير بالشوية والله العظيم تنقصي من العشاء وحدو برك

[وفاء سعاد]

نصيحة انتاع اليوم راني عل الاولاد كي يخرجو الصباح روحي انت سلمي عليهم وقوليلهم ان شاء الله ترجعو لي بخير لاشتة ماشي مالفين وتجيك حشمة منهم جربي نهار زوج يعودو قبل مايخرجو يسلمو عليك وحدهم وتجيهم حاجة ناقصة ويعودو يحترموك وتغيضيهم وجامي كي يعودو يتشاجرو تلعبيها كرهتي وتهربي روحي واجهي وجبديهم على بعضاهم واسمعي كل واحد فيهم وماتمديش الحق لحتى واحد وابقاي صارمة وابعتي كل واحد في بيت مع حاجة يخدمها متلا دراسة او حتى الميكرو راهي عندها مفعول عجيب يعودو قبل مايتقابضو يجيو يحكيولك وتاني احكي معاهم عل الاقل نصف ساعة يوميا في اليل من نهار طبقتها ولادي ولاو حنان بزاف ويخافو على ويعاونوني لانني تقربت منهم مساكن راهم يحوسو عل الحنان كي يشبعو منو ماعندهم هاديك الطاقة السلبية اللي يفرغوها في بعضاهم ويغانوك مكرة فيك شفتو كيفاه كي تحتويهم وتتقربي منهم بزاف كي الكبير كي الصغير بالعكس الكبير يحتاج للحنان اكتر وشوفي مشاكلهم راهم امانة ويحاسبنا عليها ربي ومسؤولون امامه عليهم وراهم كامل يتشابهو الام الدكية هي اللي تعرف تحتويهم وانساي مشاكلك لانهم هوما حياتك نبداو بيهم وغدا ان شاء الله نصيحة للزوج

[ام منيب]

صباح الخير عليكم ..توحشششششششششششششششششتكم بزاف.....بزاف
انشاءالله راكم بخير
انا هذو النهارات راني مع الشغل الرتيني فقط لانو الدوخة ما حبتش تروح من عندي
واليوم رحت عمل تحاليل دم ..لانيمي ..كلسترول......
ادعو معايا ربي يحفض
وبالنسبة لوفاء سعاد والله مشاكلنا مع لولاد راهي نفسها
ما حبش يعطيني الميكرو
ماما عندكيلو
انتي تحبيه عليا.....وووو
واحنا نعودو حاصلين بيناتهم وتنجميش تكوني مع واحد وتخلي الاخر لانهم ولادك واحنا تتغلب علينا العاطفة بزاف

ونشكرك على هذي الحلول الممتازة
وراح نجربها مع ولالدي

[ام منيب]

يا اختي وفاء اليوم راكي في القمة الله يجازيك
راني حاسة بيك دكتورة نفسانية
وبالنسبة لنصايحك راني نقرى ونعاودفيهم
وين كانو من زمان

[ام منيب]

وبالنسبة لصليحة
انا عكسك ما نحبش نحسس ولادي بلي راني نراقب فيهم منقدام الميكرو
لكن مرة على مرة نقيس عيني عليه بحجة نبعثهم يشرو
ومرات نقولو روح جري فتح الباب راهو طبطيب ونقرى بسرعة
لانك اذا عسيتيهم راهم يغتانو الفرصة في غيابك
ويبقى دائما الحوار سيد الموقف

[سمراء الدنيا]

مساء الخير ام منيب كيراكي ربي يعاونا على هاذ لولاد كلما يكبرو تكبر همومهم
صح انا نحس روحي ساعات موسوسة تامني البارح رحت للحمام ديت معايا المودام لانو اي حاجة تصرا يقولي باباهم انتي السبب انتي للي حبيتي الانترنات ....هذاك علاه نحس بالمسؤولية اكثر

[سمراء الدنيا]

وفاء بارك الله فيك على النصائح راكي تضربي في العمق ... ولدي الصغير ممكن نديرها معاه لكن الكبار ...مانيش عارفة ....واحد النهار ريحت مع ولدي لكبير و قلتلو ايا نقرو مع بعض قالي ................ رايحة تلعبيهالي ام .....؟؟؟؟؟ لانو مللي كان في الابتدائي ما قريتش معاه ....
انا نحاول غدوة ... ونردلك لخبر

[سمراء الدنيا]

ام منيب شحال عندك اولاد و قداش اعمارهم

[ام منيب]

يا صليحة انا اختك حليمة
وبالنسبة لاولادي
الكبرى 14عام
الثاني10اعوام
الثالث6 سنوات
واخرالعنقودعامين دعي معايا الله يحفضهم

[سمراء الدنيا]

يا صليحة انا اختك حليمة
وبالنسبة لاولادي
الكبرى 14عام
الثاني10اعوام
الثالث6 سنوات
واخرالعنقودعامين دعي معايا الله يحفضهم

ولاو عندنا 2 حليمات هههه .....عاشت الاسامي

ربي يحفظلك وليداتك و يخليهملك و يفرحك بيهم
انا عندي الاول 16
الثانية 13
الثالث 9
الرابعة 3

[oummalak]

يا صليحة انا اختك حليمة
وبالنسبة لاولادي
الكبرى 14عام
الثاني10اعوام
الثالث6 سنوات
واخرالعنقودعامين دعي معايا الله يحفضهم

ربي يخليهم لك راك مثلي 2ولاد و2بنات ويعطيك الصحة والقوة معاهم

[oummalak]

ولاو عندنا 2 حليمات هههه .....عاشت الاسامي

ربي يحفظلك وليداتك و يخليهملك و يفرحك بيهم
انا عندي الاول 16
الثانية 13
الثالث 9
الرابعة 3

ربي يحفظهم من العين ويبارك ليك فيهم ويعطيك القوة باه توقفي معاهم

[oummalak]

صباح الخير يا لغزالات واش راكو هنا

[oummalak]

شكون الي نظفت المطبخ البارح
عني انا نظفتو وفي المساء ما قدرت حتى نكتب فالكلافيي من الم يدي سامحوني راني مقصرة كثير

[سمراء الدنيا]

باسم الله و الحمد لله و لا حول و لا قوة الا بالله
صباح الخير عليكم
صباح الخير ام ملاك .... غير بالشوي عليك ...حتى تريحي و خملي

انا اليوم كملت الجانب الديني و فطرت لولاد و مشاو ... درت الجلبان يطيب و لميت الدار و كنست و درت القش في المشينة و ضرك نروح نصلي الضحى و نفوت النشافة على الدار يكون كمل القش نتلهى مع الدوش
جيت نكتب تطبيقاتي و نصبح عليكم و يا ربي ما نلصقش كيما البارح

[oummalak]

عليك ان تصلحي علاقتك مع ربك اولا يقول احد الصحابه :والله اني ارى شؤوم ذنبي من تصرف زوجتي وفي دابتي اي ان المرأة اذا اصلحت علاقتها مع ربها سيصلح الله ما بينها وبين زوجها ولا ننسى حديث الرسول صلى الله عليه وسلم (من كان همه الاخره جلبت له الدنيا بحذافيرها)اي انك اذا تعلقت بالله وبالدار الاخره سيجلب الله لك الدنيا راغمه تحت قدميك وانتي تركلينها برجلك لاتريدينها جربي معي هذا البرنامج وبااذن الله تشوفين زوجك تغير 180 درجه مع اخلاص النيه لله تعالى والمداومه عليه :
-1 عليك بالمواظبه على السنن الرواتب..
-2 عليك بقراءة اذكار الصباح والمساء عن ظهر قلب..
-3 لاتنسي ابدا ركعتي الضحى ..
-4استيقضي قبل الفجر بساعه وهو وقت السحر فيه يتنزل الرحمن في السماء الدنيا،صلي فيها ماتيسر لك من الركعات واستغفري ثم اجلسي ادعي ربك بخير الدنيا والاخره الى ان يؤذن الفجر..
-5يجب ان يكون لك في كل يوم ورد من القرآن حتى لو صفحه واحده ولاتنسي حديث الرسول صلى الله عليه وسلم
(خير الاعمال الى الله ادومها وان قل )
-6نزهي اذنك من سماع الاغاني وطهري لسانك من الغيبه والنميمه ..
-7 حااولي تصومين 3 ايام من كل شهر..
وبااذن الله تعالى تشوفين زوجك متغيرومايشوف احسن منك بالدنيا وراح يحبك
تدري ليش ؟؟؟؟لان الله تعالى اذا احب عبده أحبب خلقه فيه
وبااذن الله اذا واضبتي على البرنامج حتحصلين على حب الله تعالى لان الله تعالى يقول في الحديث القدسي (مازال عبدي يتقرب الي بالنوافل حتى احبه )

(اللهم اعنا على ذكرك وشكرك وحسن عبادتك)


ما رايكن
نبهني لاشياء فنقلته للافادة
والله يا لبنات نصائح لازم نتبعوها باه نكتسب ازواجنا

[سمراء الدنيا]

بارك الله فيك يا اختي سليمة كفيتي ووفيتي
هذا البرنامج للي راني نتمشى عليه و راني نطمح للقيام و الصيام
و الله حياتي تغيرت كامل و راني نحس بالطمانينة و الرضا .. و بديت نشوف
في عيون زوجي الاحترام اكثر من الاول و ليت نحسو يحشم مني
ما كانش كيما طريق ربي للوصول الى السعادة

[سمراء الدنيا]

وفاء بغيت نقولك طبقت نصيحتك اليوم و بست ابني لكبير و دعيتلو و ماتو عليا بالضحك لكني حسيت انها عجباتو لكن الغلطة للي درتها مع بنتي راه ضميري غير يانب فيا ....هي ما دخلتش حتى 9 لقيتها دايرة في التيلي ام بي سي ماكس و في وذنيها الكاسك فيه لغنا جاستن بيبر ....بديت نعيط عليها قلتليها فيما تبدي يومك بذكر الله تبديه مع لقور و راحت و ما بستهاش ...اكيد راهي تقول نبغي لولاد خير منها و الله راه قلبي غير عندها.... واش تنصحيني

[نافلة]

اللهم صل و سلم على سيدنا محمد
اللهم صل و سلم على سيدنا محمد
اللهم صل و سلم على سيدنا محمد

***

صباح الخير عليكم يا الفحلات كيراكم راني سرقت روحي وجيت نطل عليكم مانقولكم شحال راني متوحشتكم راهي عندي عزوجتي و هذا السبب في عدم دخولي نتمنى تعذروني ...

[نافلة]

ام ملاك كيراكي و كيدرتي شوية من مرضك راني متوحشاتك بزاف و يعطيك الصحة على النصائح

[نافلة]

جارتي لحبيبة صليحة اما عن وحشك انتي ما نقولكش ................
و النسبة لبنتك ما تأنبي ضميرك ما والو كي ترجع من المدرسة اجلسي معاها على انفراد و تحدثي ليها و اشرحيلها اسباب غضبك وتصارحي معها مبصح متبينيلهاش راكي نادمة او متاثرة باش ما تبقاش نقطة ضعف تستغلها ان شاء الله تكوني فهمتيني

[نافلة]

حبيباتي راني نويت نعاند جارتي صليحة و نزل صور باش ندعم الموضوع نبعث شوية نشاط لقسمنا
نخليكم بخير ولي عودة ان شاء الله

[ليلى القسنطينية]

السلام عليكم و صباح الخير عليكم كاااامل
ربي يخليلكم وليداتكم و يحفظهم و ينجّحهم ان شاء الله
أنا اليوم ما دخلتش المطبخ غير كي وجّدت الفطور و غسلت الكيسان
لأنه يشعل الله يبارك البارح هجمت عليه مسحت الفريجيدار لمعت الكويزينيار و الفايونس لي داير بيها و مسحت الأسطح و فرزت البلاكار مسحتها و رديت الماعن
الصلاة في وقتها و الذكرو الإستغفار في كل وقت و مع كل عمل
المعاملة مع الأطفال مليحة و الحمد لله
الجانب الشخصي راني بدّلت اللوك هههه قصيت شعري كان شوية طويل
هذا واش عندي
في أمان الله

[سمراء الدنيا]

فطومة يا عمري كيراكي ....البارح دارتها بيا جارتي و ما قعدش معاكم ...نعوضوها ان شاء الله
املا راهي عندك لعجوز ..... تهلاي فيها ..كانش ما تلمدي دعوة الخير
غيرتوني ليلى عندها شيخها و انت عندك لعجوز..... ربي يشدليكم في الكبار فيهم البركة
يعطيك الصحة على النصيحة ...كي تجي من ليكول نتكلم معاها
و اخيرا رايحة ديري التصاوير انا هذا شحال غير نقول حتى وحدة ما دارت الكوراج
علابالك راهم التصاوير يشجعو و تاني تتقني العمل احسن و انا كي تحكمني القنطة نولي نتفرج فيهم يطلعلي المورال
راني من الصباح نحمل في الصور ما حبوش يطلعو حتى راحلي النهار

[سمراء الدنيا]

ليلى القسنطينية يعطيك الصحة قايمة بيها من كلشي بديتي تتمتعي بالبرنامج ياك ...هههه...
بصحتك القصة و لعقوبة ليا

[fati 17]

وفاء بغيت نقولك طبقت نصيحتك اليوم و بست ابني لكبير و دعيتلو و ماتو عليا بالضحك لكني حسيت انها عجباتو لكن الغلطة للي درتها مع بنتي راه ضميري غير يانب فيا ....هي ما دخلتش حتى 9 لقيتها دايرة في التيلي ام بي سي ماكس و في وذنيها الكاسك فيه لغنا جاستن بيبر ....بديت نعيط عليها قلتليها فيما تبدي يومك بذكر الله تبديه مع لقور و راحت و ما بستهاش ...اكيد راهي تقول نبغي لولاد خير منها و الله راه قلبي غير عندها.... واش تنصحيني سمورة كي تجي بنتك بوسيهاوهذا جاستن بيبر اكبر متعاطي للمخدرات القور كرهوه كرهيها فيه حتى بنت خويا تموت عليها منعرف واش راه يقلهم

[fati 17]

صباح الانوار العمل اليومي صركة نبدا فيه العميق عندي الكوزينيار والحيوط الدايريين بيهاالجانب الديني الحمد لله الصلاة في وقتها القران مواضبة عليه الصبح فاتني كنت اجازة ولفت بالتصباح المهم الله يهدينا لما فيه الخير احبكم اخواتتي كلكن في الله

[ليلى القسنطينية]

ليلى القسنطينية يعطيك الصحة قايمة بيها من كلشي بديتي تتمتعي بالبرنامج ياك ...هههه...
بصحتك القصة و لعقوبة ليا

يعيشك اختي
صحيح بديت نتمتع بالبرنامج و ربي يقدرنا ان شاء الله
راها جات الربيع و ندخلو فالشغل العميق تاع الصح

[ام منيب]

السلام عليكم ورحمة الله وبركاته
يا ام ملاك حبيبتي
كلامك يشفي العليل
الله يخليك لينا ولولادك ..........اااااااممممممين

[سمراء الدنيا]

السلام عليكم و رحمة الله و بركاته

[Sabrina ALG]

السلام عليكم و رحمة الله و بركاته

و عليكم السلام و رحمة الله و بركاته
يعطيك الصحة يا الفحلة انا نضميت معاكم لكن لضروف رجعت غير نشوف و نتابع فيكم من بعيد و شغلك و صورك يحمسو بزاف يعطيك صحيحتك انا بديت اليوم الرقية الشرعية ادعيولي بالشفاء

[ام منيب]

يا سمراء الدنيا الله يحفضك صراحتك تعجبني وكل يوم تخليني نتعلق فيك اكثر فاكثر
والله عندك الصح في وقتنا هدا البنت لازملها انتباه اكثر من الذكور الله يعينا عليم
لكن في الاخير راح ترجع بعقلية امها.....ما تعمريش راسك
وانا تاني بنتي من نفس سن بنتك وكانت تسمع في الميكرو المهبول جاستن بيبر ولما جا ولد خالتها بات عندنا سمعتو ينصح فيها قاللها خطيك منو هذاك مدمر للشباب
واليوم الحمد لله
يعني كي نعود ننصحها ما ننصحهاش مباشرتا جي واعرة عليها
شوفي واحدة تكون عاقلة في الاسرة وهي ترتاح معاها تفهمها

[نافلة]

السلام عليكم و صباح الخير عليكم كاااامل
ربي يخليلكم وليداتكم و يحفظهم و ينجّحهم ان شاء الله
أنا اليوم ما دخلتش المطبخ غير كي وجّدت الفطور و غسلت الكيسان
لأنه يشعل الله يبارك البارح هجمت عليه مسحت الفريجيدار لمعت الكويزينيار و الفايونس لي داير بيها و مسحت الأسطح و فرزت البلاكار مسحتها و رديت الماعن
الصلاة في وقتها و الذكرو الإستغفار في كل وقت و مع كل عمل
المعاملة مع الأطفال مليحة و الحمد لله
الجانب الشخصي راني بدّلت اللوك هههه قصيت شعري كان شوية طويل
هذا واش عندي
في أمان الله
ليلى يعطيك الصحة راكي بديتي فالصح الله يباركلك
ولا حول و لا قوة الا بالله
:19::19::19:

[ام منيب]

صبرييييييينة
اللهم اني اسال لك العافية في الدنيا والاخرة
مرحبا بيك معانا

[سمراء الدنيا]

و عليكم السلام و رحمة الله و بركاته
يعطيك الصحة يا الفحلة انا نضميت معاكم لكن لضروف رجعت غير نشوف و نتابع فيكم من بعيد و شغلك و صورك يحمسو بزاف يعطيك صحيحتك انا بديت اليوم الرقية الشرعية ادعيولي بالشفاء

اهلا بيك صابرينة و انا نقول رحتي ما وليتي
ربي يجيب الشفا من عندو قادر على كل شيء
و ديري يقين في الرقية تنفعك ان شاء الله
معليش بقاي تتبيعينا كي تريحي دخلي معانا رانا مطولين باذن الله

[سمراء الدنيا]

يا سمراء الدنيا الله يحفضك صراحتك تعجبني وكل يوم تخليني نتعلق فيك اكثر فاكثر
والله عندك الصح في وقتنا هدا البنت لازملها انتباه اكثر من الذكور الله يعينا عليم
لكن في الاخير راح ترجع بعقلية امها.....ما تعمريش راسك
وانا تاني بنتي من نفس سن بنتك وكانت تسمع في الميكرو المهبول جاستن بيبر ولما جا ولد خالتها بات عندنا سمعتو ينصح فيها قاللها خطيك منو هذاك مدمر للشباب
واليوم الحمد لله
يعني كي نعود ننصحها ما ننصحهاش مباشرتا جي واعرة عليها
شوفي واحدة تكون عاقلة في الاسرة وهي ترتاح معاها تفهمها



ربي يقرب القلوب كمان كمان .... و المحبة في الله ما كيفها حتى شيء
انا هنا كيما الورقة البيضا نحكي كلشي راني لاقية فيكم الصحبة الطيبة و النصيحة المفيدة
لو كان نحكي على بنتي برا ممكن يقولو عليها كلام ماشي مليح راكي تعرفي الناس كيفاه و لاو
راني نفضفض هنا احسن
ان شاء الله ننصحها غير بالشوي و بالتي هي احسن

[fati 17]

lمساء النور حبباتي كملت الشغل العميق الكوشة والحيوط الدايرين بيها كلش تمام لله الحمد مسحت شوي غبرة سيقت كي العادة وراني انجرب في خبز دارتو المبدعة فلة توست يا رب ينجحلي ربي يعونكم خياتي

[fati 17]

ربي يقرب القلوب كمان كمان .... و المحبة في الله ما كيفها حتى شيء
انا هنا كيما الورقة البيضا نحكي كلشي راني لاقية فيكم الصحبة الطيبة و النصيحة المفيدة
لو كان نحكي على بنتي برا ممكن يقولو عليها كلام ماشي مليح راكي تعرفي الناس كيفاه و لاو
راني نفضفض هنا احسن
ان شاء الله ننصحها غير بالشوي و بالتي هي احسن
انت اختنا وبنتك بنتا والي يمسك يضرنا انا والله نقدرك ونحبك ولمست فيك النبل والطيبة في الاخلاق

[fati 17]

السلام عليكم و صباح الخير عليكم كاااامل
ربي يخليلكم وليداتكم و يحفظهم و ينجّحهم ان شاء الله
أنا اليوم ما دخلتش المطبخ غير كي وجّدت الفطور و غسلت الكيسان
لأنه يشعل الله يبارك البارح هجمت عليه مسحت الفريجيدار لمعت الكويزينيار و الفايونس لي داير بيها و مسحت الأسطح و فرزت البلاكار مسحتها و رديت الماعن
الصلاة في وقتها و الذكرو الإستغفار في كل وقت و مع كل عمل
المعاملة مع الأطفال مليحة و الحمد لله
الجانب الشخصي راني بدّلت اللوك هههه قصيت شعري كان شوية طويل
هذا واش عندي
في أمان الله
ليلون بصحتك الكوب:19:

[سمراء الدنيا]

ليلى يعطيك الصحة راكي بديتي فالصح الله يباركلك
ولا حول و لا قوة الا بالله
:19::19::19:


فطومة الحمد لله كي بنتي واش راكي ديري انت و لعجوز كانش فتيل طعام و لا لا ههههههه

[ماريا205]

السلام عليكم ورحمة الله تعالى
وش راكم لبنات توحشتكم
تطبيقي لنهار اليوم
الاستيقاظ مع الفجر الصلاة والسلام على الحبيب المصطفى
الصلاة في وقتها قراءة القران التسبيح الاستغفار والحمد لله على نعمة الاسلام
وجدت الفطور كي فطرو وخرجو رتبت الاسرة لميت الدار مسحت الغبرة
رحت للكوزينة غسلت الفايونس والحيوط زدت البوطاجي بليت الكسرة ودرت شربة تطيب
رحت للحمام غسلتلو الحيوط ونظفتو مليح
الدوش كيف نظفت الفايونس والبنواروالفابو والمراة و الارضية
سيقت الباقي الغرف نشفت كملت فرشت هكا صبح كلش يبرق والحمدلله

[سمراء الدنيا]

انت اختنا وبنتك بنتا والي يمسك يضرنا انا والله نقدرك ونحبك ولمست فيك النبل والطيبة في الاخلاق

اهلا فاتيتو
الله يسلمك على لكلام لحلو و ربي يعمر دارك بالذرية الصالحة
امالا ما غلطش كي درتكم خواتاتي ....يا ربي الحمد لله عليها ساعة

[سمراء الدنيا]

lمساء النور حبباتي كملت الشغل العميق الكوشة والحيوط الدايرين بيها كلش تمام لله الحمد مسحت شوي غبرة سيقت كي العادة وراني انجرب في خبز دارتو المبدعة فلة توست يا رب ينجحلي ربي يعونكم خياتي

الله الله على النشاط و الحماس ....يشدلك في صحيحتك ان شاء الله
الخبز يخرج هايل حتى انا درتو .... يبغي يخمر مليح حتى يطلع فوق المول باش يجي خفيف

[نافلة]

فطومة يا عمري كيراكي ....البارح دارتها بيا جارتي و ما قعدش معاكم ...نعوضوها ان شاء الله
انا ثاني تحيرت و قلت مالها صليحة راحت بلا ما تبقينا

املا راهي عندك لعجوز ..... تهلاي فيها ..كانش ما تلمدي دعوة الخير
و نزيدك راهي عندي هي وعزوجتها

غيرتوني ليلى عندها شيخها ليلى راهي غايبة بزاف و انت عندك لعجوز..... ربي يشدليكم في الكبار فيهم البركة

امين

يعطيك الصحة على النصيحة ...كي تجي من ليكول نتكلم معاها
رديلي واش درتي فيها

و اخيرا رايحة ديري التصاوير انا هذا شحال غير نقول حتى وحدة ما دارت الكوراج
راني درت الكوراج يا لالا مبصح ما زال شوية حتى يروحو العجاير

علابالك راهم التصاوير يشجعو و تاني تتقني العمل احسن و انا كي تحكمني القنطة نولي نتفرج فيهم يطلعلي المورال
راني من الصباح نحمل في الصور ما حبوش يطلعو حتى راحلي النهار
ديري حجم الصور
480*640

[سمراء الدنيا]

السلام عليكم ورحمة الله تعالى
وش راكم لبنات توحشتكم
تطبيقي لنهار اليوم
الاستيقاظ مع الفجر الصلاة والسلام على الحبيب المصطفى
الصلاة في وقتها قراءة القران التسبيح الاستغفار والحمد لله على نعمة الاسلام
وجدت الفطور كي فطرو وخرجو رتبت الاسرة لميت الدار مسحت الغبرة
رحت للكوزينة غسلت الفايونس والحيوط زدت البوطاجي بليت الكسرة ودرت شربة تطيب
رحت للحمام غسلتلو الحيوط ونظفتو مليح
الدوش كيف نظفت الفايونس والبنواروالفابو والمراة و الارضية
سيقت الباقي الغرف نشفت كملت فرشت هكا صبح كلش يبرق والحمدلله


و عليك السلام و الرحمة هاذي غيبة
لكن رجعتيلنا بالنشاط و الهمة العالية بارك الله فيك شاطرة
انا تاني اليوم طحت في الدوش نظفتو

[نافلة]

السلام عليكم ورحمة الله وبركاته
يا ام ملاك حبيبتي
كلامك يشفي العليل
الله يخليك لينا ولولادك ..........اااااااممممممين كيراكي حليمة رقم 2 ان شاء الله تكوني بخير
شفتي راهي ام ملاك حطت ايدها على الوتر الحساس الله يعطيها الصحة

[نافلة]

السلام عليكم و رحمة الله و بركاته
وعليكم السلام و رحمة الله تعالى و بركاته
صح غداك

[سمراء الدنيا]

صحيتي فطيمة كيراكي ..... عجبتني العجوز و عجوزتها هههه .... ربي يعينك
تامني فطيمة جيت نحمل التصاوير ما لقيتش الدوسي نتاعي .... ما نعرف كيدارولو هاذوك السوسات نتاع ولادي غير ما جاو من ليكول

بنتي كي جات من ليكول طول دارت الكاسك في راسها ...غير خليتها حتى نخرج ان وياها نشريلها كانش حاجة باش كي نهدر معاها تتصنتلي مليح و تاني ما تبغيش خوتها يكونو حاضرين

[نافلة]

يا سمراء الدنيا الله يحفضك صراحتك تعجبني وكل يوم تخليني نتعلق فيك اكثر فاكثر
والله عندك الصح في وقتنا هدا البنت لازملها انتباه اكثر من الذكور الله يعينا عليم
لكن في الاخير راح ترجع بعقلية امها.....ما تعمريش راسك
وانا تاني بنتي من نفس سن بنتك وكانت تسمع في الميكرو المهبول جاستن بيبر ولما جا ولد خالتها بات عندنا سمعتو ينصح فيها قاللها خطيك منو هذاك مدمر للشباب
واليوم الحمد لله
يعني كي نعود ننصحها ما ننصحهاش مباشرتا جي واعرة عليها
شوفي واحدة تكون عاقلة في الاسرة وهي ترتاح معاها تفهمها


عزيزتي حليمة رقم 2 انا من رايي الام اولا بمصاحبة ابنتها

[نافلة]

و عليكم السلام و رحمة الله و بركاته
يعطيك الصحة يا الفحلة انا نضميت معاكم لكن لضروف رجعت غير نشوف و نتابع فيكم من بعيد و شغلك و صورك يحمسو بزاف يعطيك صحيحتك انا بديت اليوم الرقية الشرعية ادعيولي بالشفاء
اختي مرحبا بيك معنا
و طهور ان شاء الله
يا ريت تقولينا من واش راكي تعاني بلاك تلقاي عندنا النصيحة و الانيس

[fati 17]

فطوم واش راها عجوزتك وعجوزتها وانتواش راك حنونة

[نافلة]

lمساء النور حبباتي كملت الشغل العميق الكوشة والحيوط الدايرين بيها كلش تمام لله الحمد مسحت شوي غبرة سيقت كي العادة وراني انجرب في خبز دارتو المبدعة فلة توست يا رب ينجحلي ربي يعونكم خياتي
الله يبارك و يزيد راكي ناشطة حبيبتي فتيحة يعطيك الصحة

[سمراء الدنيا]

تطبيقي ليوم امس غيرت السلة نتاع لماعين
http://www.qzal.net/01/2013-01/13612584321.jpg
و نظفت 2 بلاكارات
http://www.qzal.net/01/2013-01/13612584322.jpg
و درت لغدا عدس و سلاطة
http://www.qzal.net/01/2013-01/13612584336.jpg
و رحت للدوش غسلت الماشينة لافي رجعت جديدة راهي عندي من 2004
http://www.qzal.net/01/2013-01/13612584324.jpg
و حليت التاقة و غسلتها و باقي الوقت ضاعلي في الميكرو ..

http://www.qzal.net/01/2013-01/13612584323.jpg
لعشية درت كيكة جات جارتي شربنا القهوة و في الليل درت دجاجة في الكوشة تعرفو واشمن مناسبة كانت تلعب الريال ههههه.....

http://www.qzal.net/01/2013-01/13612584335.jpg
الجانب الجمالي راني رابطاتو ديما مع صلاة الضحى كي نوض نتوضى نبروسي سنيا و نغسل بالصابونة و نروح للبيت نكحل و نمشط و نعمل ترطيب للوجه و نتعطر و نصلي و نروح لشغلي
بالنسبة للجانب الديني ... نصلي الصبح و نقرا الاذكار و نسبح و نقرا 10 صفحات في المصحف راني في النساء و نشغل سورة المطففين في الميكرو و نبدا شغلي و انا نصلي على النبي و في الليل نراجع واش حفظت بصح راها جايتني صعيبة شوي هذا شحال حفظت غير 10 ايات ربي يعيني ....

[نافلة]

فطومة الحمد لله كي بنتي واش راكي ديري انت و لعجوز كانش فتيل طعام و لا لا ههههههه
هاهاهاهاهاها
:1::1::1:

[نافلة]

السلام عليكم ورحمة الله تعالى
وش راكم لبنات توحشتكم
تطبيقي لنهار اليوم
الاستيقاظ مع الفجر الصلاة والسلام على الحبيب المصطفى
الصلاة في وقتها قراءة القران التسبيح الاستغفار والحمد لله على نعمة الاسلام
وجدت الفطور كي فطرو وخرجو رتبت الاسرة لميت الدار مسحت الغبرة
رحت للكوزينة غسلت الفايونس والحيوط زدت البوطاجي بليت الكسرة ودرت شربة تطيب
رحت للحمام غسلتلو الحيوط ونظفتو مليح
الدوش كيف نظفت الفايونس والبنواروالفابو والمراة و الارضية
سيقت الباقي الغرف نشفت كملت فرشت هكا صبح كلش يبرق والحمدلله

ما شاء الله شفتي كي تنقي كلشي تحسي بالراحة و تفرحي بروحك
:19::19::19:

[نافلة]

فطوم واش راها عجوزتك وعجوزتها وانتواش راك حنونة
نحمدو ربي حبوبتي والعجايز راه ما خصهم والو ربي لي يعلم
شكرا ليك على السوال

[ماريا205]

اللهم صل و سلم على سيدنا محمد

اللهم صل و سلم على سيدنا محمد
اللهم صل و سلم على سيدنا محمد

***

صباح الخير عليكم يا الفحلات كيراكم راني سرقت روحي وجيت نطل عليكم مانقولكم شحال راني متوحشتكم راهي عندي عزوجتي و هذا السبب في عدم دخولي نتمنى تعذروني ...

على السلامة فطيمة
الحمدلله كي راك بخير

[ماريا205]

تطبيقي ليوم امس غيرت السلة نتاع لماعين و نظفت 2 بلاكارات و درت لغدا عدس و سلاطة و رحت للدوش غسلت الماشينة لافي رجعت جديدة راهي عندي من 2004 و حليت التاقة و غسلتها و باقي الوقت ضاعلي في الميكرو ..
لعشية درت كيكة جات جارتي شربنا القهوة و في الليل درت دجاجة في الكوشة تعرفو واشمن مناسبة كانت تلعب الريال ههههه.....
الجانب الجمالي راني رابطاتو ديما مع صلاة الضحى كي نوض نتوضى نبروسي سنيا و نغسل بالصابونة و نروح للبيت نكحل و نمشط و نعمل ترطيب للوجه و نتعطر و نصلي و نروح لشغلي
بالنسبة للجانب الديني ... نصلي الصبح و نقرا الاذكار و نسبح و نقرا 10 صفحات في المصحف راني في النساء و نشغل سورة المطففين في الميكرو و نبدا شغلي و انا نصلي على النبي و في الليل نراجع واش حفظت بصح راها جايتني صعيبة شوي هذا شحال حفظت غير 10 ايات ربي يعيني ....
صليحة يعطيك الصحة
حرة ونص

[بنت الجزاير الغالية]

السلام عليكم واش راكم يا بنات بلادي إن شاء الله تكونوا بخير
شكرا لترحيبكم لي و اللي جاء مع آخر نهار قطعولي فيه النت بصح راجلي ربي يحفظوا سلكها و ما خلانيش بعيدة عليكم
و الله تعلقت كثير بالمنتدى و خاصة قسم الأسرة و المجتمع
وفاء معليش انقطعت هاذيك الفترة كنت مع الخياطة و الولاد و القراية راكي تعرفي اللي عندها ولاد يقروا
نعرفكم بنفسي أنا ميمي متزوجة و عندي زوج ولاد الكبير 12 سنة و الآخر 10 و بنت 3 سنوات
هوايتي الطبخ و الخياطة و المطالعة و طبعا النت و القرآن
أم ملاك راني نتبع فيك من بعيد بصح ما عرفتش وين رانا واصلين يعني كملنا غرفة الأولاد ؟؟؟؟؟؟
بعض الأفكار حبيت نقترحها عليكم ياريت كي تحطلنا أم ملاك الجدول في الليل إحنا الصباح اللي تبدأ في حاجة تدخل و تقول واش خدمت و اللي بعدها نفس الشيء و الله هذا الشيء يحمس حتى اللي تكون تعبانة تشوف المشاركات تولي تدخل و تشمر على يديها و تخدم بالسيف يعني ما نخلوش التقرير لآخر يوم و تكون المتابعة على طول اليوم كل واحدة تدخل في الوقت اللي يساعدها و نفس الشيء للعناية الشخصية كل أسبوع نطبقوا فيه ماسك من الماسكات المجربة في هذا الجروب و تقترحوا إحدى الأخوات و نستمروا عليه كامل الأسبوع بهذا الطريقة حتى اللي تتعب كيتقرا البنات كامل داروا هذاك الماسك أو دارت تسريحة شابة لشعرها أو حمام زيت أو اهتمت بيديها و رجليها و الله هذا الشيء ينفحها باه تعاند و تستمر
في نهاية الأسبوع اللي هو الجمعة يكون يوم خاص ما يكونش فيه عملمن العميق لأنه يوم عطلة تكون الزوجة من امبارح موجدة القاطو أو بسبوسة للولاد يفطرو و يتلموا على صينية الغداء لأن كل أفراد العايلة يكونوا موجودين ، تكون مجهزة ليهم اللباس الخاص بالمسجد و تعود الأولاد يروحوا مع باباهم من الصغر باه يتعلق قلبهم مع المساجد يروحوا يلقاو صينية الجمعة إن شاء الله حتى تاي و كوكاو و اللي عندها إضافات فلان أو تحلية مكسرات ، شامية قلب اللوز طبعا كل واحدة و لمستها و من بعد في العشية يخرجوا يحوسوا أو يروحا لديار الجدود و العايلة الكبيرة
حاولي أختي الكريمة مايضيعش زوجك بين كل هذي الأمور حاولي أول ما يدخل يلاقي الإبتسامة و الفرحة برجوعه ما يلقاش العياط على الولاد و الهم و النكد يعود يخاف يروح و حاولي كي تشوفيه غضبان تجنبيه خلاص حتى يهدى و شاركيه أموره ما تقوليش و أنا وين نعرف لخدمته لالالا الزوج يخرج من أنثى و يرجع لأنثى يعني آخر يومه يرجع ليك و يحب يلقى اللي يسمعله و اللي يشاركه حتى و إن لم تجدي حل هوني عليه ما تحمليش الكرة الأرضية فوق راسه
أشياء كثييييييييييييييييييرة رايحين نتطرقوا ليها واحدة واحدة و بإذن لها نكونوا فعلا مدرسة لأن الأم مدرسة إن أعددتها...........كملوا إنتم
العصر أذن نروح نصلي و ندير قهوتي و نرجع

[بنت الجزاير الغالية]

تطبيقي لنهار اليوم
نضت كالعادة مع الأذان صليت الفجر حاضر و قريت جزء من القرآن كملت على 7 و من 7 حتى ل 8 درت الفطور فطرت الولاد راحو يقرو و قريت الأذكار و استغفرت 100 مرة و سبحت 100 مرة و الحوقلة 100 مرة و الصلاة على النبي 100 مرة
و بديت في شغل الدار حليت البيبان تتهوى و لميت الفراش و عدلت الأسرة و كل غرفة نرتبها و نكنسها و نمسح غبرتها و نروح اللي بعدها و رحت للدوش حطيت القش في الماشينة و في هذاك الوقت حطيت الغداء يطيب و غسلت الماعن و مسحت البوطاجي و نشرت القش و مسحت البيوت مع تسياق الكوزينة و اتغدينا و راجعت الربع الأولمن الحزب الخامس من البقرة لأني كنت حافظتها و قلت نراجعها قبل لا نبدأ في آل عمران
سمراء الدنيا أنا راني في قراءة القرآن وصلت لسورة هود ههههه يعني سبقتك

[سمراء الدنيا]

يعطيك الصحة اختي ميمي وجودك بيناتنا راح يفيدنا اكثر و هاذو المشاركات للي نحبهم يحمسو و يشجعو .... ما تعرفيش شحال و انا نستنى افكارك .... لازم نطورو انفسنا بالنسبة للافكار انا راني معاك و ضرك نشوفو مع ام ملاك و بقية الشلة راني نشوف الحالة حمات ..... بالنسبة للجانب الديني تيارك الله عليك ....اللهم اعنا على طاعتك و حسن عبادتك ... انا راني في 15 يوم ختمت ختمة و بديت اخرى لكني مانيش حارصة في الاول كنت نقرا 20 صفحة ...10 في الصباح و 10 في الليل و ضرك راني نقرا غير في الصباح و الليل نكرر الحفظ .... الحمد لله عليها ساعة وقت فات ماكنتش نهز المصحف غير يوم الجمعة
ممكن تقوليلي على طريقتك في الحفظ ممكن تساعدني

[ماريا205]

يعطيك الصحة الاخت ميمي مادام الدعوة حمات وحلات انقدملكم انا ثاني اقتراح
عندي مدة نفكر فيه وانظن اليوم جا وقتو
الرياضة ثم الرياضة ثم الرياضة
وش رايكم نزيدوها في بيتنا جنتنا
نديرو برنامج يومي كل وحدة تحط حركة تعرفها وش فايدتها ونطبقوها
ها وش رايكم

[oummalak]

ما شاء الله عليكن حبيباتي تفرحو تفرحو وانتن الصحبة الي رايحة ترقينى وترفعني بين يدي الرحمان قولو امين لانكن خير ما عرفت على وجه الاض
اعرف انني مقصرة حبيباتي لكن الله غالب يديا لما يوجعوني ما نقدر نكتب حتى فالكلافيي والله غير اعذروني
شكرا بنت الجزائر او بالاحرى ميمي ما شاء الله عليك فكرتك هائلة عن نفسي نطبقها من الغد
سمراء راني حاسة انك قائمة بالواجب واكثر والله راني نحشم لما مانرد على الاخوات لكن لما نشوفك رديتي نفرح كثير ربي يحفظك

[oummalak]

ايه ماريا الرياضة خاصتنا لازم تكون من اولويات البرنامج

[بنت الجزاير الغالية]

يعطيك الصحة اختي ميمي وجودك بيناتنا راح يفيدنا اكثر و هاذو المشاركات للي نحبهم يحمسو و يشجعو .... ما تعرفيش شحال و انا نستنى افكارك .... لازم نطورو انفسنا بالنسبة للافكار انا راني معاك و ضرك نشوفو مع ام ملاك و بقية الشلة راني نشوف الحالة حمات ..... بالنسبة للجانب الديني تيارك الله عليك ....اللهم اعنا على طاعتك و حسن عبادتك ... انا راني في 15 يوم ختمت ختمة و بديت اخرى لكني مانيش حارصة في الاول كنت نقرا 20 صفحة ...10 في الصباح و 10 في الليل و ضرك راني نقرا غير في الصباح و الليل نكرر الحفظ .... الحمد لله عليها ساعة وقت فات ماكنتش نهز المصحف غير يوم الجمعة
ممكن تقوليلي على طريقتك في الحفظ ممكن تساعدني


و الله أسعدتيني كثيرا بردك و راكي شجعتيني نختم ختمتين بصح نبداها في مارس بإذن الله
طريقتي نقرا الصباح بعد الفجر مباشرة و أذكار الصباح نبدأ في قراءة جزء من القرآن و الحفظ نخليه بعد الظهر لأنه أنسب وقت ليا باه نركز الولاد في المدرسة و الزوج يخدم و بنتي في قيلولة و أنا نحفظ و الله ساعات نكمل في نص ساعة و نبقى نردد في اللي حفظته بالشوي و نقرا بيهم في الصلاة حتى يتثبتوا
بالنسبة للحفظ 5 آيات يوميا إلا الخميس و الجمعة نثبت فيهم اللي حفظته باه ما يروحش
و رانا هنا كامل باه نشجعوا بعضانا و كنت محتاجة موضوع أم ملاك لدرجة كبيرة لأنه التشجيع يحمس و يحفز الواحدة

[ماريا205]

ايه ماريا الرياضة خاصتنا لازم تكون من اولويات البرنامج
شكرا ام ملاك
حاولي برمجيها عن قريب

[بنت الجزاير الغالية]

يعطيك الصحة الاخت ميمي مادام الدعوة حمات وحلات انقدملكم انا ثاني اقتراح
عندي مدة نفكر فيه وانظن اليوم جا وقتو
الرياضة ثم الرياضة ثم الرياضة
وش رايكم نزيدوها في بيتنا جنتنا
نديرو برنامج يومي كل وحدة تحط حركة تعرفها وش فايدتها ونطبقوها
ها وش رايكم

معاك طبعا يا ماريا و خاصة تمارين شد البطن لكان تحبوا نهبطلكم صور و نبدوا من غدوة راني جاهزة

[ام حسسام]

شكرا اختي لكن وكانو شاق نوعا ما

[بنت الجزاير الغالية]

ما شاء الله عليكن حبيباتي تفرحو تفرحو وانتن الصحبة الي رايحة ترقينى وترفعني بين يدي الرحمان قولو امين لانكن خير ما عرفت على وجه الاض
اعرف انني مقصرة حبيباتي لكن الله غالب يديا لما يوجعوني ما نقدر نكتب حتى فالكلافيي والله غير اعذروني
شكرا بنت الجزائر او بالاحرى ميمي ما شاء الله عليك فكرتك هائلة عن نفسي نطبقها من الغد
سمراء راني حاسة انك قائمة بالواجب واكثر والله راني نحشم لما مانرد على الاخوات لكن لما نشوفك رديتي نفرح كثير ربي يحفظك

شكرا ليك إنت يا أحلى أم ملاك و يالله حطيلنا برنامج الغد مع ماسك الأسبوع ههههههههه عندك تقولي ورطتيني

[oummalak]

تباني ما شاء الله عليك اختي ميمي لهدا راني نطلب منك واختى صليحة تساعدوني في تطوير البرنامج

[oummalak]

شكرا ليك إنت يا أحلى أم ملاك و يالله حطيلنا برنامج الغد مع ماسك الأسبوع ههههههههه عندك تقولي ورطتيني


انت الاحلى والاروع ربي يحفظك من كل شر

[ماريا205]

معاك طبعا يا ماريا و خاصة تمارين شد البطن لكان تحبوا نهبطلكم صور و نبدوا من غدوة راني جاهزة
يعطيك الصحة
ميمي راك طحتي في الجرح كيما يقولو
وطبعا هذي مشكلة اغلبية النساء
راني جاهزة نزيدو نسمعو البقية باش تحلى

[oummalak]

شكرا اختي لكن وكانو شاق نوعا ما

والله ما هو شاق ولا شيء ابدئي معنا وسترين النشاط

[oummalak]

حبيت نسال البنات واش كملو التنظيف العميق لكل المنزل ولا نبداو من جديد

[بنت الجزاير الغالية]

شكرا اختي لكن وكانو شاق نوعا ما


بل ممتع كي تشوفي بيتك نظيف و مرتب و إنت في أحلى حلة و الولاد ماشاء الله نظافة و رباية و دراسة راح تحسي بالمتعة و ليس التعب وعن تجربة

[oummalak]

كل وحدة تقولي واش نظفت عميقا اي الغرف والمطبخ الخ.. والي ما زال ما نضفاتونوعد كل وحدة نحطلها برنامجها في المساء راني ننتظر الرد

[بنت الجزاير الغالية]

تباني ما شاء الله عليك اختي ميمي لهدا راني نطلب منك واختى صليحة تساعدوني في تطوير البرنامج

أنا راني معاك قلبا و قالبا بإذن الله

انت الاحلى والاروع ربي يحفظك من كل شر
آميـــــــــــــــــــــــــــــن

يعطيك الصحة
ميمي راك طحتي في الجرح كيما يقولو
وطبعا هذي مشكلة اغلبية النساء
راني جاهزة نزيدو نسمعو البقية باش تحلى

على بيها اقترحت تمارين البطن لأننا من الولادة للأسف ضاع لاطاي
:1::1:

[بنت الجزاير الغالية]

كل وحدة تقولي واش نظفت عميقا اي الغرف والمطبخ الخ.. والي ما زال ما نضفاتونوعد كل وحدة نحطلها برنامجها في المساء راني ننتظر الرد


أنا راني في غرفة الأولاد رتبت الدواليب تاع القش و غسلت الستاير مع العلم فيها بلاكار كيف تاع سمراء الدنيا بصح نتاعي كبير و فيه الحوايج
أنتظر الجدول
معليش راني نستأذن الولاد تشهوا الغرايف يعني البغرير وطلبوا إني نديرهولهم نرجع نطل عليكم في الليل و إذا وافقتوا على الرياضة ننزل ليكم تمارين شد البطن نبدوها من الغد لآخر مارس

[سمراء الدنيا]

حبيت نسال البنات واش كملو التنظيف العميق لكل المنزل ولا نبداو من جديد

رحت و رجعت على جال السؤال
راني مخلصة الكوزينة و الشونبرة و شونمبرة الاولاد و غرفة الجلوس للي هي الهول تنظيف عميق و راني بادية في الدوش
لكن الكوزينة ما نيش غافلة عليها مرة على مرة ندور على حاجة .... راه باقيلي مدخل البيت التحت كي تجي الشمس مليح نغسل لحيوط و الغرياج و الباب نتاع برا
الصالات لزوج راهم نظاف ما نعرف نعاود ليهم و لا ما كان لاه
نظن لبنات يحبو يعاودو الكوزينة
الكويزينيار و الفريجيذار و لي زيليمو

[سمراء الدنيا]

بالنسبة للرياضة كنت مخصصة كل يوم 10 د للايروبيك لكن الان ما نقدرش ... جنبي راه يوجعني كي شغل ديشيرور حتى طبيب ما فهملي ..... راني نقول نشوف مع طبيب منتع الريدوكاسيون

[سمراء الدنيا]

ميمي بصحتكم البغرير حنا كلاو و كملو بقى غير الولد لكبير ما زال ما جاش
الى الملتقى

[oummalak]

رحت و رجعت على جال السؤال
راني مخلصة الكوزينة و الشونبرة و شونمبرة الاولاد و غرفة الجلوس للي هي الهول تنظيف عميق و راني بادية في الدوش
لكن الكوزينة ما نيش غافلة عليها مرة على مرة ندور على حاجة .... راه باقيلي مدخل البيت التحت كي تجي الشمس مليح نغسل لحيوط و الغرياج و الباب نتاع برا
الصالات لزوج راهم نظاف ما نعرف نعاود ليهم و لا ما كان لاه
نظن لبنات يحبو يعاودو الكوزينة
الكويزينيار و الفريجيذار و لي زيليمو

املا كملتى شاطرة ما عندي ما نقول
ايه عندك الحق حتى تكون الشمس واغسلي المدخل

[oummalak]

أنا راني في غرفة الأولاد رتبت الدواليب تاع القش و غسلت الستاير مع العلم فيها بلاكار كيف تاع سمراء الدنيا بصح نتاعي كبير و فيه الحوايج
أنتظر الجدول
معليش راني نستأذن الولاد تشهوا الغرايف يعني البغرير وطلبوا إني نديرهولهم نرجع نطل عليكم في الليل و إذا وافقتوا على الرياضة ننزل ليكم تمارين شد البطن نبدوها من الغد لآخر مارس


رانا نستناو فالبرنامج انتاعك الرياضي يالله على بركة الله
اما عن برنامج الغد الي تديره وهويوم الاثنين في غرفة الاولاد رايحة نطل عليه نقراه فالصفحة الاولى ونرجع نكتبهولك لانو النت راهي ثقيلة تهبل

[oummalak]

الثلاثاء
غسل النافدة +مسح الحيطان+مسح ارضية الغرفة 50د


هدا هو البرنامج الي قدري تبعيه اختي ميمي واسمحيلي كنت غلطت وقتلت روحي شوفي يوم الاثنين راني صححت لانو غدا الثلاثاء

[oummalak]

تبقاو على خير رايحة ندير ليشوصون للعشاء ولادي طلبوهملي

[ليلى القسنطينية]

مساء الخير عليكم
راني قريت التعليقات تاع اليوم بسم الله ماشاء الله اليوم نشاط و حماس نتمنى كل يوم هكا
فيما يخص سؤالك يا اختي أم ملاك
أنا راه مزال عندي من الشغل العميق البلافوات و الحيوط و الردوات و الدوش و الكولوار
و نتمنى نبداو برنامج جديد بالتعديلات الي قالوها الأخوات
نخليكم في أمان الله و حفظه

[oummalak]

نطلب من الاخوات الي عندها حاجة تكملها هاد الاسبوع حتى وان لم يكن عميقاكي لا تتعبن
ومن الغد كل وحدة تحط اقتراحات ها من تنظيف تنظيم قراءة القران وحفظه معاملة الازواج والاولاد الرياضة اللاكل وبشرط كما قالت الاخت ميمي كل وحدة تدير حاجة تدخل تحطها تم تم باه نتشجعوا
قولولي واش رايكم

وعلى بركة الله نبدا يوم الاحد القادم واقتراحي هده المر ة نبدا بالمدخل لانه عنوان البيت
انتظر ردودكن

[ليلى القسنطينية]

<font color="purple"><font size="6">نطلب من الاخوات الي عندها حاجة تكملها هاد الاسبوع حتى وان لم يكن عميقاكي لا تتعبن
ومن الغد كل وحدة تحط اقتراحات ها من تنظيف تنظيم قراءة القران وحفظه معاملة الازواج والاولاد الرياضة اللاكل وبشرط كما قالت الاخت ميمي كل وحدة تدير حاجة تدخل تحطها تم تم باه نتشجعوا
قولولي واش رايكم

وعلى بركة الله نبدا يوم الاحد القادم واقتراحي هده المر ة نبدا بالمدخل لانه عنوان البيت
انتظر ردودكم فكرة مليحة اختي ام ملاك و الى الغد ان شاء الله

[بنت الجزاير الغالية]

رااااااااااااني جيت
عملت العشاء للولاد و اتعشينا و لله الحمد البرنامج تبدل مين كانت غرايف دخل راجلي و معاه المرقاز قالي ديريهولنا هو و شوي رخساس هيا درتوا وكملت معاه روز من الغداء و الولاد وعدتهم غدوة بالغرايف
و كملت درت حليب الشيكولاء لأم رامي اللي أصبح معتمد عندنا
و ضرك رايحة نروح نسخن الماء و نغسل المواعن و بعدها نروح نقرا شوي في الكتاب نتاعي إسمه الكباااائر راني وصلت للكبيرة الخامسة و الله كتاب مفيد جدا و بعدها نقرا أذكار النوم و نرقد
إيه في هذا الوقت راني نراجع لولدي الصغير و في نفس الوقت راني ندور
نروح نجيبلكم التمارين الرياضية و نرجع
أم ملاك شكرا عالجدول نحاول نطبقه إن شاء الله بصح الحيطان يظهرلي محتاجين غسل و ليس مسح إن شاء الله يصبح عندنا الجو مليح

[بنت الجزاير الغالية]

تمارين لشد عضلات البطن



نبدأ


اول شي




http://www.yabdoo.com/users/476/gallery/1410_p35976.gif
عشر مرات


http://www.yabdoo.com/users/476/gallery/1410_p35975.gif
عشرين مرة
http://www.yabdoo.com/users/476/gallery/1410_p35984.gif
خمسيييين مرة
http://www.yabdoo.com/users/476/gallery/1410_p35983.gif
عشرين مرة
http://www.yabdoo.com/users/476/gallery/1410_p35982.gif
عشرين مرة
http://www.yabdoo.com/users/476/gallery/1410_p35981.gif
عشرين مرة
http://www.yabdoo.com/users/476/gallery/1410_p35980.gif
عشرين مرة
http://www.yabdoo.com/users/476/gallery/1410_p35979.gif
عشرين مرة
http://www.yabdoo.com/users/476/gallery/1410_p35978.gif
عشرين مرة

[وفاء سعاد]

اسعد الله صباحكم البنات تطبيقي تاع البارح نضت الصباح فطرت الاولاد ولقيت ابني الصباح باه وجد ادواتو امالا عطيتو عقاب الميكرو مايزيدش يلمسو يومين المساء كي جا وجدهم ودار الواجبات وجا لي وحاب يلعبلي على العواطف وقالي خليني نلعب بصيح لازم نبقى صارمة باه مرة اخرى مايعودش ويبقى يخاف غسلت الماعن الكوزينة تشعل خلصتها من قبل وبقات نضيفة يعني درت الغداء برك شوربة فريك مع كسرة وسلاطة وسيقت البيوت كامل مع مسح الغبرة وكاين شوية قش تاع اليدين غسلتو ونشرتو في المساء درت العشاء قليان برك بطاطا وحميص وشوية اسكالوب وانا الحاجة الاولي اللي نركز عليها بزاف قراية الاولاد عندي خط احمر جانب مانتهاونش فيه ودايما نوجدلهم برنامج واش يديرو اليوم من تمارين او حفظ وانا معاهم وكي يخلصو يتعشاو ونحكيو شوية ماشي كل ليلة احيانا نكونو غلبانين كل واحد يروح لبيتو الماعن ساعات نغسلهم واساعات يقعدو للصباح نغلب مع الاولاد البارح ماغسلتهمش

[وفاء سعاد]

ميمي يعطيك الصحة على هادوك التمارين ونزيد نقولكم احكمو الكمون مرحي مغرف تاع قهوة واشربوه مع شوية ماء وديرو التمارين روعة الهواء كامل يخرج اللي في كروشكم لانو ساعات الهواء اكتر من الدهون وبلاكم الكوكا او اي مشروب فيه الغاز راكم تغلبو رواحكم برك في التمارين وكولو سلاطة تاع الريش راهي تضعف

[وفاء سعاد]

ام ملاك انا التنضيف العميق بقاولي البلافوات مع الكولوار

[oummalak]

السلام عليكم ورحمة الله كيفاه راهي الاحوال ان شاء الله تكونو بخير
صباح الخير اختي وفاء ما شاء الله عليك هكدا تكون التربية واصلي على هدا المنوال ربي يكون معاك
اما التنظيف العميق كملي الكولوار منا للسبت باه نبداو البرنامج من جديد

[oummalak]

نسيت نقولك البلافوات ما تغسليهمش غير بالعزافة وفوتي عليهم

[oummalak]

اصبحنا واصبح الملك لله اللهم اني اسالك خير ما في هدا اليوم
باسمك اللهم ابدا وبالصلاة على خير المرسلين افتتح
عن يومي هذا بدات
استيقظت على اذان الفجر الاول غسلت لانى في عدر شرعي قريت الاذكار
لميت البيوت والمطبخ بعد ما شربو القهوة
درت 2ماشينات راهم يتغسلو
وفي فمي الاستغفار لن اغفل عليه اليوم ان شاء الله
التمارين الرياضية ان شاء الله نديرها بعد المغرب لاني رايحة عند عجوزتي بعد الظهر
والان رايحة نسيق كامل الدار ادعيو معي ربي يعاوني
دمتم في رعاية الله وحفظه