حملة ذات منفعة عامة (الزواج)

[ملاك1988]

واش رايكم في ظاهرة زيادة المهر لرانا نشوف فيها البنات تشرط الرجال ملقاتش روحها العنوسة تهدد المجتمع
حلل و ناقش

[هدى الجيجلية]

السلام عليكم
اختي
بارك الله فيك
على هذا الموضوع القيم
والهادف الذي يخدم
المجتمع

فعلا الأسر الجزائرية
تشرط شروط تعجيزية
الشباب هم في غنى عنها
لماذا لا ييسرو
على الشباب
حتى يتسنى لهم فتح
بيوت
من المفروض
الأم تشوف
أن اخلاق
الراجل وتربيته هي قبل كل شيء
هذا رأيي الشخصي

[nibrasse76]

ضعف الايمان الناس اصبحت تحسب لبعضها البعض ...وتقارن ...ونسيت ان الدنيا زائلة ويبقى غير المليح والطيب ....لا احد مستعد للانقاص من نفسه ..حتى تسير الامور ...باختصار :ربي سلط علينا انفسنا المريضة ...وهي السبب في الشقاء والمعاناة التي نحن عليها

[ملاك1988]

ضعف الايمان الناس اصبحت تحسب لبعضها البعض ...وتقارن ...ونسيت ان الدنيا زائلة ويبقى غير المليح والطيب ....لا احد مستعد للانقاص من نفسه ..حتى تسير الامور ...باختصار :ربي سلط علينا انفسنا المريضة ...وهي السبب في الشقاء والمعاناة التي نحن عليها

مشكور يا اخي عللا المرور و التجاوب

[ملاك1988]

السلام عليكم
اختي
بارك الله فيك
على هذا الموضوع القيم
والهادف الذي يخدم
المجتمع

فعلا الأسر الجزائرية
تشرط شروط تعجيزية
الشباب هم في غنى عنها
لماذا لا ييسرو
على الشباب
حتى يتسنى لهم فتح
بيوت
من المفروض
الأم تشوف
أن اخلاق
الراجل وتربيته هي قبل كل شيء
هذا رأيي الشخصي
مشكورة اختي للذلك اريد ان نقوم بحملة لتوعية البنات ( مكان لاه الشرط بواف )

[ملاك1988]

اين انتم يا اعظاء اريد تفاعل من اجل التغيير للشباب والبنات

[mohaa47]

لا تشترطوا الشروط التعجيزية .................زوج ابنتك لشاب متقي خلوق متدين إذا أحبها أكرمها و إذا كرهها لم يظلمها .......

[المارد الجنوبي]

التباهي في مبالغ المهور هو سبب غلائها واشتراط شروط تعجيزية قد تثقل كاهل طالب الزواج

يا ايها الاولياء يسروا ولا تعسروا السعادة والهناء لا يشترون بالمال

[دموع الانابة]

يجب ان يوعى الجميع اهل الزوجة و اهل الزوج كذلك فصديقتي تزوجت و كان مهرها الاجمالي اي مع الشاة و الطبق 12 مليون فبعد الزواج دائما اهل الزوج يقولولها تبانلنا ما كنتيش مصدقة بالي تزوجي علاه مدوك مليك رخيسة و عمرها فقط 23 هي غاضتها روحها بزاف قاتلي كنت حاسبة الناس كامل تعرف بلي (ايسرهن مؤونة اكثرهن بركة) لهذا ناس بزاف يخافو من هذه المواقف فالوعي يجب ان يكون لولي امر المراة و لاهل الزوج

[knives55]

ربي يسهل في أخير هيا تندم وبها يندم وأمها تندم

وراكم عرفين ان المراة اذ كبرة تقل احتملات زواجها لانقول تنعدم لكن المجتمع لا يرحم

الرجل ممكن يجهز نفسوا في مدة ما بين 25 الى 35 ويبدأ حياتوا من 36

اما المراة أذ ما تزوجة في هذه المرحلة 23 الى 30 تحال الى العنوسة عفاكم الله منها

أذ ربي يسهل ويهدي هذ العباد

[الزيتون]

المشكلة الكبيرة الكل يتكلم عن غلاء المهور ولما تلحق الدالة تاع البنت ترفع مهرها وكانها لم تنكر ذلك من قبل وتسمعنا الاغنية المعروفة التي مطلعها *** وانا واش خاصني راني كيما البنات ***

[it's me]

باختصار الناس ولات همها الوحيد فلان عندو و فلان يعيش بنتي مليه ماشي همها الهنا
ربي يهدينا

[ايمان نور الجزائر]

الله يهديهم
++
في مدينتي العائلات ما تشترطش وترضى بما يدفعه الزوج
وقد ماكان
الحمد لله مازال كاين شوية خيييييير

[ملاك1988]

اشكر كل من تجاوب مع الموضوع
لكن صدقوني هذا راه مشكل كبير
خلات الرجل يخاف ان يتقدم لطلب فتاة لانو علبالو واش يستنى فيه و كان الرجل اليوم اصبح فريسة يستغلها اهل الفتاة

ربي يهدي الوالدين

[Tissouma 25]

غلاء المهور مشكل صح لكن وش كون اللي راه يشرط البنت ولا والديها في الغالب تلقاي الوالدين وخاصة الام هي اللي تحب بنتها تعيش خير ملي عاشت هي ... هنا تبدا تبني لبنتها صورة للرجل اللي لازم تقبل بيه و يكون زوجها في المستقبل في العوض اللي هي تنهي بنتها و تطلب الهناء هذا جانب و جانب آخر انو الناس ولات تحب تبين روحها تشرط على الرجل و تقولو لازم تمدلي شرطي كذا باه زعما تزوخ قدام الناس بلي الراجل اللي رايحا نديه راه كذا وكذا .... هنا يبين بلي الخلل راه في الانسان في حد ذاتو لوكان يرضى بلي عطاهولو ربي و يقنع و يقول الحمد لله باه ربي يباركلو في حياتو ...... المهم الخلل الاول يبدا من الاسرة

[دموع الانابة]

ربي يسهل في أخير هيا تندم وبها يندم وأمها تندم


وراكم عرفين ان المراة اذ كبرة تقل احتملات زواجها لانقول تنعدم لكن المجتمع لا يرحم

الرجل ممكن يجهز نفسوا في مدة ما بين 25 الى 35 ويبدأ حياتوا من 36

اما المراة أذ ما تزوجة في هذه المرحلة 23 الى 30 تحال الى العنوسة عفاكم الله منها

أذ ربي يسهل ويهدي هذ العباد




ليكن في علمك انه الندم فيها فيها اذا تزوجت ندمت و قالت واش داني كنت معزة مكرمة هانية علاه عليا التمرميد واذا ما زوجتش قالت علاه رفضت فلان وفلان كون سترت روحي و خلاص وهذا الكلام نعيشوه كل يوم تعرف علاه لاننا لا نرى في الزواج المفهوم الحقيقي ننظر اليه بسطحية المظاهر الجوفاء لا نعتبره رسالة منا و خطوة لاعفاف النفس و تكوين اسرة صالحة الفتاة تتزوج فقط لان المحيطين بها تزوجوا و لانها ترى في المسلسلات انهم يختمون قصص الحب بالزواج فعليها فعل ذلك كخطوة حتمية طبعا غير محسوبة او انها ما لقات ما تدير ما نجحتش تزوج و خلاص لذلك اذا سالت المراة لماذا تزوجت صدقني80بالمئة ما يعرفوش يجاوبوك كيف تتوقع من افكار مثل هذه ان تبدي اهتماما لغلاء المهور او عواقبهاما قولك الرجل ما راح عليه والو نقلك راحت عليه ايام شبابه العزيزة في الاحلام و التمني وسط فتن هلكت البنات فمابالك بالرجل نحن في عائلتنا المهر 5ملاين و الحمد الله

[simanyana]

wllahi hadi mochkla y3anyo manha as7ab al9loub ad3ifa allah yahdi had lmojtm3 adnya raj3t ghir madaher khda3 dirou anya hakda rabi ybarkalkoum fi hyatkom ou y3wdkoum azwaj machi gir chrout ou azwaj masoliya ou witha9 yt7mlou kol man azwjyn ou sad9oni ya lbnat salou 3la adyn ou alkhol9 ou al39lia hak tanj7i fi hyayek

[ملاك1988]

مشكورين على التفاعل مع الموضوع راهي حاجة زادت عن حدها بزاف

[blade miki]

النساء مليحلكم العنوسة واش ديرو بزواج

الرجال تحيا العزوبية اصلا مكانش تساء تاع زواج خمو مليح

[mars1981]

al hal , al mra matachratch

wa matedich maaha jhaz

[alger1]

كلما غلا المهر كلما هبطت قيمة المراة وكلما هبطت قيمة المراة احيلت على العنوسة والرذيلة وكلما احيلت على العنوسة والرذيلة انهار المجتمع باسره ......فما اعظمك يا رسول الله اذ قال صلى الله عليه وسلم اعظم النساء بركة ايسرهن مهرا فهل انتن يا نساء هذا الزمان خير من الصحابيات ولا فوق رؤوسكن ريشة ؟

[alger1]

آه نسيت ريشة النعامة ولا الدجاجة ؟

[alger1]

نسيت مرة اخرى دجاجة نتاع العرب ولا تريسيتي ماشي كيفكيف حذاري من الخطا

[fare190s]

تحيا القبائل اكسي و أدي ما يشرط عليك ما يكلفك أنت و مقدورك

[ملاك1988]

مشكورين على المرور