مشكلة دراسية

[مشكلتي]

السلام عليكم خاوتي
أنا فتاة في عمري 15 سنة نقرا سنة أولى ثانوي
صراحة نتائج الفصل الأول دمرتني بزاااااااف لانو بعد ما كنت دائما الأولى في المتوسطةو الابتدائي و كنت نجيب غير ب18 و و درك جبت 15 أحيانا نولي نتساءل راني سنة أولى و راني نجيب 15 في سنة ثانية و ثالثة و في الباك شحااااااااال نجيب و الشيئ لي راهو مقلقلني أكثر امال العائلة كلها راهي عليا و راهم دايرين فيا ثقة كبيرة بلي نجيب معدل مليح في الباك ان شاء الله مانخيبهمش علبالي بلي الأغلبية يقولو هذا شيئ عادي و كامل نهبطو في الليسي مي والله لا gراف باسكو كاين شي ناس نعرفهم مازالو محافظين على المستوى تاعهم و الأغلبية ماهبطوش بزاف
اسمحولي اذا طولت عليكم نتمنى تعاونوني و تعطوني حلول فعالة و مجدية باش نجيب نتائج أحس في هذا الفصل الثاني سلام :sdf::sdf::sdf::sdf:

[ikram-koukou]

لكل حصان كبوة ....... نورمال اختي حاولي تقري ودزيدي مجهوداتك واعتمدي على نظام معين في قرايتك

[sarah1424]

Wech dakhel lbac
ana f 1 ere habatet jebt 13 wallah wk roht lebac jebt 15
rakzi wa9ray wrabbi m3ak

[rebaoui]

لكل حادث حديث،فكري في الفصلين المتبقيين.

[AKIS]

عادي جدا فالفصل الدراسي الأول في الثانوية خاصة تخصص علوم هو أصعب فصل دراسي في جميع المراحل الدراسية

[بلسم غرام2018]

ل جواد كبوة ....... نورمال اختي حاولي تقري ودزيدي مجهوداتك واعتمدي على نظام معين في قرايتك

[عبد الكريم -إقتصاد-]

السلام عليكم لكل جواد كبوة و المشكل ليس في السقوط و لكن المشكل في أن نبقى ساقطين و لا نقوم
السنة أولى ثانوي أصعب من السنة الثانية و الثالثة، السنة الثانية يبدأ التخصص و تتضح الأمور، السنة الثالثة يتم التحضير لمواد معينة بشراء الكتب الخاصة بها، و بحماس البكالوريا و التدعيم إن شئت بالدروس الخصوصية و في ذلك متعة كبيرة، أنا شخصيا لم أصادفها لا قبل البكالوريا و لا في ليسانس و الماجستير
نصيحة: لا تجعلي من اللاحدث حدث
إجعلي هذه الكبوة إنطلاقة لكي
عدم التفكير بالأفكار السلبية
حظ موفق

[khadidja master]

ما تخافيش اختي الكريمة عندك الصح نقولك هدا شىء عادي لخطارش كاين اسباب اولا غيرت المؤسسة والاساتدة جدد ويمكن تغير في طريقة الاساتدة وطريقة تنقيطهم ودرك كي فات الفصل الاول قاع هاد الامور تستوعبيها وتخديها بعين الاعتبار وان شاء الله تولي للمستوى نتاعك ما عليك الا بالتركيز وردي عليا ,,,,,,,,,,,,,,,وفقك الله,,,,,,,,,,,,,,,

[sengra]

07 ربيع الاول 1434 هجري
السلام عليكم
يا أختاه مازلتي في مرحلةالمتوسطة و تفكري في الباك. هذا سيشكل عليك عائقا و ضغطا على نفسيتك و دراستك
من الاحسن ان تجزئي و تفكري كل شيء في وقته حتى يسهل عليك.
أرى ان معدلك الاخير جيد و لا يستحق كل هذا التفكير اما ماترغبين به من المعدل فعليك أن تبحثي غي أسباب تراجعك و ان كنت أراه ليس تراجع بل يحفزك من أجل الاجتهاد الاكثر. قد تكون أسباب نفسية تتعلق بما يعكر او يشغل تفكيرك أو صحية ففتفشي بداخلك تجدين الحل.
و أحسن علاج هو التقرب الى الله سبحانه و تعالى بالدعاء و الخضوع له و كثرة الرواتب و غيرها من الاعمال بارة و كذلك الاحسان الى الناس خاصة والديك و اخوتك و غيرهم.
أما فيما يخص الضغط أختاه حاولي ان تفرغي هذا الشحن الزائد من الضغط اما ان تقولي لأسرتك ان لايضغطوا عليك في دراستك او تحاوري نفسك بذلك أن الله لا يكلف نفسا الا و سعها. فهذا عامل ايجابي في صالحك و يشجعك على المزيد من التحضير من الاجتهاد
بالتوفيق ان شاء الله
شكرااااااااا

[soheib+206]

نقسي من مشاهدة المسلسلات خاصة التركية

ونقصي أيضا من النت و البورطابل

و أنت تلقاي روحك جبتي 19 ماشي 18

و موفقة انشالله في الفصل الثاني

[{ توبة }]

السلام عليكم
متقولقيش روحك ختي بزاف
ممكن لانو تغيرت الظروف الدراسية و لا تنسي انها مرحلة جديدة
لهذا نزل معدلك من 18 الى 15
و لا يزال عندك فرص لتثبي نفسك
و تحققي امال عائلتـك ... كوني متأكدة انه يمكنك تقديم الاكثر
غيري طريقة دراستك و ضعي هدفا امامك و ستنجحين ان شاء الله
الله يوفقك

[faty05]

عادي يا اختي حتى انا جزت عليها
كنت في المتوسط ندي ممتاز و كي طلعت الثانوية مع الفصل الاول اديت 11 بصح ما خلعتش و قريت و احتهدت به حسنت مستاوي و اديت البكالوريا في عامي الاول و كملت دراستي الجامعية الحمد لله
ما تخلعيش عليك فقط ببذل جهد اكثر و التركيز جيدا مع دراستك
لانو ديما الافصل الاول اعتبريه مرحلة عبور فيها الممهلات كيما تع الدزاير ههههههه

[عاشقة الايمان]

نقسي من مشاهدة المسلسلات خاصة التركية

ونقصي أيضا من النت و البورطابل

و أنت تلقاي روحك جبتي 19 ماشي 18

و موفقة انشالله في الفصل الثاني


خويا هادي حاجة نظم وقتك برك
برطابل ومسلسلات ماهيش لتخليها تتنازل في معدلها

[sali-sali]

حطي عقلك في القراية ....وحاولي تفهمي مليح الروس
واخطيييييييك من الخلطة..وماتتقلقيش هدي غير كي تغيرت المرحلة من المتوسط للثانوي

ربي يوفقك

[عاشقة الايمان]

اختي العزيزة كل شيء في وقتو انتي راكي في الاولى علاه تخمي في الباك
انتي ركزي علي انتقال من هاد العتبة ولازم تكون عندك نية صادقة واستعداد باه تتنقلي وكل شيء بيد ربي سبحانوا

[سآجدْ للهْ]

المشكل ليس في النّقطـة
المشكل في المعلومات التي تتعلمينها هل تستوعبينها أم لا ؟
لأن الدرآسة متسلسلة وستحتاجينها في السنوآت القآدمـة
والمعدل الفصلـي لا يسمح لك بالحكم على معدل البآكالوريا لأنهـآ مختلفـة تمآمًآ تمآمًآ تمآمًآ

[assia81]

السلام عليكم ورحمة الله وبركاته
اختي ربما بقيتي في نفس الرتم الدراسي فانت انتقلتي من مرحلة الى مرحلة اصعب عليك ان تضاعفي مجهودكي وان تغيري اسلوبك الدراسي مثلا تحاولي ان تفهمي اكثر مع الاستاذ وتركزي اكثر وتعتمدي ايضا على الكتب الخارجية مثلا المهم ضاعفي مجهودك وشكرا

[malak achark]

موفقة انشا lلله في الفصل الثاني

[dahou abdou]

يا اختي ديري اللي عليك والباقي على ربي وان شاء الله تنجحي اختي ربي معاك ان شاءالله

[Houssam Zemmouri]

كامل صراتلنا اختي ...... مي حالولي انك ترفعي من النيفو تاعك ....... وربي يوفق كل واحد



والسلام عليكم

[moholamine]

أنا كنت نجيب 12 و 11 في الأولى و الثانية ثانوي و الباك تاعي جبت 15 و الحمد لله

المعدلات في الثانوية ليست مقياس بالمرة ضف إلى ذلك أنك راكي متفوقة لأنو 15 ماشي ساهلة في الثانوي