طلب مساعدة عاجل جداااااااا مشكلة الغيابات

[رحماني رفيق]

انا لم احضر في السداسي الاول الا الشهر الاول وبعدها جاءتني امور استثنائية فتغيبت كامل باقي المدة ، فما العمل الآن هل يتم اقصائي أم وضعي متخلي عن الدراسة وهل ادخل الامتحانات ام لا مع علمكم ان تلك الامور الاستثنائية لا يمكنني تحرير مبرر بشأنها. ارجو الافادة

[شـــهاب]

أخي قانون الجامعة واضح
3 غيابات غير مبررة أو 5 غيابات مبررة يقصى الطالب من المقياس ،
لكن أن شوف مع الأساتذة كاين اللي ما يخدموش بها و يساعد الطلبة ، و كاين اللي يطبقها تطبيق صارم ،
ان شاء الله يتقبلوا الأساتذة عذرك و يرجعوك !
أما اذا ما بغاوش يرجعوك راح تكون مقصى و تعاود العام

[سطايفية بكل فخر]

شوف مع الاساتدة بلاك ميقصيوكش وفوت امتحاناتك
وادا لا للاسف انمت مقصى
بالتوفيق

[hichame.student]

والله حالة صعبة بزاف يا رحماني رفيق
على حسب علمي سقسي الأساتذة و الإدارة هي التي تقرر

[أمة الجبّار]

السلام عليكم
لما هذه القسوة في القوانين؟؟

يعني الطالب لما تكون لديه ظروف، مهما كانت هذه الظروف سواء صحية او غيرها، الصحية يمكن ان تبرر، لكن الطالب لما تكون لديه ظروف خاصة او عائلية من اين ياتي بالمبرر؟

الله المستعان

فقط عندي سؤال، انا غبت الاسبوع الماضي بكامله- انا سنة اولى ماجستير-و الطبيب اعطاني اجازة مرضية لمدة 10 ايام، يعني لما اقدم التبرير اقدمه للاساتذة ام للادارة ام لكليهما

[yacine-08]

لدي نفس الاستفسار بخصوص الغياب تلاتة مرات لاحد المقاييس الغير مهمة

مقياس انجليزية و امتلك تبرير عبارة عن شهادة طبية لـ الغياب الاخير - يعني غيابين غير مبررين وغياب مبرر .

و المقاييس الاخرى ادرسها بشكل عادي ، هل علي تبرير الغياب من الان لانه لم يتم اعلامي باي شيئ

وحتى هدا المقياس هو في العادة فقط cour لكن نظرا لقلة الحضور يكتبون td

[سطايفية بكل فخر]

خاوتي علابالكم بلي التبرير ادا متقدمش في 72 ساعة راهو معتبر ملغى

[سطايفية بكل فخر]

السلام عليكم
لما هذه القسوة في القوانين؟؟

يعني الطالب لما تكون لديه ظروف، مهما كانت هذه الظروف سواء صحية او غيرها، الصحية يمكن ان تبرر، لكن الطالب لما تكون لديه ظروف خاصة او عائلية من اين ياتي بالمبرر؟

الله المستعان

فقط عندي سؤال، انا غبت الاسبوع الماضي بكامله- انا سنة اولى ماجستير-و الطبيب اعطاني اجازة مرضية لمدة 10 ايام، يعني لما اقدم التبرير اقدمه للاساتذة ام للادارة ام لكليهما


اختي المبرر تقدميه لطبيب الكلية تاعكم يكاشيلك فيها ثم تديها للادارة تكتبلك بيها مبرر الغياب هداك المبرر هو لي تمديله للاساتدة
+
المبرر لازم تقدميه في ثلاث ايام والا يلغيوهلك ان شاء الله يقبلوهولك

[yacine-08]

خاوتي علابالكم بلي التبرير ادا متقدمش في 72 ساعة راهو معتبر ملغى
هل انتي متاكدة 100/100 من هدا الكلام

لانه من العادة حتى لو تغيب احد الاشخاص تلات مرات وعندما يريد الاستاذ تقديم لـ الادارة من سيلغى من المقياس فانه يطالب الاشخاص المعنيين بالامر تبرير غيابهم حالا .

[أمة الجبّار]

اختي المبرر تقدميه لطبيب الكلية تاعكم يكاشيلك فيها ثم تديها للادارة تكتبلك بيها مبرر الغياب هداك المبرر هو لي تمديله للاساتدة
+
المبرر لازم تقدميه في ثلاث ايام والا يلغيوهلك ان شاء الله يقبلوهولك

ثلاثة أيام؟؟؟؟ كيف و انا مريضة، سبحان الله

على كل شكرا

[سطايفية بكل فخر]

لدي نفس الاستفسار بخصوص الغياب تلاتة مرات لاحد المقاييس الغير مهمة

مقياس انجليزية و امتلك تبرير عبارة عن شهادة طبية لـ الغياب الاخير - يعني غيابين غير مبررين وغياب مبرر .

و المقاييس الاخرى ادرسها بشكل عادي ، هل علي تبرير الغياب من الان لانه لم يتم اعلامي باي شيئ

وحتى هدا المقياس هو في العادة فقط cour لكن نظرا لقلة الحضور يكتبون td

ههههههه عجبتني تاع غير مهمة
+
المنشور الوزار يتاع العام هدا ينص على انو حضور المحاضرات اجباري بعدما كان اختياري
يعني ليكور حتى لو تاع انجليزية اجباري
+
في حالتك انت ميقدرو يديرولك والو لانو مفتش الحد لي هو
ثلاث غيابات غير مبررة و
5 غيابات مبررة
+
الغيابات اخي كون تحضرو في الف تفوت عليكم قائمة الغيابات هدا القانون
والاوء من هدا الجامعات ارغمت الاساتدة على تمرير ورقة الحضور للادارة حصة بحصة
مثلا حنا العام لي فات كانو صح اجباري مي الاساتدة ميمدوش الغيابات حتى ليكوميتي بيداغوجيك يعني تقدر تتفاهم مع الاستاد قبل ميمدهم
لكن هدا العام لمايخلص الاستاد الحصة تاعو يعقب الورقة للادارة وهي لي تتفاهم معاك
+
حاجة اخرى تخص الاقصاءمن قبل كان الاقصاء لما يقص واحد من مادة يعاود العام على جالها
لكن الان قانون الاقصاء يمنح الطالب صفر في المادة بلا مياثرلو على باقي المواد
يعني لي تقصى في مادة معليه غير يشمر على يديده ويجيب مليح في باقي المواد باش يعوض هداك الصفر
بالتوفيق للجميع ان شاء الله واحد متقاس منو

[سطايفية بكل فخر]

ثلاثة أيام؟؟؟؟ كيف و انا مريضة، سبحان الله

على كل شكرا


الله غالب قالك المبرر يتمد في ثلاث ايام
على كل حال اختي انت روحي واشرحي للطبيب الوضع قلو بلي مقدرتيش تجي تقراي
بالتوفيق ليك اختي وربي يشفيك

[سطايفية بكل فخر]

هل انتي متاكدة 100/100 من هدا الكلام

لانه من العادة حتى لو تغيب احد الاشخاص تلات مرات وعندما يريد الاستاذ تقديم لـ الادارة من سيلغى من المقياس فانه يطالب الاشخاص المعنيين بالامر تبرير غيابهم حالا .

نعم متاكدة لان مررت بنفس التجربة كنت مريضة ولما رحت للادارة نقدم التبرير قالي وعلاش فاتت ثلاثة ايام هو حطني انا لي مقدمتوش في ثلاثة ايام
لكن انا الطبيبة لي ماكاشاتهاليش يعني من عندها مش من عندي
وثما سقسيتو على القانون وجاوبني بالتفصيل انو المبرر لي يفوت ثلاثة ايام ميقبلوهش
+
اخي راني قتلك الغيابات الان مرجعتش بيد الاستاد راهي تدخل فيها الادارة وان كنت انا ساعة ساعة ونغيب مي منديباسيش ثلاثة غيابات غير مبررة
الواحد يكره الله غالب والظروف ساعات تمنعك تروح

[yacine-08]

سطايفية بكل فخر (http://www.djelfa.info/vb/member.php?u=246689)

please write your response again because i didn't understand some words

قلت لك غير مهم بالنسبة لي ههه

[yacine-08]

c bon راني فهمته

الحمد لله انه ليس علي تبرير الغيابات التلاتة

شكرا سطايفية راني ارتحت من هاد الناحية

خاصة ان موديل تجيب فيه 0 و انت تتقنه شيئ غير مرغوب فيه

[سطايفية بكل فخر]

ok bro witch one plz

[yacine-08]

c bon راني فهمته

الحمد لله انه ليس علي تبرير الغيابات التلاتة

شكرا سطايفية راني ارتحت من هاد الناحية

خاصة ان موديل تجيب فيه 0 و انت تتقنه شيئ غير مرغوب فيه

[سطايفية بكل فخر]

اوكي رايحة نشرح بطريقة وحدة اخرى
ينص القانون تاع هدا العام الجامعي على
1°)حضور المحاضرات cours والحصص التطبيقية tp وحصص الاعمال الموجهة td اجباري على كل الطلبة
2")يتعرض الطالب الغائب للاقصاء تلقائيا في الحالات التالية
=ثلاث غيابات بدون مبرر
=5غيابات بمبرر

انت اخي راك مديباسيتش الحد يعني انت عندك غير 2 غياب مش مبررين
يعني مش رايحين يقصيوك
هل فهمت او اعيد الشرح
+
ملاحطة فقط في الانجليزية نقولوanswer or reply منقولوش reponse
بالتوفيق ليك ادا مفهمتش قولي

[سطايفية بكل فخر]

c bon راني فهمته

الحمد لله انه ليس علي تبرير الغيابات التلاتة

شكرا سطايفية راني ارتحت من هاد الناحية

خاصة ان موديل تجيب فيه 0 و انت تتقنه شيئ غير مرغوب فيه

متولهتش لردك راني عادت شرحت المهم بالتوفيق ليك ومتحقر حتى مادة في الجامعة وتغيب فيها لتعميك وتقصيك:1:
بااتوفيق ليكم في الامتحانات

[yacine-08]

يا اخت سطايفية مافهمتينيش مليح

قلت لك انني غيبت تلاتة مرات و لم ابرر اي واحدة منهم لحد الان

لكن في الحقيقة ليس لدي اي مبرر لـ غيابين الاولين لانها ساعة مع 8 صباحا و لم ادهب .

لكن الغياب الاخير فيهم كنت مريض وامتلك شهادة طبية وهدا الغياب مر عليه اكتر من تلاتة ايام

يعني لحد الان لم ابرر اي شيئ ودرست الحصة الاخيرة من الانجليزية بشكل طبيعي .

يعني لحد الان راني في تلاتة غيابات غير مبررة

وانا كنت نقول ادا طلبوا مني تبرير الغيابات ساعطيهم شهادة الطبية لكن لحد الان لا يوجد شيئ .

[سطايفية بكل فخر]

يا اخت سطايفية مافهمتينيش مليح

قلت لك انني غيبت تلاتة مرات و لم ابرر اي واحدة منهم لحد الان

لكن في الحقيقة ليس لدي اي مبرر لـ غيابين الاولين لانها ساعة مع 8 صباحا و لم ادهب .

لكن الغياب الاخير فيهم كنت مريض وامتلك شهادة طبية وهدا الغياب مر عليه اكتر من تلاتة ايام

يعني لحد الان لم ابرر اي شيئ ودرست الحصة الاخيرة من الانجليزية بشكل طبيعي .

يعني لحد الان راني في تلاتة غيابات غير مبررة

وانا كنت نقول ادا طلبوا مني تبرير الغيابات ساعطيهم شهادة الطبية لكن لحد الان لا يوجد شيئ .

اه حطيتك بررتهم
+
شوف اخي ساهل الحال انت ادي الشهادة الطبية ادفعها وقلهم بلي انت معلابلكش بالقوانين بحكم انك جديد في الجامعة
+
قولي الكوميتي بيداغوجيك نتاعكم ندارت ولا مزالت

[yacine-08]

ملاحطة فقط في الانجليزية نقولوanswer or reply منقولوش reponse
بالتوفيق ليك ادا مفهمتش قولي
خطأ مطبعي فقط هههه

[سطايفية بكل فخر]

بانتظار اجابتك اخي لكوميتي بيداغوجيك ندارت ليكم او لا
يعني هل الديليقي تاع قسمك اجتمع مع الاساتدو او لا لانو فيها يتم وضع قائمةالاقصاء

[yacine-08]

اه حطيتك بررتهم
+
شوف اخي ساهل الحال انت ادي الشهادة الطبية ادفعها وقلهم بلي انت معلابلكش بالقوانين بحكم انك جديد في الجامعة
+
قولي الكوميتي بيداغوجيك نتاعكم ندارت ولا مزالت
الحالة مبهمة جدا في الدفعة التي ادرس فيها

لانها اول دفعة من نوعها في هدا المستوى و التخصص

تحدتث مع استادة الانجليزية قالت لي لحد الان لم يعطونا القائمة الخاصة بالطلاب

يعني كنا نكتب اسمائنا فقط في ورقة و قالت لي التبرير يكون مع الادارة .

هده هي الوضعية ، و الكوميتي لم تصلني اي معلومات حولها .

[سطايفية بكل فخر]

الحالة مبهمة جدا في الدفعة التي ادرس فيها

لانها اول دفعة من نوعها في هدا المستوى و التخصص

تحدتث مع استادة الانجليزية قالت لي لحد الان لم يعطونا القائمة الخاصة بالطلاب

يعني كنا نكتب اسمائنا فقط في ورقة و قالت لي التبرير يكون مع الادارة .

هده هي الوضعية ، و الكوميتي لم تصلني اي معلومات حولها .

بما انو الوضعية هكا ادا قول مكالاه تروح للادارة احكي مع الاستادة نتاعك وقلها مديركش اكسكلي ونعتلها التبرير وادا قاتلك راني دفعت قائمة الغيابات روح برر وقلهم منيش علابالي وخلاص
ربي يكون معاك
+
انا مفهمتش كيفاش مدرتوش كوميتي والامتحانات على الابواب لانو في الكوميتي تقرر الامتحانات وترتيبها ومتى تبدا
كما يديرو فيها قائمة المقصيين
حنا سيبو ندار كلش والحمد لله معدناش المقصيين في دفعتي
بالتوفيق ليك اخي ان شاء الله خير

[yacine-08]

لقد قاموا بـ تأجيل الامتحانات الى غاية مارس لاننا كما قلت دخلنا متأخرين وبالتالي يشدونا الى غاية جوان

لدلك لم تنعقد جلسة كوميتي الخاصة بنا ..

[سطايفية بكل فخر]

لقد قاموا بـ تأجيل الامتحانات الى غاية مارس لاننا كما قلت دخلنا متأخرين وبالتالي يشدونا الى غاية جوان

لدلك لم تنعقد جلسة كوميتي الخاصة بنا ..

اخي ايخي انت ماستر 2؟
كيفاش تبقاو لجوان
+
بيما انو الكوميتي مندارش احدر من الغيابات
بالتوفيق ليك حاول تحل مشكلة غياب الانجليزية مع استادتك
وادا موافقتش دير وشا قتلك
وحاول متغيبش بزاف
بالتوفيق

[yacine-08]

اخت سطايفية ،،

رانا ماستر 1 بالرغم من اننا درسنا اربع سنوات في الجامعة

يعني لكي نحصل على ماستر 2 في الاخير نكون درسنا 6 سنوات في الجامعة

قوانين تعسفية ، من المفروض ندخل مباشرة ماستر 2 لاكمال السنة الخامسة

ظلم وخلاص ، عاد طلاب الكلاسيك فاهمين و لديهم قاعدة افضل من طلاب النظام الجديد

لاننا نحن درسنا اغلب المقاييس الاساسية في الاحتصاص على طول العام وليس فقط في سداسي وهو في الحقيقة ليس حتى سدادسي كامل نظرا للعطل و المناسبات

يعني ان تدرس المواد الاساسية خلال عام سيكون لك القدرة على استيعابه جيدا و الاستاد لن يتحرك في الدروس حتى يرى ان هناك فهم للطلاب

اما النظام الجديد هناك حشو للمعلومات و الاستاد يحوس فقط ان يكمل دروس المقياس مع الوقت /السداسي /ولا يهمهم هل الطلبة راهم حاكمين شيئ .

[سطايفية بكل فخر]

اخت سطايفية ،،

رانا ماستر 1 بالرغم من اننا درسنا اربع سنوات في الجامعة

يعني لكي نحصل على ماستر 2 في الاخير نكون درسنا 6 سنوات في الجامعة

قوانين تعسفية ، من المفروض ندخل مباشرة ماستر 2 لاكمال السنة الخامسة

ظلم وخلاص ، عاد طلاب الكلاسيك فاهمين و لديهم قاعدة افضل من طلاب النظام الجديد

لاننا نحن درسنا اغلب المقاييس الاساسية في الاحتصاص على طول العام وليس فقط في سداسي وهو في الحقيقة ليس حتى سدادسي كامل نظرا للعطل و المناسبات

يعني ان تدرس المواد الاساسية خلال عام سيكون لك القدرة على استيعابه جيدا و الاستاد لن يتحرك في الدروس حتى يرى ان هناك فهم للطلاب

اما النظام الجديد هناك حشو للمعلومات و الاستاد يحوس فقط ان يكمل دروس المقياس مع الوقت /السداسي /ولا يهمهم هل الطلبة راهم حاكمين شيئ .

اوه علابالك انا حطاتك قاري شعبة تقنية يعني انجينيور ودخلت طول ماستر
2
على العموم اخي ربع سنين لازمك تدخل ماستر 1 وفعلا تقراو 2 سداسي واحد ميعوض خوه
+
وعلاش قوانين تعسفسية اخي راهي فرصة لانو الماجيستار تضرب عوام وانت تعقب فيه الماستر على الاقل عامين
+
ممممم فيما يخص تاع كلاسيك فاهمين معلاباليش نعتابرها وصمة عار في حقنا ولا نعقبهالك؟؟؟؟؟؟؟؟؟؟,,,,,,,,,,,:1:
امزح فقط فعلا هناك قلة من ل م د تلقاهم فاهين دروسهم بيان لانو الحشو لي يصرالهم يخليهم يحوسو غير على 10
وانا شخصيا هدا العام صرالي ضغط في الدروس رغم اني نقرا 5 مواد فقط مي المادة بعامين خليها لربي
على عكس الكلاسيك لي يقراو الموديل في عام يعني يخرجو فاهمين بيان ومش كلهم لانو كاينين لي كانو يلعبوا في الجامعات
+
رانا نحمدو ربي لانو الاستاد يجيبلنا الكور نورمالمون ل م د يمدلك رووس اقلام وانت تقرا وحدكم
+
كيما قلت نت السيماسر صغير ومليان عطل ولما يحاسبونا على الغيابات نقلبو الدنيا كون حلونا العين كون حصة مقريناهاش:1:
ربي يجيب الخير اخي

[yacine-08]

ههههههه يا بنت سطيف ماكالاه دافعي على ال لام دي فقط لانكي تدرسي فيه

الكلاسيك افضل منه ويتلائم اكتر مع ا لطريقة التي تعلمنا بها في التانوي ونظام التعليمي ككل في الجزائر

نحن بعض الطلبة لازم تعاود له الدرس اكتر من مرة وايلا فهمنا ومستوى واحد جامعي في الجزائر ليس متل واحد جامعي في اوروبا ، هناك فرق كبير

+ غياب الجانب التطبيقي لدينا نبحر في النظري وفقط في مخيلتنا ..

+ ليس لدينا قاعدة جيدة وهدا لا يسمح لنا بوجود استمرارية في ربط المعلومات ، بعض الاحيان يجد الاستاذ نفسه ملزم للرجوع الى دروس تم دراستها من قبل لكي يذكر بها الطلبة ، فيعود الى دروس السنة التانية او التالتة في الجامعة لان من درسها ربما لم يدرسها بشكل جيد

وووووو هناك الكتير من الاسباب تجعل من نظام ال لام دي ربما ينجح في اوروبا او كندا لكن ليس في الجزائر

[سطايفية بكل فخر]

ههههههه يا بنت سطيف ماكالاه دافعي على ال لام دي فقط لانكي تدرسي فيه

الكلاسيك افضل منه ويتلائم اكتر مع ا لطريقة التي تعلمنا بها في التانوي ونظام التعليمي ككل في الجزائر

نحن بعض الطلبة لازم تعاود له الدرس اكتر من مرة وايلا فهمنا ومستوى واحد جامعي في الجزائر ليس متل واحد جامعي في اوروبا ، هناك فرق كبير

+ غياب الجانب التطبيقي لدينا نبحر في النظري وفقط في مخيلتنا ..

+ ليس لدينا قاعدة جيدة وهدا لا يسمح لنا بوجود استمرارية في ربط المعلومات ، بعض الاحيان يجد الاستاذ نفسه ملزم للرجوع الى دروس تم دراستها من قبل لكي يذكر بها الطلبة ، فيعود الى دروس السنة التانية او التالتة في الجامعة لان من درسها ربما لم يدرسها بشكل جيد

وووووو هناك الكتير من الاسباب تجعل من نظام ال لام دي ربما ينجح في اوروبا او كندا لكن ليس في الجزائر

نظن رانا خرجنا عن الموضوع اخي ياسين نفضل نكمل نقاشنا في موضوعي حتى لا يحدف موضوع الاخ
لدلك اخي ستجد الاجابة في موضوع شرح ال ل م د
متاسفين ياصحب الموضوع للخروج عن الموضوع

[yacine-08]

فعلا عذرا لـ الاخوان .