اتمنى ان تفتحوا قسم خاص باكل الاطفال

[ام محمّد]

جاتني هذه الفكرة لاني حاسة روحي مغبونة في ماكلة ولادي اللي نطيبها يقولو ما ناكلوهاش
اكلهم محصور فقط في الروز ، السباغيتي، المقرون، البيتزا، البرغر، والسقايط طبعا
رغم اني مؤخرا قطعت عليهم الشيبس والحلوى ولان ماكلتهم قليلة وممكن حتى معدومة ممكن يمر اليوم كامل وما ياكلو والو يشربو فقط الحليب
المهم نظن انها ماشي مشكلتي وحدي قد تكون مشكلة كثير من الامهات مع اطفالهم اللي بين عامين و9سنين
انا صرت ندخل المنتدى بشكل يومي تقريبا منذ تعرفت عليه يعني من حوالي شهر الصراحة عجبني بزاف وعجبوني فحلات المطبخ اللي فيه الصراحة تعلمت منهم بزاف
نتمنى تفكروا في هذا الاقتراح وتفتحونا قريبا قسم خاص باكل الاطفال
وشكرا

[wafameriem]

اشكرك و الله انها لحرب حقيقية لجعل ابنتي (3 سنوات) تتناول الخضر و لهذا حاولت و نجحت وصفتي
المهم هو كيف تحضر الخضر و اختيار ما يمكن ان يعجب الطفل و الطعم المختلف
كريمة الخضر velouté de legumes
2 جريوات
2 جزر
كابويا طعمها رائع تضيف طعما حلوا يحبه الاطفال
ذرة معلبة
بصل اخضر
ملح
فلفل اسود
زيت زيتون
كريم فريش
التحضير:
قطعي الخضر قطعا صغيرة كي تطهى في وقت واحد، قليها في ملعقتين اكل زيت زيتون تبليها بالملح و الفلفل الاسود ثم امرقيها بالماء، عندما تنضج ارحيها بالخلاط الكهربائي اليدوي (mixer) حتى تصبح ملساء
اذا كانت خاثرة اضيفي كاس ماء
قبل التقديم اضيفي ملعقة اكل و نصف كريم فريش
لا تقلقي من رائحة او طعم زيت الزيتون لانه لن يظهر مطلقا ، من الافضل استعمال زيت الزيتون خصوصا اذا كان من النوع الجيد

[حنان امة الرحمان]

معك حق يااختي وانا ايضا اضم صوتي لصوتك واتمني من امهات المنتدى الغاليات يحطونا وصفات للاطفال ميش من عامين فقط بل من 6 اشهر لاني ام جديدة واتمنى استفيد من خبرتكم لاني اثق كثيرا في هذا المنتدى

[أم عيشوش]

انا اختي ننصحك لازم النظام في الاكل يعني في وقتوا و ما تقعديش تعيطي عليهم في الماكلة اللي كلا كلا واللي ماكلاش ماتضغطيش عليه وحتى كيقولك راني جعت في وقت غير وقت الماكلة ماتمديلوشو هده النقطة مهمة جدا في تعليم الاولاد النظام .

[wafameriem]

الى كل الامهات و الاخوات التي لديهن اطفال في سن 6 اشهر هذه وصفة مجربة و ابتني الكبرى كاانت تحبها و ساقدمها لابنتي الصغرى ان شاء الله عندما تبلغ 6 اشهر
المهم انها كمبوت التفاح و الاجاص compote de pomme/poire
حبة تفاح كبيرة
حبة اجاص
عسل نحل (عسل حرة)
قشري حبة التفاح و الاجاص و ازيلي البذور ثم قطعيها الى ارباع و فوريها في الكسكاس (لا تغلي الفواكه كي لا تفقد الفيتامينات)
ارحيها بالخلاط الكهربائي اليدوي (mixer) و اضيفي ملعقة عسل حر للتحلية افضل من السكر
يمكنك استعمال التفاح فقط او الاجاص فقط كما يمكنك اضافة الخوخ في وقته طبعا
و بما اننا في الشتاء قدمي لطفلك عصير البرتقال الطبيعي و من الافضل عدم اضافة السكر اليه الا قليلا لتخفيف الحموضة فهو يساعد على ابعاد الزكام و تقوية المناعة لدى طفلك
اليك وجبة خضر
1/2حبة جريوات (اذا كانت صغيرة استعملي حبة)
2 جزر
حبة بطاطا صغيرة
زيت زيتون
رشة ملح
اغسلي الخضار و قشريها (البطاطا و الجزر) قطعيها قطع صغيرة و فوريها في الكسكاس ثم ارحيها بالميكسور ضعي لها ملعقة زيت زيتون و رشة ملح و يمكن الاستغناء عن الملح و قدميها لطفلك
مرة وجبة حلوة و مرة وجبة مالحة كي لا يكره الاكل من باب التنويع
ارجو انني استطعت ان افيدكن
ادعولي بالخير فقط

[حنان امة الرحمان]

شكرا اختي لاهتمامك بالموضوع وربي يخليلك بناتكwafamerim

[ام محمّد]

شكرا لكن اخواتي كنت واثقة انه كثير امهات راح يوافقوني الراي
بالنسبة لشوربة الخضر اللي اقترحتها الاخت وفامريم هي نفسها عندي معاها مشكلة لانه ابني الكبير ما يحبش بنة الجريوات والصغير ياكلها عادي فلما نطيبها نزيد البطاطا معاهم بصح مين نبغي نطحن نفصل الخضر سما واحد نطحنله الجريوات والجزر ، والثاني الجزر والبطاطا كاين هاذ لاسوب او لاسوب تاع العدس اللي ياكلوها بالمحاولة قولي ساعة وانا نحاول فيهم ونغري فيهم باش ياكلو
شكرا ليك اختي ام عيشوش على النصيحة اما بالنسبة للنظام انا نحط الماكلة بالوقت لكن للاسف ما يقبلوش ياكلو ما نعيطش عليهم بالعكس نبقى نقوله كول باش تكبر باش تولي قوي كي بابا ... ايوة مين نكثر عليه يا ياكل فرمة خبز او يشرب شوية ما ويقولي خلاص ماما راني كبرت شوفي وخوه الصغير يعاندو طبعا وكيف ما قلتلك حتى السخايف عدت ما ندخلهم للدار ماعدا الياوورت والفرماج صح الياوورت يشربوه مرات بلاصة الحليب وولدي الكبير ماعندو حاجة فيه يعني مرات يشرب ومرات اللا ، والفرماج ما ياكلوهش اصلا عندك خطرات مين يجوع يقولي عطيني خبز بالفرماج او قليلي بيضة وهذي خطرة في العام بصراحة انا نفرح غي يعطيك يقولي هاتي ناكل نوض نجري نجيبله
ونتمنى من ادارة المنتدى انها تستجيب لهذا الطلب حتى نتبادل الخبرات والوصفات من اجل اولادنا
وشكرا لكل الامهات

[السَّحابة البيضاءْ]

السلام عليكم

أعتقد أن قسم بكامله من أجل أغذية الأطفال فقط قد يوقعكنّ في فخ التكرار [ تكرار إقتراح الوجبات ] لذا أفضل لو تُفتح صفحة خاصة تختص بهذا الشأن في القسم المناسب تتناولن فيها مشاكلكن فيما يتعلق بعزوف الآطفال عن نوعية معينة من الأكل + قائمة بالوجبات اليومية + الوجبات الصحية



موفقات أخواتي

[ام محمّد]

هو سواء كان قسم او صفحة المهم انه مخصص للاطفال
لكن ارى ان الفرق بين القسم والصفحة هو انه في القسم تكون العناوين والمواضيع واضحة ومرتبة اما في الصفحة فالوحدة منا قد تتعب حتى تجد ما تريد لكن ممكن تكون صفحات يعني تجمع خاص باكل الاطفال من عمر 6شهور الى سنتين وتجمع خاص باكل الاطفال من عمر 3 سنوات الى 9 مثلا
المهم انا في كل الاحوال موافقة لاني كل اللي يهمني تغذية اولادي لانهم الصراحة متعبيني ومالقيتش حل

[سارةالتلمسانية]

سلم اريد كرس التربي لسلمية
http://www.djelfa.info/vb/images/icons/17.gif