هل انا ام غير حنونة اجيبوني

[امونة الشاوية]

السلام عليكم افيدوني اني في حيرة من امري ذهبت يوما الى زيارة ابنة عمتي فوجدت عندها جارتها فبقينا نحكيو نحكيو حتى خرجنا على الاولاد سالتني اين ينام اولادك فاخبرتها انهم ينامان وحدهما (ولد 6 سنوات و بنت2سنة)فصرخت في وجهي و قالت باني لست حنونة على اولادي و انها هي كون ما ترقدش اولادها جنبها ما تنامش فقلت اني قبل ما يكمل اولادي عام نرقدهم وحدهم و نفرشلهم مليح و نحوطلهم بالمخاد و انهض كم من مرة انا و زوجي نتفاقدهم و نخلي الضوء تاع الحمام شاعل *ومن هناك وانا نخم اذا كان هذا صحيح و اسال من ينام عند اولاده لما نجي نفرشلهم نتوسوس افيدوني بارك الله فيكم و كل واحدة تقول اين ترقد ولادها :sdf::sdf::sdf::sdf::sdf::sdf::sdf:

[مريومة دودي]

صباح الورد حبيبتي انا نقولك راي هادي ماعندهاش علاقة بالحنانة بالعكس طريقتك هي الصحيحة و مادامك تامنيلهم الفراش و تتفقديهم هاديك هي الحنانة ما توسوسي ما والو هاك باش يتعودو من الصغر نتي تصيبي راحتك و هوما تاني و ربي يحفضهملك

[salima14]

السلام عليكم أختي ماتخمي ما والو جارتك كي يكبروو تعول ترقدهم وحدهم
تحصل فيهم هاكا خير يوالفو وحدهم حتى أنا ولادي واحد6سنين وزاوج3سنين
منكان في عمرهم عامنرقدهم وحدهم

[ام امجد14]

لا لا جارتك ما عندهاش الحق
انا ايصا تعرضت للهجوم من المقربين و لكن ما تاثرتش بكلامهم

عندى 3 ذكور اكبرهم عندو 12 عام و من صغر سنهم ينامو وحدهم و الان عندى بنات و رانى عملتلهم غرفة خاصة بيهم و عندما نفطم بنتىصغيرة نرقدهم وحدهم

[أم أمين2007]

لا لا اختي لاتتاثري بكلام الباس ثقي في نفسك
انت على حق فمشاركة الاطفال غرفة النوم مع ابائهم فيه مشكلة كبيرة
كما انهم لن يتعلموا الاستقلالية
امضي في طريقتك فهي الافضل

[rimora]

لا لا اختي طريقتك انت الصحيحة وهي الغالطة وكي يوالف الطفل يرقد مع الام راهو صعيب باه يرجع يرقد وحدو

ماتعبيش راسك بكلام الناس

نقولك وكون قلتيلها نرقد معايا ولادي قادرة تاني تكون ضدك هههههههههه

ديري وش يخرج عليك

[ايمان نور الجزائر]

احسن طريقة لتربية الاولاد بعد ما يفطمو
انهم يحطوهم في غرف لوحدهم
ماشي كيما شي ولاد يوليو 15 سنة وهوما راقدين مع والديهم

[بني بلعيد]

السلام عليكم
أختاه الفاضلة
واصلي ...............................، هذا هو الصح
لاتلفتي إلى غيرك
.والسلام

[دعاء القلوب]

يا ختي يعطيك الصحة والحنانة ما عندهاش علاقة بالنوم

[ام العباس]

السلام عليكم ورحمة الله
يا اختي امونة أنا وحدة نرقد اولادي معايا،ولقيت انا وأبيهم مشكل كبير، نمارس حرية ضيقةوخانقة،استطلاعات في الجوار منقلكش
تحسبا لوقوع امر محرج لنا وصادم للابناء. ونحن نعلم أن السنة في نوم الاطفال لوحدهم لكن واش تحبي الظروف وليست الحنان

[امونة الشاوية]

يعطيكم الصحة راكم هنيتوني لاني كنت مهمومة و موسوسة الله يباركلكم و يخلينا لبعضانا ننصحو بعضانا

[monitaa]

حنونة طريقتك هي الافضل طبعا هكدا مليح باه ميتولفوكش و منبعد تحصلي فيهم حتى انا كي كان عمري عام ماما رقدتني مع اختي حتى راني مولات 23سنة ههههههههههههههه و الحنانة هي طريقة التعامل و الاهتمام مش النوم

[salam algeria]

هاذي المخلوقة كون تسمع باولادي واحد ثلاثة سنين و تسع اشهر و الثاني ثمن اشهر يرقدو وحدهم واش تقول انا اصلا مازلت حاصلة مع وليدي لكبير لاني ما قدرتش نحطو وحدو حتى نهار جاء خوه
اصلا الحنانة مش رايحين يحسو بيها و هوما راقدين

[أم ياسين الزهراء]

جارتك قديمة بزاف بوه عليها انا مع نفطمهم يروحو يرقدو وحدهم عيب عليها وين الخصوصية والحنانة في الرقاد راكي مليحة كملي هكى انا بنتي الصغيرة ملي رقدتها مع خياتها ولات ترقد مليح وماتنوضش في الليل وعمرها 9 شهر كيديتها ترقد بعيد علي

[aryèm]

.......................

[sali-sali]

ادا كل مرة تتفقديهم امر عادي خاصة الاصغر سنا عامين يلزم كل وقت تتفقديه

ولا علاقة للامر بالحنانة
قادرة تبقاي في الغرفة نتاعهم حتى ينامو و تروحي للغرفة نتاعك

[ام محمّد]

طريقتك صحيحة اختي وانا غلطت غلطة جارتك كنت نرقدهم حدايا في الفراش وذلك لسببين اولا ضيق السكن وثانيا هدرة المحيطين بيا لاني كنت عايشة وسط عايلة ومكانش وين نرقدهم ما غير الصالة او عند جداتهم بصح نفس المشكلة وهما في عمر السنتين قررت نرقدهم بعيد لكن فالليل يجوني يجرو يرقدو حتى للصباح ودرك الحمد الله ربي وسع علي بصح عندي نفس المشكلة لاني لما نرقدهم في غرفتهم اول ما يفطنوا يجو انا عدت نرقدهم معايا في الغرفة بصح وحدهم وثاني كي يفطنو في الليل يجو يطلعو في الفراش زيد راني حامل في السابع فتخيلي الوضع بعد الولادة المهم اختي ربي يخليلك وليداتك واللي يبدا صح ما يندمش وربي يعيني حتى نغير لهم طبعم قبل مانولد خاصة انمهم صغار واحد 4 والثاني 2
واذا عندك نصيحة لي ماذابيك

[ツღعـصُـ♥ـوِݦۑツღ]

ربي يفرج اختي

[ام دعاء ومارية]

السلام عليكم لا ليست الحنان في نوم الطفل بجانب الام

لكن كل واحد وضرفه بنسبة لي 6سنوات رقدو وحدهم عندي بنت 4ونصف

انوي ان تنام مع اختها الكبيرة

[نبض الفؤاد]

ما عندها حتى علاقة بالحنان وانما هي هواجس وحب زايد شوية على العادي لا يفيدهم شيئا بل قد يضرهم

[zhor1970]

حبيبتي راكي علي الطريقة الصحيحة لولاد لازم يتعودوز يرقدوا وحدهم وهذا نوع من انواع الاعتماد علي النفس من الصغر انا بناتي ربيتهم يرقدو وحدهم ماللي يكون عندهم6اشهر ومكانش ام اللي ماعندهاش حنانة علي اولادها بالعكس الي اولادها يرقدوا وحدهم هي اللي تكون حنينة اكثر تنوض فالليل وتروح وترجع وتتعب اكثر ون اللي ترقدهم قدامها وغير تطل عليهم وهي راقدة وايضا من باب الحياء والاخلاق والتربية الاطفال ميرقدوش مع والديهم

[amira19]

ديجا مستحيل ترقديهم معاك وين راهي الخصوصية بينك و بين راجلك هكمدا يخرجولك اصحاء نفسيا مي كون يرقدو معاك قادرين كشما يشوفو و يتعقدو نفسيا و زيد يخرجو لازقين فيك بزاف و ميش معتمدين على روحهم برافو عليك

[dala3 dalou3a]

عندها الحق عامين صغير اما 6 سنوات عادي لانو ممكن يشوف كوابيس انا نشوف في خاوتي الصغار ينوضو في الليل و يحبو يرقدو بجنب ماما مع انو يرقدو معاها في نفس الغرفة الصغار يحبو الحنان حبيت نسالك انت قلتي قبل ما يغلق العام يرقد وحدو كيفاه انتيا ما ترضعيش و اذا كنت ما ترضعيهمش عوضيهم عن حنان الصدر بالنوم بجنبك و انت حرة اختي بالصح هكا احسن للصغار

[فانيسا]

من الافصل متولفوش لاولادكم يرقدو معاكم هكدا تجيكم صعيبة باش تخرجوهم وزيد الرسول عليه الصلاة والسلام وصى باخراج الطفل من الغرفة لانه فيه احراج ،عندي صاحبتي بنتها عمرها 3سنوات ترقد معاها هدرتلها حوايج شفتهم فيالليل بقات المرة مخلوعة في بالها راقدة وهي تتفرج فيهم من بعد هده الحادثة قررت تخرجها من الغرفة

[حياتي نبع امل]

ديجا مستحيل ترقديهم معاك وين راهي الخصوصية بينك و بين راجلك هكمدا يخرجولك اصحاء نفسيا مي كون يرقدو معاك قادرين كشما يشوفو و يتعقدو نفسيا و زيد يخرجو لازقين فيك بزاف و ميش معتمدين على روحهم برافو عليك

ههههههههههههههههههههههههههههههههههههههههه
يتعقدو نفسيا ههههههههه علاش فلم رعب تخيلت وحد الصوالح هههههههههه
المهم حتى انا ضد فكرة الاطفال يرقدو معايا وهدي لا علاقة لها بالحنانة

[ange du paradis]

انا مانيش متزوجة لكن راكي نتي الصحيحة راها قدييمة يااااااااااااااااااااااااسر ماتوسوسكش خلاااص بالعكس كي يكبرو معاك يجيحو ويولو خوافين بعد مستحيل يقبلو وحدهم
ياااااااااااااسر أمهات يخلطو بين الحنان والتربية

[nina love]

تفكير جاهلي خخخخخخخخخ هههه طريقتك هي الصح والمعتمدة هنا من قبل الأمهات لذلك واصلي ولا تستمعي للأخريات باه يتعلموا يعتمدو على أنفسهم .....أختي ربي يهنيك بوليداتك

[nina love]

من الافصل متولفوش لاولادكم يرقدو معاكم هكدا تجيكم صعيبة باش تخرجوهم وزيد الرسول عليه الصلاة والسلام وصى باخراج الطفل من الغرفة لانه فيه احراج ،عندي صاحبتي بنتها عمرها 3سنوات ترقد معاها هدرتلها حوايج شفتهم فيالليل بقات المرة مخلوعة في بالها راقدة وهي تتفرج فيهم من بعد هده الحادثة قررت تخرجها من الغرفة

:dj_17:
خخخخخ :eek::24:هههههه ضحكتني ياأختي شفتي الستوتة هههه:1::1::1::1::D

[faty05]

طريقتك صحيحة و لا علاقة للامر بالحنانة و انما هذه طريقة لتعودي اولادك على عدم الخوف و الالتصاق بك دائما و زيد ابنك عندو 6 سنوات راه يعرف صلاحو وش بقالو يرقد معاك في غرفتك