البرنامج التنظيفي السهل

[oummalak]

السلام عليكم ورحمة الله وبركاته

ابدا بكتابة برنامجي التنظيفي وهو كالاتي

اولا ابدا بالشغل اليومي

وضع الغسيل في الغسالة10د

غرفة النوم ترتيب+مسح الارض+مسح الغبار20د

غرفة الجلوس ترتيب+مسح الارض15د

غرفة البنات ترتيب+مسح الغبار +مسح الارض20د

غرفة الاولادترتيب+مسح الارض15د

الصالة ترتيب خفيف لاي طارىء10د ويتم غلقها

الحمام يغسل15د

الدرج من فوق الى تحت مع المدخل كنس+مسح 20د

والان الى المطبخ نخصص20دللمواعين وتنظيم الاشياء ومسح ما يجب مسحه على السريع

ونخصص 30د للطبخ







يتبع


الان الى البرنامج الاسبوع الاول
المطبخ
الاحد
مسح السقف+الثريا +الثلاجة50د
الاثنين
تنظيف الكويزنيار من فوق جيدا +لا اوت اى الشفاط+جوانب الكوزنيار والحائط المجاور له50د
الثلاثاء
مسح الخزانات من الداخل والخارج 50د
الاربعاء
غسل الميكروؤند+الفرن+علب البهارات50د
الخميس
غسل ماتبقى من الحيطان+الباب +تحت البوطاجي ا+50د
السبت مسح الطاولة والكراسي عميقا +البلكونة وسلة الخضار
وبهدا يكون اسبوع المطبخ قد انتهى
لكن لاننسى الشغل اليومي
اشير الى ان مسح الغبار كل يوم نمسح غرفين ليس كل المنزل في يوم واحد

[oummalak]

الاسبوع الثانيالغرفة الرئيسية


الاحد
الدولاب من الداخل والخارج +التلفاز50د
الاثنين
التسريحة+الكوميدينات والتسريحة +خزانات الفراش من الداخل والخارج 50د
الثلاثاء
السرير مسح تنظيف وتغيير الاغطية او غسل الكوفرولي +مسح الثريا 50د انصحك ان تمسحيها بالخل الابيض المخفف بالماء وغلاف وسادة قديم ما يطلقش الشعيرات اثناء المسح
الاربعاء
نفض الفراش الجديد الي مطبق فوق الخزانت واعادة طويه+مسح الحائط ادا كان به اثار للاصابع اوما شابه+مسح الباب50د
الخميس
غسل البلكونة الباب الخشبي والزجاج ومسحهم ثم نمسح الارضية 50د
على فكرة كل يوم لما نقوم باحد هده الاشغال لما نكملها نمرر مسحة على ارضية الغرفة راهي تبقى نظيفة
ادكر انه كل يوم يشمل عميق 50د+الشغل الي حطيتو فالاول
غرفة الجلوس اي
الاسبوع الثالث
الاحد
غسل الحائط او مسحه هو ودرجة اتساخه+غسل التابي50د
الاثنين
غسل فراش الاسرة او ناخد فرشاة ونغمسها كل مرة في اناء ماء به جال دوش او شاموان وننفض الفرشاة ونمسح الوسائد اوالفراش الخاص بالاسرة+مسح الاسرة اي السدادر50د
الثلاثاء
مسح الخزانة والتلفاز+غسل الستارة ومسح الباب50د
الاربعاء
غسل البلكونة او النافدة كل وحدة وما عندها50د
الخميس
مسح الثريا +الزجاج+مسح الارضية
اشير انه مع كل عميق الشغل اليومي الي حطيتو في اول المشاركة

[oummalak]

الاسبوع الرابع
غرفة البنات
الاحد
خزانة احدى البنات من الداخل والخارج +سرير من مسح وتغيير فراشوغسله+غسل الستارة50د
الاثنين
خزانة البنت الاخرى+سريرمن مسح وتبديل وغسل الغطاء الخاصبه+مسح الثريا 50د
الثلاثاء
تنظيم ومسح المكتب+الكومود+غسل التابي السجاد50د
الاربعاء
مسح الحائط +الباب 50د
الخميس
غسل البلكونة او النافدة +مسح الزجاج50د[
كدللك اضيف هدا العميق مع الشغل اليومي الي حطيتو فالاول/size]
غرفة الاولاد
الاحد
الاسرة نمسحهم ونغسل الفراش اي الاغطية انتاع السرير+مسح التلفاز50د
الاثنين
الخزانات منالداخل والخارج لانو لولاد ماعندهمش الحوايج كثير مثل البنات+المكتب50د
الثلاثاء
غسل النافدة +مسح الحيطان+مسح ارضية الغرفة 50د
[SIZE="5"]
الاربعاء
غسل التواليت جيدا 50د
الخميس
نغسل الحمام الي تقدر تغسلو في يوم لاباس والي مل تقدرش تقسمو على يومين المهم لاتتجاوز 50د هدا السر في نجاح البرنامج
عن نفسي اقسمه ليومين
يوم انظف الخزانة وارتب المناشف واغسل حوض غسيل الوجه جيدا وامسح السقف و
اليوم الثاني نغسل السيراميك والبانيو

[oummalak]

الصالة
الاحد
غسل البلكونة +مسح الزجاج+مسح الثريا 1 وهدا 50د
الاثنين
مسح الصالون المغربي او كنب القماش كما قتلك بالماءالمضاف اليه جال دوش او شامبوان وبواسطة فرشاة نغمسها في الماء ننفضها ونمسح الوسائد والكنب تولي كانها جديدة+مسالطاولات المخصصة لهدا الصالون50د
الثلاثاء
مسح كنب الكوير او الي ليها طاولة بالكراسي وماعندهاش صالون ثاني +مسح الثريا الثانية +مسح الارض 50د
الاربعاء
مسح الخزانة من الداخل والخارج +الباب50د




يتبع

[نافلة]

السلام عليكم و رحمة الله و بركاته
شكرا ليك عزيزتي ام ملاك فرحت كي لقيت البرنامج الجديد و خاصة كيراكي ناشطة ماشاء الله عليك و البرنا مج راهو ساهل و ما يتعبش
حبيت غير نبهك راكي ما ذكرتيش النافذة نتاع المطبخ
و شكرا لكي

[oummalak]

السلام عليكم و رحمة الله و بركاته
شكرا ليك عزيزتي ام ملاك فرحت كي لقيت البرنامج الجديد و خاصة كيراكي ناشطة ماشاء الله عليك و البرنا مج راهو ساهل و ما يتعبش
حبيت غير نبهك راكي ما ذكرتيش النافذة نتاع المطبخ
و شكرا لكي




النافدة اختى انا نقصد بها البلكونة

[ام امجد14]

يعطيك الصحة

[Minnnaaa]

فعلا هو برنامج سهل بارك الله فيك ام ملاك

[it's me]

ربي يجازيك ختيتي

[نبض الفؤاد]

شكرا ليك ام ملاك الله يعاونناوالجوانب الاخرى كيفاش تفاهمتو؟

[Sabrina ALG]

يعطيك الصحة يا ام ملاك برنامجك سهل
اللي فهمتو تقريبا ساعتين تنضيف يومي العادي و 50 د ترتيب عميق يعني تقريبا 3 ساعات في اليوم برك و الدار تولي تزغرت ماشاء الله عليك برنامجك روعة

[oummalak]

يعطيك الصحة يا ام ملاك برنامجك سهل
اللي فهمتو تقريبا ساعتين تنضيف يومي العادي و 50 د ترتيب عميق يعني تقريبا 3 ساعات في اليوم برك و الدار تولي تزغرت ماشاء الله عليك برنامجك روعة

والله اختي غير عندك الحق ارتاحيت كثير لما بديت نطبق فيه

[oummalak]

شكرا ليك ام ملاك الله يعاونناوالجوانب الاخرى كيفاش تفاهمتو؟

[size="5"]والله اختي فيما يخص الديني الصلاة في وقتها خاصة خاصة الفجر فهو عماد اليوم
[قراءة القران كل يوم ما استطعت من الصفحات المهم ختمه اكث من خمس مرات في السنة
وعن نفسي انا اقراه بين ادان الفجر واذان الصبح في الغالب اقرا 15صفحة الى عشرين
النوافل نحاول نجتهد
الصيام ما دابينا نذكر بعضانا للي تقدر تصوم
اما الجانب الجمالي كل وحدة تحط اقتراحاتها/size]

[oummalak]

يعطيك الصحة

ليا وليك نتمنى يعاونكم باه ما تعياوش ولو تبعو طريقة الوقت تشوفو الفرق
والله المستعان

[سنوم 33]

شكرا اختي ام ملك
موضوع رائع
تقريبا امي لتقوم بالاعمال انا نخدم البرا
بصح معليش اليوم الي مانخدمش فيه نحاول نطبقو بصح بانلي بلي ساهل وينظاف البيت في 3 سوايع
يعطيك الصحة

[oummalak]

شكرا اختي ام ملك
موضوع رائع
تقريبا امي لتقوم بالاعمال انا نخدم البرا
بصح معليش اليوم الي مانخدمش فيه نحاول نطبقو بصح بانلي بلي ساهل وينظاف البيت في 3 سوايع
يعطيك الصحة

اجل اختي لما تتبعيه تلاحظي الفرق وخاصة لما تتقتدي بالوقت
وفقك الله

[ardfatima]

عجبني بزاف هذا البرنامج الله يعطيك الصحة

[oummalak]

عجبني بزاف هذا البرنامج الله يعطيك الصحة

الشكر لك حبيبتي نتمنى تكوني من المشاركات معانا ان شاء الله نبداو الاحد القادم

[ardfatima]

الشكر لك حبيبتي نتمنى تكوني من المشاركات معانا ان شاء الله نبداو الاحد القادم

انشاء الله راني معاكم من غدوة

[oummalak]

انشاء الله راني معاكم من غدوة

على الرحب والسعى الف مرحبا

[سمراء الدنيا]

بارك الله فيك ام ملاك و الى التطبيق

[oummalak]

بارك الله فيك ام ملاك و الى التطبيق

شكرا لك حبيبتي والله الى التطبيق ما دابي نبداو الاحد الجاي ولا السبت كما بغيتو

[وفاء سعاد]

ام ملاك حبيبتي نبداو يوم الاحد افضل الاولاد في المدارس ونكون الاز

[oummalak]

ام ملاك حبيبتي نبداو يوم الاحد افضل الاولاد في المدارس ونكون الاز

نعم هذا ما افضله لااحب الشغل وزوجي بالبيت واولادي كدللك انظمي الى بيتك جنتك

[Sabrina ALG]

اختي ام ملاك اليوم طبقت طريقتك في التنضيف و كانت النتيجة مدهلة فكرة الرافاي و الالتزام بوقت محدد خلاتني نخدم بنشاط و بخفة ماشي كيما عوايدي خدمة ساعة نضرب فيها نهار ههههه نضل نتكركر الف شكر ليك و البرنامج اللي درتيه راني طبعتو و علقتو على الثلاجة و بادن الله نطبقو بحدافيره و الله سعادتي لا توصف راهي الدار تقية و زدت حتى العميق درت منو تع يومين موالفة نهار كامل ما يكفينيش
الف شكر و جعله الله في ميوان حسناتك يا رب

[meriem hanin]

بارك الله فيك على البرنامج
و ان شاء الله ان شاااء الله يااارب ماننتكسش كيما كل مرة و يعيني ربي و نطبقو باذن الله

[oummalak]

اختي ام ملاك اليوم طبقت طريقتك في التنضيف و كانت النتيجة مدهلة فكرة الرافاي و الالتزام بوقت محدد خلاتني نخدم بنشاط و بخفة ماشي كيما عوايدي خدمة ساعة نضرب فيها نهار ههههه نضل نتكركر الف شكر ليك و البرنامج اللي درتيه راني طبعتو و علقتو على الثلاجة و بادن الله نطبقو بحدافيره و الله سعادتي لا توصف راهي الدار تقية و زدت حتى العميق درت منو تع يومين موالفة نهار كامل ما يكفينيش
الف شكر و جعله الله في ميوان حسناتك يا رب
الحمد لله انو البرنامج انتاعي ساعدك ونتمنى تشاركي معنا في بيتك جنتك التحقي بنا هناك

[oummalak]

بارك الله فيك على البرنامج
و ان شاء الله ان شاااء الله يااارب ماننتكسش كيما كل مرة و يعيني ربي و نطبقو باذن الله
ان شاء الله ربي يعاونك ويعاونا ونكونو يد وحدة في طاعة الله وشغل البيت

[didamilka]

يعطيك الصحة يا الفحلة و بالنسبة للمراة العاملة متى تفعل كل هذا؟

[oummalak]

يعطيك الصحة يا الفحلة و بالنسبة للمراة العاملة متى تفعل كل هذا؟

مرحبا بيك اختي تقسم النصف في الصباح وتترك العميق للمساء وربي يعاونك

[oummalak]

وبالوقت الي تتبعيه رايحة يجيك كل شيء ساهل ونصيحتي كل حاجة تدريلها وقت يخص ما تتجاوزيهش

[Sabrina ALG]

بارك الله فيك يا ام ملاك و انا مادابيا انضم اليكن لانو لما يكون تجمع تكون الرغبة كبيرة في الالتزام

[فراشات العمر]

شكرا ليك ام مالك رايحة نكتب البرنامج وان شاء الله نتوفقو

[فراشات العمر]

لي عجبني بزاف تحدي الوقت وشكون لي تخلص في وقت اقل

[جيجلية]

أنا عندي برنامج آخر

كل يومين نمسح الغبار لكل الغرف ونسيق مليح الدار

اليومين اللي يخدم فيهم زوجي الصباح هكذا نكون على راحتي يعني الصبحية كامل للتنظيف

بصح نولي مييييييتة

عجبني برنامجك إن شاء الله نجربه

[ardfatima]

صباح الخير عليكم
يوم نهظت باكرا تقهويت و من بعد مسحت الغبار في كامل البيوت و من بعد مسحت ارضية كل البيت و السيقت مليح المطبخ ومسحت الثلاجة من داخل و نظمتها و نظفت مليح كوشة و الحوض بالجافيل و الازيز و الخل ثم ذهبت للحمام سيقته مليح ونظفته مليح مليح بالخل و الازيز و الجافيل وسيقت الحوش كملت على 11 و منبعد رحت للمطبخ درت للغذاء كسكس بالمرقة راهو خلاص طاب

[وفاء1999]

برنامج سهل و بسيط شكرا لك

[oummalak]

صباح الخير عليكم
يوم نهظت باكرا تقهويت و من بعد مسحت الغبار في كامل البيوت و من بعد مسحت ارضية كل البيت و السيقت مليح المطبخ ومسحت الثلاجة من داخل و نظمتها و نظفت مليح كوشة و الحوض بالجافيل و الازيز و الخل ثم ذهبت للحمام سيقته مليح ونظفته مليح مليح بالخل و الازيز و الجافيل وسيقت الحوش كملت على 11 و منبعد رحت للمطبخ درت للغذاء كسكس بالمرقة راهو خلاص طاب

راك شاطرة الله الله عليك تفرحي