قائمة الطعام الاسبوعية...لبيت متوسط الحال

[سنوم 33]

السلام عليكم ورحمة الله وبركاته
كل ربة بيت ديما تخمم , وساعات تلجأ لاولادها وزوجها
واش نديرو غداء؟واش نديرو عشاء؟
واش رايكم لوكان نديرو قائمة للطعام وتكون اسبوعية
كل وحدة فيكم تمدلنا اقتراحها ونحاولو نديرو قائمة تكون مناسبة للحالة المادية لكل وحدة وفي نفس الوقت تكون متنوعة وصحية
باه الواحد مايحكمهاش لوبيا وعدس وعدس ولوبيا ههههههه

.............خططي لقائمة طعام الاسبوع
تعجزين احيانا عن ايجاد الاطعمة المناسبة لتحضيرها عند الغداء؟
تلاحظين ان وجبة العشاء التي تتناولينها وعائلتك,تتضمن الطعمة ذاتها؟قد يجعلك ذلك تملين من تناول هذه الاطعمة.ويدخلك وعائلتك في الروتين اليومي .
لعدم الدخول في هذا الروتين وللحصول على اطعمة متنوعة,مغذية وصحية طيلة ايام الاسبوع.عليك بالتخطيط المسبق لقائمة طعام الاسبوع
الخطة:
1-كل وحدة تكتبلنا مختلف الاطعمة الي طيبها
2-على اساس هذه الاطعمة تكتب قائمة مختلف احتياجات المطبخ وكل شهر تشري رفيتايما ..باه توفر كل المستلزمات
3-نحاولو نرتبو مع بعض هذه الاطعمة على ايام الاسبوع.

لنبدا على بركة الله.
كل وحدة تكتبلنا مختلف الاطعمة الي طيبها
بلا ماننسو فطور الصباح وقهوة العشية

[أنوثة شرقية]

يسعدني نكون اول من يرد على هذا الموضوع < متحمسة ههههه
انا عادة كل اول شهر نقضي كل المواد الغدائية اللي خاصتني ونخصص مبلغ كل اسبوع للحوم او سمك والخضر واحاول ان اضع قائمة طعام في حسابي. الغداء دائما نطيب شي يشبع مثل الشخشوخة او قراتان او نوع من الحبوب واكيد نعجن معاه كسرة لنو زوجي يحبها ويفضلها على الخبز.وبالنسبة للعشاء دائما اشياء خفيفة مثل الفريت وانواع السلطات بالخضر او بيتزا او سوفلي اصنعها بنفسي واحيانا محاجب. يعني ماعنديش قائمة محدده لأني اطبخ على حساب وش يتوفر عندي المهم اني انوع

[امونة الشاوية]

اختي انا دائما اطبخ العشاء لان زوجي يروح للعشاء و ما يجيش للغذاء دائما ندير حاجة تاع كسرة زوجي لازم الكسرة و حاجة تاكل بيها ما يحبش الشخاشخ يحب المراقي حنا نقضيو بالجمعة يجيب قفة نجيب جمعة كاملة وانا نفرز نهار الجمعة ندير بربوشة تعجبني الخضرة جديدة و من بعد ساير الايام ندير بوكلو زاليقو كرنب جاردينيار بيون..ضرك كاين السلق كي تخلص الخضار نردها حبوب و سعات مقارونات في الفور **

[oummalak]

والله انا معاك اختي لكن احنا فالغرب ما ناكلوش العجائن كثير
رايحة نحاول نحط اكلاتي وانتم خيرو واش تحبو
والى اتفقنا على برنامج نتبعوه والله دائما نتمنى يكون عندي برنامج ماشي حتى ندخل للمطبخ راسي يوجعني من كثر ما نخمم غدا واش عشا واش وكذلك حتى القهوة انتاع العشية لازم نخخممو عليها

[ام امجد14]

والله موصوع هايل

[سنوم 33]

يسعدني نكون اول من يرد على هذا الموضوع < متحمسة ههههه
انا عادة كل اول شهر نقضي كل المواد الغدائية اللي خاصتني ونخصص مبلغ كل اسبوع للحوم او سمك والخضر واحاول ان اضع قائمة طعام في حسابي. الغداء دائما نطيب شي يشبع مثل الشخشوخة او قراتان او نوع من الحبوب واكيد نعجن معاه كسرة لنو زوجي يحبها ويفضلها على الخبز.وبالنسبة للعشاء دائما اشياء خفيفة مثل الفريت وانواع السلطات بالخضر او بيتزا او سوفلي اصنعها بنفسي واحيانا محاجب. يعني ماعنديش قائمة محدده لأني اطبخ على حساب وش يتوفر عندي المهم اني انوع


حاجة مليحة...انو يكون في الغداء العجائن او الحبوب اليابسة وفي العشاء تكون وجبات خفيفة.
لانها مفيدة للصحة وليبقى الجسم في رشاقتو...وفي العشاء باه ما يكونش الاكل ثقيل على المعدة ومنو الواحد يرقد وهو مرتاح

[سنوم 33]

اختي انا دائما اطبخ العشاء لان زوجي يروح للعشاء و ما يجيش للغذاء دائما ندير حاجة تاع كسرة زوجي لازم الكسرة و حاجة تاكل بيها ما يحبش الشخاشخ يحب المراقي حنا نقضيو بالجمعة يجيب قفة نجيب جمعة كاملة وانا نفرز نهار الجمعة ندير بربوشة تعجبني الخضرة جديدة و من بعد ساير الايام ندير بوكلو زاليقو كرنب جاردينيار بيون..ضرك كاين السلق كي تخلص الخضار نردها حبوب و سعات مقارونات في الفور **

في رايي
1-تهنيتي من الغداء :19:
2-حاجة مليحة الواحد يعين يوم يدير فيه هذا الاكل..
كما الجمعة....حتى حنا بالجمعة ديما نديرو كسكس----البربوشة--
3-تبانلي كون تغيري الطريقة في مايخص انك تكملي الخضار وبعد ترجعي للحبوب والعجائن :19:
لازم يكون هناك تنوع.;)

[سنوم 33]

والله انا معاك اختي لكن احنا فالغرب ما ناكلوش العجائن كثير
رايحة نحاول نحط اكلاتي وانتم خيرو واش تحبو
والى اتفقنا على برنامج نتبعوه والله دائما نتمنى يكون عندي برنامج ماشي حتى ندخل للمطبخ راسي يوجعني من كثر ما نخمم غدا واش عشا واش وكذلك حتى القهوة انتاع العشية لازم نخخممو عليها

اوكي اختي............حطيلنا اكلاتكم....ونحاولو نديرو قائمة مشتركة ونلتزمو بيها كامل

[سنوم 33]

شكرا لتفاعلكن

[سنوم 33]

.................................................. ....

[oummalak]

اقتراحي الاول هو الكسكس لغداء الجمعة بالخضر واللحم المتوفر

[سنوم 33]

اقتراحي الاول هو الكسكس لغداء الجمعة بالخضر واللحم المتوفر

اوكي ام ملك.وانا اوافقك الراي
غداء يوم الجمعة الكسكس بالخضار...واللحم المتوفر--دجاج اي نوع لحم من اللحوم ---
الي يوافقنا على الراي يقوللنا راه موافق ثم يقدم اقتراحه

[oummalak]

الارز في الفرن بالدجاج وبقطع صغيرة يجي هايل هدا نقترحو ليوم السبت فالغداء واش رايك

[ardfatima]

عجبني بزاف هذا الموضوع جا في وقتو

[سنوم 33]

الارز في الفرن بالدجاج وبقطع صغيرة يجي هايل هدا نقترحو ليوم السبت فالغداء واش رايك

مليح ..بصح واش رايك نديروه عشاء خير لانو الارز خفيف..
في انتظار ردك

[سنوم 33]

غداء يوم الجمعة كسكس بالخضار واللحم او الدجاج

[oummalak]

اجل اختي هكدا تعجبيني نحب الي يعطيني رايوونخلوه لعشاء احد الايام

[سنوم 33]

عشاء يوم الجمعة اقترح ملوخية بلحم البقر.او دوارة او براس الخروف او البقر.او بالدجاج وكل واحد كفاه يحب...بالكسرة مطلوع

[سنوم 33]

لماذا اخترنا الملوخية بالعشاء.كاين الي يقولك راهي ثقيلة.
الفوائد
للملوخية فوائد عدة كتخفيف متاعب الجهاز الهضمى والتخلص من أمراض كثيرة دون أى مضاعفات جانبية. وتعد وجبة غذائية كاملة غنية بالفيتامينات والمعادن والكربوهيدرات والالياف وتحتوى هذه النبتة على نسبة كبيرة من فيتامين أ وب والاملاح المعدنية. والنبتة الطازجة تحتوى على 4 بالمئة بروتينا واليابسة على 22 بالمئة بروتينا و2 بالمئة دهونا و11 بالمئة اليافا وكميات عالية من الحديد الذي يقضى على الانيميا وفقر الدم ويحافظ على خلايا الجسم من التاكل.

يعني.....تغدينا كسكس وجهاز الهضمي تعنا تعب مسكين :o :o :o ولا زمنا نريحوه بالملوخية..:19::19::19:

[oummalak]

واش رايك فالبيتزا ولادي يموتو عليها لكن ما نعرفش وقتاه نديرها انتظر ردك

[oummalak]

سامحينى قوليلي كيفاه دايرة الملوخية نسمع بيها لكن ما نعرفهاش

[سنوم 33]

سامحينى قوليلي كيفاه دايرة الملوخية نسمع بيها لكن ما نعرفهاش


هذي هي الملوخية.......

http://www.djelfa.info/vb/showthread.php?t=941658

[سنوم 33]

غداء يوم السبت نديرو عدس بالاضافة الى سلطة خضراء.
او ممكن نعمل سلطة ارز وعدس بالتوابل وزيت زيتون مع كسرة رخسيس
واش رايك

[سنوم 33]

واش رايك فالبيتزا ولادي يموتو عليها لكن ما نعرفش وقتاه نديرها انتظر ردك

اذا وافقتي على العدس غداء يوم السبت....نديرو بيتزا عشاء يوم السبت
لانو الاولاد مايحبوش العدس وقليل الي يحبو....
ما لا نطمعوهم :o :o :o ...تغدا عدس باه الليل نديرلك البيتزا هههه :19:

[mmeriem]

موضوع مميز يعطينا افكار هكد باش منحموش بزاف نرجوالتفاعل بالنسبة ليا الملوخية منعرفهاش عمري مكليتها ولا شفتها باالبتزا نديرها فالعشا بزاف كثر من الغدا كيما اليوم درت بطاطا بالفليو وللقهوة بسبوسة الحبوب نديرهم في الغداء هما وعجاءن ونحاول يكون الفرق بين النوع نفسه اسبوع

[سنوم 33]

موضوع مميز يعطينا افكار هكد باش منحموش بزاف نرجوالتفاعل بالنسبة ليا الملوخية منعرفهاش عمري مكليتها ولا شفتها باالبتزا نديرها فالعشا بزاف كثر من الغدا كيما اليوم درت بطاطا بالفليو وللقهوة بسبوسة الحبوب نديرهم في الغداء هما وعجاءن ونحاول يكون الفرق بين النوع نفسه اسبوع


مرحبا بيك معانا اختي مريم , انا معاك البتزا نديروها في العشاء واش رايك في يوم السبت.....وانا ثاني معاك في انو الحبوب والعجائنت كون في الغداء لانها ثقيلة ........... والاكل الخفيف نديروه في العشاء

[meriama13]

مشكورة على الموضوع جا في وقته
جامي كليت الملوخية نظن ماكانش في الغرب
اليوم درت للغداء الرشتة بالكفتة و زدت بطاطا غراتان بالبشامال مع سلاطة خضراء

[سنوم 33]

كملنا يومين....والي تحب تغير تقدملنا اقتراحها
واذا كانت اكلة ماتعرفهاش تحاول تغيرها باكلة اخرى وتكون مناسبة
1-الجمعة:غداء:كسكس بالخضار واللحم او الدجاج
.........عشاء:ملوخية باللحم او الدجاج او راس الخروف او راس البقر المقطع.بالكسرة مطلوع
2-السبت:غداء:عدس بكل الطرق التي يمكنك طهوه بها.مرقة ,شربة,سلطة,مع سلطة خضراء.
..........العشاء:بيتزا.بانواعها.

[سنوم 33]

بالنسبة لفطور الصباح:نديرو كل شهر نوع من الحلويات-قاطو-صابلي ولا اي نوع...باه نخلو الاولاد يفطرو.وكنشرو الريفيتايما نشريو دي باكو قاطو وبواط كونفيتور..الزبدة...اكيد مع الحليب...وكل مرة نحوطلهم حاجة يفطرو بيها...وساعات الاب يخرج الصباح يجيبلهم حبات فطاير ولا باتيسري ولا .... باه الاولاد يحبو يفطروالصباح..وكل واحد ومقدرتو

[سنوم 33]

مشكورة على الموضوع جا في وقته
جامي كليت الملوخية نظن ماكانش في الغرب
اليوم درت للغداء الرشتة بالكفتة و زدت بطاطا غراتان بالبشامال مع سلاطة خضراء

رشتا بالكفتة وغراتان بطاطا بالبيشاميل....شوفي النهار لي تحبي ديري فيه هذا الاكلات....وقدميلنا اقتراحاتك في القائمة الاسبوعية

[سنوم 33]

بالنسبة للمساء او في حالة الشعور بالجوع بعد الغداء...
يمكن تناول الحليب مع اي نوع من الحلويات او الفطائر....
لكن بالنسبة للحب يحافظ على رشاقتو
ياكل فاكهة..او ياغورت طبيعي...او جبن...كاس حليب كانديا او اي نوع اخر من الحليب...كاس عصير...خضار--حبة طماطم.جزرة.خيار.عيدان من الكرفس-مخللات -خيار,خضرمتنوعة مخللة--صدر دجاج....الخ

[oummalak]

اذا وافقتي على العدس غداء يوم السبت....نديرو بيتزا عشاء يوم السبت
لانو الاولاد مايحبوش العدس وقليل الي يحبو....
ما لا نطمعوهم :o :o :o ...تغدا عدس باه الليل نديرلك البيتزا هههه :19:

اقتراح جيد راني معاك ولادي ما يحبوش لعدس غادي نقولهم الغدا عدس والعشا بيتزا رايحين يطيرو من الفرحة

[ام سعاد]

موضوع هايل انا ندير شخشوخة كل جمعة ساير الايام تليتلي كوكة بغريل ======= وفي العشاء حاجة خفيفة

[أنوثة شرقية]

الجميل والمتفق عليه انو تقريبا كل العائلات الجزائرية تطبخ كسكسي غداء ليوم الجمعه. العشاء يستحسن دائما شي خفيف او من اللي يبقى من الغداء لكي نساهم في عدم التبذير. يوم السبت نخرجو من العجائين ونطيبو نوع من المرق والاختيار من هاذ الطبخات ( شوربة. بويون بالخضر. زاليقو. كباب صوص. شوفلور بالصوص. او أي نوع من المرق يخطر في بالك. مع كسرة او خبز وسلطة. والعشاء دائما اقتراحي شي خفيف. وش رايكم باش نقولكم على اقتراحي لباقي الايام

[وفاء سعاد]

الجميل والمتفق عليه انو تقريبا كل العائلات الجزائرية تطبخ كسكسي غداء ليوم الجمعه. العشاء يستحسن دائما شي خفيف او من اللي يبقى من الغداء لكي نساهم في عدم التبذير. يوم السبت نخرجو من العجائين ونطيبو نوع من المرق والاختيار من هاذ الطبخات ( شوربة. بويون بالخضر. زاليقو. كباب صوص. شوفلور بالصوص. او أي نوع من المرق يخطر في بالك. مع كسرة او خبز وسلطة. والعشاء دائما اقتراحي شي خفيف. وش رايكم باش نقولكم على اقتراحي لباقي الايام
اقترحي راني نتبع في الموضوع بفارغ الصبر

[جيجلية]

انا الجمعة ماش دايما كسكسي باللحم سعات ندير مسفوف باللبن تاع البقر والتمر

زوجي ما يحبش الخضرة غير فالظولمة لازمي نديرها بزاف باش ياكلها والسلق والبطاطا كباب - الحبوب كل اسبوع ندير نوع

لابيري بالجاج محمر- جلبانة وقرنون- بويون الخضار -سباقيتي باللحم المرحي بطاطا فريت

الكسرة قريب كل يوم يموت عليها

انا ماعنديش برنامج خاص كنوض الصباح نخمم واش ندير

متابعة باهتمام اقتراحاتكن

[ماريا205]

صباح الخير اخواتي يعطيكم الصحة على الاقتراح الهايل اللي جا في وقتو
ان شاء الله نفيدو ونستفيدو

[ماريا205]

انا بالنسبة لبرنامجي تاع الطياب عندي مبدا نمشي عليه وهونحاول نوازن بين العناصر الغذائية لوجبتي الغداء والعشاء في اليوم
للغداء نهارنطبخ العجائن ونهارنديرمرق سواء احمر اوابيض
العشاء اذا كان هاذاك النهار درت فيه كسكسي او شخشوخةاوتليتلي او اي عجائن ندير gراتان اوسمك مع فريت اودجاج في الفرن او شكشوكة مع سلايط اما النهار اللي طيبت فيه مرق للغداء فالعشاء ندير بيتزا او كوكا او محاجب او سوفلي اومقرون في الفرن وهكذا في كل يوم نكون جمعت بين الخضر واللحم وسلطة وعجاين
اما قهوة المساء فمرة نطيب غرايف ومرة بسبوسة او مسكوتة ومرات تمر مع الحليب للتغيير.
هذي هي اخواتي طريقتي ان شاء الله تعجبكم نتمنى نلقى تفاعل

[meriem hanin]

بارك الله فيكم على الموضوع المميز
و الله جا في وقتو و اكيد راح يريحنا هاذ البرنامج
شكرا ليك سنوم على طرح الموضوع
متابعة ياهتمام

[أنوثة شرقية]

انا بالنسبة لبرنامجي تاع الطياب عندي مبدا نمشي عليه وهونحاول نوازن بين العناصر الغذائية لوجبتي الغداء والعشاء في اليوم
للغداء نهارنطبخ العجائن ونهارنديرمرق سواء احمر اوابيض
العشاء اذا كان هاذاك النهار درت فيه كسكسي او شخشوخةاوتليتلي او اي عجائن ندير gراتان اوسمك مع فريت اودجاج في الفرن او شكشوكة مع سلايط اما النهار اللي طيبت فيه مرق للغداء فالعشاء ندير بيتزا او كوكا او محاجب او سوفلي اومقرون في الفرن وهكذا في كل يوم نكون جمعت بين الخضر واللحم وسلطة وعجاين
اما قهوة المساء فمرة نطيب غرايف ومرة بسبوسة او مسكوتة ومرات تمر مع الحليب للتغيير.
هذي هي اخواتي طريقتي ان شاء الله تعجبكم نتمنى نلقى تفاعل

انتي عزيزتي راكي تقريبا نفس برنامجي.لكل اخت توافقنا نكملو الايام. يوم الجمعه كسكسي. يوم السبت نوع من المرق والعشا بيتزا او سوفلي. يوم الاحد نوع من الحبوب لوبيا او عدس والعشا بيري بنوع من اللحوم يفضل مشوي. يوم الاثنين قراتان شوفلور او بطاطا او كوكتال خضر ف الفرن مع كسرة مطلوع والعشا نوع من البويون. الثلاثاء رشتة او شخشوخة او او اي نوع من العجائن تفظلي العشا فريت مع سلطة خضر الاربعاء نوع من الحبوب مع كسرة او خبز والعشا محاجب لمن تستطيع. الخميس نوع من الصوص مع الروز وسلطة والعشا حميص او شكشوكة. وش رايكم

[بتول8]

موضوع في القمة

[ام ولي]

يعطيك الصحة اختي سنوم على هذا الموضوع
اختي أنوثة شرقية عجبني بزاف برنامجك ورائحة نطبقو ان شاء الله لكن يوم الأربعاء ندير مرق بدل الحبوب ادا درت بالسبت مرق ابيض نهار الأربعاء ندير مرق احمر

[mim25]

انا بالجمعة ندير كسكسي بالخضرة والسبت ندير بويون بالخضرة لي تبقالي باه ماتفسدش و الاحد اى نوع بطاطا والاثنين اينوع عجين والثلثاء حبوب والاربعاء ملوخية والخميس سمك

[أنوثة شرقية]

يعطيك الصحة اختي سنوم على هذا الموضوع
اختي أنوثة شرقية عجبني بزاف برنامجك ورائحة نطبقو ان شاء الله لكن يوم الأربعاء ندير مرق بدل الحبوب ادا درت بالسبت مرق ابيض نهار الأربعاء ندير مرق احمر

ربي يخليك اختي أم ولي هذا شي يسعدني واهم شي يكون عندنا تنوع في الاكل لصحتنا وصحة عائلتنا وتحيتي لاختي الغالية سنوم صاحبة الفكرة واحنا نحاولو نساهمو في وضع برنامج اسبوعي لوجبات متنوعة وصحية تريحنا من التخمام ودوخة كل يوم واللي عندها اقتراح تتفضل بيه وراح نعمل جدول اسبوعي لقائمة الاكل اليومية تساعد ربات البيوت على الاستعانة بيها

[scorpionoir]

مرحبا هدا موضوع شيق وانا حابة نشارككم مثلا انا نوع في الماكلة خضر وحبوب ومراقي وديما الليل يكون حاجة خفيفة راح نقترح عليكم ماكلة اسبوع ونتوما خيرو الجمعة .شخشوخةاو محاجب والعشا فريت وشكشوكة السبت .بيون واوردوفر والليل بيتزا الاحد جلبانة وكسرة والليل شورما ولا خبز محشي الاثنين لوبيا ولا عدس والليل بربوشة بالحليب الثلاثاء. مقرونة بالبيشامال والليل سلاطة وبوراك ومعاهم كبدة الاربعاء .بطاطا محمرة والليل سوفلي الخميس .روز والليل شطيطحة دجاج .هكا وكل سمانة تبدلي مثلا كاين لي قراتان دويدة مجمرة تليتلي مرقة حمص لا زانيا والشتا راه يعاون الماكلة لي ديريها تتكل مثلا العيش والمقطعة والحبوب وكل مرة نتفكر ماكلة نحطها ولي عندها ماكلات تحطهملنا تفكرنا .

[LAMIA TEFFAL]

شكرا لك اختي على الموضوع الرائع وكل الاخوات والدي هو في الحقيقة سؤال كل يوم شاندير فطور او عشاء؟؟؟؟؟والاجابة كل يوم دبري راسك حتى درني راسي هههههه على الاقل نستفيد من الاخوات ويعطونا فكرة على اكلة كنا نسيناها انا اكتر حاجة نطبخها هي مربعات البطاطا وللحم في الفرن ورز بالدجاح وطبعا بعض الاكلات متل لي بلا تكون شوية جديدة اهم جاحة الكسكس نهار الجمعة والمرقة لي تبقى نديرها حساءحرام تبدير لكن في اغلب الاوقات الكسكس يكون مطلوب اكتر
شكرا على الموضوع

[scorpionoir]

سلام راني تفكرت شوي تطيبات .عين سبنيورية مرقة زيتون منعرفش علاه نتفكرها غير في رمضان.كفتة ونوعي فيها مرة كورنيات و مرة رولي .رشتة كانلوني بكبوكة شخشوخة الضفر برك وكي نزيد نتفكر نقولكم .والي تفكرنا بماكلات اخرى خير وخير هكا نهزو منهم وكل وحدة دير menu تاع اسبوع على مصروفها وواش متوفر عندها

[أنوثة شرقية]

ماشاء الله تبارك الله. شي رائع رانا نتفكرو ماكلات ناسينهم او طبخات نديروهم في رمضان فقط ههه. هكذا نضيفو وننوعو اكثر

[mmeriem]

جبلتكم اليوم حاجات ملي طيبتهم هاد الاسبوع عدس. هاشي باغمنتي لوبيا شطيطحة جاج مقارون ببيشمال بطاطا بالفليو سلاطة روز لابيرى هدا واش ره في بالي درك

[sarasmart8]

شكرًا على المقترح الذي يشغل كل ربة بيت على الدوام مهما اختلف المكان والزمان

[أم أصيل]

بارك الله فيكن اخواتي على هذا الموضوع المميز بصراحة معنديش قائمة دائمة لكن كل يوم في الغداء نطيب اما شربة مرقة بالخضر- تليتلي - شربة عدس - أرز في الفرن وعادة نطيبو للعشاء- بسباس محشي - دجاج في الفرن في الفال مرة لاني مانحبش الدجاج غير لزوجي فقط حتى ابني مايحبوش - شوربة دويدة - شوربة فاصولياء - كسكسي _ فلفل محشي - شخشوخة - شوربة فريك - ودايما تقربيا الشوربات لازم مع الكسرة ة, أما فيما يخص العشاء دايما حاجة خفيفة أما الفطور و قهوة المساء مرات ندير مطاوي أو كروكي أو خبز الدار أواي قاطو خفيف ان شاء الله نكون قد ساعدت الاخوات

[فراشات العمر]

موضوع في القمة بارك الله فيك
اختي راكي قستي الجرح هههههههههههههههه
راني معاكم ان شاء الله كل يوم اذا قدرني ربي
احنا الفطور دايما خليب وخبز او كسرة
الغداء الو العشاء رايحة نقولك على المس
الغداء مرق زيتون بقات من العشاء +بطاطا مقلية الكسرة
العشاء درت شكشوكة بالكسرة+اليايورت +تفاح

[ardfatima]

صباح الخير عليكم
البارح درت العشا بيتزا و سلاطة و عصير
و اليوم غذاء درت كسكس بالمرقة و العشوية باغية ندير بغرير مع الشاي

[أنوثة شرقية]

اليوم درت كسكس بالدجاج مانقولكمش شحال جا بنين والعشاء ان شاء الله فريت مع سلطة واكيد ديسار الموسم زوجي يحب بزاف الفريت وابني تاني

[سمراء الدنيا]

انا القائمة نتاعي تلقاوها هنا
http://www.djelfa.info/vb/showthread.php?t=885965

[ام ولي]

اليوم الغداء درت كسكس بالعصبان والعشاء فريت مع سلطة خضراء القهوة درت أسهل مادلين للاخت مقدسية جازاها الله كل خير

[ام نسمة]

مرحبا ........دائما حواء تسال نفسها واش نطيب الغدا و واش نطيب العشا ودائما حيرانات المهم حاولت مرارا نتقيد بقائمة اسبوعية لكن ما نجحش الامر لدا مانكدبش عليكم نطبخ بشكل عشوائي وخلاص وكثير من المرات نزيد الاكل ونسخنه في الغد عموما نطبخ البقول الجافة في النهار عدس لوبيا ونعمل السباغيتي غير للدراري انا وزوجي مانحبوش لي بات من غير الكسكس نديره مرة كل اسبوع وفي اغلب الاحيان بطاطا اما مقلية او لابيري ونقلي معاها شوية تاع لي كوت ونعمل سلطة و دائما احسن وجبة نتناولوها هي كي نشرو القضيان

[ميمي عنابة]

اخواتي العزيزاتي اليكن قائمة الطعام لشهر باكمله لعائلة متوسطة الدخل

[sarra5]

موضوع جميل بقدر جمال صاحبته

احنا عادة غدائنا هو عشاءنا

لكن راح نعطيكم قائمة لوجبة العائلة الجزائرية البسيطة

الجمعة كسكسي او وجبة تقليدية

السبت بطاطا مرقة حتى لو من غير لحم تجي بنينة

الاحد الرز

الاثنين شربة جاري

الثلاثاء ثليثلي

الاربعاء سباغيتي

الخميس غراتان

وطبعا كل واحدة كيفاه قادرة تطيب وكل عائلة ومقدورها

[nihel lora]

انا اخواتي نطيب غداء برك نزود شوية باه يبقى للعشاء وادا اضطررت نزيد كسرة رخساس وسلاطة ودائما يوم الجمعة كسكس السبت سوب بالخضر معها بيتزا الاحد لوبيا الاثنين روز الثلاثاء مرقة خضر الاربعاء عدس الخميس تليتلي والاسبوع القادم ندخل ملوخية شربة فريك كسرة الشحمة وطبعا الكسرة دائما مرة رخساس مرة مطلوعة مرة كوشة وايضا مرة الروز في الفور ومرة مفور

[salam algeria]

انا راجلي يخدم لعشية و يتعشى في خدمتو درك راني غير نخلط لي تجي في بالي نديرها غدا و عشا غير الحبوب ما نحبهمش في الليل و في الويك اند نتفنن شوية في الغدا و العشا لكن من قبل كنت ندير في الغدا واحد من هادو
شخشوخة بانواعها
البربوشة
التريدة
باستا بانواعها سباغيتي لازانيا ووو
الحبوب بانواعها
شرية فريك
شربة فارميسال بيضا بالدجاج و الكفتة او حمرا باللحم الحمرا
حريرة
طبعا الشربات بالكسرة او خبز الدار لاننا ما ناكلوش الخبز تاع برا
و اطباق العشاء
اطباق الخضر في الفرن
لي قراتان بكل انواعه
لابيري

البيتزا و المعجنات الكوكا السوفلي مثلا
السلطات بانواعها الخضرا سلطة الرز سلطة الخضار المفورة
و للفطور ندير غرايف سفنج مسمن بريوش كرواسون او قاطو و نكثر من الكروكي للفطور
و للسهرة مرات ندير تورتات بانواعها فلان كريم ديسار موس

[Meriemchawiya]

انا منيش متزوجة بصح انا الي نطيب و متهلية في الدار
انا نجيب الرافيطايمة مرة في الشهر و الخضرة كل أسبوع مرة
راح انقولكم واش نطيب
كسكسي
شخشوخة الضفر
تليتلي
شربة فريك
روز
غراتان الخضر
غراتان البطاطا
غراتاو البروكلو و السلق
بيري
شطيطحة دجاج
لوبيا
حمص
فريت (نادرا)
حميص
بروكلو بطريقة ام رامي
بيزا
بيزا بطبقتين اممممممممم
كمونية
بكبوكة
ملوخية اممممممممممممممم
شخشوخة بسكرية
محجوبة
محكوك سعاااااااااات
طاجين الجبن كي تكون حاكمة الدعوة ههههههههههه
دجاج محمر ساعات
زليقو
بذنجال أبيض مرقة اممممممم هبال
هذا واش متفكرة هههه قولولي واش خليتي
المهم هوما ليغراتان راني نضال نهز من المنتدى و نحطلهم

[رهف هبة الرحمان]

شكرااااااا ام امجد 14 على الموضوع كتير عجبني :19::19::19::19::19::19::19::19::19::19::19:

[hindoucha02]

أنا دائما عندي مشكل مع العشاء .لا أجد شئء الذي أطبخه.مع العلم أني موظفة و أم لطفلة.

[nounou1962]

انهضي قبل الفجر بحوالي ساعة و اطبخي غداء و عشاء وحافظي علي صلاة الفجر والله المستعان

[ام البنوتة]

و الله اختي ضحكتنيني لوبيا عدس عدس لوبيا
تفكرت وليد اختي لي قالها وحد الخطرة لو كان العدس رجلا لقتلته
بالنسبة ليا دايرة برنامج يوم بيوم يعني الا درت اليوم مرقة ولا soupe ولا عدس او حاجة بسيطة و ماشي مكلفة اليوم لوخر ندير محشي و لا زيتون و لا....
القائمة طويلة
هكذا العايلة ما تكرهش الطياب العدي و تاني نشفق شوية في المصروف و نضمن التنويع

[djihanegirl]

اليوم الاول
في الغداء بطاطا كوشة عادي بدون لحم و سلطة ورق
العشاء عدس و جواز السلق
اليم الثاني
غداء غراتان بالباذنجان و سلطة جزر مبشور
عشاء أرز مفور بالمرق
اليوم الثالث
غداء بطاطا مقلية و فلفل
عشاء سباغيتي
http://im31.gulfup.com/gj4i1.gif (http://www.gulfup.com/?lPNInD)

[نبض الفؤاد]

بدلو شوية اللحوم والجاج اليوم ديرو مثلا ارز بصلصة نتاع لي فيلي دو صول بالزيتون روعة والروز كتغليوه ارمو فيه 4حبات هيل و2اعواد قرنفل وعود قرفة
روووووووووووعة

[naiissou89]

موضوع في وقتو انا نحب نبروقرامي بصح ساعة كاين و ساعة لا لا الا انو احيانا تكون كاينة الرافيطايمة نكره اياماتها لانها تفوت اكل حبوب و عجائن لانو اهل البيت ادا جابو الرافيطايمة سايي مايجيبو والو يقلك هاو كاين المصروف لهدا انا نحب نوع بصح نحن اهل شخشوخة و عجائن مع انو زوجي مايحبش العجائن و كل واحد و دوقو و امكانياتو

[لينة71]

الالسلام عليكم
الاثنين:درت بوتشيش وهي فطير بالمرقة انتاع المرمز مع بوفجوخ /العشاء درت كباب
الثلاثاء درت دوباره حمص/العشاء درت غراتان مقرونة بالتونة بالشاميل طبعا مع سلاطة
الاربعاء اليوم درت محكوك/العشاء راح نطيب لابوري مع les secsوشلاظة
الخميس ندير ان شاء الله شربة مع خبز الدا ر/العشاء دجاج محمر مع لفريت ةشلاطة
.....وان شاء الله تعجبكم افكاري
بارك الله فيكم على الموضوع الراءع

[kiki12]

اهلا بنات

نهنيكم على الموضوع الراااااااااااااااااااائع

انا باختصار ماعنديش برنامج معين يعني مازلت نتعلم تحمل المسؤولية والتنظيم و تقريبا هدا حال الاغلبية

بديت نتعلم ندرس الميزانية وتقسيمها و بالتالي نحاول نرتب برنامج الاكل

في العموم الماكلة لازم تبقى الا ادا كانت عايلة كبيرة الله يبارك و كاين اطفال الله يحفظهم

شفت بزاف مواضيع و جمعت انواع الطياب شوفوها ويمكن تقسيمهم عالاسبوع بدون تكرار الاكلة مع للعلم انها تبقى للعشاء

او لغداء اليوم التالي يعني الجدول ما هوش ثابت

مثلا

يوم حبوب .....لوبيا او عدس او دوبارة او pois cassées

...يوم عجائن... مقرونة او سباقيتي او تليتلي او اي نوع

.يوم شوربة .....تحبي فريك او فيرميسال او تشيشة او لسان العصفور مع اي نوع من السلطات او الفريت

.يوم خضر يعني مرقة مثلا جلبانة او محاشي او مرقة البطاطا في الكوشة او غراتان او شوفلور المهم على حساب الموجود

......يوم ارز بلاصوص بالزيتون و الجزر مقطع دوائر

نهار بيتزا او محجوبة على حساب الاستطاعة

الكسكسي كل واحد بواش يحبو

وفي يوم نجيبو سردينة ونديروها غدا مع لا صوص tomate

يابنات تقسيم كل يوم نوع من انواع الاكل هناك اخت هنا في المنتدى في موضوع تقسيم الشهرية هي اللي قالت عليه

ربي يجازيها كل خير وانا عجبني

وهده مجموع الاكلات اللي جمعتهم من صفحات هدا الموضوع و شوية من عندي جمعتهم في هده المشاركة و خيرو وش حبيتو

كسكسي سيد الاطباق الجزائرية بالمرقة او مسفوف او بالحليب او بالزيت زيتون عند القبايل او سفة حارة لصحاب الشرق

شخشوخة و ثريدة و مشتقاتها تاع الشاطرات

خضرة محشية او دولمة عند اهل الوسط الجزائري

مرقة زيتون و لحم مرحي وهده ايضا اسمها الدولمة في الشرق

purée باي نوع من اللحوم مرقاز او دجاج محمر او لحم بقري شرائح او لحم مرحي بصوص

مرقة جلبانة

شوربة بيضاء او حمراء او اي نوع من الحساء

مقرونة او سباقيتي او تليتلي او لازانيا والالزانيا تقدري تخدميها في الدار و تجي هااااااااااااااااااااااايلة

فريت

عدس ولوبيا

ملوخية

بيتزا او كيش او اي نوع

سمك و صوص طومات

محجوبة

ارز

كويرات بطاطا يعمي معقودة او سفيرية اوكريات ارز

شوربة بالحليب خفيفة في الليل كاين اللي يحبها بالسكر او بالفرماج

كسكسي بالحليب او باللبن ايضا خفيف في العشاء

اوراق كرم محشية

كمونية تعمليها بالكبد و القوانص اللي تجمعيهم من الدجاج اللي تشريه كل شهر

ماسيدوان و اي سلاطة اخرى مشكلة

انواع الغراتان


هدا وش راني متفكرة ظرك

وننصحكم تشوفو وحد الموضوع تاع تقسيم الشهرية مليح بزااااااااااااااااااااااااااااف انا مقدرتش نحط الرابط تاعو لانو مشاركاتي قليلة

يعني ماسمحوليش نحط اللي تلقاه تحطو للبنات

في تقدرو تنظمو الميزانية و تشرو انواع اللحم بما فيهم الدوارة اللي نتفكروها في العيد الكبير برك بالرغم انها ارخص من اللحم البقري

يعني نقرو نحضرو العصبانة العزيزة هههههههههههههههههه

اتمنى نكون افدتكم و انا عجبني بزااااااااااااااااااف الموضوع

اهم حاجة ربي ندعو يباركلنا في رزقنا و راح تكفينا الشهرية و ناكلو مليح مع الحفاظ على باقي المصاريف مع الصدقة ضروري

في امان الله

[أنوثة شرقية]

اهلا بنات

نهنيكم على الموضوع الراااااااااااااااااااائع

انا باختصار ماعنديش برنامج معين يعني مازلت نتعلم تحمل المسؤولية والتنظيم و تقريبا هدا حال الاغلبية

بديت نتعلم ندرس الميزانية وتقسيمها و بالتالي نحاول نرتب برنامج الاكل

في العموم الماكلة لازم تبقى الا ادا كانت عايلة كبيرة الله يبارك و كاين اطفال الله يحفظهم

شفت بزاف مواضيع و جمعت انواع الطياب شوفوها ويمكن تقسيمهم عالاسبوع بدون تكرار الاكلة مع للعلم انها تبقى للعشاء

او لغداء اليوم التالي يعني الجدول ما هوش ثابت

مثلا

يوم حبوب .....لوبيا او عدس او دوبارة او pois cassées

...يوم عجائن... مقرونة او سباقيتي او تليتلي او اي نوع

.يوم شوربة .....تحبي فريك او فيرميسال او تشيشة او لسان العصفور مع اي نوع من السلطات او الفريت

.يوم خضر يعني مرقة مثلا جلبانة او محاشي او مرقة البطاطا في الكوشة او غراتان او شوفلور المهم على حساب الموجود

......يوم ارز بلاصوص بالزيتون و الجزر مقطع دوائر

نهار بيتزا او محجوبة على حساب الاستطاعة

الكسكسي كل واحد بواش يحبو

وفي يوم نجيبو سردينة ونديروها غدا مع لا صوص tomate

يابنات تقسيم كل يوم نوع من انواع الاكل هناك اخت هنا في المنتدى في موضوع تقسيم الشهرية هي اللي قالت عليه

ربي يجازيها كل خير وانا عجبني

وهده مجموع الاكلات اللي جمعتهم من صفحات هدا الموضوع و شوية من عندي جمعتهم في هده المشاركة و خيرو وش حبيتو

كسكسي سيد الاطباق الجزائرية بالمرقة او مسفوف او بالحليب او بالزيت زيتون عند القبايل او سفة حارة لصحاب الشرق

شخشوخة و ثريدة و مشتقاتها تاع الشاطرات

خضرة محشية او دولمة عند اهل الوسط الجزائري

مرقة زيتون و لحم مرحي وهده ايضا اسمها الدولمة في الشرق

purée باي نوع من اللحوم مرقاز او دجاج محمر او لحم بقري شرائح او لحم مرحي بصوص

مرقة جلبانة

شوربة بيضاء او حمراء او اي نوع من الحساء

مقرونة او سباقيتي او تليتلي او لازانيا والالزانيا تقدري تخدميها في الدار و تجي هااااااااااااااااااااااايلة

فريت

عدس ولوبيا

ملوخية

بيتزا او كيش او اي نوع

سمك و صوص طومات

محجوبة

ارز

كويرات بطاطا يعمي معقودة او سفيرية اوكريات ارز

شوربة بالحليب خفيفة في الليل كاين اللي يحبها بالسكر او بالفرماج

كسكسي بالحليب او باللبن ايضا خفيف في العشاء

اوراق كرم محشية

كمونية تعمليها بالكبد و القوانص اللي تجمعيهم من الدجاج اللي تشريه كل شهر

ماسيدوان و اي سلاطة اخرى مشكلة

انواع الغراتان


هدا وش راني متفكرة ظرك

وننصحكم تشوفو وحد الموضوع تاع تقسيم الشهرية مليح بزااااااااااااااااااااااااااااف انا مقدرتش نحط الرابط تاعو لانو مشاركاتي قليلة

يعني ماسمحوليش نحط اللي تلقاه تحطو للبنات

في تقدرو تنظمو الميزانية و تشرو انواع اللحم بما فيهم الدوارة اللي نتفكروها في العيد الكبير برك بالرغم انها ارخص من اللحم البقري

يعني نقرو نحضرو العصبانة العزيزة هههههههههههههههههه

اتمنى نكون افدتكم و انا عجبني بزااااااااااااااااااف الموضوع

اهم حاجة ربي ندعو يباركلنا في رزقنا و راح تكفينا الشهرية و ناكلو مليح مع الحفاظ على باقي المصاريف مع الصدقة ضروري

في امان الله




سلمت يداااااااااااااك. وهذا رابط توفير المصروف للاخوات
http://www.djelfa.info/vb/showthread.php?t=1095004

[ميرة31]

انا تبانلي في الليل نديروالحريرة لخاطرش تبقى الخضرة نتاع الطعام مطحنوها ونديرولها التشيشة

[nounoudjs]

موضوع رائع شكراااا

[zina13]

ana dayra mokhatat osbou3 W RAH NHTOULKOM RAKAZT BACH YKOUN SALK SBANIKH MARA F OUSBOu3

[zina13]

Ana nensahkom b salk w poisson mara f simana mohima bzef l sahtna w khatrat ki manlka wach ndir ndir khodra mfawra jelbana w zrodia w batata wndirlhom zit zitoun

[نهلةن]

السلام عليكم :)انا كتبت قائمة وكل يوم نتبعها بلا ما نتعب راسي بالتفكير عندى اولادي يحبو شئ وزوجي شئ تاني وليت نضمتها بالقائمة باش نرضي جميع الاطراف نبداو بالسبت الغداء ،برانية مع محاجب او ملوخية وفي العشاء ارز في الفور مع لاسوب ،وضركا الاحد سباقيتي مع سلاطة وكبدة للعشاء قراتان مع بيون الاثنين عدس مع لحم مفور بالخضرة او مرقة بطاطا
العشاء بيري مع دجاج محمر وسلاطة مفورة
الثلاثاء شرية فريك مع حميص ومقرونة للعشاء قليان وسلاطة
الاربعاء لوبياء يابسة او قريني مع سلاطة وللعشاء روطي دجاج مع سلاطة
الخميس بروكلو معىشكشوكة العشاء طاجين فرماج مع سلاطة ولحم مقلي فيلي او انتركوت الي كاين
الجمعة عيش او كسكسي او تليتلي او شخشوخة او غرايف كل مرة حاجة والعشاء سفيرية مع سلاطة او شطيطحة دجاج وزيتون
نتمنى نكون افدتكم هكا منكسرش راسي وساعات نزيد حوايج من منتدانا الغالي طبعا واذا جاو الضياف يغيرو شويا القائمة طبعا
والحمد لله على رزقه وفضله العظيم

[zodiac47]

"درت بوتشيش وهي فطير بالمرقة انتاع المرمز مع بوفجوخ "
" ساير الايام ندير بوكلو زاليقو"
"اليوم درت محكوك"
ما فهمت فيها والو .... هنا كوكب الأرض

[ام مؤمن]

م ضوع هايل يعطيكم الصحة ان شاء الله لي رجعة

[wassila21]

موضوع هاااااااااااااايل و هو الشغل الشاغل لكل ربة بيت، عندي شهرين بديت نقضي بالشهر و خرجت عليا مليييييييييييح بعدما كنت كل سبت نقضي، نهار يخلص أنحي 6000 دينار للرافيطايما و لي كوش نقضيها في نهارها قيس شهر، و 3000 دينار خضرة نقسمها على 4 أسابيع أطيحلي 750 دينار للأسبوع و نقضي من كل نوع رطل إلا البطاطا و البصل نجيب كمية و مرات يبقالي الصرف نخبيه، 3000 دج للحوم، 2 جاجات و 1000 دج لحم مرحي و قيس 250دج دوارة، الجاجة نقسمها على 5 مرات و بين زوج تخرجلي 10 مرات( الصدر نقسمه على زوج و نرحيه للدولمة الرقبة و الجناحتين الصغار للشربة ولي كويس والجناحتين الكبار نديره 3 طراف قيس مرتين للجوازات) و المرحي نقسمه على 4 و الدوارة على 2، و 8000 دج مصروف زوجي مع الحليب و الخبز و الياوورت للأولاد، يعني دايرة 2 ملاين مصروف البيت و الباقي تاع الشهرية راني نخلص بيه الدين

اللوبيا بعدما نشمخها نفورها و نقسمها على 4 و نكونجليها كيما العدس.
كل سبت نخدم كمية من المسمن و البريوش و نكونجليهم، والأسبوع ألي موراه نخدم كمية من البراج و الطابع و نكونجلي ثان. و نجبد كل نهار حاجة.

و دايرة جدول تاع طبخ قيس أسبوعين و نخالف بيناتتهم يعني ندير أسبوع بأسبوع

الأسبوع الأول
السبت: فطور الصباح مسمن ـ الغداء عدس ـ العشاء شربة عدس( نرحيه) و معقودة ( بطاطا أو شيفلور)
الأحد: بريوش ـ الغداء تليتلي بالبيض مغلي و الطون ـ العشاء جواز خضرة ( خرشف مرقة بيضة ولا خبيزات شيفلور) بالدجاج
الإثنين: مسمن ـ الغداء بويون و ماسيدوان ـ العشاء أرز بكريات اللحم
الثلاثاء: بريوش ـ الغداء زوجي خدام ـ العشاء غراتان بطاطا بالبيشاميل
الأربعاء : مسمن ـ الغداء بواكاسي و الكسرة ـ العشاء دولمة بصدر الدجاج مرحي
الخميس: بريوش ـ الغداء شربة ـ العشاء شربة و سوفلي
الجمعة: مسمن ـ مسفوف بالبلن ـ العشاء سلطة مشكلة ( خضر مفورة)

الأسبوع الثاني
السبت: فطور الصباح براج ـ الغداء لوبيا ـ العشاء سوفلي
الأحد: حلوى الطابع ـ الغداء كباب بالدجاج ـ العشاء بويون و ماسيدوان
الإثنين : البراج ـ الغداء جواز راقو ( جاردينيار) ـ العشاء سباقيتي بكريات اللحم
الثلاثاء: حلوى الطابع ـ الغداء راجلي خدام ـ العشاء بركوكس بصدر الدجاج
الأربعاء: البراج ـ الغداء بواكاسي بالكسرة ـ العشاء الرفيس
الخميس : حلوى الطابع ـ الغداء فريت أوملات و قرنبيط بينيي مقلي ـ العشاء دوارة
الجمعة: البراج ـ الغداء بغرير ـ العشاء سلطة مشكلة


عندي اللحم نطيبه يوم بيوم، و هكذا نكمل الشهر، الأسبوع الثالث هو الأسبوع الأول و الأسبوع الرابع و الأسبوع الثاني، يعني نخالف بيناتهم.
الدولمة مرة تاع طرشي و طماطم أو قرنون أو بطاطأ و قرعة أو كرنبيط

[اية الحسناء]

افكار وتدابير رائعة هدا ماكنت ابحت عنه مع رفقة ممتعة جعلتم الصعب سهل وممتع جعله الله فى ميزان حسناتكم ومنكم نستفيد

[sararawa]

انا كي ايعود عندي نطوياج اندير قرنطيطة شكرا للجميع

[Sou sousou]

بارك الله فيكن اخوات على الاقتراحات .

[ام عبد الواحد 2016]

موضوع هاااااااااااااايل و هو الشغل الشاغل لكل ربة بيت، عندي شهرين بديت نقضي بالشهر و خرجت عليا مليييييييييييح بعدما كنت كل سبت نقضي، نهار يخلص أنحي 6000 دينار للرافيطايما و لي كوش نقضيها في نهارها قيس شهر، و 3000 دينار خضرة نقسمها على 4 أسابيع أطيحلي 750 دينار للأسبوع و نقضي من كل نوع رطل إلا البطاطا و البصل نجيب كمية و مرات يبقالي الصرف نخبيه، 3000 دج للحوم، 2 جاجات و 1000 دج لحم مرحي و قيس 250دج دوارة، الجاجة نقسمها على 5 و بين زوج تخرجلي 10 قطع و المرحي نقسمه على 4 و الدوارة على 2، و 8000 دج مصروف زوجي مع الحليب و الخبز و الياوورت للأولاد، يعني دايرة 2 ملاين مصروف البيت و الباقي تاع الشهرية راني نخلص بيه الدين

اللوبيا بعدما نشمخها نفورها و نقسمها على 4 و نكونجليها كيما العدس.
كل سبت نخدم كمية من المسمن و البريوش و نكونجليهم، والأسبوع ألي موراه نخدم كمية من البراج و الطابع و نكونجلي ثان. و نجبد كل نهار حاجة.

و دايرة جدول تاع طبخ قيس أسبوعين و نخالف بيناتتهم يعني ندير أسبوع بأسبوع

الأسبوع الأول
السبت: فطور الصباح مسمن ـ الغداء عدس ـ العشاء شربة عدس( نرحيه) و معقودة
الأحد: بريوش ـ الغداء تليتلي بالبيض مغلي و الطون ـ العشاء جواز خضرة ( خرشف مرقة بيضة ولا خبيزات شيفلور) بالدجاج
الإثنين: مسمن ـ الغداء بويون و ماسيدوان ـ العشاء أرز بكريات اللحم
الثلاثاء: بريوش ـ الغداء زوجي خدام ـ العشاء غراتان بطاطا بالبيشاميل
الأربعاء : مسمن ـ الغداء بواكاسي و الكسرة ـ العشاء دولمة بصدر الدجاج مرحي
الخميس: بريوش ـ الغداء شربة ـ العشاء شربة و سوفلي
الجمعة: مسمن ـ مسفوف بالبلن ـ العشاء سلطة مشكلة ( خضر مفورة)

الأسبوع الثاني
السبت: فطور الصباح براج ـ الغداء لوبيا ـ العشاء سوفلي
الأحد: حلوى الطابع ـ الغداء كباب بالدجاج ـ العشاء بويون و ماسيدوان
الإثنين : البراج ـ الغداء جواز راقو ( جاردينيار) ـ العشاء سباقيتي بكريات اللحم
الثلاثاء: حلوى الطابع ـ الغداء راجلي خدام ـ العشاء بركوكس بصدر الدجاج
الأربعاء: البراج ـ الغداء بواكاسي بالكسرة ـ العشاء الرفيس
الخميس : حلوى الطابع ـ الغداء فريت أوملات و قرنبيط بينيي مقلي ـ العشاء دوارة
الجمعة: البراج ـ الغداء بغرير ـ العشاء سلطة مشكلة


عندي اللحم نطيبه يوم بيوم، و هكذا نكمل الشهر، الأسبوع الثالث هو الأسبوع الأول و الأسبوع الرابع و الأسبوع الثاني، يعني نخالف بيناتهم.
الدولمة مرة تاع طرشي و طماطم أو قرنون أو بطاطأ و قرعة



سبحان الله عندى نفس الطريقة معاك فى المصروف مع بعض الاختلاف فى قائمة الطعام

[جنة نور الايمان]

مشكووووووووورين اخواتي هذا موضوع رائع ....هاذا واش كنت نحوس...

[جنة نور الايمان]

بارك الله فيكم

[hanamohamed]

موضوع في القمه موضوعك في الصميم يواصل بيننا و يكثر من شملنا هذا الله يشملنا على طاعته احبكن في الله

[biba2012]

حنا كل شهر نشريو كل اللوازم من عدس حمص كل الحبوب والبقوليات وكل ما يخصني من طماطم العلب يعني علبتين السكر القهوة كل مستلزمات المنزل مدة شهر مع التقشف ولكن كل جمعة نشريو قليل من لحم مرحي ودجاجة ونعمل المعجنات كالشخشوخة والكسكس ومرات فى الاسبوع ندير لمحاجب وهدا كل شيء

[أم الحبايب 26]

http://up.azyya.com/do.php?imgf=1390545259086.gif

يعطيكم لصحة كامل عجبني تدابر اخت واسيلا للعائلة دخل نتاعها متواسط نسقسيها واش حال هما افراد عائلة جبلي ربي كل واحد على حساب افراد عائلة نتاعو حنيا ستة اشخاص كفاش واحد يتماشا معا هذا عدد بارك الله فيكم

[wassila21]

http://up.azyya.com/do.php?imgf=1390545259086.gif

يعطيكم لصحة كامل عجبني تدابر اخت واسيلا للعائلة دخل نتاعها متواسط نسقسيها واش حال هما افراد عائلة جبلي ربي كل واحد على حساب افراد عائلة نتاعو حنيا ستة اشخاص كفاش واحد يتماشا معا هذا عدد بارك الله فيكم


حنا 4 أفراد ، أنا و زوجي وزوج دراري صغار ( 3 سنين و عامين) وليدي برك عنده 2000 دج في الشهر غير لي كوش، و زيدي الياغورت واللحظة لازمين كي عادو صغار، يعني هاذو مصاريف نقدر نستغنى عليهم لوكان جاو شوية كبار، أنتي حاولي أديري قائمة تاع الطياب و من بعد ديري قائمة غير بواش تستحقي للطياب، وحاولي تتجنبي القليان والحلويات ألي يستهلكو بزاف الزيت والسكر والبيض،

[rayen73]

أنا ملي كنت صغيرة في بيت أهلي بربوشة(كسكسي )يوم الجمعة أماساير الأيام يوم عجائن مقرونة،تليتلي ،شخشوخة ،عيش ،تريدة كل مرة واش رَآه واجد ويوم التاني حبوب عدس لوبيا ،حمص،أرز ،ومرة على مرة ندير قليان ليفريت مع حميس وسمك ان وجد والسلطة في اغلب الأحيان تكون موجودة مرة عجين ومرة حبوب

[اسماء الصيدلانية]

الكسكس أو الأرز أو التليلي أو الشخشوخة أوالمقطعة أو التريدة واحد من هاته القائمة يوم الجمعة ويوم آخر يعني 2 مرات في الأسبوع الجمعة والاتنين

[narmine nor]

حتى انا حارة في الطيآب نقرأ و روح للعشا لازم ندير لراجلي حاجة مليحة و المشكل مايكلش العجائن و تقريب كلش

[زهرة الجنة]

السلام عليكم والله الموضوع رااااائع
أنا مع انو مانيش متزوجة بصح في دارنا كلش أنا
لي ندير الميناج وخيم واش الديري لغد ا واش ديري لعشا
مي حسب تجربتي فالدار مليح واحدة فينا إيكون عندها بروق رام
في دارها لغد ا لازم إيكون مليح ولعشا حاجة خفيفة باه يرقد بن ادم آلاز
والقضيان كاين حوائج تشريهوم كل شهر والخضرة كل سمانة وتقضي حسب واش يكلو فالدار
واللحم والدجاج والسمك على حساب مقدورو كل واحد مليح الواحد فينا أنوع في المأكولات
ممشكووووووووورة أختي على الطرح المميز

[بودرساوي]

الله يبارك فيكم

[بودرساوي]

الله يبارك لكم في طعامكم

[ApplePie]

ana kheddama w nhir wech ndir m3a radjli yetkallech hata nseksih ...

[أم اسحاق]

اشكر صاحبة الموضوع على هذا الاقتراح
صراحة هذا مشكل كبير واش ندير الغدا واش نطيب للعشا سيرتو في العايلة لكبيرة كل واحد واش يحب
انا نقترح انواع القراتان مرة في السمانة والكسكس يوم الخميس ولا الجمعة على حشاب الجملة
طعام روز ثاني يجي هايل
ولي مايحبش الدنجال احسن طريقة هي في الكوشة اقلي الدنجال و طيبي الدجاج وحطي فوقهم البيشاميل بالفرماج ورجعيهم للفور تجي فوووور
مرة محاجب سخونين مرة شخشوخة وهكذا

[ابو علوه]

رائع رإئـــــــــع ،

[ام هزار]

يا ريت نرجعو لمثل هكذا مواضييييييع:o:o

[hizia_h]

ان شاء الله اختي

[فاتي تيارت]

الكسكس فى يوم بالمرق فى السخانة اللبن بالفول

[صوت بلال]

شكرا على الموضوع

الملاحظ غياب الاسماك بانواعها على المائدة الاسبوعية


باقي اتابع واستفيد

[mouniramouni]

انا افضل ان يكون يوم للحبوب كل وحدواختيار الحبوب لتحبها عائلتها ويومين للخضر ويوم للعجائن مثلالشخشوخ والمقرون وكل انواعهامع تنويع فىطهى هده الاكلات مثل العدس مرا طيبيه عاد ومر ترحيه يولى بيىون

[sidahmed13]

شكرا، شكرا، شكرا

[الجوهرة المكنونة]

الارز في الفرن بالدجاج وبقطع صغيرة يجي هايل هدا نقترحو ليوم السبت فالغداء واش رايك

راني معاكم الارز انا دايم نديرو في الليل ويجى خفيف

[oum djebbar]

الفطير البغرير السباقيتي الحريرة الشربة
الروز بالجاج العيش جواز بطاطا شطيطحة باللحم ولا بلا بيه
الكسكس باللبن فريت اوملات
السلق بالبيض

[dr-7ooda]

كبسة دجاج هههه :)

[Oum Chanez et alaa]

ana nechri kol chehar .... kamel lawazim (produits alimentaires) et chaque semaine la viande (poulet, viande hachée et les escalopes) plus les légumes de la semaine … j’ai dans mon placard une liste du menu de la semaine du samedi au vendredi…. Ftour w aacha, et chaque samedi je prépare les gâteaux pour la semaine, il faux m’organiser parque je travail…… w nzidkom haja …..ndir laftour à 6h30 du matin après salat fajr….a midi je suis *******e car ma famille mange comme tous le monde a temps. Je suis très fière de moi même parce que je métrise la situation. « Bon courage pour tous le monde ».

[sarra5]

يعطيكم الصحة عاونتيوني شوية راني نلم في الافكار باه مرة خلاف مانحصلش

[رندة.]

يعطيكم الصحة على الافكار، هاجس المرأة الدائم: واش ندير في الغدا ولا العشا؟؟؟؟!

[amiramira2012]

السلام عليكم
موضوع رائع بارك الله فيك
راني نلم في الأفكار والله هايل برنامج أسبوعي ( فطور و عشاء )

[muhibbat rrasoul sws]

السلام عليكم و رحمة الله و بركاته

اقترح على أخواتي التقليل من المأكولات الثقيلة في الليل

نخلوه فطور الصباح خفيف خاطرش الكل مزروب و حتى الماكثة في البيت لأنها تحضر الكل للخروج في الوقت، أقترح بضعة تمرات أو كرموس ( تين) أيام العمل و كمشروب نعناع أو شاي أو زعتر ( الحليب في بلادنا للأسف غير صحي لانه معاد تكوينه و حتى و لو فهو ينقص الكالسيوم و و و ...)

لمجة حتى للعاملين :علبة فيها : حبة فاكهة أو أكثر، حبة جزر (مليحة للجلد :) )، حبة خيار، أوراق خس، شوي كسرة... هادي أقترح أن تكون حظ الانسان من الغير مطبوخ في اليوم ( نتحاشى الأجبان و الزبادي و مشتقات الحليب إلا المحضرة في البيت من حليب البقرة تاع اللبّان)

الغدا لمن يتسنى له ذلك، مأكولات مختلفة بدون و بلحوم لكن نخلي اللحوم لعطلة آخر الأسبوع أولى.
أقترح :
1- بطاطا بالفرن مع قرنبيط و بصل مقطع شرائح و ثوم فصوص، قليل ملح و زيت زيتون، اغلقت عليها في الفرن و اتركيها ساعة زمن أقصى درجة حرارة
2- عدس برتقالي سهل و سريع و بنين، عدس، بصلة، بضعة فصوص ثوم، فلفل اسود، ملح، رند ( لوري)، زعيترة (زعتر بري):: كي يطيب رشة كمون و زيت زيتون
3- طعام بالزبيب أو بالخضار حسب واش كاين في الدار
4- لحم مكفت بالبيض مكسر فرقو
5- شربة بالخضرة و اللحم
6- روز (زر) مع سلطة ( خضار طازجة) أو خضار مفورة مع بيض مغلي و معدنوس
7- رشتة، شخشوخة، .... نهار الجمعة

لمجة المساء : شاي أي شيء حسب الذوق
حاجة حلوة ما نكتروش، شيء بتمر أو طمينة....

العشا : سلطة خضار، سلطة معدنوس مع زيتون و توتة اذا لقينا توتة تاع البحر ( المعلبة أغلبها من المزارع : مسرطنة)
عصير فواكه و خضار مختلطة ثقيل حسب الموجود في البيت
تمر باللبن
كسرة شعير باللبن
حميس (شليطة) ( في الصيف)


تقبلوا تحياتي

السلام عليكم و رحمة الله و بركاته

[taharr]

الموضوع أعجبني كثيرا لكني متأخرة عنكم ولا تردون علئ. يعطيكم الصحة

[Farid007]

مشكووورة اختي بارك الله فيك

[سحابة باردة]

اختي انا دائما اطبخ العشاء لان زوجي يروح للعشاء و ما يجيش للغذاء دائما ندير حاجة تاع كسرة زوجي لازم الكسرة و حاجة تاكل بيها ما يحبش الشخاشخ يحب المراقي حنا نقضيو بالجمعة يجيب قفة نجيب جمعة كاملة وانا نفرز نهار الجمعة ندير بربوشة تعجبني الخضرة جديدة و من بعد ساير الايام ندير بوكلو زاليقو كرنب جاردينيار بيون..ضرك كاين السلق كي تخلص الخضار نردها حبوب و سعات مقارونات في الفور **

طريقتك في الطبخ هايلة:19:

[تزيرية]

يعطيكم الصحة

القهوة الأسبوعية : كرموس في الزيت، خبز بالزبدة، تمر

الأطباق : شربة فريك
سفيرية البطاطا
عدس
كارانتيتا
طعام بالزبيب
غراتان حساب واش كاين
بيض بالبصل و الزيتون و سلطة

و ربي ورحمتو

الحمد لله كثيرا

[تزيرية]

القهوة : براج، خبز بالزبدة، تمر

الأطباق : جلبانة بجاج عرب و رز
تشكتشوكة مع شلاضة
لحم مفروم مكسر عليه البيض
لوبيا
طعام باللبن و الخضرة
كباب
بيض بالبصل و الزيتون و سلطة

و ربي ورحمتو

الحمد لله كثيرا