هل زوجة مجبرة على خدمة اخت الزوج

[silina20103]

ق[صة ان عندي صديقة قصة لي قصتها انا بدوري اقصها لكم لكي نعرف هل هيا مخطأة او لا
في بدية سكنت صديقي العرسة في منزول اخت زوجها التى عمرها 48 ارملة و ليس لها اولاد بحكم انها تسكن وحدها وحبت تساعد خها باش ميكريش
بداة الداية عادية الزوجة تطهو واخت تساعدها وفي نفس الوقت لغداء مع الزوج و زوجة و اخت زوج و عشاء كيفكيف وفطور كيفكيف
و من بعد كي ينزل الزوج للعمل تروح العرس من وراءه توصله الى باب و اخت ززززوج تتبعها فلا تكون العروس على راحتها مع زوجها وخاصة انها في ايام الاولة ومن بعد تمادة اخت زوج العروس بدات تحب ان تفرض شخصيتها يعني تعود زوجها على نمط معين من اطعمة و تختار نوع ماكلولات لكي تثير زوجها و تبين قدراتها بدة صديقة اكلة مع خبز تقوم اخت زوج وهي تعرف ان اخوها يحب الكسر طيبلو الكسرة و عروس حضرة الطعام و خبز
ومن بعد تطرة اخت زوج لما تكون العرسة في حمام من اجل استحمام في صباح تسرع باش تحضر الفطور هذا كامل وانا في راي انها تبين في عيوب العروسة ومن بعد بداة تتمادا تحب دخل روحها في طريقة تطياب العرسة (تلعب في دور الحمات) مع العلم ان حمات عروسة انسانة رووووووووعة مدخلش روحها خلاص لما تجي زيارة ومن بعد صديقتي عصبية معادش عاجبها الحال قررت ان تستخدم اسلوب الحوار و قاتلها لما انزل الى اسفل لودع زوجي لا تلحق بي و لا لما استقبله ايضا فانا اقوم بتقبليه ومداعبته وغزله لو سمحت و اذا ربع ساعة من حوال جاء زززوج و لما نزلت زوجة تلقا اخت زوج في اسفل زعما تهز في زبلة حشاكم برغم انها معتادة في وقت متاخر يعني سبب فقط لي نزول و من بعد غضبت العروس و من بعد قالت نعطيها فرصة اخرى قاتلها متزيديش تدخلي في طريقة تطيابي ومتزيديش طيبي لراجلي لانها هيا مسؤولة عن راجلها و لكن كا العادة اخت زوج مزالت مصرة في صباح يوم الغد تلقاها طيبت الكسرة وخباتها تحت سرير و اثناء تناول الفطر خرجت الكسر وعطاتها لخوها
بدأة العروسة بانصدام مما يحدث مع علم انها اصبحت حاول و كرهت اخت زوج لانها لم تجد لها حل بدأة لا تتناول الفطور و لا الغداء ولا عشاء معاهم لانها اصبح تريد الخصوصية فهيا لم تتناول الطعام مرة وحدا مع زوجها وحدهما وبعد ذلك خاصمة العروس اخت زوج ولم تكلمها و لكن تراقب انظروا كيف يمشي يوم
في صباح تستتيقض العرس لا تذهب للحمام من اجل اسراع باحضار الفطور لزج من بعد تستحم مع زوجها
ومن بعد تخرج تسخن لفطور مع علم ان زوج يحب يفطر في صالون و صالون تنام فيه اختو تحط العرس الصينية امام زوجها فيحملها زوج من امامه فيضعها امام اختو و يفطر معاها و عروس تححمل فنجالها الى غرفتها (فتحس انها وحدها وانا مراهييش مزوجا)
تحضر غداء وتغسل كاس زجها نتاع لفطور تتعمد ترك كاس خت زوج
و تذهب للعمل و من بعد تروح زوجها ميجيش وقت لغداء بحكم عمله تسخن غداها تطلعو لبيتها تتغدا تنزل تغسل لماعن نتاعها و من بعد تخرج للعمل تروجع مع زجها تغديه و طيب لعشا تعشيه وكيما عادة مائدة امام زوج يهزها يحطها فدام اختو و جامي خمم انو يهز المائدة و يطلعها لغرفة زوجة ويقول اليوم نتعشا مع مرتي هذيحياتها اليومية مع علم انو ميخليهاش تروح لبيت اهلها 42 يوم راحت 4 مرات فقط ومع علم انو ايام لي ميعملش فيهم يخرج يروح لدار باباه من 7 نتاع صباح حتان بعد صلاة لعشا يتغدا في دارهم و يتعشا في دارهم وهيا تبقا في غرفتها من صبح لليل
مارايكم واش تنصحوا هذا عروسة لانها بداة تخمم في طلاق مع علم انو عندها 42 يوم من زواج وهيا حامل في ايسبوع 6
هل اخت زوجة مخطاة ام لا مع علم انها حرست عجوزتها عليها ولكن لم يعطو حق لزوجها وقالوا راهي تتوحم جاتها عليها
مع علم حتى ولو تتوحم لكن شيء لي سردات حقيقة فهيا لا تعرف الكذب ومزالت اخت زوج لما زوج تضع صينية فطور واخت تجيب خبز او كسر و شيء ناقص في صينة تخدملها في زوجها و تقريبا الزوجة تقول انو اختو تعمل في اعمال ولم تترك لي زوجي اخدمه لانو واجب عليها خدمتهو و تبين بعملها اختو هكا تبين نقصانها و هيا الان في صراع مع زوجها و يصر ان تكلم زوجته اختو مع رفض زوجة لانها ترا ان اخته لم تنفع معاها شيء لالا انها لا تكلمها و لا انها حرشت امها و اختها لا ينفع معاها شيء مع علم انو زوج يعتبر زوجته مخطأة و قالها مرة حطا روحك من قيمة مرا كبيرا لا يرا اخطا اختو بل يرا اخطاء امراته
ماحل في رايكم وهي تقول انتم احكمو ولي تتفقو عليه راحا ديروا ووهيا تقولكم زوجي لا يريد ندير كانوني وحدي ولا ان نخرجوا نكروا حتى لما اخبرته زوجته انها سوف تساعده في مصاريف رفض وقالها منخرجشش
انتم احكمو لي تخرجو بيه رايحا ديروا لانها قربت تستسلم وفكرة طلاق بدأة تقتنع بها انتم احكمو

[كاميلا]

اختي سامحيني
العروسة راح ديرلها دار في وسط دارها ؟؟؟؟؟ كيما قالتها جداتي يديروا دار في وسط دار اولا راهي دارها مدام قبلت تعيش معاها من الاولى انها حطت في راسها يصراو حوايج كيما هكد يعني كل الاحتمالات واردة وتشوف روحا اذا راهي تقدر تحتوي المواقف وتتحمل
وحكاية الخدمة كيفاش تولي هي تخدم عليها؟؟؟؟؟؟؟؟؟؟ يعني سكنتها في دارها وتولي تتخدم على العروسة؟من يرضى بهذا الخدمة تكون مناصفة بينها وبينها الا في حالة المرض كي تمرض وحدة هذيك حاجة اخرى
ومادام قالت باللي راهي كبيرة تسايسها وزيد ارملة وبدون اولاد ممكن بعد الولادة رح تتهنى نها شوية وخاصة كيما قلتي متخليهمش على راحتهم ممكن يولي اهتمامها بولد اخوها خاصة انها ليس لديها اولاد ..ونقطة اخرى الغيرة بين النسا كاينة ومتتنحاش خلاص الى يوم الدين هههههه يا تصبر وتحمل يا تفارق بالمعروف وتجي عليها خاصة انها حامل وتصبح مطلقة وفي يدها صغير
الاحسن تتفاهم مع زوجها وتقوله الشيء اللي ضايقها وتحاول هي و هو انهم ياخدوها على قد عقلها يعن ييحسسوها انها هي الكل في الكل والكبيرة والا باخشانة الراس مرح تقضيلها والو كلمة زوج تقولها عفطي انت وراجلك راهي داري وتصبح في الشارع
يا اما تصبر حتى راجلها يلم روحه ويدير منزل يا اما تدير واش قتلك تسايس يا اما رح تخرب حياتها
في الاول والاخير يا اختي انا شخصيا وعلاش رح نسكن وحدي لاني صراحة والفت في دار بابا حرية وندير كيما نحب خاصة انني انا اللي عليا شغل الدار تروحي لدار خاطي دارك وتحبي ديري رايك ماجاتش لانه ماشي دارك وتحبي تكوني براحتك خاصة هاد النقطة انا صراحة تجيني عيب نسكن في دار عجوزتي مع راجلي في غرفة عيييييييييييييييب شويا حياء منقدرش نتخيل الوضعية قتله لاكان امك تحتاج مساعدة في المنزل نديرلها الجمعة وامي السبت نخدملهم كل شيء في الدار ونعاونهم اذا بيها على نعاونها في شغل الدار ومعليش بصح نسكن بيتي قدام بيت عجوزتي والله نموت بالحشمة هذا يبقى رأيي

[silina20103]

اختي سامحيني
العروسة راح ديرلها دار في وسط دارها ؟؟؟؟؟ كيما قالتها جداتي يديروا دار في وسط دار اولا راهي دارها مدام قبلت تعيش معاها من الاولى انها حطت في راسها يصراو حوايج كيما هكد يعني كل الاحتمالات واردة وتشوف روحا اذا راهي تقدر تحتوي المواقف وتتحمل
وحكاية الخدمة كيفاش تولي هي تخدم عليها؟؟؟؟؟؟؟؟؟؟ يعني سكنتها في دارها وتولي تتخدم على العروسة؟من يرضى بهذا الخدمة تكون مناصفة بينها وبينها الا في حالة المرض كي تمرض وحدة هذيك حاجة اخرى
ومادام قالت باللي راهي كبيرة تسايسها وزيد ارملة وبدون اولاد ممكن بعد الولادة رح تتهنى نها شوية وخاصة كيما قلتي متخليهمش على راحتهم ممكن يولي اهتمامها بولد اخوها خاصة انها ليس لديها اولاد ..ونقطة اخرى الغيرة بين النسا كاينة ومتتنحاش خلاص الى يوم الدين هههههه يا تصبر وتحمل يا تفارق بالمعروف وتجي عليها خاصة انها حامل وتصبح مطلقة وفي يدها صغير
الاحسن تتفاهم مع زوجها وتقوله الشيء اللي ضايقها وتحاول هي و هو انهم ياخدوها على قد عقلها يعن ييحسسوها انها هي الكل في الكل والكبيرة والا باخشانة الراس مرح تقضيلها والو كلمة زوج تقولها عفطي انت وراجلك راهي داري وتصبح في الشارع
يا اما تصبر حتى راجلها يلم روحه ويدير منزل يا اما تدير واش قتلك تسايس يا اما رح تخرب حياتها
في الاول والاخير يا اختي انا شخصيا وعلاش رح نسكن وحدي لاني صراحة والفت في دار بابا حرية وندير كيما نحب خاصة انني انا اللي عليا شغل الدار تروحي لدار خاطي دارك وتحبي ديري رايك ماجاتش لانه ماشي دارك وتحبي تكوني براحتك خاصة هاد النقطة انا صراحة تجيني عيب نسكن في دار عجوزتي مع راجلي في غرفة عيييييييييييييييب شويا حياء منقدرش نتخيل الوضعية قتله لاكان امك تحتاج مساعدة في المنزل نديرلها الجمعة وامي السبت نخدملهم كل شيء في الدار ونعاونهم اذا بيها على نعاونها في شغل الدار ومعليش بصح نسكن بيتي قدام بيت عجوزتي والله نموت بالحشمة هذا يبقى رأيي
يعني زوجة غالطة لالا قصة خدما درك عروسة طيب لغدا و لعشا وتغسل و اخرا تاكل فقط كي يولي راجلها نهار الجمعة سبت ميخدمش يروح لدار باباه لعروسة كطيبش خطراه راجلها مكانش تاكل لي بقا من ماكلا ولا تقلي بيض واخرا مطيبش ثاني ساعات بصح لعروسة متاكلش ماكلت اخت زوج هيا تقول منكلمهاش منكولش مكلتها

[كاميلا]

يعني زوجة غالطة لالا قصة خدما درك عروسة طيب لغدا و لعشا وتغسل و اخرا تاكل فقط كي يولي راجلها نهار الجمعة سبت ميخدمش يروح لدار باباه لعروسة كطيبش خطراه راجلها مكانش تاكل لي بقا من ماكلا ولا تقلي بيض واخرا مطيبش ثاني ساعات بصح لعروسة متاكلش ماكلت اخت زوج هيا تقول منكلمهاش منكولش مكلتها

اني قتلك الخدمة بالمناصفة يقسمه الخدمة بالنصف

[سومية88]

انا في راي ديرها صديقتها وتقولها زعمة راجلها واش يحب ياكل تقولها زعمة انا اليوم طيب هدي وغدوة طيبي انت هدي تحسسها بلي رانا كيما اخوتات بالعكس كي درلها حاجة مانزعفش قدامها لان كاين النساء يحبوا ينشعوا وتاكل معها وتخدم معاها شغل حتي يتوالفوا خاصة واحدة كانت تسكن وحدها ابعد جات امراءة حبت تولي مولات الدار شوية صعيبة عليها علي ديك لازم تكون دكية حتي تولي هي تموت عليها

[Lydia istanboul]

ندير صديقتك كي ختي و ننصحها.قلها متكونيش جايحة تضيعي زوجك و حياتك على جال شي تلفه كيما هاد،مدام ربي عطاها حماة مليحة فتحمد ربي اما اخت زوجها فراني شبه اكيدة انو اخوها مشفق عليها و على وضعيتها كونها ارملة و بدون ذرية..ثم راهو حاشم من خيرها كونها مسكناتو في دارها.حنونة كبري عقلك و كوني ذكية باه تكسبي زوجك و قولها ابداااااا ماتزيدش تذكر الطلاق و هي عندها اقل من شهرين زواج،وين راها شخصيتها القوية وين راه عزيمتها....كاين مقولة تقول:اختر معاركك الرابحة.هيا مدام شايفة زوجها يميل لكفة اخته فلازم تدخل لقلبه من جهتها..الشي الاول لي لازم ديرو هو ترجع تاكل و تشرب من يد اخت زوجها و تشارك. في عمل البيت يعني تغيل ماعن الجميع و تقول لزوجها في خاطرك نتنازل لختك حتى لو راني نشوف بلي حصرت لي حريتي...و لما تشوفيها دير المطلوع قوليلها صحيتي حتى انا نموت عليه راكي درتي فيا مزيا و هكذا.....حتى لو راكي كارهتها اعفسي على قلبك باه تكسبي زوجك...هيا اذا كانت طيبة رح تنجاوب معاك انا ان كانت حيلية فراكي سكرتي عليها الباب لي تزعك منو...ما تخسريش عامك الاول في صدامات..جهازك مزال جديد و بديتي تخمي في طلاق! الهاي البسي لزوجك و طيبي و يا لاله اذا حبيتي تغازلي زوجك مش لازم عند الباب و اذا استلزم الامر عادي كي يكون خارج القي كلمة طيبة حتى ربي يفرجي و تولي حرة بدارك...اسفة للاطالة راني درتك كي ختي.

[منهاج]

السلام عليكم

بصح هادي ما دارتلهاش حاجة مشي مليحة تخدم فيها وتزيد يغيضها الحال لازم تحاول تفهمها ما تديش منها مواقف وتقاطعها حتى تقدر تمشي مع عقليتها

[سارة البوسعادية]

وهل الاخت مجبرة على تحمل زوجة اخيها في منزلها؟؟؟؟
اختي كيما يقول مثل بكري من عندي ومن عندك تنطبع ومن عندي تنقطع اذا كانت حابة الاستقلالية من نهارها الاول تكري ولا تشوف حل
وزوجها كي كلا مع اختو غاضها الحال يعني لازم الحلف الاطلسي وينسى بلي اختو لكبيرة مسكنتو في دار عندها؟؟
اكيد راه يجبر في خاطرها تحاول تتحملها شوي ومن ناحية الخصوصية تعتبر روحها في دار شيخها وسلافها يدورو تاني تقبل راجلها عند الباب؟؟
اختي اسمحيلي بصح الزوجة هذي كانها هي من اسكنت اخت زوجها عندها ماتنساش بلي راهم ساكنين عندها يعني ضياف وهي مولات الدار يحترموها شوي
الصراحة انا كون تصرالي وتبدا تقلي ماتلحقينيش وماديريليش نقلها بر روحي اكري برا
كيما يقول مثل بكري دابي ونركب من لور

[silina20103]

وهل الاخت مجبرة على تحمل زوجة اخيها في منزلها؟؟؟؟
اختي كيما يقول مثل بكري من عندي ومن عندك تنطبع ومن عندي تنقطع اذا كانت حابة الاستقلالية من نهارها الاول تكري ولا تشوف حل
وزوجها كي كلا مع اختو غاضها الحال يعني لازم الحلف الاطلسي وينسى بلي اختو لكبيرة مسكنتو في دار عندها؟؟
اكيد راه يجبر في خاطرها تحاول تتحملها شوي ومن ناحية الخصوصية تعتبر روحها في دار شيخها وسلافها يدورو تاني تقبل راجلها عند الباب؟؟
اختي اسمحيلي بصح الزوجة هذي كانها هي من اسكنت اخت زوجها عندها ماتنساش بلي راهم ساكنين عندها يعني ضياف وهي مولات الدار يحترموها شوي
الصراحة انا كون تصرالي وتبدا تقلي ماتلحقينيش وماديريليش نقلها بر روحي اكري برا
كيما يقول مثل بكري دابي ونركب من لور

هيا حابا تخرج يوم قبل غدوا و قالك مثل اخسر وفارق وهيا مستعدا هيا لي تسلك لكرا مي راجلها قالها لالالا هنا يموت قاصي حتان ندير دار
حتى وكي راهي مسكنتهم مدايرا مزية في خوها ميشي في مرة خوها بصح انا قولت لصديقتي لو جيت مكان اختو علاه منخليلكم خصوصية خاصة شهورة اولا متعوضش ومن بعد كي يجو لولا لاد يدو وقت انا في راي اخت غالطة و زوجة اخ غالطة

[silina20103]

السلام عليكم

بصح هادي ما دارتلهاش حاجة مشي مليحة تخدم فيها وتزيد يغيضها الحال لازم تحاول تفهمها ما تديش منها مواقف وتقاطعها حتى تقدر تمشي مع عقليتها

علاه زوجت اخ هيا تقول انو من واجب زوجة تخددم زوجها

[silina20103]

ندير صديقتك كي ختي و ننصحها.قلها متكونيش جايحة تضيعي زوجك و حياتك على جال شي تلفه كيما هاد،مدام ربي عطاها حماة مليحة فتحمد ربي اما اخت زوجها فراني شبه اكيدة انو اخوها مشفق عليها و على وضعيتها كونها ارملة و بدون ذرية..ثم راهو حاشم من خيرها كونها مسكناتو في دارها.حنونة كبري عقلك و كوني ذكية باه تكسبي زوجك و قولها ابداااااا ماتزيدش تذكر الطلاق و هي عندها اقل من شهرين زواج،وين راها شخصيتها القوية وين راه عزيمتها....كاين مقولة تقول:اختر معاركك الرابحة.هيا مدام شايفة زوجها يميل لكفة اخته فلازم تدخل لقلبه من جهتها..الشي الاول لي لازم ديرو هو ترجع تاكل و تشرب من يد اخت زوجها و تشارك. في عمل البيت يعني تغيل ماعن الجميع و تقول لزوجها في خاطرك نتنازل لختك حتى لو راني نشوف بلي حصرت لي حريتي...و لما تشوفيها دير المطلوع قوليلها صحيتي حتى انا نموت عليه راكي درتي فيا مزيا و هكذا.....حتى لو راكي كارهتها اعفسي على قلبك باه تكسبي زوجك...هيا اذا كانت طيبة رح تنجاوب معاك انا ان كانت حيلية فراكي سكرتي عليها الباب لي تزعك منو...ما تخسريش عامك الاول في صدامات..جهازك مزال جديد و بديتي تخمي في طلاق! الهاي البسي لزوجك و طيبي و يا لاله اذا حبيتي تغازلي زوجك مش لازم عند الباب و اذا استلزم الامر عادي كي يكون خارج القي كلمة طيبة حتى ربي يفرجي و تولي حرة بدارك...اسفة للاطالة راني درتك كي ختي.

هيا صاحبتها وخرجتها معاها وشراتلها وعطاتها حتى دراهم علبيها غاضتها لعروسة خاصة كي صاحبتها وقاتلها متلحقينيش من باب انها مرا كيفكيف مي اخرى مسمعتلهاش يعني هيا مزربتش قاطعتها بلا ما استخدمت حقرة و طنشة و اسلوب حوار ومن مخاصمة و من بعد رجعتلها ومن بعد قرت انو خلاص مراه نافع والو علبيها قالت انها كي متكمهاش تنقص مشكل عليها

[فتاة الدعوة]

يا اختي هدي مش مشكبلة كبيرة تتحمل كلش على جال زوجها والصغير لراه جاي في طريق من حابا تطلق وغدوا الصغير هو الضحية ومن يسالها واش تقوله تقوله طلقت على جال عمتك يا اختي انصحي صديقتك وقوليلها استعقلي وارتبي في دارك مع زوجك لكان من اول ماقبلتش هدا الحل تاع تسكن عند اخته ربي يهدي

[سدرةالمنتهى]

يا اختي على حساب ماقلت على صديقتك العروسة تبانلي انها مرحلة وحم جات على اختو برك ماتتسرعش و تنحي فكرة الطلاق من راسها ..........ايا كي تطلق واش راح يصرا راح تزيد تكبر المشاكل تخمم في روحها اولا سمعتها يقولو عليها مطلقة و حنا هذه الكلمة شبه مرفوضة في المجتمع ثانيا نقولو راح تعاود حياتها اكيد راح يسقسو على سباب طلاقها و المحزن كي يعرفو عندها 42 يوم و تطلقت هذه يعرفوها خفيفة و ماتتحملش الحلوة و المرة مع بعض تحمل غير الحلوة و ثالثا راح تربي ولد بيد وحدها يعني قلها ديري حسابك غدوة راح تكوني انت الاب و الام في نفس الوقت
وفي الاخير ننصحك نار زوجة الاخ و انت راقدة في حضن زوجك و لا جنة داركم و نتائج الطلاق اللي راح تحمليها وحدك .

[rimoucha0187]

اسمحيلي مي هادي صحبتك بانتلي قاعدة تصغر في عقلها و تدير حوايج ما يدخلوش في الراس
ربي يهديها هي اللي حاطة في بالها و تتوله ما تخافش راجلها يبقى راجلها و اختو تبقى اختو
و علاه ما تقولش حتجة مليحة و تديرلو جنة في غرفتها باه يتمنا ما يخرجش ماشي عايشة صراع طفولي

[المتفآئلة]

تزوجت فتاة وبعد مدة ..
ذهبت للعيش مع زوجها وحماتها
.. وبعد وقت قصير اكتشفت أنها لا تستطيع التعامل مع. حماتها ، فقد كانت الأخيرة تنتقدها و تثير غضبها.. ولم يتوقفا يوما عن الجدال والصراخ،

كان الزوج بدوره يعانى أحزاناً ومشقة.. ولم يعد في استطاعة الزوجة التحمل أكثر..

قررت أن تفعل شيئا .. فذهبت ( لصيدلي ). صديق عائلتها..شرحت له الوضع بالتفصيل وسألته أن يمدها ببعض العقاقير السامة حتى تتخلص من. حماتها إلى الأبد..

فكر الصيدلي ثم دخل غرفة التحضير دقائق ثم خرج ومعه زجاجة صغير مزودة بقطارة وقال : ليس من الحكمة أن تستخدمي سما سريعَ المفعول وإلا ثارت حولك الشكوك، لذا سأعطيك هذا العقار الذي يعمل تدريجيا وببطء ،

وعليك أن تجهزي لها كل يومين طعاما من الدجاج أو اللحم وتضعين عليه نقاط من هذا السم بالقطارة ، وفى هذه الأثناء عامليها بلطف وتودد ..

لا تتشاجري معها أبدا مهما كانت الظروف.. عامليها كما لو كانت امك حتى إذا انقضت أيام عمرها لم يشك فيك أحد..

سعدت الزوجة بهذا الحل وأسرعت إلى المنزل لتبدأ التنفيذ على الفور ..

مضت الأيام والشهور وهى تحرص على التنفيذ بكل دقة وتذكر دائما ما قاله الطبيب لعدم الاشتباه، فتحكمت في طباعها وأطاعت حماتها وعاملتها كما لو كانت أمها..

بعد ستة أشهر تغير جو الأسرة تماما، مارست الزوجة تحكمها في طباعها بقوة وإصرار، نشأ جو من الحب والصداقة بينها وبين حماتها التي تغيرت هي الأخرى وصارت كالأم الحنون لزوجة ابنها..أصبح الزوج سعيدا بما طرأ على جو الأسرة وهو يلاحظ كل ما يحدث..

بعد هذه المدة ذهبت الزوجة للصيدلي ولكن هذه المرة لتقول له: من فضلك ساعدني لأمنع السم من قتل حماتي ، فقد صارت جدا لطيفة وأنا أحبها الآن مثل أمي.، أرجوك لا أريدها أن تموت..

ابتسم الصيدلي وهز رأسه وقال يا بنيتي:

أنا لم أعطك سما قط ،
لقد كان المحلول الذي بالزجاجة ماء !
.أما السم الذى أوشك أن يقتلك فقد كان قابعا في عقلك ، والآن تأكدت والحمد لله أنك برئتِ منه !

عامل الناس بمثل ما تحب

[شمس 15]

عروسة عندها 42 يوم راهي تفكر فالطلاق قوليلها نصيحة مني ليها تترزن و تعقال و تنضج هذي مش سبة بش تطلق.لوكان راهي في بيت العائلة لي الكل ساكن مع بعضو والجبة و الخمار طول النهار ثان و كلش قدام عينيهم تقوللهم خلوني نودع زوجي كي يكون رايح للخدمة؟؟؟؟؟؟؟و زيد حبت دير كانونها وحدو على جال من؟ على جال ختو أرملة و ماعندهاش صغار؟؟؟؟؟؟؟؟و يهنيها قلبها و ضميرها تاكل هي وراجلهاو ختوطيب و تاكل وحدها فدارها ؟؟؟؟؟؟؟؟

[silina20103]

عروسة عندها 42 يوم راهي تفكر فالطلاق قوليلها نصيحة مني ليها تترزن و تعقال و تنضج هذي مش سبة بش تطلق.لوكان راهي في بيت العائلة لي الكل ساكن مع بعضو والجبة و الخمار طول النهار ثان و كلش قدام عينيهم تقوللهم خلوني نودع زوجي كي يكون رايح للخدمة؟؟؟؟؟؟؟و زيد حبت دير كانونها وحدو على جال من؟ على جال ختو أرملة و ماعندهاش صغار؟؟؟؟؟؟؟؟و يهنيها قلبها و ضميرها تاكل هي وراجلهاو ختوطيب و تاكل وحدها فدارها ؟؟؟؟؟؟؟؟

وهيا متغيضش تاكل وحدها وراجلها ياكل مع اختو فطور و غدا وعشا مخممش حتى نهار يجي يتعشا معاها وكانون باش متزيديش تبين شيء لي ناقص من لعروسة تبينو لخوها و بيني و بينك راجل ميحبش مرتو تكون ناقصة في حاجة يعني واحد كي يعود يبين في عيوب اخر ثاني ميش حاجة مليحا لا واش راكي تقولي اختي

[silina20103]

ولا احد قال بلي اخت زوجة تصرفت غالط يعني على حسب مراني نشوف عروسة هيا غالطا ولا واش تقولو

[شمس 15]

[QUOTE=silina20103;12706822]وهيا متغيضش تاكل وحدها وراجلها ياكل مع اختو فطور و غدا وعشا تبانلي هي لي جبدت روحها وولات تاكل وحدها
مخممش حتى نهار يجي يتعشا معاها وكانون باش متزيديش تبين شيء لي ناقص من لعروسة تبينو لخوها
العكس شي لي ناقص منها كلنا ناقصين الكمال لله تعلمها ختو و توريلها مافيها والوو بيني و بينك راجل ميحبش مرتو تكون ناقصة ولاه هو كامل
في حاجة يعني واحد كي يعود يبين في عيوب اخر ثاني ميش حاجة مليحا لا واش راكي تقولي اختي[/QUOTE

مع الوقت يعرف بلي مرتو فحلة تأقلمت مع الوضع مش طلقت بصغير؟؟؟؟

[ماريا205]

السلام عليكم ورحمة الله تعالى وبركاته
اختي العزيزة عندنا مثل يقول اللي ما يتحمل الغش ما يبني العش
يعني اللي ما يخليش من روحو وما يكبرش عقلومايبنيش اسرةلانو الزوجة كيما الساس اللي لازم يكون قوي ومتين ضد الزلازل و....و.... لازم تتحمل الضروف و المشاكل هذا اذا كان اصلا مشاكل لانو راني شايفة صديقتك ما ذكرت ولا مشكل دارتو اخت زوجها سوى بعض التوافه بالعكس راهي تزيد فيهم اليوم راهي منقصة عليكم الكراءو تطيبلكم في المطلوع وغدوةراح تهزك في مرضك و تعاونك في البيبي تاعك و.........قلها تنحي فكرة الطلاق من راسها وتفكر كيفاه تكسب زوجها ليها
لازم تحب اهلو كيما يحبهم وتفرح لفرحهم وتحزن لحزنهم ونهار الجمعة هي اللي تقولو هيا نروحو لداركم يكونو توحشونا وتعتبر اختو كيما اختها هو لما يشوف هاذ الشيء راح تزيد تكبر في نضرو ويا اختي اذا حبت تدلل زوجها عندها غرفتها ولازم تحط في بالها باللي كاين نساء عايشين في ضروف اسوء منها وحاملين .نتمنى تتقبلي رايي سلام

[ms.racha]

انا راى ان العروسة لى غلطت من الاول كى قبلت هاد الزواج ..... بصح نقولها اصبرى فدوام الحال من المحال وننصحها تحترم اخت الزوج......... وتختنم وجودها لتم باه دير الدار خير من تروح تكرى ...... الدار مراهيش ساهلة..........ونقوللها ساعة ساعة خرجى مع راجللك بدلى جو ......... مثلا تعشاو برا.....الخ.ونتى مراكيش ملزومة تخدمى عليها وهى تانى ماشى ملزومة تخدم عليك لكن ديرى النية يااختى خصوصا راك حامل ممكن تمرضى وتلقيها جنبك ودعى لربى يهديها........لكن نصيحة لوجه الله لالاتكلمى عنها فى وجود زوجك.....حتى لا يكرهك......... .

[سارة البوسعادية]

المشكلة انو اخت الزوج يا سيلينا دارت تصرفات تتفهم على ناحيتين يعني حسب نيتها والنية ما نقدروش نعرفوها وكون جات قبيحة كون ما قبلتكمش معاها
راعي ضرف انها ارملة وماعندهاش ولاد
وكي عشات تطيب لخوها حاجة مليحة كاين الي راهم طايحين في عجايز وطفلات مكارين كلش يخلوها على المرا ويتبعو السحور وووووووو
حاولي تستحمليها واالله قوليلها راها في نعمة كون جات في دار شيخها مع سلافها وعجوزها وووو اساسا ماتقدرش تتمتع بحرية تلبس وش تحب ووو يعني تفهم بلي ماهيش في دارها وحدها وماهيش تان مع السلاف والشيخ
راها نص نص

[بيلسان11]

أنا نقول الوضع هو اللي غالط كيما يقولو كل واحد حقو في روحو نصيحتي لصديقتك توسع بالها و تصبر سواء كانت مخطئة أو لا لانها هي اللي راح تخسر حياتها و هي مازالت صغيرة و الدنيا قدامها. لازم تصبر هذا هو الحل و تحاول تعيش مع زوجها حتى اذا كان يروح لأخته تروح تاكل معاهم راهي غير 42 يوم و تخمم في الطلاق لازم تخممم في روحها و وليدها قبل كل شيء. و تتفكر ديما أنه السنتين الاولين هم اصعب سنوات الزواج لا زم تتأقلم ما عندهاش حل أخر.

[loulou02]

يا أختي أنت غلطتي كي قبلتي تسكني في الدار نتاع أخته ، كان لازم تقنعيه باه تسكنو وحدكم و تتعاونو في الكرية ، من جهة تكوني مرتاحة مع زوجك و من جهة أخرى تتجنبي المشاكل ، و كان من المفروض أخت زوجك تروح لبيت العائلة و تخليلكم الدار ليكم هكذا تصيبو راحتكم;) ، للأسف هي مفهمتش روحها :confused:، مع هذا نقولك متفرتش ، عاوي تكلمي مع زوجك و أقنعيه باه تكرو هكذا تكونو هانيين و مرتاحين وحدكم و إذا تطلب الأمر خلي الأب نتاعك أو الأخ يتدخلو و يتكلمو مع زوجك ، و ربي يفرج عليك حنونة في القريب العاجل .

[شمس 15]

يا أختي أنت غلطتي كي قبلتي تسكني في الدار نتاع أخته ، كان لازم تقنعيه باه تسكنو وحدكم و تتعاونو في الكرية ، من جهة تكوني مرتاحة مع زوجك و من جهة أخرى تتجنبي المشاكل ، و كان من المفروض أخت زوجك تروح لبيت العائلة و تخليلكم الدار ليكم هكذا تصيبو راحتكم;) ، للأسف هي مفهمتش روحها :confused:، مع هذا نقولك متفرتش ، عاوي تكلمي مع زوجك و أقنعيه باه تكرو هكذا تكونو هانيين و مرتاحين وحدكم و إذا تطلب الأمر خلي الأب نتاعك أو الأخ يتدخلو و يتكلمو مع زوجك ، و ربي يفرج عليك حنونة في القريب العاجل .



سمحيلي ختي مع كل إحتراماتي ليك ، هذا مش حل تسمى تقعد هي تخدم طول حياتها على الكراء باش توفر شهريتها راكي تعرفي الكراء راه غالي و شهرية راجلها تخليها للماكلة و الغاز و الماء و الكهرباء ،وراهو جاي صغير فالطريق زيادة على ذلك شكون يضمنلها راي رايحة تتهنى كي تكري حنا كرينا فترة كنت صغيرة و الله كانو أصعب أيام عمري و زيد بالاك زوجها ما يحملش يشوف مرتو تخدم و صغيرها مش عاطيتلو وقتو كيما يلزم يقوللها دبري راسك كنا ساكنين باطل و محملتيش.
رأيي الزوجة غيرتها على زوجها زايدة على اللزوم هذي ختو و زيد كبيرة.لازم تراجع نفسها و الله ما راهي سبة تع الطلاق و مرانيش حابتها تندم ......

[silina20103]

اخر الاخبار لما كانت اخت زوج تتصرف تصرف يغضب الزوجة تتكلم معها وتقول لها مزالك مراكيش حابا تبطلي حابتني نطلق وخلاص كي يجي خوها تحكيلو وه يتغير من زوجته و لا يكلمها ولقد تكدت من خبر برغم من ان امها كانت تقول ان ابنتي قد مرايحا تشوف متعاودش هدرا حنا منحكوش مع رجال ؟؟؟؟؟؟؟؟؟؟؟؟؟؟
عرفت زوجة ان اي تصرف وكلام تقولو يلحق لزوجها وهو لا يخبرها يدي منها موقف وخلاص وهي تقول المفروض لا يحكم من طرف لازم يسمع لطرفين ومن بعد يحكم
ملقاتش روحها المسكينة

[سارة البوسعادية]

اخر الاخبار لما كانت اخت زوج تتصرف تصرف يغضب الزوجة تتكلم معها وتقول لها مزالك مراكيش حابا تبطلي حابتني نطلق وخلاص كي يجي خوها تحكيلو وه يتغير من زوجته و لا يكلمها ولقد تكدت من خبر برغم من ان امها كانت تقول ان ابنتي قد مرايحا تشوف متعاودش هدرا حنا منحكوش مع رجال ؟؟؟؟؟؟؟؟؟؟؟؟؟؟
عرفت زوجة ان اي تصرف وكلام تقولو يلحق لزوجها وهو لا يخبرها يدي منها موقف وخلاص وهي تقول المفروض لا يحكم من طرف لازم يسمع لطرفين ومن بعد يحكم
ملقاتش روحها المسكينة
قولي لصاحبتك تطنشها وتدير روحها مش فاهمة تصرفاتها فلو قصدت تقلقها هي تدير روحها بهلولة وتضحك وتفوت وماتقلها والو هكذا ناس بكري دارو احسن ماتخرب بيتها وتخسر زوجها علاجال تفاهات