طلب مساعدة من فحلات المنتدى

[امونة الشاوية]

عندي كمية من الليمون و من البرتقال ارجو منكن مساعدتي في تحضير عصير الليمون و البرتقال و شكرا يا فحلات المنتدى :sdf::sdf::sdf::sdf::sdf::sdf::sdf::sdf::sdf::sdf: :sdf::sdf::sdf::sdf::sdf::sdf::sdf::sdf:

[شلال فرح]

شوفي فالمنتدى الأخت كاكينوفا راهي عاملة موضوع على

كيفية عمل العصير الصحي بالمنزل ربي يجازيها خير

[إلهام07]

1/شوفي هذه الوصفة شهاتني لعصير الليمون، راني حابة نجربها في أقرب وقت ( هذا الأسبوع بإذن الله لأن سعر الليمون راهو رخيص جدا هذه الأيام فهي فرصة لتناول عصير صحي لقاومة الزكام) .
هذا رابط الوصفة : http://www.djelfa.info/vb/showthread.php?t=821443

2/و كاين و صفة عصير الجزر ، تحتوي على عصير ليمون + برتقال ، هذي الوصفة نديرها و جي هايلة :19: :
في كوكوط تحطي جزر بعد ماتنظفيه ( استعملي حبات طريين و صغار ، اللب نتاعهم طري ماشي يابس ، يعني نوعية جزر جيدة ) و تغلقي عليه حتى يطيب مليييييييح .
من بعد ترحيه في ميكسور مع الماء نتاعو اللي طاب فيه ( إذا كان الماء كثير ما تستعمليهش كامل ) ، لازم ترحيه مليح.
ثم أضيفي له عصير ليمون+عصير برتقال ( كيما عصير الجزر اللي يتباع )، ممكن إضافة علبة ياغورت للعصير ، رايحة تعطي للعصير ريحة و نكهة مليحة. احتفطي بهذا العصير في الثلاجة و لا يحفظ لمدة طويلة.
* ملاحظة 1: أحيانا لما مايكونش متوفر ليمون أو برتقال نحط كيس عصير بودرة بذوق الليمون ( مثل : TANG أو AMILA ، أفضل TANG لأنه يشبه كثيرا طعم الليمون الطبيعي)
* ملاحظة 2: إذا أضفت إلى العصير ياغورت ، يجب الحفاظ على العصير دائما باردا و لا يترك خارج الثلاجة لمدة طويلة خاصة في الصيف وإلا سوف يفسد.
هذا العصير منعش جدا في الصيف خاصة في شهر رمضان.
* ملاحظة 3 : ممكن إظافة الك حسب الذوق.

3/ممكن أيضا تعملي عصير ليمون سموذي و ذلك بوضع ليمون + موز+ حليب أو ياغورت ( حسب الذوق ) + سكر، في خلاط و النتيجة رائعة أيضا.

4/ كاين وحدة حبيبتي عطاتني هذه الوصفة و لكن حتى الآن لم أجربها و هي منعشة جدا في الصيف :
تحطي 1 أو 2 حبات ليمون في المجمد حتى تجمد ثم في سكرفاج ( RAPE ) ترابيها ( الحبة كاملة بالقشرة نتاعها ترابيها في السكرفاج ) و هي مثلجة و تزيدي عليها سكر و ماء و بالصحة

[امونة الشاوية]

مشكورين حبيبتي ان شاء نجرب واحدة من الوصفات و نردلكم