ارائكم تهمني

[مشكلتي]

السلام عليكم و رحمة الله تعالى و بركاته

اردت ان استشيركم في موضوع و الله راسي دار من كثرت التخمام فيه

المهم تعرفت على شاب من فترة اتفقنا على ان نفترق و اليوم الدي سيجهز فيه ياتي لي خطبتي مرة 3 سنوات و جاء لخطبتي ما صادفني انه اصبح سلفي فرحت جدا بالامر
لكن المشكلة انه يمنعني من العمل بعد ان انهيت دراستي و الله انني موافقة على دالك
لكن اخشى ان اهلي لن يوافقوا
خاصة و ان العمل شيء ضروري
لا اريد ان اقف في وجه والدي و لا اريد ان اضيع هدا الشخص

فقط اريد حلا

اعلم ان صلاة الاستخارة ستساعدني

لكن جئت الى هنا لاسمع ارائكم و تجاربك

ارجوكم

[الراجية رحمة الله]

نقلك حاجة ...كنت سابقا في مرحلة الخطوبة متمسكة جدا بضرورة العمل وتجادلت معه قبل وبعد ان تزوجت به لكن عندما شرف ابني تخليت عن العمل اتدرين لماذا من كثرة المسؤوليات
تريدينا ان تفاجئي زوجك واهلك عموما بغذاء مميز وحلويات ايضا مميزة تريدن ان يفوح رائحة النظافة من منزلك كلما دخلو ووجدوك انيقة
تريدين شعرا ناعما كله حيوية وبشرة ناعمة خالية من المشاكل
تريدين ان تعبدي الله حق عبادته وان تصلي رحمك وتزوري صاحباتك
كل هذا صعب ان كنت تعملين اساليني قد جربت ذلك عندي صديقة لي عاملة كثيرة الشكوى حتى انها شابت وهي صغيرة
هو الان *زوجي * يريدني ان اعمل وانا لا اريد حتى اصبح يقول سبحان الله مبدل الاحوال

[sali-sali]

ادا قادر يعيشك و يهنيك الخدمة نورمال اسمحي فيها المهم عندك ديبلوم نتاعك ادا احتاجيتي تلقايه

[أبوعبد الرحمن39]

الزوج أهم من العمل وخاصة أن النفقة على الزوج واجبة

[هند222]

والله يااختي العمل شي صعب جدا

تعرفي كل يوم ادعي الى الله واتضرع اليه لكي يسهلي اموري واتوقف عن العمل

المسؤولية صعبة

لذلك ارضي بحالك وخاصة ان كان سيلبي لك كل شي

[عبق الزنبق]

و عليكم السلام و رحمة الله و بركاته

ربي يكمل بيناتكم أختي إذا كان فيه الخير ليك
من كلامك فهمت أنه لا مشكلة لديك في التوقف عن العمل مادام هذا طلبه و يبدو أنك ترين فيه الرجل الصالح
و شيء إيجابي أن موقفك من طلبه محدد تبقى لك أن تقومي بأصعب مهمة و هي إقناع الأهل في حال الرفض الذي يبدو من كلامك أقرب من القبول

أختي من رأيي أنه إن كان قادرا خلوقا متدينا يخاف الله فيك فلابأس بهذا لأن العمل من مسؤولية الرجل لا المرأة و هذا سيخلق لك الوقت أكثر للاهتمام ببيتك

فليتقدم إذا لأهلك و حينها ستعرفين النتيجة لا محال فإن كان خيرا لك ووافق الأهل فهنيئا لكما
و إن وقف أهلك ضد هذا الشرط فحاولي أنت إقناعهم بالكلمة الطيبة و بالهدوء
هكذا تكونين قد فعلت ما عليك

و تأكدي انه إن كان لك فلن يقف عائق في وجهكما و إن لم يكن نصيبك فلن تجتمعا مهما فعلتما
فامض في طريقك و أخبري عائلتك و ربي يوفقكم لما فيه خير

تحياتي

[عميروش الحر]

لا افهم دخل والدك في عملك اذا كان الشاب متخلق و صاحب دين واذا كنت انت موافقة على ان لا تعملي ...
الا اذا كنتي تعيلين عائلتك

[Earner]

فكري ممكن يكون بيمحي شخصيتك
بس في نفس الوقت ممكن يكون خايف عليكي

[الموجة الرابعة]

السلام عليكم


عليك اختي الكريمة بصلاة الاستخارة و بها ربي يهديك للصواب باذنه

[شخصية نرجسية]

ادا لم يوافقوا أهلك لا توافقي ثم هدا قدام ما توصلي ليه بدا يشرط عليك كي توصلي ليه واش يدير فيك

[loulou02]

إذا راكي مترسمة ننصحك ما تسمحيش في خدمتك :sdf:، حاولي تتفاهمي معاه غير بالعقل .

[AyOuB0587]

أنصحك بترك العمل إن كنت تحرصين على أسرة متماسكة
العمل للمرأة باب شر عظيم

[ines_dz]

انا على خلاف راي بعض البنات، ننصحك اذا راكي تشوفي فيه الزوج الصالح، اخطيك من الخدمة والخلطة ووجع الراس، البيت والزوج وتكوين اسرة اولى يا اختي، كامل قرينا يا اختي، انا درت طب وكملت الطب العام وتزوجت وريحت في الدار باختياري، واذا على انا شخصيا كي نكون مقتنعة بحاجة نقدر نقنع الكل، ونقولك حاجة باش تريحي الزواج مكتوب ربي غير حنا نعيو رواحنا، اذا ربي كاتبكم لبعض تكونو لبعضاكم رغم كل شيء، موفقة

[yasmina31]

مادام لي تقدملك رجل صالح و انتي مازال مابديتيش تخدمي غير اخطيك منها و اقبلي بيه و الله الخدمة و الدار أشبه ما تكون بمهمة مستحيلة و قاع ادا قدرتي توفقي بيناتهم تخسري صحتك
لكن داومي على الاستخارة و ان شاء الله ربي يهديك للاختيار الصائب

[allamallamallam]

انا على خلاف راي بعض البنات، ننصحك اذا راكي تشوفي فيه الزوج الصالح، اخطيك من الخدمة والخلطة ووجع الراس، البيت والزوج وتكوين اسرة اولى يا اختي، كامل قرينا يا اختي، انا درت طب وكملت الطب العام وتزوجت وريحت في الدار باختياري، واذا على انا شخصيا كي نكون مقتنعة بحاجة نقدر نقنع الكل، ونقولك حاجة باش تريحي الزواج مكتوب ربي غير حنا نعيو رواحنا، اذا ربي كاتبكم لبعض تكونو لبعضاكم رغم كل شيء، موفقة

كيف درتى طبيبه و حبستى الخدمه ؟؟؟؟؟؟؟؟؟؟؟؟؟؟

معقوله زميلتى الكريمه ؟؟؟؟؟

[lilou f lilou a]

ادا قادر يعيشك و يهنيك الخدمة نورمال اسمحي فيها المهم عندك ديبلوم نتاعك ادا احتاجيتي تلقايه

[aroua]

nassiha min 9albi ila 9alebe
habibati ine kana 3amaloki daim ya3ni matrassema anssahoki an la tatakhali 3ane manssabik wahawili i9na3aho bi el3amel
ama in konti contrat fatazawaji wa la3male 3la rabi matrayhiche loccasion a3la rohake bi tawfik wa kolech bi elmaktoub

[موح الحراشي]

امهاتنا مكانوش يخدمو و عادي و الحمد لله،المرأة في بيتها تكون في مكانها الطبيعي،عالاقل ن خطبك ليس جشع و محترم لدوره

[Blanche neige s]

كيف درتى طبيبه و حبستى الخدمه ؟؟؟؟؟؟؟؟؟؟؟؟؟؟

معقوله زميلتى الكريمه ؟؟؟؟؟

السلام عليكم اختي العزيزة اذا راكي مقتنعة و شايفة ضروفو المادية لاباس بيها اقبلي و اهلك قنعيهم بطريقة لبقة و هادئة الله يوفقك

[achdjane]

السلام عليكم
اختي ,, بصراحــة لازم انتي تفهمي نفسك و تكون عندك خطة للحياة
هذ الدنيا اقصر من ان تمنحنا كل الاشياء التي حلمنا بها في الصغر
العمل ليس بالمشكلة التي تمنعك من الزواج بصاحب الدين استري نفسك ة اهلك لن يعارضو شهما يحمي و يصون ابنتهم
اختي المشكلة انك تخدعين بالخدمة اطلبي الصحة و العافية و راحة البال هذا اكبر شيئ الواحد يتمناه
اختك اشجان تخرجت منذ سنة و بدبلوم تحلم به كل فتاة و كنت بافكارك الخاطئة ,, و كنت اظن ان العمل سيحقق لي امالي و كثير من الاخلام ,,,فابتلاني الله و اقعدني في البيت شهوراا تعلمت ان الصحو و العافية اهم شيئ في هذ الذنيا
توكلي على الله و بارك الله خطاك

[وردة زمن]

اختي الا يمكنك محاورته واخباره بموقف اهلك من العمل لربما يتنازل

[sousou hz]

صدقيني انا في الوقت الحالي مزاجي لا ييسمح ان انصحكي قد اقول كلام غير منطقي اسمحيلييييييييييييييي ياسر انشاء الله ربي يثبتك ويهنيك

[nananardjes]

ادا كانت خدمتو ستابل و هو عاقل و يقدر عليك و على مصروفك و عيدك و كلش فاقعدي فدار اشبعي راحتك خير مي الا شوفتي بلي مقصر و نتي راكي محتاجة فحبسي مي تفكري بلا ماتخليهش يحبسك قبل ما توليو زوجان صح قانونا و شرعا لخاطر تخيلي كون حبست و مبعد ماكتبش ربي عمبالي راكي متعلقة بيه مي خممي معايا و راح وش ماتقدريش meme pas تعاودي ترجعي تخدمي و زيدي صلي و ربي يعونك ان شاء الله

[برايجية 34]

السلام عليكم حنا شعب تخدمي ما يعجبك الحال لا انت لا الناس متخدميش كيف كيف يعني هكذا تشكي وهكذا تشكي انا عن نفسي وهذا رأيي الخاص وعلاش قريتي وعلاش قراوك والديك تمرمدنا في الجامعة نسهرو ظروف غير ملائمة وفي الاخير يجي واحد يقولي متخدميش نخدم على الاقل نرجعلهم جزء من خيرهم ما شي واحد نمدلو يدي واذا عطالي الدراهم ينفخ روحو عليا اذا كان مقتدر وظروفو ملائمة يقدر يعيشك فانت حرة ولكن اذا كان انسان عادي فبالنسبة لي اعمل على خاطر واش يكفي مع الحياة اللي عايشينها كلش نحلصو عليه انا نتفكر نصيحة وحدة استاذة وزوجها استاذ قاتلي الخدمة سلاح في يد المرأة اختي ثاني طبيبة وقالها زوجها نوفرلك الظروف لكن لما اتزوجت وصارت في بيتو 10 دج ما يعطيهالهاش هذي الصراحة ونعطيلها انا اللي نخدم عقود ما قبل التشغيل الناس منعرف كيفاش يفكرو اذا كان واحد يحوس على وحدة فيطلب الهنا وراحت البال وصح حاجة ما تخصو كي يكونو متفاهمين ميهمش اذا خدمت زوجتو او لا مادام راهي صاينة نفسها فعلاه هذا التفكير فكري اختي مليح واتناقشي معاه والحب خليه في جهة وكاين ربي فوضي امرك اليه وصلي صلاة الاستخارة