كرهت من حياتي لكن الحمد لله

[مشكلتي]

السلام عليكم ورحمة الله وبركاته والصلاة والسلام على سيدنا محمد وعلى اله وصحبه اجمعين

اول شيء شكرا لكل من راح يقرا مشكلتي ويحاول يعاوني وربي يبارك فيه ويسترو


عمري 24 سنة من كنت صغيرة كنت محقورة من صحاباتي الاستاذة كامل


السبب هو اني كنت نحشم وعاقلة وجامي خممت نبدل هد الشي فيا لانو كنت متاكدة بلي راح يعوضني ربي على كل لحظة عانيت فيها من الاحتقار .


وصح عوضني ربي بشخص ماشاء الله وقف معايا ومتخلاش عليا حتى في اصعب المواقف ونيتو دك يتقدم يخطبلي ان شاء الله


المشكلة ان هو من ولاية اخرى ودارنا ديما نحكي عليهم بالخير وهداك هو الصح خاصة الوالدة

بصح المشكل في الوالد سمعتو بالارض وايضا دخل للحبس وخرج وحتى عملو حرام


انا ولا مرة قلتو على الوالد بلي سمعتو مش مليحة او دخل للحبس خبيت الحوايج هدو لانو مهما كان يقعد بابا


المشكلة هو كي جاي يخطبني يعني راح يحكي مع الوالد وممكن يسقسي عليه ويعرف ماضيه

وانا خايفة من ردة فعلو


خايفة يفهم بلي كذبت عليه او شيء اخر


والله يا ناس الامر هدا متعبني ساعات نخمم اني نلغي كلش ولا يصرالي موقف مثل هذا لانها حشومة يعرف بابا على حقيقتو


قولولي كيفاش ندير؟


وكون يقولي علاه مكانش عندي علم على بوك ؟ شا نقول ؟ شا ندير؟

انا خايفة كانخسر الانسان هدا وراح تكون ليا صدمة كيعاد هد الانسان الوحيد في حياتي ويعلم الله اني الحمد لله متحجبة ومتدينة وعاقلة بصح واش ذبني كي بابا مش مليح ؟ واش ذبني ؟

ادعيولي ربي يسهل في كلش ويفرج علينا

[* الحلم سكر *]

يـا اخـتـي أنـا مـن رأيـي يــسـمـع مـن عـندك خـير مـن الـناس . . .
عــمـلي على ربـي و صـارحـيه و فــسريـلو واش حــكيـتي هـنا لـي راكـي ماعـندكـش ذنـب ..
و خـليـلو هـو الاخـتـيار مـن بـعد هـذا قـرارو . . حـتى اذا لامـك و الا زعـف على خاطـر كامـنتيـش صـريحة من الأول ماعلـيش ماتـلوميـشو و فـهمـيه لي راكـي ماخـتلـفة على والـدك و هــو أكــيـد يـعرفـك
ديــري لـي عـليـك و خـليـلو قــرارو بيـدو هــو حـر هـو وقــناعاتو و ان شـاء الله اذا فيه الـخيـر يـكون مـن نـصيـبك
حـبيـتي ثـاني نـقلك داوهــم بــظروف أســوء و رضـاو و اقـتنـعو بيـهم ظـروف حـياتك ماراكــيش مــسؤولـة علـيها واحـد مابيـدو يـختار والـديه . . مـي نـرجع نقلك كـل واحـد وطـريقة تـفكـيرو ديــري لي عليك و عملي على ربي ان شاء الله ما يكون غير الخير

[loulou02]

ربي يفرحك و يكملك بالخير .

[❀عنْفُوَاפּ طُمُوحْ❀]

احسن شيء تصارحيه .

[razanou1]

ربي يفرج عليك صارحيه واذا ماشافش ربي فيه الخير يروح على روحو كاين الي يتمناك

[هبة الوهاب]

اولا ادعي ربي يكون الخير فيه ثم اخبريه انت احسن و لي متقبلك يتقبلك باهلك و ان شاء الله ما يكون غير الخير من قلبي

[فتاة الدعوة]

يا اختي حكايتك اثرت بيها بزاف واش نقولك ربي يفرج عليك وعليك لجوء الى الله

[حلة ملاك الجنة]

و الله يا اخت انا بالنسبة الي صلي صلاة استخارة و هي تحل كل هده الامور مع انك لازم تصارحي الوالدة على الاقل و نتمنى ان الله يقدم اللي فيه كل خير

[houda_jijel]

انا من عندي صارحيه قبل ما يجي و كوني واثقة من نفسك وباباك ربي يهديه ان شاء الله و يصلح رايو.

[موج و صخر]

شوفي اختي ما فيها لا هدرة لا جواب
الحاجة الوحيدة الي تنعمل هي : انك تكلميه انت بكل صراحة
يسمع من فمك انت احسن من لو يسمعها من غيرك ، تجيه صدمة قوية
مهدي للموضوع ثم خبريه.

[sousou maya]

يسمع منك خير صارحيه
وانشاء الله متكونش هذه سبة تفرق بيناتكم فالاخير رح يتزوج بيك انتيا مش بباباك ربي يجيبلك لي فيه الخير وكما قالت الاخت عليكي بصلاة الاستخارة

[wafaa26]

رغم انو معظم اجابات الاعضاء كانت انك تصارحيه الا انو انا رايي ما تقوليلو والو لانو هو راح يخطبك انتي ماشي باباك و ما عندو حتي مصلحة في باباك علابالي بلي يحوس على الطفلة وين تربات و شكون رباها بصح باش تفضحي باباك قدام نسيبو ماشي حل بالاك ربي ناوي يسترو قدامو لمهم حتى و لو اسمع و قالك علاش ما قلتيليش قوليلو هذا بابا لوكان قاع الناس تشوفو ماشي مليح انا نعتز بيه مهما كان هو لي رباك و هو اللي كبرك وانتي ما كذبتيش انتي تسترتي على باباك و ما نظنش راح يخليك علاجالو سورتو اذا كان يعرفك مليح بلي مربية ....و في الاخير ما تدي غير اللي كتبهولك ربي سبحانه خلي الامور تسير طبيعي و ان شاء الله يكون من نصيبك

[samar89]

ربي يفر ج عليك اختي...

[لقرع بوكريشة]

السلام عليكم ورحمة الله وبركاته والصلاة والسلام على سيدنا محمد وعلى اله وصحبه اجمعين

اول شيء شكرا لكل من راح يقرا مشكلتي ويحاول يعاوني وربي يبارك فيه ويسترو


عمري 24 سنة من كنت صغيرة كنت محقورة من صحاباتي الاستاذة كامل


السبب هو اني كنت نحشم وعاقلة وجامي خممت نبدل هد الشي فيا لانو كنت متاكدة بلي راح يعوضني ربي على كل لحظة عانيت فيها من الاحتقار .


وصح عوضني ربي بشخص ماشاء الله وقف معايا ومتخلاش عليا حتى في اصعب المواقف ونيتو دك يتقدم يخطبلي ان شاء الله


المشكلة ان هو من ولاية اخرى ودارنا ديما نحكي عليهم بالخير وهداك هو الصح خاصة الوالدة

بصح المشكل في الوالد سمعتو بالارض وايضا دخل للحبس وخرج وحتى عملو حرام


انا ولا مرة قلتو على الوالد بلي سمعتو مش مليحة او دخل للحبس خبيت الحوايج هدو لانو مهما كان يقعد بابا


المشكلة هو كي جاي يخطبني يعني راح يحكي مع الوالد وممكن يسقسي عليه ويعرف ماضيه

وانا خايفة من ردة فعلو


خايفة يفهم بلي كذبت عليه او شيء اخر


والله يا ناس الامر هدا متعبني ساعات نخمم اني نلغي كلش ولا يصرالي موقف مثل هذا لانها حشومة يعرف بابا على حقيقتو


قولولي كيفاش ندير؟


وكون يقولي علاه مكانش عندي علم على بوك ؟ شا نقول ؟ شا ندير؟

انا خايفة كانخسر الانسان هدا وراح تكون ليا صدمة كيعاد هد الانسان الوحيد في حياتي ويعلم الله اني الحمد لله متحجبة ومتدينة وعاقلة بصح واش ذبني كي بابا مش مليح ؟ واش ذبني ؟

ادعيولي ربي يسهل في كلش ويفرج علينا

الاخت الفاظلة ...انت في نعمة من الله مثل ما وصفت شخصيتك....فالحشمة والحياء والوقار...قل ما يتصف بهم انسان....ويجب ان تحمدي ربك على ذالك...واصدقك القول انت الان ليست لديك اية مشكلة الا اذا اصريت انت على ذالك...فبالنسبة لابيك اطال الله في عمره...واصلح الله حاله واحواله...ورزقه من حلاله...فمهما يكن فهو ابوك ولا يخلو اب من عيوب...فهذا هو ابن آدم...فما من ادمي الا وتعرض لهزات ما كانت لتحيد عنه ...فهذا ابتلاه الله بالسجن و هذا بالفقروالعوز .وهذا اصابه الله بمرض ..و.ذاك ابتلاه بالمحرمات ....وووو فهاته ايتها الاخت الحياة الدنيا...فالجميع معرض لمحنها الى ان يأتيه اليقين ...فكلنا خطاء وخير الخطائين التوابون .
اما بالنسبة لخطيبك...فليس عيب ان تسرين له بسيرة ابيك بصدق وبصراحة لانه ما بنيت بيوت على غش وكذب وان قمت بذالك..فما اخر ذالك ولا قدم في ما كتبه الله لك...بل انه ان كان خطيبك ذا حلم وعلم وسعة صدر واتزان ودين وعقل ومنطق..ما اثر فيه بشيئ بل بالعكس يزداد يقينا وتبصرا وبالتالي اصرارا وتمسكا...لانه لا تزر وازرة وزر اخرى وما ربك بظلام للعبيد...اما ان تلكع وتراجع فلا حاجة لك به فمن يبحث عن خلو العيوب فوجهته من الاحسن عالم اخر لا عالم البشر.....وفي الاخير اصلح الله حالك وحال ابيك ووفقك الله الى ما يحبه ويرضاه.....امين

[المتيقنة بالله سارة]

السلام عليكم أختي الكريمة....اتجهي للصراحة لانها الحل الامثل واذا كان راجل تع صح ومتفهم يقدر يكمل ويخطبك...لانو ربي عز وجل في معني قال يخرج الحي من الميت....يعني انتي انسانة فاضلة ومتخلقة ولم يؤثر فيكي ابنت من أنت.................وهو يرى [أم عينه حسن أخلاقك وانه لا ذنب لك في سيرة أبيك....نسأل الله له الهداية والرزق الحلال...........ربي يفرج عليك ويسخرلك الامور يا رب

[lilou f lilou a]

ربي يسهل في كلش ويفرج

[جمال الدين الأفغاني]

السلام عليكم

أنسب حل لك بعد صلاة ركعتين في جوف الليل تدعين فيها الله عز وجل أن يفرج همك

وييسر أمرك واوصيك أن تقولي في دعائك كما قال موسى عليه السلام

وأحلل عقدة من لساني ليفقهوا قولي ففي هذا الدعاء حكمة كبيرة

فإن شاء الله بعد ذلك يشرح الله صدرك لمصارحته وقول الحقيقة

ولا يجب على المسلم أو المسلمة أن يبدأ حياته مع نصفه الأخر بالكذب

وإخفاء الحقائق هذا باب يستغله الشيطان لوقع الفرقة والعداوة بين المسلمين

خاصة الشباب المقبلين على الزواج وياما انغكت علاقات كانت بنية الزواج بسبب

هكذا هفوات كان حلها بسيطا وفي متناول اليد لذلك أختي الحل بين يديك

افعلي كما نصحك الاخوة والاخوات من صلاة الاستخارة والدعاء وتوكلي على الله

واتصلي به واخبريه صدقيني مهما كانت ردة فعله فلن تكون الا خيرا لكي

مادمت توكلت على الله وجعلت الأمر بين يديه فنحن نستعين بالمخلوقين ويقضون حوائجنا

فما بالك برب السموات والأرض اتكلي على الله وافعلي كما قلنا لك وربي يجمع

بيناتكم في الحلال اللهم آمين

[LAMIA TEFFAL]

مرحبا احتي
انا رأي من رأي الاخوات لي قالولك صارحيه لان اي شيئ بيدا بصراحة راه يكون واضح ومافيش الخبلات والمشاكل
فعلا هو راح يخطبك انت مشي اهلك ولكن حبيبة مسالة الزواج في مجتمعنا تختلف وهدي هي عاداتنا
_ يعني فرضي ما صرحتيش وجاب اهله وجا يخطبوك وراح يسال عليك ولقاوه ناس الخير الي مايبغوش يدسو شا عندهم ويزيدو من عندهم الي ماعندهمس خدمة غير يحرمو
_يا ترى كيفاش راه يكون موقف الشاب من اهله ومنك انت لي خبيتي عليه الحقيقة وتاني حاجة ممكن اهله في لحظة غضب يحلف انو ما ينسبش الانسان سيرتها في الارص واسفة على كلامي لان مهما يكن يبقى والدك
لان في اول وفي الاخر راح يعرف ويعرف منك خير من يعرف من ناس تانية والا كان كاتبه ربي اي حاجة ما تقلعهلك ونطلب من الله الهداية لوالد ك

[كلمات مبعثرة]

شوفي كاين ناس قتلت وواحد ما سمع بيهم ربي امرنا بالستر على المسلمين ...وهو راح يتزوج بيك نتي ماشي باباك باباك ربي يهديه ونتي ربي يوفقك في حياتك ادا حبيتي تصارحيه قوليلو بطريقة مباشرة راكي مقلقة على باباك لانه ماشي ملتزم وخلاص

[sali-sali]

احكيله انت قبل مايسمع من عند الناس
وهو ادا يحبك صح راح يكمل معاك لانو الصح كامل فيك انتي وراح يتزوك انتي

ولكن اعرفي الطريقة لي تبداي بيها الموضوع....احكيله مش تشكيلو و مهما كان ابوك قوليله يبقى بابا ............