اخر زمن

[مشكلتي]

السلام عليكم انا مشكلتي مع زوجي لم يدم زواجنا 8اشهر انا استادة وزجي محاسب في البنك يعني الراتب نتاعو يفوق 6ملاين خممنا مع بعض في مشروع وهو شراء منزل الراتب نتاعو شرى بيه المنزل والراتب نتاعي استغليناه في امور المنزل لكن زوجي لحد الان لم يتخلص من الديون التي عليه انا بديت نتقلق من الحالة هدي لانني لم اجد اي مبادرة من عند زوجي يعني شهريتو مقيستهاش خلاص من نهار لي تزوجنا وليت نحس بلي زوجي مادي بزاف وتقلقت وقتلو متزيدش تدي من الراتب نتاعي لانني كرهت معدتش نحس في روحي متزوجة براجل وليت نشوف في روحي انا الراجل لانه استغلني بزاف وهد السبب احدث مشكلة بيننا وشتمني وعيط عليا وقالي انت انانية وعرفتك اخيرا بيلي مادية يعني وليت انا المادية واش رايكم في هدا المشكلة وشكون الغالط انا ولا هو

[مراد12345]

مادام مكانش الأولد ليكيدي عليك

[soheib+206]

واحد فيكم ماراه غالط ... المشكل راهو في

الوقت هادا هو الغلط باسكو واحد ماراهو قانع

بواش عندو .... تلقايه طبيب فاتح عيادة يدخل في

الشهر الملايين و مامتو فاتح حانوت و يتاجر

القناعة مكانش يا ختي هنا المشكل

[samar89]

لم يدم زواجنا 8اشهر......يعني خلااااااص طلاااااااق؟؟؟؟؟ اختي حاولي تحكي معاه بصريح العبارة.....قوليلو وجهة النظر تاعك اكيد رح يسمعك تناقشو مليح وفهمي منو ...هادو المشاكل راهم كاينين الدنيا تبدلت والظروف تبدلت والعقلية تبدلت..حاولو تحلو المشكل بيناتكم وبهدوء لا داعي لتكبير الامور..واجهو بعضاكم ...والله مكانش كيما الصراحة ....

[sali-sali]

انتي الغالطة و هو تاني
للانك انتي من نهار لول عودتيه انو ياخد من راتبك او يخليك تصرفي على الدار بلا ما تتناقشو
يا اختي ماتكبروش المشاكل وحاولي تفاهمي معاه هكدا احسن

[houda_jijel]

سلام اختي علاه الدراهم تاعو راه يضيع فيهم في الباطل باه ماكملش الدين تاعو؟لاكان الله غالب اعتبري روحك راكي تعاوني فيه هذا مكان و لا اعتبريهم سلف برك.و زيد الحل بيدك انت تفاهمي معاه راح يزعف و يولي نورمال

[منهاج]

السلام عليكم

بالعفل وتفاهمو الطلاق ما راه ساهل لا ليك ولا ليه حاولي تمشي حياتكم بالسياسة

[ITOILE02]

االمشكل بينكم هو نقص الثقة.الزواج هو إشتراك في السراء و الضراء وزوجك الآن في محنة الديون
فيجب أن تقفي إلى جانبه وأن تساعديه.كيف يهنأ لك بال وزوجك غارق في الديون من أجل ضمان بيت لك و لأولادك.إكسبي ثقته من جديد وكوني له السند الذي يتكئ عليه وصفي نيتك.

[nibrasse76]

وهل كنت تتوقعين غير ذلك ؟؟ لماذا يتزوج الرجل من العاملة ان لم يستفد من دخلها ؟ وبارك الله فيه فوق منها .لانها مقصرة في واججباتها الاسرية ...

[princess_jiji]

اذا دامت علاقتك مع زوجك وكان الحب يجمعكما والثقة متبادلة بينكما فالحل هو ان ياخذ قسطا من راتبه وراتبك لشراء البيت وتبقى نفقته عليك من الجزء المتبقي من راتبه ولكي الحرية فما تبقى من راتبكي وفقكما الله لما فيه الخير والصلاح لكما

[عبدالقادر222]

سامحيني اختي على واش راح نقولك

ولكنك مع مساعدتك له الا انك تميلين بعض الشيء الى الماديات (وارجو ان اكون قد اخطأت في تقديري)

لاتحكمي عليه الا بعد ان يتخلص من ديونه لانه بعدها سوف يظهر على حقيقته

بهاد الصورة يبقى يشوف فيك انك عديمة الاحساس لان الدين ليس بالامر الهين اختي

وانا متاكد بانه مجرد مشكل عابر ادا تنازل كل طرف عن بعض حقوقه

ربي يفرحكم ويدوم العشرة والالفة بينكما

[kamel76]

الزوج هو المسؤول عن الإنفاق على الأسرة و ليس الزوجة لكن يمكن لهذه الأخيرة المساعدة إذا أعسر زوجها أو إذا أرادت ذلك مزية من عندها ، خاصة إذا كان لديكما أولاد فتنفقي عليهم ، طبعا إذا أردت . هذا هو الشرع و المنطق . أما في حالتكما هذه فيعتبر زوجك معسرا أي أن عليه ديون و يبدو أنها كبيرة يجب عليه الوفاء بها و من الأحسن مساعدتك له في ذلك لأن أجرته اشترى بها منزلا ليس له وحده و إنما للأسرة كلها فساعديه على ذلك حتى تنقضي الديون و بعدها يمكنك منعه من أموالك .
أسأل الله تعالى أن يصلح بينكما

[مريم الصابرة]

السلام عليكم اختي
إنت الغالطة ولفتيه يا اختي من المفروض هو الرالج ويصرف على الدار هو شرا الدار وإنت عاونتيه خلاص من المفروض يقدر ذلك وهو بنفسو ما يديش منك مصروف الدار الآن غلطاتك الثانية لما عايرتيه يا اختي شاف وحس إنو يهمك المال اكثر من حياتكم الآن الحوار احسن حل فالعلاقة الزوجية تكلمي معاه وأحكو وفهميه إنو مسؤولية الدار من مهامو حاصة هو يخلص مليح يعني ما راهش محتاج
المهم اختي ما توصليش امور مادية تفرق بينك وبين زوجك هذي كلها تفاهات اما إذا لاحظتيه مادي صح هناك تصرف آخر موفقة

[Hamza touazi05521763]

لاحول ولاقوة الا بالله ختي حاولو تتفاهمو الطلاق ابغظ شيئ عند ربي خلاص عاونتيه دوك عودي خبي دراهمك في حساب بنكي لانو هو الراجل معليش وحاجة مليحة كي عاونتيه شيئرائع لكن عليكما بطاعة الله والصلاة لانو باغين عليكم مكمش حاسبين للاخرة جايبينها غير دنيا وحطات ولبسات صلو ادعو ربي كترو من الطاعات

[sousou maya]

مادام مكانش الأولد ليكيدي عليك
اسمحلي على التدخل مي الزواج ماراهوش لعبة ولا راني غالطة؟؟

[sousou maya]

التفاهم هو الحل يا أختي خاصة إذا كان الحب يجمعكما فهو نقطة الضعف انت أدرى بهذا الشيء مني

[علي بابا واللصوص]

أختي الكريمة أنت ذكرت في أول الموضوع أنكم أتفقتو هو يشري منزل براتبه وأنت تقضي أمور المنزل براتبك
يعني لماذا بدلت رأيك ؟ 8 أشهر ليست بالمدة الطويلة
إذا كانت معاملتك الزوجية معك عادية وطبيعية وكان يحبك ويحترمك فبغض النظر عن الأموال المهم العيشة الكريمة والتفاهم بين الطرفين
المال وسخ الدنيا ما يدوم , العلاقة هي اللي تدوم
دراهمك راكي تصرفيهم في أمور مفيدة ممكن في الكهرباء والماء والأكل واللباس وليس في أمور تافهة
وأصلا كل من يتزوج إمرأة عاملة فذلك من أجل أن تتقاسم معه المسؤولية الأسرية واضح

قدري ظروفه وأصبري عليه
ولا تظني أن الزواج مثل المسلسلات التركية
الطلاق راه صعيب بزاف وأبغض الحلال عند الله

[سجل أنا جزائري]

أختي المشكل راه في عمل زوجك

قولتي راه يخدم في البنك ؟ هل تعلمين أن بنوك تتعامل بالربا الا اذا كان يعمل في بنك اسلامي

ما تستهزيش في أمر هذا لأانو ربا من كبائر و زيد راح يأثر في حياتكم لأنو مال الحرام كامل فيهش البركة و دليل شوفي كيفاه راكم عايشيت تخدمو في زوج و مش لاحقين ؟؟

اذا كان صح يخدم في بنك ربوي قوليلو يبدل الخدمة حتى و يكون أجر شهري أقل فسوف تلاحظين فرق

[الدر المكنون]

السلام عليكم ورحمة الله وبركاته
اولا الاخ اللي قالك ليكيدي اتق الله في نفسك هذا تخبيب راح تتحاسب عليه ابغص الحلال عند الله الطلاق

حنا نقولولك المشكل بدا منك لانك ولفتيه وتقريبا كامل النساء المزوجات والخدمات يعانيو من هذا المشكل ربي ما قالش وقرن في بيوتكن هكذا برك الا لحكمة وهاذوا كامل تبعات الخدمة تولي المراة الة ولا روبو ماهي لاح
قة على الدار لا على الراجل ولا على الاولاد
اتفاهمو غير بالشوي الاخت وقتنا صعيب والظروف المعيشية اصعب كي قدر يدير السكن اعرفي بلي راهو غارق في الديون ما تزيديش عليه في نفس الوقت حاولي كيفاش تقسمي راتبك منو تعاونيه باش يسلك الديون ومنها تعمري دارك وتزيدي الحوايج اللي خصوك وتدخري مبلغ لوقت الشدة راهم يقولو الصحة عدوة مولاها

ربي يفرج عليك ويهنيك مع راجلك

[lilou f lilou a]

أختي معظم الرحال يريدو الزواج من العاملات من أحل الرواتب
حذاري أختي

[أبوعبد الرحمن39]

الله يجيب الخير