نحتاج مساعدة بسرعة [الأرشيف] - منتديات الجلفة لكل الجزائريين و العرب

إلهام07

2013-01-09, 14:17

السلام عليكم،
راني طلبت من لجزار نتاعي يوجدلي غدا إن شاء الله 2 كغ أجنحة دجاج ( لا خاطر أنا نحبهم بزاف :D).
و شفت عدة برامج على قناة فتافيت داروا فيهم وصفات نتاع أجنحة دجاج مجمرة مع مجوعة من التوابل و تقدم مع بطاطا مقلية و كانت تشهي:19:.
اللي عندها أفكار جديدة تعاوني ، راني حابة نديرهم في الويكاند.:sdf:
راني بانتظاركم يا حراير الجلفة وكلي ثقة في إبداعاتكم.;)

أم ماجد

2013-01-09, 15:33

تقدري اتبليهم ب ملح هريسة كصبر عصير الليمون شوية طماطم ثوم مرحى بصل مقطع دوائر موطارد
شوية زبدة وفنجان ماء وضعيهم في اكياس الشواء مع اي خضر مع بطاطا مثلا
بالتوفيق يا العمرية

أم ياسين الزهراء

2013-01-09, 16:43

انا نطيب بيهم اي حاجة مقرونة ولا بطاطا ونحيهم ونديرلهم الثوم والموطارد والتوابل والزيت ومن فوق نذري الملح ونحطهم في الفور اممممممممممممم يجو مقرمشين الكل يموت عليهم غير انا مانحبش الجناحتين ايه نسين نقلكم وطماطم حب

ريحان الجزائر

2013-01-09, 16:56

السلام عليكم و رحمة لله و بركاته نا من رأيي أنك طيبيهم في صوص بلونش ديري الثوم و ملح و فلفل أسود و شوييييييييييييية كمون و تقليهم في الزيت و تمرقي غيييييييييييييييييير شوية و لما يطيبو نحيهم خليهم يبردوا و أنت أرحي الخبز اليبس مع fromage gruére أسكرفجيهم بسكرفاج الرقيق و خلطيهم مع بعض و تكوني ضربتي بيضة في bole تاع شربة و تغطسي لجناحتين في البيض أمبعد في la chaplure و إلى المقلاة و قدميهم مع بطاطا مقلية و هاديك لاصوص لي طيبتي فيها لجناحتين أسقي بيها لبطاطا وعصريلها مالفوق القارص و شهية طيبة راهم يجيو مقرمشين و بنان و يحبوهم الصغار و لكبار

إلهام07

2013-01-10, 08:27

شكرا جزيلا يا حراير على الوصفات .:mh31:
والله كلها باينة تشهي :D، ما عرفتش أي وصفة تختار :confused:
ؤايحة نحاول نقسم الكمية على 2 و نجرب 2 وصفات:cool:

إلهام07

2013-01-12, 11:47

هاااااي بناااات
راني درت نهار الخميس الوصفة( درتها عشاء ) و جات تهبببببببل :19: ، شوفو واش درت :
أجنحة دجاج+بصل مقطع+ثوم (قسمت الحبة على 2 ) + ملح +فلفل أسود+قصبر+معدنوس مقطع+فلفل أحمر حار+طماطم مصبرة+هريسة+موطارد+فلفل حار مقطع رقيق+كمون+2ملاعق زيت+2ملاعق عصير ليمون + zest+ بطاطا ( قسمت الحبة على 4 طوليا )
خلطت الكل في وعاء كبير ثم حطيتهم في كيس الشواء و طهيتهم في الفرن :34: .
جات رووووووعة :19: كي عجبتهم بزاااااف قالولي عاوديها ، عاودتها نهار الجمعة ( درتها غداء ) ، كلاوها كامل مابقات حتى فتفوتة ههههههه

أم ماجد

2013-01-12, 12:36

هاااااي بناااات
راني درت نهار الخميس الوصفة( درتها عشاء ) و جات تهبببببببل :19: ، شوفو واش درت :
أجنحة دجاج+بصل مقطع+ثوم (قسمت الحبة على 2 ) + ملح +فلفل أسود+قصبر+معدنوس مقطع+فلفل أحمر حار+طماطم مصبرة+هريسة+موطارد+فلفل حار مقطع رقيق+كمون+2ملاعق زيت+2ملاعق عصير ليمون + zest+ بطاطا ( قسمت الحبة على 4 طوليا )
خلطت الكل في وعاء كبير ثم حطيتهم في كيس الشواء و طهيتهم في الفرن :34: .
جات رووووووعة :19: كي عجبتهم بزاااااف قالولي عاوديها ، عاودتها نهار الجمعة ( درتها غداء ) ، كلاوها كامل مابقات حتى فتفوتة ههههههه
ولاه نسيتينس انا يا العمرية وانا اعطيتك الفكرة

إلهام07

2013-01-12, 13:24

ولاه نسيتينس انا يا العمرية وانا اعطيتك الفكرة

اسمحيلي أم ماجد ، أصلا ردك على موضوعي أعتبره شرفا لي خاصة و أنني جديدية في قسم الطبخ .
ألف شكر و حقك محفوظ.:dj_17:
رانا نتعلموا من عندكم أنتم أصحاب الخبرة .
مانعرفش نربط صور:rolleyes: لوكان حطيتلك بطاقة اعتذار جميلة.:)
شكرا جزيلا على الفكرة

أم ماجد

2013-01-12, 19:41

عذرك مقبول المهم انك استفدت يا العمرية شهية طيبة