ندمة وحسرة

[مشكلتي]

السلام عليكم
اليوم راني حزينة لحد الموت و ندمانة لحد الموت
تعرفت على شاب من 2005 و حنا معا ليومنا هذا و حنا معا و هذ الشاب كان يسكر و انا و الله ماكنت عارفة وهو صارحني هذ الايام بلى يسكر و راه نادم وحاب يتوب واه حاب يتقدملي
لكن بحكم انو في تقاليدنا اهل العريس راح يسقسيو على الرجل يعنى راح يسقسيو عليه وراح يعرفوا بلى يسكر
انا نحبوا وبعد هذ العشرة كامل كلش يروح تحرق قلبي و عقلي من التفكير حتى وصلت لمرحلة راح نهبلرانصحوني و دلوني و يرحك والديكم

[فارس الجزائري]

السلام عليكم
خيرا إن شاء الله
نعتذرفي البداية عن تأخرنا في الموافقة على الموضوع
ثانيا من بين الأشياء التي نتمنى أن تبقى في مجتمعنا هي النظرة الثاقبة للأهل في سؤالهم وفحصهم للخاطب والتي في اكثير من الأحيان تأتي بنتائج تجعلك تحمدين الله على إختيارك
لذا أنصحك أن تدعي الأهل يسؤلون عنه فقد تظهر أمور أخرى خافية عنك لا تعرفينها في ذلك الشخص
جميل جدا أن يرتبط إثنين عن حب لكن الأجمل هو أن ترتبطا على الخلق والدين
والرسول عليه أفضل الصلاة والسلام لم يخطئ حين قال إظفر بذات الدين تربت يداك وحين قال إن جاءكم من ترضون دينه فزوجوه
وحين قال خولوا لأبنائكم وهذا دليل على ضرورة السؤال
لذا دعي الأمور تمشي وفق قنواتها التي تعارفنا عليها والباقي سيكون بتقدير من الله فلا تعلمين أين يكون الخير
بالتوفيق إشاء الله

[الدكتور سام]

من 2005 الى 2013 و انتما مع بعض يعني 8 سنوات و هدا الشخص مازال ما تقدمش ليك و مازالك متمسكة فيه.غريب
عل كل حال انا نقولك توبي الى الله و اندمي على ما فات و ان شاء الله رب يفرج عليك و على جميع المؤمنين

[التوليب الجميلة]

ربي معاك هادا ماكان و هذا هو الحب 8 سنين و ما صارحك بوالو الحقيقة تاعو ما قالهالكش نقلك حاجة لا كتبهولك ربي تديه حاجة ما تفرق بيناتكم و لا مكتبهولكش يا ربي و تزيدي 8 سنين اخرين ما حاش تديه وان شاء الله لي فيها الخير يجيبها ربي

[aroua]

اولا اختاه انصحك بالتوبة النصوح والرجوع الى المولى عز وجل
استغفري الله العديد من المرات في كل ساعة من النهار
اكثري من الصيام والصلاة وجميع اعمال الخير حتى يلين قلبك الى الله عز وجل
الدعاء الدعاء الدعاء
انصحك بالاكثار من الدعاء حبيبتى خاصة في الاوقات الخاصة والمحبدة لاستجابة الدعاء
صلي صلاة الاستخارة مرات عديدة وادعي الله بخوف وتضرع وابكي خاصة في جوف الليل
اسألي الله عن هدا الشخص اشكي اليه ابكي في سجودك واصلي على هدا الحال
فوالله العظيم ان صدقت توبتك فسيكتب لك الله لك مافيه خير لك في دينك ودنياك ثقي برب البرية
ان الله يفرح بالعبد التائب ..........
حبيبتي اعترفي بخطأك الى الله وشاوريه في امرك واساليه ان يغفر لك اولا ويرزقك مايرى فيه خير لك
فلا يغرنك حب الحرام فكم من حبيبين تزوجا ولم يدم زوجاهما العام الواحد .......
وكم من حبيبين افترقا وعاش كل واحد منهما حياة هنيئة مليئة بالسعادة و........
تاكدي انه مالك سوف تنالينه رغم ضعفك وما ليس لك لن تملكيه رغم قوتك
فتوبي الى الله توبة نصوحة وسوف ترين حقيقة الحياة مع القضاء والقدر
ماعندالله لا ينال بمعصيته
ن

[imane-2020]

الشيء لي نقدر نقولو ربي يكون معاك وخلاص وديري في بالك لا راه مكتوبك راح يكون ليك واذا ما راهش مكتوبك لوكان تديري واش تديري ما تديش وربي يكون معاك ويسمعنا عليك اخبار جيدة ماشي من حقي نقلك توبي ولا اقعدي لأنو التوبة تكون منك انتي ماشي ماشي حتان نقولك انا وربي ادرى اذا كان نيته لحلال ولالا المهم انتي استخيري الله وربي يجيبلك لي فيه الخير سوى هو ولا غيروا ربي يفرج عليك وربي يهديه هو لأنو خبا عليك شيء كيما هك وماكيش عارفة مازال عندو ما مخبي ولالا ربي يهديه وانتي ربي يفرج عليك

[rozy911]

80% من هذه العلاقات مبنية عل الوهم ...والانسان اللي ما يخافش من ربي ما راحش يخاف من العبد ...و حتى لو كان صادق معك فالمشكلة عند هادو الناس المدمنينعلى المحرمات يكونو غالبا عصبيين و لما يحتاجو للمادة المسكرة يدخلو في حالة هستيرية و ما يحسوش بنفسهم واش راهم يعملو و في هده الحالة توقعي منه انو يأذيك....اعرضي عليه يدخل لمصحة علاج المدمنين

[mostariyaya]

انه مدمن الله ايعافينا مستحيل انه يكون اسرة .................................................. ............... ... الا اذا تاب ربي يهدينا ويهديكم

[/زهرة عصفور الجنة/]

8 سنوات وهو يسكر اختي هذا مدمن يا اختي انصحكي ان تتوبي الى الله وتنسيه

[abdel02]

امحيه من راسك وتوبي لربي بالاك يبعثلك ولد فاميليا ينسيك فيه.

[yousra14]

الخمر ام الخبائث ننصحك تمحيه من راسك راااااااااااااح ادمرك بعد الزواج

[kamel76]

سبحان الله . واش من عشرة هذي ؟؟؟؟. راك مزال مدرتي والو ، العشرة راهي بعد كي يعقد عليك من تم يبدا الصح . فكري مليح قبل ما تندمي هذي راهي "صفقة" العمر يا تعيشي سعيدة يا تعيشي فلجحيم بعيد الشر . شحال من وحدة كانت تحب شاب و من بعد الزواج تبدل كلش . و تم يبدا الندم و الحسرة تاع الصح و تبدي تلعني في هذ "الحب "
إذن هذ الشاب راه سكير نصيحة أخ ليك : أخطيك أخطيك أخطيك أخطيك أخطيك أخطيك . ما نعرفوش النوايا لكن الظاهر يدل على الباطن ربما يلعبها تاب و من بعد الزواج يرجع لعادته ، و ممكن يكون تاب صح . الله أعلم . استخيري و استشيري و ادعي الله .
الله يرزقك الزوج الصالح

[سميحة.لد]

ادا قادره تتحملي حالات السكر وجدي روحك للضرب والدبزه والدماغ ..... مادام كان يلجا للخمر في وقت العزوبيه حتى ينسى الواقع والهموم .......اذاا لما يكون اسره كيفاه ...يروح يسكر ويجي يبرد قلبو فيك ...ولما يفطن ..راح يقلك اسمحيلي .......ربي يهديك ..وتقولي راح نهبل ....ياو لهبال رح يجيك لما ترتبطي بيه .......لو لجأتي لربي بصدق رح تعرفي طريقك ...وزيد تتعبي وتحزني دك احسن من بعد.....
سبحان الله 8سنين مقدرتيش تعرفي انو سكير .....يدرا واش راه مخبي من بعد.............
ادا مصره عليه ....كن مايبطلهاش صح وتتاكدي مده متديري حتى خطوه ....

[ميمي سمية]

8 سنين وماقالكش؟؟

كيفاه حتولي تثيقي فيه من اليوم

بصح لراهو ناوي يتوب خلي عايلتك سع تشوف وتسقسي وتعرف مليح لخاطر هذي الحاجة ماهيشي تاع تمسخير قادر يجي نهار وتندمي عليها

[امونة الشاوية]

يا اختي حتى لو حبيتي تتغشي 8 سنوات راحو من عمرك وهذا واين بالاك راح يخطب و زيد سكارجي و تحبي تخمي و تخافي لا يرفظوه داركم انا نقولك ان شاء الله يسمعوا و يرفضوه لانو كون فيه الخير او تقدملك من اول سنة و تاني كيما يقول راجلي الخمر تعلم كلش و يقولك الله غالب كنت سكران و ربي يوفقك

[سدرةالمنتهى]

الان فقط عرفت ان شارب الخمر حرام و الارتباط بشاب اجنبي حلال ؟؟؟؟؟؟؟؟؟؟؟؟؟؟؟؟؟؟؟؟
علاقة غير شرعية مع شاب او شارب الخمر الحكم نفسه حرام
لكن واسفاه انت حكمت على حسب هواك فقط لذا انصحك انت بالتوبة و الرجوع الى الله ليس عشيقك و لا داعي للتامل بالارتباط الشرعي به و انت اصلا قلت كنت مرتطبة به منذ 8 سنوات المعادلة متناقظة في حد ذاتها
استغرب فيمن تقيم بعلاقة غير شرعية و في الاخير تستخير الله
اتستخيره كيف عصته و لعنتها الملائكة ؟
استغفري الله و توبي و كفري عن ذنبك
لا حول و لا قوة الا بالله العظيم



الحُبُّ الحلال رزقٌ جميل يُساق إليك

فلا تُجهدي نفسك في البحث عنه

إن قلبكِ أغلى من أن تسلميه لمن لا يربطكِ بميثاق غليظ

تذكري اسم الله *الرقيب*

و اتركي ما تشتهين من أجل من تخافين و لا تغرنك الكلمات المعسولة...



فالحب الحرام كالماء المالح لا يروي بل يزيد في حدة العطش أما الحب

الحلال كالماء العذب يرويك و يُنعشكِ... بالمودة و الرحمة.

ومن ترك شيئا لله عوضه الله خيرا منه

ثقي في الله و احفظي قلبكِ و مشاعركِ لمن يستحقكِ . لمن اختاركِ

زوجة في الحلال ,لمن كتبه الله زوجا لكِ في الوقت المناسب لكِ و اجعلي شعاركِ: (ولا متخذات أخذان)

[مريم الصابرة]

السلام عليكم اختي
انا ما نفتيلك ما نقولك لا حلال ولا حرام لأنو إنت عارفة وماراكيش محتاجة نقولك المهم نقولك حاجة 8 سنين راه غير الفم يقولها والناس عندها عقلية ربي يغفر ويسامح مي الناس لالا قلوبهم كحل
انا نقولك شدي في ٍ رأيك وطلبي ربي يكون من المكتوب لأنو اكيد الناس عرفو بعلاقتك معاه ولما ما تتزوجيش بيه شكون يتزوج بيك وإنت كنت معاه 8 سنين كاملة معليناش هذي خبى عليك هذا راجع ليك كيفاه تحاسبيه
إنسان غلط وباغي يتوب نرجموه من المفروض مدولو الفرصة يتوب والله يا اخت نعرفهم كانو يشربو ويتكيفو كل السموم وتزوجو ودارو بيوت وجابو اولاد وراهم من الجامع ما يخرجوش
من راي خليه يجي للدار ويخطبك ونقولك للمرا هي اللي يحرقوها لم يسقسو عليها الراجل قليل وين يحكو عليه صدقيني ممكن يوقللهم كلام مليح علاه مكن يشرب لكنو عاقل ما تعرفيش كيفاه ربي يوفق بيناتكم

[lamine390]

انصحكي بتوبة وعدم الرجوع الى مثل هذه المعاصي أما أنا أنصحكي بالأبتعاد عنه
لأن الخمر أكثر الأشياء التي تدمر العائلة
واسئل الله عز وجل له التوبة النصوح له ولسائر المدمنيين
والزواج يكون على أساس الدين والخلق وذلك أدعوا الله أن يثبتكي على الدين بعد التوبه وأن ينوب لكي برجل ذات دين وخلق لتسعدين في الدنيا والاخره

[sadlay]

ما تنسايش كل شيء بالمكتوووووووووووووووب

[mar moura]

تاكدي يا اختي ان الزواج مقدر و مكتوب مثل الموت فلماذا تتورطين مع شخص سكير واكيد انه لا يصلي و لا يخاف الله لماذا لا تتوكلين علي الله و تتركين امر الزواج علي الله سبحانه وتعالي فالزواج يجب ان يبني علي قواعد صحيحة

[سلسبيل.]

8 سنوات كاملة لم يخبرك أنه يسكر ثم لم يتقدم لخطبتك بعد ...لاخير فيه ياختي..