توظيف معلمة في ابتدائية [الأرشيف] - منتديات الجلفة لكل الجزائريين و العرب

الدنيا

2013-01-08, 11:48

السلام عليكم
من فضلكم انا لا علاقة لي بالتعليم بحكم دبلومي ماستر علوم سياسية
و قد اتيحت لي فرصة عقد ما قبل التشغيل في هذا المنصب معلمة سن اولي
ارجو افادتي باجراات الالتحاق بالمنصب فهناك من يقول اذهبي الى الاكادمية
لكن هم بدورهم ارسلوني الى مديرية التشغيل للحصول على عقد و ذلك لان المناصب
مغلوقة و ارجو افادتي بطبيعة هذا العمل و ما هي اهم التوجيهات التي علي اتباعها؟؟؟
و شكرا لكم مقدما

rima83

2013-01-09, 09:16

normalment le directeur de l'ecole win lqiti almansib howa li yestaklef bache yjiblek poste vaco ay 3aqd mn lacademie

hayet04

2013-01-09, 12:48

راح ديري استخلاف عن طريق لانام انت لقيتي الموافقة لكن المشكل راه في العقود راهي مزال ماتفتحتش لازم حتى تتفتح و تروحي لانام يمدولك عقد تديه لي مديرية التربية في ولايتك و تدي ورقة القبول من عند المدير وين راح تستخلفي و كي يوقعوللك في المديرية تردي العقد لي لانام و يمدولك ديري ملف عندهم حاجة خفيفة و من بعد تستناي حتى ترجع الموافقة من مديرية التشغيل و حاليا ادعي ربي يعاودوا يفتحوا الادماج في القطاع الاداري و شكرا

الدنيا

2013-01-09, 16:01

راح ديري استخلاف عن طريق لانام انت لقيتي الموافقة لكن المشكل راه في العقود راهي مزال ماتفتحتش لازم حتى تتفتح و تروحي لانام يمدولك عقد تديه لي مديرية التربية في ولايتك و تدي ورقة القبول من عند المدير وين راح تستخلفي و كي يوقعوللك في المديرية تردي العقد لي لانام و يمدولك ديري ملف عندهم حاجة خفيفة و من بعد تستناي حتى ترجع الموافقة من مديرية التشغيل و حاليا ادعي ربي يعاودوا يفتحوا الادماج في القطاع الاداري و شكرا

قالولي رايحين يفتحوهم يوم الاحد المقبل
ممكن سؤال هل اذا اخذت استخلاف من لانام
من بعد كي ترجع صاحبة المنصب و نخرج انا
هل لي الحق في اخذ عقد من لانام في مؤسسة اخرى؟؟؟

hayet04

2013-01-09, 19:33

يا اختي راني سقسيت و قاتلي صحبتي مكانش استخلاف بعقد لانام الاستخلاف بين المديرية و المدير عاودي ارجعي للمديرية راهم يتمسخرو بيك والله

ملكة الكلام

2013-01-10, 12:11

[b]الله اعلم[ من الأفضل أن تسألي في مديرية التربية
/b]

sali-sali

2013-01-10, 12:17

الاستخلاف ماعنده مادخله في لانام
المسؤول هي لاكاديمي و مدير المؤسسة هو لي يعملك العقد و هو لي يرسله لاكاديمي

البوسعادية

2013-01-11, 13:57

مرحبا اختي..
كما قالوا الاخوه...جيبي الموافقه من عند المدير هاذي اول الاجراءات والاجراءات الاخرى والله معلابلالي (شوفي لاكاديمي) لكن الحاجه الي متاكده منها انه معندوا لانام حتى دخل..راهم يتمسخروا بيك برك...
وربي يوفقك ان شاء الله