مساعدة في تزيين تارت عيد ميلاد

[أم ماجد]

السلام عليكم
إبنتي حابة دير تارت اليوم. لعيد ميلادها غدا
ولكنها ماهيش حابى تزينها بLA CREME CHANTY أو كريمة الزبدة لأنها جربتهم من قبل بزاف
وحابى يكون التزيين تاعها من فوق يابس كيما لتارت تاع فلة فود( تارت الجزيرة )
وأنا مالقيتش طريقة توالم طلبها
ما فهمتش هل بعجينة اللوز أو الفوندون؟؟؟؟
أعطيوني الطريقة بالتفصيل بسرعة لأنها تنتظر رايحة ديرها اليوم :sdf::sdf::sdf::sdf::sdf::sdf::sdf::sdf::sdf::sdf: :confused::confused::confused::mad::mad:

[noha_ali31]

ضعي فوق الكيكة طبقة من الميرانغ واعيدها في الفرن باه تحمار من الفوق فقط وعند اخراجها نزينها بالشكلاطة السوداء

[أم ماجد]

ضعي فوق الكيكة طبقة من الميرانغ واعيدها في الفرن باه تحمار من الفوق فقط وعند اخراجها نزينها بالشكلاطة السوداء
شكرا جزيلا لك أختي
ولكن هدي درنها بزاف من قبل تاع الميرانغ تحوس طبقة يابسة تشبة عجينة اللوز أو فوندون

[BACHIRA2]

السلام عليكم اختي ام ماجد انا استعمل عجينة اللوز او عجينة التزيين راها تتباع بات ديكوراسيو و الونهم بملون و اضعهم فوق التارت بعد ما اطليها كامل بكريمة الزبدة و يبقى التزيين كل واحد و ذوقه و عيد ميلاد سعيد لابنتك اطال الله في عمرها و اسفة على تاخر الرد هذا وين دخلت تحياتي

[أم ماجد]

السلام عليكم اختي ام ماجد انا استعمل عجينة اللوز او عجينة التزيين راها تتباع بات ديكوراسيو و الونهم بملون و اضعهم فوق التارت بعد ما اطليها كامل بكريمة الزبدة و يبقى التزيين كل واحد و ذوقه و عيد ميلاد سعيد لابنتك اطال الله في عمرها و اسفة على تاخر الرد هذا وين دخلت تحياتي
اشكرك بشيرة كثيرا اعطني الصورة اذا عندك
انا عندي في المنزل عجينة اللوز عادية هل هي ما تقصدين
هل علبة واحدة تكفي وماذا اضيف لها ؟

[BACHIRA2]

و الله اسفة اختي ام ماجد لا توجد لدي صور و لكن هناك عجينة اللوز التي تباع في علب و انا استعملها ايضا بوضع اي ملون تحبين مثلا الازرق او الوردي و هناك ايضا عجينة التزيين وتباع ايضا في علب تستعملينها ارجو ان اكون قد افدتك عزيزتي اظن ان علبة واحدة تكفي اي حسب التارت و حجمها حليها بالحلال و ضعيها فوق التارت بعد طليها كامل بكريمة الزبدة و التزيين انت و ما تريدين

[أم ماجد]

شكرا بشيرة عندي عجينة اللوز ماذا اضيف لها ؟

[زهرة حموية]

- 6 حبات بيض
- 180 غ سكر
- 180غ فرينة
- نصف ملعقة صغيرة خميرة حلوى
التحضير :
في ايناء اخلطي البيض كامل مع السكر حتى يتضاعف حجمه ثم بملعقة خشبية أضيفي الفرينة و الخميرة و اخلطي بهدوؤ ثم ضعي الخليط في مول كعك دائري الشكل ، يكون مدهون بالزبدة و مرشوش بالفرينة ، اطهيها في فرن مسخن على درجة 180 ، لمدة18 دقيقة . اخرجيها من الفرن و اتركيها تبرد .
الكريمة :
كريمة حلواني :
80 غ سكر
- 60 غ فرينة
- فانيلا
- نصف لتر حليب
- مربى الفراولة
كيفية التحضير :
--- ضعي الحليب يغلي
--- في ايناء اخلطي البيض و السكر حتى يصبح لونه ابيض ثم أضيفي الفرينة بواسطة السيار ، ثم افرغي الخليط في الحليب الساخن اخلطي جيدا ثم ضعي فوق النار مرة ثانية ، و حركي حتى يعقد الخليط . اتركيها تبرد . بعد أن تبرد أضيفي إليها كريمة شانتيي .
عجينة السكر pâte à sucre .:
- خدي حوالي 10 حبات من حلوة الماشمالو machemalou ، ضعيها في ماء ثم صيفها من الماء ، ضعيها لمدة دقيقة في الميكروواف micro-onde . و بعدها أضيفي السكر الناعم في الخليط حتى تتحصلي على عجينة تشبه عجينة الوز و لوني باللون .
الشاربات :
كاس سكر
نصف لتر ماء
ضعيهي يغلي حتى يعقد
و أضيفي اليه ملعقتان مربى الفراولة .
تحضير الكيكة :
•••قطعي القاتو الى قسمين و ذلك بتقطيع الأطراف بالسكين ثم استعملي خيط يكون بطول الكيكة و قطعي به الكيكة .
••• افرغي الشاربات على الكيكة ثم ضعي الكريمة ثم غطي بالقطعة الثانية من الكيكة و ضعي أيضاً الشاربات . على طاولة مرشوشة بالسكر الناعم ابسطي عجينة السكر ،البيضاء و غطي القاتو ، ثم كرري العملية مع العجينةالبنفسجية ( قومي وضع صورة ، أنا قمت نسخ الصورة من النت ) و قطعي ثم ضعي القليل من بياض بيض ليتماسك فوق العجينة الاولى ، و قومي بتقطيع الأشكال ، بالعجينة الباقية زينت بتشكيل نجوم

[أم ماجد]

الله يبارك يعطيك الصحة