2-الى الاخت ام رامي-البطا طا المقلية

[pharmajiji]

اريد ان استفسر عن شكل البطاطا المقلية فانا بعد ان اقليها تصبح مرخوفة بالرغم من اني اكثر الزيت في المقلاة
و ارى شكل البطاطا في المنتدى حقا رائع .اين يكمن المشكل في رايك

[الورود المنسية]

ربما في نوعية البطاطا

[زنجبيل11]

كما قالت الاخت ربما من نوعية البطاطا تعرفي راهم يضعونها في غرف التبريد لوقت طويل و هذا ينقص من نوعيتها

[نعيمة29]

الاختلاف في الانواع.

[*ام رامي*]

ربما نوعية البطاطا اختي
حتى انا ساعات تجيني مليحة وساعات مرخوفة ولاصقة في بعضها
ساعات تجي تتقرمش وساعات تشرب الزيت بزاااااف
انا ديما نجرب النوع اذا تصلح فريت نديرها اذا ما تصلحش ما نديرهاش وكاينة الحلوة ثم ثم تحمار قبل ما تطيب

[الأمنيات]

انا نضيف لها الملعقة تاع فرينة ونقليها تجي تقرمش

[nadia63]

Je vous conseille,pour avoir des frites croustillantes de:
-laver les pommes de terre coupées pour enlever l'amidon
-faire frire les pommes de terres à demie-cuisson,retirer et laisser refroidir
-avant de consommer,terminer la friture mettre sur un papier absorbant et saler en dérnier bon appétit

[راوية1]

اظن ان السر هو ان يكون الزيت سخون ولازم تكوني دايرة البطاطا في الماء كي يسخن الزيت مليح خرجيها من الماء وملحيها وارميها فورا..........

[basmala farah]

انا نوافق الاخت نادية 63 نصح قبل ما نقطعها لازم نشفها

كدلك ما نقطعهاش حتى وقت القلي والزيت يغطي كامل البطاطا

ونقلي نكميات قليلة

[ام البنتين]

اظن انو ما لازمش تملحي البطاطا في الزيت من الاحسن بعد القلي لانه الزيت لي فيه الملح مضر بالصحة و الله اعلم

[إلهام07]

أنا ننصحك بقلي البطاطا بدون ملح و بعد ماتقليها ملحيها.
حاجة أخرى ، شفت في منتدى طريقة و جربتها وجات هايلة :19::
بعد ما تقطعي البطاطا تنشفيها و من بعد ترمديها في فرينة و شوية فلفل أحمر حار و كمون تقليها ،راهي جي تتقرمش و بنينة :19:
و من الأحسن تستعملي للقليان البطاطا البيضاء

[فاتي 05]

4444444444444444

[layla11]

اختي المشكل في نوعية البطاطا كاين تاع قليان وكاين نتاع الجواز والقراتان ووووو
عانيت من نفس المشكل حتى الخضار قال لزوجي بلي كاين سبيسيال تاع القليان
وليتت نشريها واجيني مقرمشة هايلة

[جلالي بلخير]

خلي الزيت يسخن وما لزمش النار تكون ناقصة بزاف

[zoubidaas]

فهذا رمضان لي تعلمت الحمدلله .....

انا نقولك و جربيها و رجعولي بالخبر



قطعوا البطاطا حبات كبار متخافوش ... ماشي رقاق ولا صغار ... قطعوهم بشكل مليح

و المقلى تكون واسعة

كثرو الزيت ( تتغطى البطاطا)

و ديرو المقلى على نار قوية و لو كانت صغيرة ( انا نديرها في طابونة .... نار الاولى الصغيرة برك تكفي و المفلى مساحتها كبيرة)

بطاطا حركوها غير كي تحطوها فالمقلى باش تكون متناسقة و يقيسها الزيت كامل و ممبعد تبقى خطوة وحدة و هي تحطوها فالنار و تستناو + بطاطا متمسوهاش كامل حتى تبدا تطيب ... يعني عندك الحق باش تشوفوها برك .. طلو عليها اذا بدات تحمار ولا مازال + كي تحمار تلقاوها حكمت روحها كامل و ولات كشغل قرصة وحدة ( دائرة)


كي تحكم روحها و تشوفوها بدات تحمار من الجوانب تقدرو تدوروها برك ماشي تقلبوها... تولي حبات البطاطا حاكمين روحهم و متماسكين كشغل قرصة تاع كسرة ... هنا اذا جهة طابت و جهة لالا سييو دوروها برك باش تقلبو الجهات .. و حافظوا على شكلها كشغل قرصة وحدة ..... ما تكسروهاش و ترفدوا جهة و تحطوها بلاصة الاخرى لالا .... حركوها فقط على محيطها كشغل دائرة



استناوها حتى تطيب وحدها .... جربو وشوفو

انا وليت نحطها و نستناها حتى تطيب كامل .. منمسهاش غير باش نغير جهة طيبة و جهة مازال


و ربي أعلم

[سمية 61]

اضن في نوعية البطاطا

[جيهانcool]

قطريها من الماء حتى تجف

[نور الصباح]

لازم الزيت يكون سخوون والبطاطا ناشفة من الما

[pharmajiji]

merci pour toutes qui ont reagi

[mon espoir]

سلام.. قصي البطاطا

[mon espoir]

سلام..قصي البطاطا الى اصابع متساوية ضعيها في انية اضيفي الملح و الكركم (يعطيها بنة و لون رائع) في هذا الوقت حطي الزيت يسخن مليح على نار قاوية..حطي البطاطا تتقلي بلا ما تحركيها الا بعد مرور من 1/2 الى 1 دقيقة..انقصي قليلا فقط النار ودعيها تتقلى مع التقليب( وليس التحريك)من حين الى اخر..

و تمتعي باحلى بطاطا مقرمشة من برا و طرية من جوا مع لون رائع.

ملاحظة: لا تخفظي النار وانت تخرجين البطاطا حتى لا تتشرب الزيت

[mon espoir]

kheti el babat rahi anwa3 w ki tji takliha nachefiha

انا نعتمد البطاطا الحمراء في القلي و المراقي.. اما البيضاء في لا بيري و بطاطا كوشة ....كي تعود البطاطا عيانة نقصها و نغليها شوي مع الملح و الكركم ..وما عنديش الوقت باش نشفها ..نقطرها و نرميها في الزيت و نهرب :d