مشكل [الأرشيف] - منتديات الجلفة لكل الجزائريين و العرب

مشاهدة النسخة كاملة : مشكل

مشكلتي

2013-01-06, 21:30

مشكلتي انني عاطفي قبل الجامعه و في الصغر كنت مغرم ببنات العائلة بنت عماتي العمة 1 بنتها كي تجي للدار نحس بواحد الشعور راكم عارفين و من باعد تزوجت صغيرة و بنت عمتي 2 كذلك بنتها دداخلا قلبي و من باعد ابي تخاصم مع امي ماقدرتش نتزوج بها وو ماكنتش خدام وففي الجامعه و في مذكرة التخرج بالضبط كنت لوحدي لكن فتاة اقترحت علي ان تدخل معي فوافقت و بعدة مدة وقعت في حبها و خدمت المذكرة معها و بعدها حين لاحظني الناس معها اننا خطوبين و في ايام جائتني تبكي انني حرقتلها الدوسي نتاع الزواج فخطبتها لانني اصبحت دوما معها و الناس كلهم يقولون اننا اتخطبنا خطبتها و بعدها مات والدها و صرالنا مشاكل و اتفرقنا هي من قررت الفراق و احترم رايها بقيت احبها و كلما اتذكرها ليلا عيوني تدمع رغم الفراق و بعد دخولي للعمل و بسنة بالضبط و قعت بحب فتاة اخرى لكن الفتاة هي من كانت تبادلني النظرات و اوقعتني بشراكها و اصبحت مغرم بها و حين قررت خطبتها رفضتني و لست اعلم السبب لحد الان رغم هي من بدات تجذبني و حين عاودت لها الكلام انني اريدها زوجة اكدت حديثها و علمت انها كانت تحب اخر ايام الجامعه و لازالت تنتظره فلم اكرهها و بقيت احبها لانني كل يوم اراها بالعمل و لازلت احبها و بعدها وقعت في حب فتاة اخرى و حين اردت خطبتها و سألتها فوجدتها موافقة مبدئيا فرفضتها رغم انني احبها
المشكل الفتاة الثالثة لحد الان لم اعرف لماذا رفضتها و تحججت لها بحجج ؟
هل لانني احب الاخريات ام ماذا ؟ راسي سينفجر

soheib+206

2013-01-08, 13:00

يا أخي عمري ما سمعت بعشاق كيما انت هههههه

راك داخل عليها غير بالحب ...بلعقل شوية

ماتتسرعش ماشي اللي جات حبها ولا أتزوج بيها

الزواج راهو عشرة عمر

صلي صلاة استخارة يا أخي و اللي كتبها ربي

مرحبا بيها ..... حنا نشوفوها شر بصح ماتدري

بالاك هي خير من عند الرزاق ملك الملوك

و الله يوفقك أخي

ياسمين92

2013-01-08, 13:26

هدا مجرد اعجاب لانو الحب حاجة اخرى
ان شاء الله تلقى بنت لحلال اللي توالمك خويا

محمد جديدي التبسي

2013-01-08, 13:28

أظن التعبير خانك في كثير من كلامك وعلاقتك الكثيرة بالفتيات تحدث لك مشاكل كبيرة
فأنصحك بتجنب الحديث معهم إلا لحاجة أما عن سؤالك فلا تحتر كثيرا وما دوخش روحك
لا يوجد حب قبل الزواج هو مجرد إعجاب تحركه الغريزة ...
اختر فتاة ذات خلق حشامة تاع دار واخطيك من المتبرجات الطوافات في الأسواق والمحلات
وهكذا تُجنب رأسك الانفجار الموعود ربي يوفقك أخي ..

loulou02

2013-01-08, 16:36

هادي يسموها وين شفتك شبهتك ، و الخوف إذا تزوجت و بقا فيك هاذ المرض:sdf: ،ربي يهديك خويا .

lilou f lilou a

2013-01-09, 10:55

روح فيق لعمرك خيرلك

مريم الصابرة

2013-01-09, 14:11

السلام عليكم اخي
الصراحة قلبك هذا واش زين ستاد مفتوح إنت شعال من وحدة تحبها وبلخف تحب عجبتني نيتك يعني اللي تحبها تروح تخطبها هذي حاجة فيك مليحة
والىن لما وحدة راهي تلمحلك بالزواج علاه تتهرب منها واش راحلك في لخريات يا اخي دير حد للعلاقات هذو وخليك من هذي وهذي وحدة تخدم معاك ولخرى قرات معاك لالا خويا قرر تخطب رسميا
وكوني وفي لخطيبتك وسارع بالزواج وهكذا تكون مخلص لزوجتك
ربي يوفقك خويا شكرا

sali-sali

2013-01-09, 14:19

انت تغلط و تحب وحدة من الي راهم يردو في الموضوع نتاعك
انت كيما يقولو الريح لي جا يديك
ممكن تعجبك اي فتاة تعرفها و لكن ما اسموش حب الحب بعد العشرة

نصيحة مني روح ليماك تخطبلك و اتزوج خير من الحالة لي راك عايشها

ربي يهنيك

houda_jijel

2013-01-09, 14:57

حكايتك وحدها مي نضن بلي كلو اعجاب و تاني عندك فراغ عاطفي تحب تعمرو هذا مكان. الزواج لازمو تخمام تاع الصح و اختيار صائب و صلاة الاستخارة متنساهاش

helissm

2013-01-09, 14:59

اف اف اف واش هذا راك داخل عليها حبيت هذي و هذي ....هذا ما اسمو حب ما والو الحب يكون بعد عشرة طويلة .... خويا ننصحك تجنب الفتيات و اذا عينك في واحدة باينة استخر الله و ربي يوفقك

djihanegirl

2013-01-09, 15:04

انت عجيب يا ـأخي اسأل الله أن يشفيك أحس أن بك مس أو انها كما نقول بالعامية تعريضة و اسمحلي أدا ما عجبكش الرد تاعي

samar89

2013-01-09, 15:44

والله العظيم غير قتلتني بالضحك خويا......:1::1::1:
شوف وحدة تعجبك ....بالاك هذيك الاخيرة ..لكان عاجباتك ولقيت فيها المواصفات اللي راك حابها...اخطبها هكذا تتهنى وتولي تخمم غير فيها..

المتيقنة بالله سارة

2013-01-09, 23:46

ههههههههههههههههههههه عذرا اخي فقد اضحكني رد أخي صهيب..........صح كيما قالولك الاخوة مش أي وحدة عجباتك يعني تحبها.....ديري استخارة فالفتاة لي اخترتها أو أوكل الامر لامك لتختار لك الفتاة المناسبة.........لان الام أدرى بولدها وبمتطلباته

Hamza touazi05521763

2013-01-10, 12:04

ياعيني ياعيني قلبك فقندق انا حبيت مرة ومقدرتش ننساها ونحب مرة اخرة مي نتا راك وليت مول ميتي لازم تعطيني لاروسات كفاش تقدر تنسى وتحب بسرعة

غصن زيتون

2013-01-10, 12:28

خويا انت نورمالو تروح لانتاع بوليود -الافلام الهندية -راهم يسحقوق بزاف وخاصة انك اللي تجي تعجبك وتحبها وتحوس تخطبها حاب نعطيك نصيحة الحب راه من بعد العشرة

karimblida

2013-01-10, 15:33

حبهم و زيد يا خو.........ما تكرهش برك
..
..
..
ادا تزوجت و بقيت هاكدا راهو مشكل كبير
ما ترفد عينيك لحتى وحدة........كاين لي راح تقول عليك متكبر و لكن انت رح ترتاح
ربي يفرج يا خويا