بدات اجراءات طلاقي من زوجي

[خديجة 1010]

السلام عليكم ورحمة الله وبركاته
راني فكرت مليح وتشاورت مع والديا وقررت باش نطلق ونربح كرامتي زرت مكتب محامية طلبتلي بعض الاوراق ودارتلي عريضة نع الطلاق بصح راني خايفة نندم علئ هاد الخطوة وانتم راكو تعرفو قصتي مليح

[biologie2001]

يا اختي الكريمة مادامك حكيتي مع والديك و ماعارضوكش يعني راكي محقة و بربي ان شاء الله ما تندمي ماوالو هدا اللي يذلك و انت مازالك في دار والديك مافيه حتى خير....

ربي ان شاء الله يبعد عليك البلاء و يخرجك من هذي المشكلة ان شاء الله

[غزة في عيوني]

حنونة صلي صلاة الاستخارة ولي فيها الخير ربي يقدمولك و انشاء الله ما تندميش و تكوني على حق وربي يفرج عليك

[nouna-nesrin]

الله يكون في عونك اختي انا نقول صلي صلاة الاستخارة و مادام شاورتي والديك ادعي ربي هو يبين لك واش تعملي الله يبعد عليك الشر

[غصن زيتون]

*إن كنت رجلاً طلقني الآن* (http://www.aliklil.com/vb/showthread.php?p=529041)

***
هكذا تلقي الزوجة ، هذه القنبلة التي تفجر غضب الزوج . وتبدد ما تبقي في نفسه من حلم .. فيندفع ملقياً قنبلة أخرى .. في مواجهة قنبلة زوجته .. فيصرخ قائلاً : أنت طالق .

وتصحو المسكينة مذهولة مفجوعة .. وقد فاجأها زوجها بتطليقها كما طلبت ..وتندم بعد ذلك .. ولكن حيث لا ينفع الندم



عزيزتي الزوجة :

احذري هذه العبارة ، احذفيها من قاموسك ألغيها أبعديها عن لسانك اجعليها عبارة محرمة أجل اجعليها محرمة فقد نهاك عنها النبي صلى الله عليه وسلم قبل أربعة عشر قرناً حين قال : (( أيما امرأة سألت زوجها طلاقاً من غير بأس ، فحرام عليها رائحة الجنة )).

أرأيت أختي الزوجة كيف أن هذه العبارة تحرمك الجنة وتبعدك عنها ؟
ألا تستحق هذه العبارة منك الإهمال والنسيان والإبعاد ؟

وأنت عزيزي الزوج :

إذا صاحت فيك زوجتك وقالت لك : (( إن كنت رجلاً .. طلقني )) فابتسم في وجهها مهما كنت غاضباً وقل لها : بل أنني رجل .. فلن أطلقك .

أجل فالرجل القوي هو الذي يملك نفسه عند الغضب هو الذي يحلم على زوجته إذا غضبت ويصبر عليها إذا ثارت متأسياً في هذا بالنبي الكريم صلى الله عليه وسلم

وأعود إلي أختي الزوجة .. لأحدثك عن امرأة انفصلت عن زوجها منذ سبع سنوات. أخبرتني أن هناك محاولات الآن لعودتها إلى زوجها ..
وعودة زوجها إليها . سألتها عن سبب انفصالها ..

فقالت لي : أنا أنا السبب فقد ألححت في طلب الطلاق .. لكنني الآن نادمه .. ليتني لم أطلب منه الطلاق .. ولم أضيع سبع سنوات من عمري .

حين كانت هذه السيدة تتحدث إلي والعبرة تخنق صوتها تمنيت لو أن كل زوجة استمعت معي إليها لتدرك شدة الندم الذي تشعر به ..وتحس بالمرارة التي تمتزج بكلماتها .

أختي الزوجة .. احرصي على بيتك .. ولا تهدميه بيدك

[yasmina31]

ربي يعوضك ما خير منو ان شاء الله لانو ما يستاهلكش

[ardfatima]

*إن كنت رجلاً طلقني الآن* (http://www.aliklil.com/vb/showthread.php?p=529041)

***
هكذا تلقي الزوجة ، هذه القنبلة التي تفجر غضب الزوج . وتبدد ما تبقي في نفسه من حلم .. فيندفع ملقياً قنبلة أخرى .. في مواجهة قنبلة زوجته .. فيصرخ قائلاً : أنت طالق .

وتصحو المسكينة مذهولة مفجوعة .. وقد فاجأها زوجها بتطليقها كما طلبت ..وتندم بعد ذلك .. ولكن حيث لا ينفع الندم



عزيزتي الزوجة :

احذري هذه العبارة ، احذفيها من قاموسك ألغيها أبعديها عن لسانك اجعليها عبارة محرمة أجل اجعليها محرمة فقد نهاك عنها النبي صلى الله عليه وسلم قبل أربعة عشر قرناً حين قال : (( أيما امرأة سألت زوجها طلاقاً من غير بأس ، فحرام عليها رائحة الجنة )).

أرأيت أختي الزوجة كيف أن هذه العبارة تحرمك الجنة وتبعدك عنها ؟
ألا تستحق هذه العبارة منك الإهمال والنسيان والإبعاد ؟

وأنت عزيزي الزوج :

إذا صاحت فيك زوجتك وقالت لك : (( إن كنت رجلاً .. طلقني )) فابتسم في وجهها مهما كنت غاضباً وقل لها : بل أنني رجل .. فلن أطلقك .

أجل فالرجل القوي هو الذي يملك نفسه عند الغضب هو الذي يحلم على زوجته إذا غضبت ويصبر عليها إذا ثارت متأسياً في هذا بالنبي الكريم صلى الله عليه وسلم

وأعود إلي أختي الزوجة .. لأحدثك عن امرأة انفصلت عن زوجها منذ سبع سنوات. أخبرتني أن هناك محاولات الآن لعودتها إلى زوجها ..
وعودة زوجها إليها . سألتها عن سبب انفصالها ..

فقالت لي : أنا أنا السبب فقد ألححت في طلب الطلاق .. لكنني الآن نادمه .. ليتني لم أطلب منه الطلاق .. ولم أضيع سبع سنوات من عمري .

حين كانت هذه السيدة تتحدث إلي والعبرة تخنق صوتها تمنيت لو أن كل زوجة استمعت معي إليها لتدرك شدة الندم الذي تشعر به ..وتحس بالمرارة التي تمتزج بكلماتها .

أختي الزوجة .. احرصي على بيتك .. ولا تهدميه بيدك

انت عندما كتبت هذه الكلمات لم تعرف قصة هذه المراة و انت معذور يجب عليك قراءة موضوع اخر حتى تستطيع الحكم على هذه المسالة عموما سوف الخصها لك في نقاط

هذه المراة ليست متزوجة فعلا بل فقط على الورق يعني مخطوبة و من بعد عقدت لكن لم تذهب الى بيت الزوجية
زوجها الذي هو فقط على الورق غير متخلق و غير متدين و هى اكتشفت هذا مؤخرا و لايحبها ولا يحترمها و زير نساء و هي مازالت في بيت اهلها
مرة الاخيرة قال لها بدون سبب احرقي هذاك العقد لي راه عندك يعني شرعا قد وقع الطلاق و ان لم ينطق بها
اقرا الموضوع الذي كتبته سابقا يعني صاحبة هذا الموضوع
و بعدها احكم و قل لنا رايك شرعا

[خديجة 1010]

اختي هل صحيح شرعا رانا مطلقين لما قال قطعي داك العقد ياريت تردي عليا

[ardfatima]

اختي هل صحيح شرعا رانا مطلقين لما قال قطعي داك العقد ياريت تردي عليا

نعم شرعا راكم مطلقين الطلقة الاولى وسالت و تاكدت من هذا، اسالي امام المسجد نتاعكم
يمكنه ارجاعك على ذمته و تبقى طلقتان كما يقول سبحانه و تعالى" ﴿الطَّلاقُ مَرَّتَانِ فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ" يعني طلقة الاولى ثم يعيدهاالطلقة الثانية ثم يعيدها الطلقة الثالثة ثم تحرم عليه الا اذا تزوجت اخر و طلقها يمكنه الزواج بها

اختي هذا الشخص مافيهش الخير انشاء الله ربي يعطيك الي خير منه
لكن كما قال اخونا هذه الزوجة التي روى لنا قصتها عاشرت زوجها وكان لها سندا و ظهرا لكن هى من كانت ناشز ونكرت عشرته ثم ندمت على ما فرطت لانه كان صاحب خير كبير عليها وحالتك وحالتها ليس فيهما شبه
و مع كل هذا استخري الله واكملي فيما انت عليه اذا رايت ان الله يسر لك هذا فاعلمي ان لا خير فيه اما اذا رايت امورا اخرى فاعيدي النظر و الله المستعان

[مريم الصابرة]

السلام عليكم اختي
ما فهمتش علاه تندمي صراجحة ما رانيش قادرة نستوعب واشس يخلي بنت فاميليا محترمة تقبل تعيش مع راجل يذلها يعني تبعت قصتك والصراحة راكي حكيتي مع والديك وسور رايهم من راينا انا نظن هذا وين إسترجعت كرامتك وزيدي مازال يحل في فمو ويكبر في قيمتو ويقولك قطعي الكارني اختي نقولك الصح وما تزعفيش هذا شاف روحو موالف يطيح قدرك وإنت قابلة علاش راك مترددة ممكن تحبيه ومش قادرة على فراقو هنا تحملي ذلو كان ما تحبهش ووالديك قابلين واش درت وعلاه مترددة حابة نعرف ممكن تجاوبيني

[abdel02]

نعم شرعا راكم مطلقين الطلقة الاولى وسالت و تاكدت من هذا، اسالي امام المسجد نتاعكم
يمكنه ارجاعك على ذمته و تبقى طلقتان كما يقول سبحانه و تعالى" الطلاق ثلاث فامساك بمعروف او تسريح باحسان" يعني طلقة الاولى ثم يعيدهاالطلقة الثانية ثم يعيدها الطلقة الثالثة ثم تحرم عليه الا اذا تزوجت اخر و طلقها يمكنه الزواج بها

اختي هذا الشخص مافيهش الخير انشاء الله ربي يعطيك الي خير منه
لكن كما قال اخونا هذه الزوجة التي روى لنا قصتها عاشرت زوجها وكان لها سندا و ظهرا لكن هى من كانت ناشز ونكرت عشرته ثم ندمت على ما فرطت لانه كان صاحب خير كبير عليها وحالتك وحالتها ليس فيهما شبه
و مع كل هذا استخري الله واكملي فيما انت عليه اذا رايت ان الله يسر لك هذا فاعلمي ان لا خير فيه اما اذا رايت امورا اخرى فاعيدي النظر و الله المستعان
" أجرؤكم على الفتوى أجرؤكم على النار "

[مسلمة وافتخر17]

لي نقولهالك صلي صلاة استخارة
ولي فيه الخير ربي يقدمولك وربي يعوضك بما خير ان شاء الله

[mitrochka]

بسم الله الرحمن الرحيم
و الصلاة و السلا على سيدنا محمد أشرف المرسلين

أختي العزيزة
أنت في مرحلة مهمة منحياتك كل خطوة منها تحسب نتائجها اما لك أو عليك و تبعاتها ستكون على اولادك عبر الوقت و على محيطك عموما
ربما لاحظت يا أختي أن إجراءات الزواج عموما من خطبة و تعارف و عقد إلى ما في ذلك تستغرق جهدا و وقتا طويلين يصل حتى لأعوام للبعض،فاعلمي يا اختي أن الطلاق كذلك:صحيح هي كلمة هو قائلها لك و ورقة يمضيها لا تستغرق حتى ثانيتين لكن وقعها على المدى البعيد و خاصة النفسي

صدقا لما قرأت موضوعك هذا اول ما تساءلت عن السبب و خاصة لما قرأت في خصائص عضويتك

الإقامة : قلب حبيبي

لكن جوابا لك لن أناقش من المخطئ منكما لكن سأنبهك لمجموعة نقاط لعلها تحسن الوضع بإذن الله

‘‘ يتميز الرجل الجزائري بصفات بالبساطة في المشاعر و الطلاقة يعني -يا يحب يا ما يحبش- و بقدر ما يكن مشاعر عميقة للطرف الآخر بقدر ما يكبت مشاعره العميقة تلك أو يعبر عنها عادة بأساليب و طرق مختلفة صامتة-كالهدايا- و ذلك راجع للبيئة المحيطة و مفاهيم بزاف منها( عيب الراجل يبين روحو ضعيف قدام إمرأة)
بالمقابل نجده إن حدث مشكل و لو بسيط لا يستدعي حتى التنويه يعبر عن مشاعره بضراوة لا مثيل لها و تزداد قوة التعبير السلبي كلما زاد الرجل تعلقا بالطرف الآخر و هذا ما يسمى بالحب على الطريقة الجزائرية:rolleyes:
أذكر لك أختي ايضا أنه الرجل الجزائري كيما نقولو_ يتنارفا بسرعة_ و النوع هذا من أطيب أنواع البشر فغالبا ما أن تزول نوبة الغضب حتى يبادر بالصلح بأي وسيلة
أنا لا اجد لزوجك سببا للسب و لا أقول أنه من حقه أن يسبك و يشتمك كما شاء و وقتما شاء لكن أختي العزيزة يمكن لك التأثير فيه بطرق عديدة تجعله يحفف من حدة طباعه و يبدل الكثير منها فأنت أمه بعد الزواج;)

بالمعنى انتما تشتركان في الخطأ نصيحتي لك عندا يغضب اصمتي و لا تقولي شيئا ، لأنه في ثورته سيعتبر كل حرف منك استفزازا حتى و لو لم تقصدي فتفطني لهذا الامر

و عليك بالدعاء و الدعاء و الدعاء و الإستخارة في كل حين، لأن فض ميثاق الله الغليظ شيء صعب

أسأل الله العظيم رب العرش العظيم ان ينزل عليك و على زوجك السكينة من عنده و يقر عينه بك و عينك به و الله المستعان

[سدرةالمنتهى]

اختي خديجة انت اللي كفر عليك في الهاتف و حط من قيمتك........ و الله مايستاهلك و مزية ياللي مادخلش بيك المهم .........استفسرو هل تكوني امراة مطلقة بوثيقة حاملتها معاك دائما يعني كي يجي يخطبك اخر و تروحي تعقدي معاه في الكرني يسجلوك انك كنت مطلقة او ...... و الله راني خايفة تهربتي من السب و الشتم و حصل فيك اسم المطلقة في مجتمعنا و الله في اثنين يهزو كرامتك لو عاودتي حكيتي معاه ماشي خير لانو ماشي سبب باش تطلقي مجرد حالة غضب و ربي يجيب اللي فيه الخير

[ardfatima]

" أجرؤكم على الفتوى أجرؤكم على النار "

أولا هذه العبار ة تقال لمن أفتى و هو جاهل أما من أفتى و هو عالم حتى لو أخطأ فهو مأجور و لا تستعمل هذه العبارة في الرد على المخالف ثانيا أنا سألت أهل العلم و قالوا أن لفظ الكنايات و المحتملات تنصرف إلى الصرائح كما هو مقرر في أصول الفقه ثالثا طلبت من الأخت أن تسأل أهل العلم و تتأكد بنفسها رابعا أنا لم أفت بل ناقلة للفتوى أعود إلى أختنا هذه المسائل خطيرة و علي الرجوع إلى أهل الشرع قبل الذهاب إلى أهل القانون

[هدى الجيجلية]

السلام عليكم
اختي
العزيزة
أولياء امرك
هم ادرى بمصلحتك
ربي ايكون معاك
خيتي

[nibrasse76]

اعتقد ان هذا الموضوع لا يناسب قسم المجتمع ..؟؟؟ فهو مشكلة شخصية لها مكانها .

كرهنا من حكايات الفشل ..كاش قصص تشرح الصدر ...

[ام سارة 285]

يا اختي نقولك بكل صراحة تهنيتي منو لانو انسان لئيم و معندوش احساس لو كان جا راجل صح مايعايركش بليبا مقطعة بالعكس يروح يشريلك وحدة جديدة باش يستر مرتو و لو كان جا راجل ما يطيحلكش الكلام ,, المرأة تتزوج باش تدير راجلها سند تتكئ عليه و تلقاه في و قت الشدة لكن زوجك ماهوش من هذا النوع .
صدقيني الراجل يبان المعدن نتاعو من ايام الخطوبة اذا كان مليح او لا و انت الحمد لله بان باللي ماهوش الانسان اللي يستاهلك قبل ما تدخلي ليه و جيبي معاه اولاد و تحصلي .... صحيح انو يتكتبلك مطلقة قبل الدخول في شهادة الميلاد لكن هذي مهيش نهاية العالم كاين بزاف اللي كيما حالتك و ما يهمكش نظرة المجتمع هذي حياتك ماشي حياة المجتمع .
و نأكدلك مادام راهو يتصرف معاك بهذه الوقاحة ضرك بعد الزواج رايح يتمادى وممكن حتى يضربك.... نوصيك على حاجة خليه هو اللي يدير اجراءات الطلاق و ما ديريهاش انتي خليه يتحمل مسؤوليتو و ديرو طلاق بالتراضي.
و صلي و ادعي ربي يجيبلك انسان اللي يستاهلك و ماتندميش و عيشي حياتك و كيما يقول المثل etre seul mieux d'etre mal accompagné .

[zineb_saib]

ياأختي مادام مبيناتكمش ولاد وعشرة اخطيك منو من دوكا أحسن ماتندمي من بعد
حاسب الطلاق لعبة
اختاري زوجك على أساس الدين والخلق
ربي يعوضك خير ان شاء الله

[nardjesse2]

ربي يجيبليك لي فيه الخير إنشاء الله

[لاثسكثممض]

ﺍﺧﺘﻲ ﺍﻛﻤﻠﻲ ﺍﺟﺮﺍﺋﺎﺕ ﺍﻟﻂﻠﺎﻕ ﻭﻟﺎ ﺗﺘﺮﺍﺟﻌﻲ ﺍﺑﺪﺍ. ﺍﻣﺎ ﻋﻦ ﻟﻘﺐ ﻣﻂﻠﻘت ﻓﻠﺎ ﺗﺪﻋﻲ ﻫﺬﺍﺍﻟﺎﻣﺮ ﻳﺋﺜﺮ ﻋﻠﻴﻚ ﺍﻭ ﻳﻌﻴﻘﻚ ﻓﻲ مستقبلك

[dahbi01]

دعك منه هذا ليس ناضج وليس قادر على المسؤوليه وخاطيه الرجلة خطيك منو.والحمد لله مازال راك آنسة تجدين فارس أحلامك .المهم من تقدم لخطبتك أخبريه بما وقع كي لا تغلطين في حقه ........ربي يوفقك

[hiba ahmed]

السلام عليكم ورحمة الله وبركاته
راني فكرت مليح وتشاورت مع والديا وقررت باش نطلق ونربح كرامتي زرت مكتب محامية طلبتلي بعض الاوراق ودارتلي عريضة نع الطلاق بصح راني خايفة نندم علئ هاد الخطوة وانتم راكو تعرفو قصتي مليح

وش انقلك ربي يجيب اللي فيه الخير والمكتوب يلحقلك وربي يفرج عليك:dj_17:

[hiba ahmed]

اعتقد ان هذا الموضوع لا يناسب قسم المجتمع ..؟؟؟ فهو مشكلة شخصية لها مكانها .

كرهنا من حكايات الفشل ..كاش قصص تشرح الصدر ...

والله ماكين حاجة تشرح الصدر هم في هم للممااااااااات

[خديجة 1010]

اختي عاد القسم مخصص للمشاكل الاجتماعية ماشي للزهو وحاجة لي تشرح الصدر ماشي واحد قلبو مجروح وزيديلو انت بالكلام الزايد

[مريم الصابرة]

اختي عاد القسم مخصص للمشاكل الاجتماعية ماشي للزهو وحاجة لي تشرح الصدر ماشي واحد قلبو مجروح وزيديلو انت بالكلام الزايد
السلام عليكم اختي
معليش الله يهديهم كل واحد وكيفاه العافس على النار ماشي كالعافس على الما
اختي وزاش جديدك واش درت فيها ؟

[amani32]

شوفي يا أختي أنا كنت نعرف واحد مدة 10 سنين يعني عشرة عمر بصح مين تزوجنا بقينا مع بعض 8 شهور فقط
بديت نكتشف اشياء ماعمري ما عرفتها فيه أول حاجة كان يقولي لازم تاكلي حبوب منع الحمل لأننا ما زلنا صغار هو كان عنده 34 وأنا 30 ؟؟؟؟؟
كان يوكلهولي ذراع باش ما نولدش معاه ولما سألت الولدة نتاعه وشكيت ليها قالت لي اذا عجبتيه تبقاي واذا ماعجبتيهش باي باي
المهم انا ماصبرتش
الحاجة2 كنت كي نشكيله من تصرفات اخواته المتزوجات كان يقولي هاذي دار باباهم ماتدخليش فيهم للعلم كنت ساكنة في بيت العائلة
المهم ماتحملتش ورحت لدار والديا غدبانة بعد أسبوع جاني وقالي رانا رايحين نطلقوا صح كانت صدمة لأني ماتمنيتش الطلاق وماستنيتهش منه لكن الحمد لله
طلقنا بالتراضي وبعد 4شهور عاود تزوج عنده 7 سنين لكن ماولدش وقالوله الحكماء أنت عاقر يعني محال تولد
وأنا تزوجت منذ عامين فقط وعندي وليد والحمد لله
ربي رزقني برجل نعم الرجال ادب واخلاق ومنصب ووليد الله يبارك
ديري الحاجة لي تريحك لانك رايحة تعيشي حياة وحدة في هاذ الدنيا امالا عيشيها كيما تتمنيها الطلاق مايقتل ما يغضب مولانا

[مسلمة انا]

نعم شرعا راكم مطلقين الطلقة الاولى وسالت و تاكدت من هذا، اسالي امام المسجد نتاعكم
يمكنه ارجاعك على ذمته و تبقى طلقتان كما يقول سبحانه و تعالى" الطلاق ثلاث فامساك بمعروف او تسريح باحسان" يعني طلقة الاولى ثم يعيدهاالطلقة الثانية ثم يعيدها الطلقة الثالثة ثم تحرم عليه الا اذا تزوجت اخر و طلقها يمكنه الزواج بها

اختي هذا الشخص مافيهش الخير انشاء الله ربي يعطيك الي خير منه
لكن كما قال اخونا هذه الزوجة التي روى لنا قصتها عاشرت زوجها وكان لها سندا و ظهرا لكن هى من كانت ناشز ونكرت عشرته ثم ندمت على ما فرطت لانه كان صاحب خير كبير عليها وحالتك وحالتها ليس فيهما شبه
و مع كل هذا استخري الله واكملي فيما انت عليه اذا رايت ان الله يسر لك هذا فاعلمي ان لا خير فيه اما اذا رايت امورا اخرى فاعيدي النظر و الله المستعان
﴿الطَّلاقُ مَرَّتَانِ فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ(

اخواني اخواتي ارجو التاكد من الايات هذا كلام الله

بارك الله فيكم

[* الحلم سكر *]

شوفي يا أختي أنا كنت نعرف واحد مدة 10 سنين يعني عشرة عمر بصح مين تزوجنا بقينا مع بعض 8 شهور فقط
بديت نكتشف اشياء ماعمري ما عرفتها فيه أول حاجة كان يقولي لازم تاكلي حبوب منع الحمل لأننا ما زلنا صغار هو كان عنده 34 وأنا 30 ؟؟؟؟؟
كان يوكلهولي ذراع باش ما نولدش معاه ولما سألت الولدة نتاعه وشكيت ليها قالت لي اذا عجبتيه تبقاي واذا ماعجبتيهش باي باي
المهم انا ماصبرتش
الحاجة2 كنت كي نشكيله من تصرفات اخواته المتزوجات كان يقولي هاذي دار باباهم ماتدخليش فيهم للعلم كنت ساكنة في بيت العائلة
المهم ماتحملتش ورحت لدار والديا غدبانة بعد أسبوع جاني وقالي رانا رايحين نطلقوا صح كانت صدمة لأني ماتمنيتش الطلاق وماستنيتهش منه لكن الحمد لله
طلقنا بالتراضي وبعد 4شهور عاود تزوج عنده 7 سنين لكن ماولدش وقالوله الحكماء أنت عاقر يعني محال تولد
وأنا تزوجت منذ عامين فقط وعندي وليد والحمد لله
ربي رزقني برجل نعم الرجال ادب واخلاق ومنصب ووليد الله يبارك
ديري الحاجة لي تريحك لانك رايحة تعيشي حياة وحدة في هاذ الدنيا امالا عيشيها كيما تتمنيها الطلاق مايقتل ما يغضب مولانا

و اللـه أحـسـن رد لـيـها و لـيا و للـناس كـامـل خـاصـة لـبـنات لازم يــديــو عـبـرة ...
كــلام الـناس مـالازمـش يـخلي الـواحـد يـقنـط مـن رحـمة ربـي سبـحانو ...
الـدنـيا عـمرهـا ماتـحبس عـنـد واحـد و الابـتـلاء دايـما كـاين من وراهـا حـكمـة و خــيـر أفـضـل
...و للأخـت خـديـجة خـلي عـندك ثـقة فـي ربـي سبـحانو مـهما يـصرا فــوضي أمــرك للـعادل للـرحـمـن الـرحـيم راح تــرتاحـي ربي يجـيبـلك لــي فيـه الـخـير و يــرزقـك نعـمـة الـرضا و القـناعـة

[ardfatima]

﴿الطَّلاقُ مَرَّتَانِ فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ(

اخواني اخواتي ارجو التاكد من الايات هذا كلام الله

بارك الله فيكم


نعم لقد اخطات و لم انتبه استغفر الله و اتوب اليه
اشكرك اختي على تصحيح خطئي سوف اصحح الاية
من شدة وقع هذا الموضوع على نفسي اخطات و ربنا يعلم ما في القلوب سبحانه
الظلم ظلمات يوم القيامة

[لسومة 41]

اختي ربي يفرج همك ويطيحك فلي خير منو امين ان شاء الله

[منهاج]

السلام عليكم

لي فيها اخير ربي يقدمها

[أم براء]

واش بيك رايحة تهبلي
سامحيني راحي تشوكيت كي قريت العنوان
يا بنتي العني الشيطان هذي ماشي لعبة
أنا مقريتش القصة درك نقراها بصح وين راه ذكاء المرأة في المحافظة على بيتها و زوجها و أولادها إن وجدو
حذازي من هذه الخطوة و اتركو كل الجروح للوقت و إن كان لبد من خطوة كهذه الاجراءات اتركيه هو ليبادر
ةاش يزرب فيك تمهلي و صلي و ادعي الله ربي معاك

[أم براء]

سامحيني هذا وين قريت القصة تاعك
شوفي بالاك كان مقلق من حاجة و هذي هي طريقتو في المعاملة
كاين بزاف رجال قبل الزواج يبينو رواحهم ملاح و بعد الزواج تتشوكاي فيهم
نصيحتي ليك ماتحوسيش عليه
و ماتديري حتى خطوة خليلو الوقت
لكان جا و طلب السماح منكم اشبحيه مليح اي زيريه و هدديه مع وضع النقاط على الحروف بأنك مكيش ساهلة و حذاري من التساهل
و حذريه أنو لو يعاود هذ التصرف أنك ما ترحميهش
و لكان عاد صح هاب يبطل و أنا شخصيا ما نظنش الله لا يردو تلافو يجيب خلافو