كليت حاجة وبقات في خاتري [الأرشيف] - منتديات الجلفة لكل الجزائريين و العرب

souso07

2013-01-05, 18:19

خطرة روحنا عند وحدة حطتنا وحد الطمينة بصح هي مشي طمينة و مشي روينة كي سقسيتها قاتلي هدا يسموه زرير حنوناتي ربي يخليكم منين نتفكرو نولي نترعد شكون لي تعرفو تقولي كيفاش يندار ربي يحفضكم بشروني

hala7

2013-01-05, 18:29

الكليلة ترطبيها و تزيديها التمر و تعجنيها كي الرفيس و اسمه زريزري

souso07

2013-01-05, 18:40

شكرا ختي بصح هادي جي بودر ويخلطوها بالعسل

hala7

2013-01-05, 18:42

شكرا ختي بصح هادي جي بودر ويخلطوها بالعسل

لا اختي انا سعيدية و جدتي بيضية تعملها هكذا الكليلة بالسمن و التمر معجون

souso07

2013-01-05, 18:49

صحيتي يالفحلة بلاك يزيدو يفيدونا

مسعودي مفيدة

2013-01-05, 21:52

السلام عليكم اختي هدا الزرير راهو مخدوم بالزبدة مذوبة في الكاسرونة مع لعسل فوق النار وتزيدي الروينة بالشوية راهو يجي شوية خفيف حنا في الشرق نديره في النفاس في مكان الطمينة لي يديروها في الوسط و حاجة اخرى رانا نزينه بالجلجلان محمص او الكاوكاو تاكلي بالصحة و الهناء و ان شاء الله تكون هذي هيا الوصفة لتحوسي عليها

souso07

2013-01-06, 13:02

صحيتي مفيدة برك حبيت نسقسيك على الروينة هداي من واش تتكون على خاطر الذوق تاعها ماشي كيما روينة لينديروهاحنا

عائشة حسان

2013-01-06, 13:11

هده الزريرة احنا ثاني نعملوها في النفاس وتجي هااااااايلة

والروينة هي عبارة عن قمح نحمصوه وايضا جلجلان محمص وهناك من يزيد عليها بعض المكسرات حتى تكون اكثر في الفايدة تاعها
وتطحن وتكون كي الدقيق ونخلطوها بالعسل والزبدة

ونزينوها بالجلجلان وتقدم
وشهيى طيبة

souso07

2013-01-06, 13:54

ربي يحفظكم على الافادة

عاشقة الهلال

2013-01-06, 16:04

الزرير يا جماعة ماهوش طمينة و لا روينة و يجي بنين بزاف و يخدموه للعروسة كيتدخل اول مرة لدار رجلها
حنا تخدمولنا جدة لكن درك مرهيش معايا
كينتلقاها راني نجيبلك الوصفة تاعو
اوكي.

souso07

2013-01-06, 16:36

صحيتي عاشقة الهلال ديريني في بالك و سلميلي على جداتكانا عروسة نساناك ديريهولي و نشبع منو اممممم

و يبقى الامل

2013-01-06, 20:31

الزرير كيما قالولك البنات رينة + عسل و زبدة
اما الروينة فهي تتكون من قمح مقلي و مرحي + حمص مقلي ومرحي
تسخني العسيلة مع زبدة كي يذوبو تضيفيلهم الوينة و تخلطي ماتشيحيهاش بزاف خليها جرية لا تجي تفرغيها في الصحن و تزينيها بالجلجلانية تبدا تجمد
ان شاء الله نكون فدتك حنا الزير نديروه للنافس و للي تحب تزيد العدس فيه فايدة كبيرة و شهية طيبة كي نديرو ان شاء الله نزيدلك لصور و شهية طيبة

راجية غفران ربها

2013-01-06, 21:33

اولا هذه الوصفة تقدم للمرأة النافس بعد الولادة وتقدم للضيوف مثل الطمينة في بعض المناطق
المكونات

4 كيلات قمح منقي ومحمص ومرحي
2 كيلات لبلابي ( حمص صغير طري وبنين) مرحي
1/2 كيلة حمص مرحي
جوز و لوز محمصين ومرحيين
واضافة المكسرات هي خطوة اختيارية
وكاين اللي يحط العدس في مكان الحمص لانو فيه الفيتامينات والحديد التي تساعد النافسة في استرجاع صحتها وتجنب فقر الدم
الطريقة
بعدما تطحن المكونات تخلط وتغربل

في كسرونة نحط 2 مغارف زبدة + مغرف عسل ونخلط جيدا

ثم نضيف الغبرة تدريجيا ونخلط
وتقدم وتزين بالمكسرات

م/ل

الحركاتية

2013-01-06, 21:38

الزرير كيما قالولك البنات رينة + عسل و زبدة
اما الروينة فهي تتكون من قمح مقلي و مرحي + حمص مقلي ومرحي
تسخني العسيلة مع زبدة كي يذوبو تضيفيلهم الوينة و تخلطي ماتشيحيهاش بزاف خليها جرية لا تجي تفرغيها في الصحن و تزينيها بالجلجلانية تبدا تجمد
ان شاء الله نكون فدتك حنا الزير نديروه للنافس و للي تحب تزيد العدس فيه فايدة كبيرة و شهية طيبة كي نديرو ان شاء الله نزيدلك لصور و شهية طيبة

يعطيك الصحة هذا هو الزرير تاعنا هنا في الشرق

على ما أظن في الوسط يسموه البسيسة

الجواهر

2013-01-06, 21:45

عندك الحق الزرير بنيييييييييييين بزاف
تقدري تحضري الطحين في البيت او تشري علبة جاهزة تلقاي مكتوبة في العلبة " بسيسة "
جربي مقدار صغير و كي تصلحلك ديري كيما تحبي
ضعي ملعقة اكل مارغرين مملوءة في كاسرونة على نار هادئة و خليها تذوب اضيفي فنجان عسل و اخلطي ثم اضيفي بالتدريج الطحين و خليها سائل خاطر كي تخليها مدة تشرب و تجمد المارغرين كي تبرد فرغيها في صحن و تقدري تزيدي مكسرات و كلي بالهناء
ملاحظة انا ناكلها من الكاسرونة مانصبرش خلاااااص

راجية غفران ربها

2013-01-06, 21:45

اولا هذه الوصفة تقدم للمرأة النافس بعد الولادة وتقدم للضيوف مثل الطمينة في بعض المناطق
المكونات

4 كيلات قمح منقي ومحمص ومرحي
2 كيلات لبلابي ( حمص صغير طري وبنين) مرحي
1/2 كيلة حمص مرحي
جوز و لوز محمصين ومرحيين
واضافة المكسرات هي خطوة اختيارية
وكاين اللي يحط العدس في مكان الحمص لانو فيه الفيتامينات والحديد التي تساعد النافسة في استرجاع صحتها وتجنب فقر الدم
الطريقة
بعدما تطحن المكونات تخلط وتغربل

في كسرونة نحط 2 مغارف زبدة + مغرف عسل ونخلط جيدا

ثم نضيف الغبرة تدريجيا ونخلط
وتقدم وتزين بالمكسرات

م/ل

souso07

2013-01-07, 11:23

مشكورين بصح هادو المكونات نقدر نرحيهم فروبو و لالا

ام شرفو

2013-01-07, 17:46

احنا في الشرق انديروها للنافس و كل واحد يجي يبارك

http://www.djelfa.info/vb/showthread.php?t=1025187

أم عيشوش

2013-01-11, 19:47

احنا تاني في الطارف نطيبوها بالزبدة و العسل حاولي يكون العسل اكثر من الزبدة بشوية تجيك هايلة .

sarah1424

2013-01-11, 22:51

Aaaah andek lhak zrir bnin bzfff houma ydirouh lemra k tzeyd mais hna f dar nhebouh walat khalti dima dirhoulna
malablich lwasfa exact mais yji fih 9amh megli wmerhi wleblabi wmokassirat wyji bninn wnakhdmou bel3ssal wzebda

شلال فرح

2013-01-13, 12:05

شوفي الوصفة راهي هنا فالمنتدى في قسم الحلويات بالتفصيل الممل و كل الخطوات للاخت كاكينوفا ربي يسترها دنيا و ىخرة و يجازيها كل خير

oualida

2013-01-13, 20:13

kayenn yzzidlou elkkarroub