مشكلة ادا فهمتو فهمونا ؟

[soha1987]

السلام عليكم اعضاء المنتدى
هادي مشكلة صديقتي مسكينة عرفت واحد من عام هو النهار لول جا قالها نيتي نخطب ومن بعد كي طولت المدة فاتت 6 اشهر قاتلو اخطبني هاداك المخلوق تبدل مالا عاد مايعيطش خلاص ومن بعد جبد شهرين كي كثرت عليه ومن بعد عاود رجع كي قاتلو علاه وليت قالها انتي لي بغيتك مي السيد شهر وماحبش يجبد موضوع الخطبة زادت عاودتلو قالها عندي شرط نخرجو نحوسو ونهدرو فالموضوع كون ماتخرجيش باي باي مي المسكينة خاوتها مزيرين ياسر خافت يشوفوها درك راو مايعيطش خلاص قاتلي كيفاه ندير خفت نقولها طيشيه ونكون غالط وانتم مارايكم ؟
انتظر ردودكم يااحبائي
سلام

[* الحلم سكر *]

قالها عندي شرط نخرجو نحوسو ونهدرو فالموضوع كون ماتخرجيش باي باي ... مي المسكينة خاوتها مزيرين ياسر خافت يشوفوها
سلام
بـالـجـزء الأول كـان لازمـها ما تخـمـمش و تـقولو هـي بــاي و روح اللـه لا يــرجـعـك و ربــي يــهـديـني و مـا نــوصـلـش روحــي نـغـلط مــرة أخــرى و نـطـيـح من روحــي ليـك و الا لـغـيرك
فـي الـجـزء الـثانـي مـاهيـش المسكينة راهـــي مـحـظوظـة بـخاوتـها يـخافـو علـيـها و راقـبوها
الـحـمـد الله اللي خـافـت و ما غـلطـتش و كــان أولــى تــخاف هــي عــلى روحــها

يــا أخــتي قــوليـلها اللـي يــحـبـك مـا يسـتـناكــش تــقوليـلو بـاه يــجـيـك ....
و فـهـميـها الــراجـل اذا حـب واحــدة يــخاف علـيها و عــمروا مـا يــوصـلـها لــواش حــاب هــذا الـسـيـد ...؟؟؟؟؟
و نـظـن راكـي فــهمتـيني و يا ربــي هـيا تـفـهم الــراجـل صــح يــخاف عـلى سـمـعـتك أكــثـر مـنـك نـخطـبك بـشـرط و تـجيـني و الا مــعناها دايـر فـيـها مــزيا و الا واش ...

مافـيـهاش تــخــمام راهــو يــفوت فــي الــوقـت مـاكــلاه هــي تـسـمـحـلو يتـمـسـخر أكــثـر.

[بين الحقيقة و السراب]

قال لها و قالت له:cool:

ياو خُصّهم يقول لهم (والديها) .....و انتهى

و لو أني لا أراه جادّا:cool:
إذا لن يأتِ

[fati 17]

هذا يقولولو اللعب الزواج والخطبة ميش هاك

[سعاذ]

السلام عليكم
قلوليها تفيق على روحها قبل ماتطفر فيها
و قوليلها ربي راهو يشتيك كي خلاه يحطلك هذا الشرط
باش تعرفي نيتو الحقيقية
رجال يقولو نشرط متخدميش نشرط ديري جلباب ديري حجاب
نسكنو في دار ولديا
و هو شرط عليها تخرج معه
شوفي تخطيه لاكان نويها لحلال راهو يجي يخطب
ولاكان يتمسخر راهو يبان هنيا
دمتم في رعاية الله و حفظه

[imanewafa]

يا اختي قولي لصديقتك لوكان هذا الرجل كان حقا يحبها لما طلب منها الخروج معه لكان قصد منزلها طالبا للحلال
و بطلبه هذا ارى احتمالان
الاول هو يجرب اخلاقها لما نراه شائعا في المجتمع مؤخرا في سلوك اغلب الفتيات بتقليد الغرب حتى صار الرجال لا يثقون في البنات
الثاني هو يبحث عن اللهو و الفاحشة
لا ادري لما اختفى الحياء و الحشمة في بنات اليوم حتى ابتعدن كثيرا عن ديننا وعاداتنا حتى صرن تتحدثن عن الصديق و الحبيب بكل حرية و كانه ليس عيبا
من تريد الحلال عليها ان تنتظر دخوله من الباب لان كل شئ بالمكتوب
نرجو من الله ان يحفظ بناتنا من هذا الوباء الذي ساد مجتمعنا و المنطوي تحت الحضارة الغربية

[هدى الجيجلية]

أي شرط هذا
والله هذا مش إنسان
والله الزواج بالمكتوب
لو صح ايحبها
أيخاف على مشاعرها وسمعتها
مش ايحطلها شرط
يعني يا لخروج ياالزواج
انا انقلك بصراحة

أتلافو أيجيب اخلافو
مش غير هو فوق الكرة الارضية
هذا رأيي الشخصي
تحياتي

[مريم الصابرة]

السلام عليكم اختي
يا اختي بيناتنا إنت كيفاه شفت القصة لما صحبتك حكاتهالك وسمعتيها من اي وحدة تقوليلها هذا راه يلعب اللي ناوي الزواج يجي ديركت للدار يا سيدي حكاو فالتلفون وتفاهمو وراه يروح ويولي ويدير فالأسباب إمالا هذا يقولها خبيني ندي منك واش تحبي ومن بعد نجي نتزوج بيك قوليلها تفيق لروحها كيما قاللولها لبنات وربي يعوض عليها إن شاء الله براجل يعرف قيمتها ويقدرها موفقة

[منهاج]

السلام عليكم

هدا راه باغي تفوات الوقت قاع ما راهش في باله يتزوجهااااااااااا

[مسلمة وافتخر17]

هدا باين يتمسخر
الله يهدي ماخلق وهي تانيك غالطة في حقها لي عينو فالزواج يجي من باب الواسع ياختى زواج مكتوب ودقيقة لي يوصل مكتوبها يجيها وهي مغمضة عينيها غير حنا درنا على داك مثل لي يقول سبب ياعبدي وانا نعينك بصح هدا مثل ماينطبقش على الزواج على الرزق ممكن ينطبق
الله يصلح لحوال

[mitrochka]

أختي قوليلها تكنسو من حياتها
و لي باعك بالفول بيعو.....:D
اسمحيلي و علاه تكسر راسها و تقيمو و تبيعو، تصدقو خير لها:rolleyes:

[hiba ahmed]

هذهباينة لوكانجا ناوي فيها ميقوللهاش هاك وصيها قلها ردي بالك تخرجي معاك اولا حراااااااااااام وتانيا ممكن تصير اللي كل بنت تخاف منو ونورمالمو فهمتيني اختي صدقيني لوكان جا عازها وناويها للزواج ميطيحش بكرامتها ويقوللها اخرجي معايا وزادالزواج مكتوب ادا كتبلها ربي معاه راها تديه واذا مكتبش يجيك ابن الحلال والحب الحلال يجي بعد الزواج وبالعشرة قوليلها تقولو روح الله لا يردك انت واحد ماكش ناوي الخير

[Asmaà semssouma]

سلام...

اختي هذا لو كان حاب صلاحها .... مايقولهاش تخرجي معايا ووين هي البنت لي تخرج مع واحد ما تربطهمش أي علاقة قرابة ... هنا يكون الأمر مشكوك فيه.....و هدرة الناس ما ترحمش ....هاذي الاولى...

الثانية كون جا بغاها صح ما يتهربش من موضوووووع الخطبة ...

الأأحسن ما تخرجش معاه لأنها لا تعلم بنواياه ....


ممكن ناوي حاجة تاع شر ...

العلم لله

انا و الله من وجهة نظري ما تخرجش معاه أحسن ...هكذا تربح السمعة نتاعها....

وما تزيدش تحكي معاه ..........تقولو اذا حاب تخطبني ارواح ل دار احكي مع رجال نتاع الدار غير هكذا لا ...

بهاذ الطريقة يبقى ديما يشوفها قوية و أصيلة ...

ا ذا نيتوا خير راه يتقدملها اذا شر ....راهوا يروح ...
لأن الوقت الذي نعيش فيه لا يرحم ....

أنصحها ...........وأنصحها .....أن لا تثق بأي كان.

و ربي يسترها ...ويحفظها ويرزقهاا على نيتها ..

[الامل نور]

يا اختي العزيزة قوليلها تصلي 2 ركعات حمدا لله لانه فضحه فنيته خاسرة
و ترميه منحياتها

[soha1987]

شكرا اااااااااااااااا لكل من رد بنصيحة او توجيه
لكن غريب لماذا لم نرى رأي الرجااااااااااااااال أين انتم ؟
اريد رايكم ؟

[لمياء كوكو]

نصيحة نصيحة نصيحة
عند عندك لاتبعيه وتخرجي معاه كعاد نيتو راهي باينة كون جابغيها صح مايقوللهاش هيا نخرجو والله والله والله نأكدلك بلي نيتو خبيثة نتمنى تسمع بنصيحة و تقوليلها عندك تخرجي ديجا على هدرتك عليه راهو باين بلي ناوي يتمسخر لهذه الدرجة متقدرش تعرف الصح راهي واضحة كي الشمس

[ام محمّد]

قولها خطيك منو راه غي يتمسخر بيك كون حتى تخرج تحوس معاه مش راح يخطبها وتبقى خرجة تجيب خرجة ومن بعد يقولها ما تساعدينيش كيما خرجتي معايا خرجتي مع غيري

[زهايمر]

السلام عليكم ورحمة الله وبركاته

معليش ختي هذي هي تخطب فيه

واضحة مش محتاجة سؤال ، كيف تخرجي معايا ؟

رايي معاش تكلمه حتى لو جا يخطبها ترفضه لانه باين ناقص شوي

ومش راجل متاع دار ، على حسب ما حكيتي ... والله اعلم (باش مانضلموش)

[لجين93]

اختي كون باغي الحلال من نهار الاول يخطبها ماشي يخرج معاها

[dahbi01]

أختي أنصحي زميلتك بالأبتعاد عن هذا الذئب.وتنساه تماما والكلام مع الرجال في الهواتف عمل دنئ وليس لدي دليل أقولك حرام الله يهدي الشباب كل واحد يخطب وحدة يحب تخرج معاه تتكلم معاه والله عيب وحرام عيب عيب ربي يهدينا

[ناديه2000]

السلام عليكم
انا رائي اختي انو لي طيشك بالفول طيشيه بالقشور

[هدايات26]

اضافة لكل ماقالته الاخوات والذي اجده 100/100صحيح

لوكانت صح زوجته لسجنها في البيت حتى لا يراها غيره

[دنيا ملاك]

الرجل إن أراد امرأة يفعل المستحيل حتى يتزوجها
لكن
مادام هذا الشخص يروح و يجي و يروح ويجي
وهي مازلت متمسكة بيه يعني هو يقول في نفسو ''هي متمسكة بي ولي نقولها عليها ديرها ''
يا أختي
كفاك كفاك كفاك
نفسك عزيزة عليك
والأدهى والأمر طلبه لك بالخروج ؟؟؟؟؟؟؟؟؟؟
يعني لوكان اخوتها مش مزيرين كانت تخرج معاه ؟؟؟
الحمد لله مالا كي جاو خاوتها مزيرين
نقولها
يا اختي هذا الشخص ليس جادا أبدا