بين زواجي واخواتي

[مشكلتي]

مساء الخير
مشكلتي وباختصار اني مخطوبة وانايا الصغيرة في الدار عمري 25 سنة وعندي اختاي تكبراني ب 10 و 11 سنة على التوالي ماهمش مزوجات وراهم خدامات لاباس بيهم
مشكلتي من يوم اني وافقت على اللي تقدملي خطيبي وحياتي تحولت جحيم في المنزل
كنت مرتبكة ومترددة ف يالقبول به لا لشيء لانني انا الصغرى واختاي كي كنت بعمر 18 سنة كانه يقولولي ديري في راسك احنا اللي نزوجوه قبلك كنت مترددة بزاف ف يالقبول به لا لشيء لان ضميري يأنبني لانهم مازالوا مزوجوش رغم انهم جاوهم العرسان من كل الفئات علابالي راهم احرار في حياتتهم الشيء اللي قلقني من بعد ما قبلت وخاصة كي قالتلي امي الشاب مناسب ولد ناس وفوق كل هذا مصلي ومربي بعد ما قبلت بيه
التزمت الصمت في المنزل لا اتكلم عليه ابدا كي يكونوا حاضرين حبيت نراعي مشاعرهم حتى في عدة مرات كي يسقسيوني نرد بشكل صطحي لاني اعلم ليس من الاخلاق انك تتكلم على شيء واللي معاك فاقده ولا يملكه
على عكسهم هوما توصلت باحداهن كي كنت نتكلم معاها تعايرني بيه ظنت انه لازال لا يعمل كيما جا في الرؤية كان يعمل عند الخواص لكن دركا راهو في رزقه جات ليا وقاتلي اعطيني صرف 200دج قتلها معنديش انفضيني متلقايش 10 دج ضحكت عليا وقاتلي فقيرة قولي لخطيبك يصرف عليك ومن بعد قاتلي آه نسيت باللي راهو حالته تشف كثر عليك طلاب والله على ما اقول شهيد يعني كاش اخت دير لاختها هكدا؟ وكاش اخوات يديروا السبة بالعمل وميحضروش لخطبة اختهم؟ تقول راني كل يوم نقتل فيهم ام ماذا ؟ مفهمتش واش هو ذنبي هل لانني رح نتزوج قبلهم ؟ هذا جزائي ؟
قد ما نحكيلكم منقدرش نوصللكم الصورة كيفاش واحد المرة يبكيو وينوحه ويقوله حتى لكزاوز الصغار رح يزوجه واحنا قاعدين كل يوم نواح وبكاء ؟ هل هذا حسد؟
كل يوم وانا اسمع معايراتهم بشكل غير مباشر كل يوم اتحمل الكلام السم تاعهم
ضاق صدري وكون نصيب نزوج غدوا ونخرج من الدار لان حياتي اصبحت جحيم معهم كيفاش ميفرحوش لفرحي كيفاش ؟ اذا مرحش يحزنوا لحزني
آخر شيء سماوني انانية لاني منخدمش ومنصرفش على والديا منشريلهمش هدايا الخ وحبيت نزوج لاني انانية

[بلسم غرام2018]

لا عليك حبيبتي
ادعي الله ان يفرج ويهديهم
والغيرة تعمل اكثر من هك

[* الحلم سكر *]

لــوكـان صــفو نيــتـهم كــون راهــم ازوجــو قـبلـك و الا حــتى بعـدك و بـأحـسن مـن زوجـك ربـــي يــهـديــهم أذا مـا نــقـول
شــوفي أخــتي انـت افــرحـي و مـاكـش غـالـطة باه تـحـسي بـالذنب 25 سنة ماكش صـغيـرة أحـسن عـمـر ان شـاء الله تــفـرحي و تتـزوجـي اللي فــرحلك و جــا مــرحـبا واللي حاب حاجـة أخــرى ربــي يــهديـه ماتــقدريـش تــفرضـي على الـناس يـكونو مـثلك و يحـسـو بـيك و اذا كـان زوالـي يامـحلاه زوالــي و يـخاف ربــي بــرك فيـها ألف بركــة ;)
ربـــي يهـنيـك و يتـممـلك عـلى خـير و ربـي يهـديهم و يـرزقـهم
افــرحـي يا أخــتي و مـا تنـكـديش عـلى روحـك :mh31:

[ابوايهاب]

الله يفرح كل مسلم ومسلمة. امـــــــــــــــــــين

[أبوعبد الرحمن39]

عليك بالصبر والدعاء لإخواتك بالهداية وأما زواج الصغرى قبل الكبرى ليس عيبا وأسأل الله أن يبارك لك

[muslimone]

ربي يفرج عليك نسيتي أختاهç واش عملوا إخوة سيدنا يوسف عليه السلام وكيف كان كيدهم عظيما أنت ابري واحتسبي وحتى فالحقيقة هم أيضا بنات ويغيروا بالرغم من أنهم خدامات بصح لوكان صابوا رواحهم لوكان راهم في ديارهم الله غالب وهاد الحالة تاع الزواج راهي تعقدت فيهم لأنهم خلاص راهم فالثلاثينات يعني ممكن تكون تراكمان من سن 27 و 28 إلى الآن وهوما يشوفوا رواحهم ما تزوجوش المشكل مش فيك راه فيهم بصح الله غالب هاذي هي الدنيا ممكن لوكان أنت تجي وحدة أصغر منك وتلقايها وصلت لخدمة ولا عندها حاجة ولا مش تحسديها بصح تغيري لأن الإنسان مسحيل ما يغيرش قلت لك هاك باش تحسني العون وباش ما ديريش راسك في راسهم أنت حاولي ما تبينيش فرحتك قدامهم ولعبيها ماكيش فرحانة ودرك تتهدن الحالة إن شاء الله ما لازمش تفرحي قدامهم نصيحة

[7anine 87]

حاسة بيك اختى وصعيبة بزااااف ربي يكون فى عونك واصبري راح تفرج باذن الله والمهم انتى اقتليهم بالقدر وهما راح يجى يوم ويندموا ادعيلهم ربي يرزقهم بالزوج الصالح وانتى ربي يعجل فى زواجك ويسهلك ويعوضك خير

[عاشـقة قسنطينة]

خليهم يهدرو وماتديريش عليهم لان فاقد الشيء لا يعطيه
توكلي على الله واكملي حياتك عادي المهم ان امك راضية عنك
وشكرا

[nibrasse76]

اخخخخخخخخ لو كان جيت رئيس جمهورية ....العاملات هاذو واحد ما سلم من بلاهم .

اصبري حتى يلحق الفرح تاعك ..وراح تنساي كل هاذ الحكايات ...هوما الحقد عمى قلبهم ...خليهم يعيشوا كيما الامهات تاع الكنيسة ...نساء وملكو زوج دورو....؟؟

[hayet04]

يا اختي قولي لاختك لي قاتلك طلاب كثر منك قولها انا جابت الراجل و انت ابقاي تصرفي في 200 طلاب خير من العدم انت حرة في حياتك الا خيرتي تزوجي روحي ربي يكمللك و خاوتاتك ربي يهديهم ماديريش عليهم لي ماعجابهاش دير بحالك اصبري يا اختي
المرأة بلا رجل كزرع بلا ماء

[mess fifita]

كلشي بالمكتوب اختي متتقلقيش و دعي ربي يهديهم

[هند222]

اختي عليك بتفهم اختيك والموقف الذي هما فيه

انصحك بعدم الدخول معهم في صراعات ومهما قاولوا لاتردي فوالله باذن الله تعالي سيجعل الله لك مخرجا

ولا تنسيهم من الدعاء في الصلاة

وربي يسعدك ويفرحك

[زهايمر]

السلام عليكم ورحمة الله وبركاته

حتى وان كان انسان ضعيف ماديا ، الرزق على الله

وحاولي ما تخليش كلام يأثر عليك وتضغطي عليه خاصة من ناحية المادية

والافضل ان تعجلي بالزواج بما يسر الله

وربي يوفقكم ان شاء الله فيما يرضيه

لكن نصيحة حاولي تكوني له سند وماتضغطيش عليه ، مدام اختارك من بين كل البنات

جاك بما يرضي الله (كيما نقولو من الباب)

[soheib+206]

يالطيف ربي يلطف بينا شحال خواتاك مسمومات

السم خرجلي مالميكرو ..... المهم ربي يهديهم

لوكان نيتهم جات مسقمة لوكان راهم تزوجو

صافي مدة مي باين كانو يحوسو على فارس الأحلام

حتى القطار فاتهم و تحشاتلهم وكي شافوك انت

الصغيرة و رايحة تتزوجي قتلتهم الغيرة

الصبر و خلاص باسكو الغيرة تدير كثر

[hayet04]

يالطيف ربي يلطف بينا شحال خواتاك مسمومات

السم خرجلي مالميكرو ..... المهم ربي يهديهم

لوكان نيتهم جات مسقمة لوكان راهم تزوجو

صافي مدة مي باين كانو يحوسو على فارس الأحلام

حتى القطار فاتهم و تحشاتلهم وكي شافوك انت

الصغيرة و رايحة تتزوجي قتلتهم الغيرة

الصبر و خلاص باسكو الغيرة تدير كثر


hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhhhhhhhhhhhhhhhhhhhhhhhh hhhhhhhhhhhhhhhhhhhhhhhhhhhh

[ملاك الامل]

كل واحد ومكتوبو
احملي خواتابك عندك واش راح الديري

[هدى الجيجلية]

فعلا مشكل
عويص
لا تقلقي
اختي
والله كاين ناس بتفكر هكذا
ما ديري حتى حاجة في بالك
إتكلمي مع خطيبك
واخرجي معه لترفيه
وإن شاء الله ربي
يهديهم يارب

[موج و صخر]

الزواج مكتوب ما فيها اي عيب لو تزوجت الصغيرة قبل الكبيرة
نقول لك حبيبتي الغيرة تعمل اكثر من هكذا....إذا
عيشي حياتك و افرحي بخطيبك و عيشي خطوبتك كما يلزم ، لانها احلى ايام العمر
لو كان تفوتيها في الزعاف تندمي عليها من بعد
اشري جهازك و افرحي به و فرحي امك و كل حاجة تشريها افرحي بها و ما تعمريش راسك بهدرتهم يجي النهار وين يعياو و يندموا
اما عن قولهم انك ما تصرفيش على والديك: قوليلهم والديا عارفين لو كان عندي مال ما نعزوش عليهم ...
و كذلك ما دامك قاعدة في الدار يعني انت تخدمي شغل الدار اكثر منهم و هذا يعني انك مهنيا امك من التعب
الله يدوم فرحك ان شاء الله

[منهاج]

السلام عليكم

هادو خواتاتك اصبري عليهم حتى ربي يفرج ربي يهنيك وهوما ربي يرزقهم بولاد حلال

[النجمة القطبية]

مساء الخير

مشكلتي وباختصار اني مخطوبة وانايا الصغيرة في الدار عمري 25 سنة وعندي اختاي تكبراني ب 10 و 11 سنة على التوالي ماهمش مزوجات وراهم خدامات لاباس بيهم
مشكلتي من يوم اني وافقت على اللي تقدملي خطيبي وحياتي تحولت جحيم في المنزل
كنت مرتبكة ومترددة ف يالقبول به لا لشيء لانني انا الصغرى واختاي كي كنت بعمر 18 سنة كانه يقولولي ديري في راسك احنا اللي نزوجوه قبلك كنت مترددة بزاف ف يالقبول به لا لشيء لان ضميري يأنبني لانهم مازالوا مزوجوش رغم انهم جاوهم العرسان من كل الفئات علابالي راهم احرار في حياتتهم الشيء اللي قلقني من بعد ما قبلت وخاصة كي قالتلي امي الشاب مناسب ولد ناس وفوق كل هذا مصلي ومربي بعد ما قبلت بيه
التزمت الصمت في المنزل لا اتكلم عليه ابدا كي يكونوا حاضرين حبيت نراعي مشاعرهم حتى في عدة مرات كي يسقسيوني نرد بشكل صطحي لاني اعلم ليس من الاخلاق انك تتكلم على شيء واللي معاك فاقده ولا يملكه
على عكسهم هوما توصلت باحداهن كي كنت نتكلم معاها تعايرني بيه ظنت انه لازال لا يعمل كيما جا في الرؤية كان يعمل عند الخواص لكن دركا راهو في رزقه جات ليا وقاتلي اعطيني صرف 200دج قتلها معنديش انفضيني متلقايش 10 دج ضحكت عليا وقاتلي فقيرة قولي لخطيبك يصرف عليك ومن بعد قاتلي آه نسيت باللي راهو حالته تشف كثر عليك طلاب والله على ما اقول شهيد يعني كاش اخت دير لاختها هكدا؟ وكاش اخوات يديروا السبة بالعمل وميحضروش لخطبة اختهم؟ تقول راني كل يوم نقتل فيهم ام ماذا ؟ مفهمتش واش هو ذنبي هل لانني رح نتزوج قبلهم ؟ هذا جزائي ؟
قد ما نحكيلكم منقدرش نوصللكم الصورة كيفاش واحد المرة يبكيو وينوحه ويقوله حتى لكزاوز الصغار رح يزوجه واحنا قاعدين كل يوم نواح وبكاء ؟ هل هذا حسد؟
كل يوم وانا اسمع معايراتهم بشكل غير مباشر كل يوم اتحمل الكلام السم تاعهم
ضاق صدري وكون نصيب نزوج غدوا ونخرج من الدار لان حياتي اصبحت جحيم معهم كيفاش ميفرحوش لفرحي كيفاش ؟ اذا مرحش يحزنوا لحزني

آخر شيء سماوني انانية لاني منخدمش ومنصرفش على والديا منشريلهمش هدايا الخ وحبيت نزوج لاني انانية

يا اختى انا من وجهة نظرى سهليها تسهال وصعبيها تصعاب
يعنى يا حنونة صفى نيتك وديرى فى بالك انو خواتاتك مهما كان مهمش اعداءك
متكونيش حساسة بزاف قاتلك طلاب نورمال اضحكى معاها واعتبريها مزحة
حتى لو فرضنا انو خواتاتك مسمومات راكى تقدرى تغيريهم بالمعاملة الحسنة
انتى درك متنسايش راكى مقبلة على مسؤولية ومتتخيليش الحياة سهلة يجى النهار وتحتاجى اخواتاتك
رانى متاكدة بلى تحبيهم حوسى على ايجابياتهم واتقربى ليهم وادعى ربى يهديهم ويصلح حالهم ويرزقهم
المهم ربى يوفقك ويصفى القلوب

[شاملة لينة]

مهما فعلتا تبقيان أختيك.
ادعي لهما بالهداية وبأزواج صالحين