أستفسر عن الزواج

[hikari1988]

السلام عليكم
اخوتي أود استشارتكم في هذا الموضوع لقلة ثقافتي بأمور الزواج.
ما هي طرق التعرف على شريك العمر و الالتقاء به لاول مرة و كيف تتطور الامور حتى يتقدم رسميا بطلب، قصد الزواج بالجزائر ؟
هل الحب بين الزوجين يكون من أول وهلة أو أن مشاعر الحب تتوطد مع الزمن؟
وهل صحيح أن الحياة الزوجية أفضل من حياة العزوبية؟ و أخيرا هل أن الزواج يحقق الاستقرار النفسي ؟
شكرا.

[مـجيد]

مكانش طريقة معينة
جي دارك و اقعدي و التزمي بصلاتك و دينك حنى يفرج ربي
و ما كانش حب قبل الزواج

[مسلمة وافتخر17]

الحب الحقيقي يجي بعد الزواج
وكيما قال الاخ مكاش طرق
الكاتبة توصل راه كل شيء مكتوب عند ربي اليوم والعام والشهر غير متتقلقيش
درك الواحدة فينا تدعى ربي يرزقها بوليد لحلال لخاطر رانا في وقت صعيب

[nardjesse2]

ما نعرفش في هذا المجال المهم إنشاء الله تلقاي الزوج الصالح

[يوسف الجزائر]

اقعدي في بيتك حتى يجي مكتوبك
وعندك لا يكذبو عليك ماكانش حاجة اسمها الحب قبل الزواج

[بتول8]

مكانش طريقة معينة
جي دارك و اقعدي و التزمي بصلاتك و دينك حنى يفرج ربي
و ما كانش حب قبل الزواج


هادا هو بالذات

[مريم الصابرة]

السلام عليكم اختي
الزواج مكتوب الله اولا يعنب لازم تعرفي باللي يديك اللي ربي مكتبولك وراحا ديري معاه دار وأولاد وليس من هب ودب تقولي هذا هو مكتوبي التعارف يا اختي من الأاحسن ما تتكليش عليه راكي عارفة واش كاين ملاقاة مع الزوج يكون ربي مكتبها وممكن ما تعرفيهش كامل ويشوفك فالطريق او اهلو يشوفوك في مناسبة او حتى يصطدم بط فالكريق ما تقدريش تعرفي المكتوب كيفاه يلاقي بيناتكم
اما بالنسبة للخب بين الزوجين ممكن يكون من اول نظرة مكن بعد التعايش معا وممكن يعيشو مع بعض ويكون بيناتهم كل شي إلا الحب نعرفهم بزاف متزوجين وما شي متحابين وكاني اللي ما يعرفهاش كامل وتزوجو من فترة الخطوبى يحبو بعضاهم تبقى المسألى مسألة عقلياتهم
هي شوفي لما تكون حياتهم مستقرة يحبو الحياة ازوجية خير من العزوبية اكيد لكن لما تبدا من اول يوم تكرهلو في حياتو يندم على الساعة اللي تزوج فيها
اكيد الإستقرار النفسي يكون بالزواج لظانو يكون هناك شخص يشاركك حياتك موفقة

[منهاج]

السلام عليكم

ربي يرزقك بالزوج الصالح

[faty05]

الواحد ينوي العفاف بالزواج
و بإذن الله يسهال كلشي
اصلا في الرؤية الشرعية تعرف اذا راك مرتاح للشخص او لا بعد ان تسأل اولا عن اخلاق الخاطب
و الزواج سكينة و طمأنينة
وربي يسهل لكل واحد

[لمياء كوكو]

صلي استخارة

[ام محمّد]

الزواج قبل كل شي هو مكتوب وماعندو علاقة لا بالجمال ولا بالسن الواحدة مهما كانت كي يجي مكتوبها يجي كيما تقول اميمتي الله يرحمها كي يزغرتو الملايكة في السما تزغرت ام العروس هذي واحدة
ما كانش حب قبل الزواج انما الحب الحقيقي يكون بعد الزواج يجيبه الولف والعشرة الطيبة
اما ما يشاع عن حب قبل الزواج فهو كذبة كبيرة ضخمتها المسلسلات والافلام الرومانسية
المهم ربي يجيبلك ولد الحلال ليك ولكل العويتقات

[زهايمر]

السلام عليكم ورحمة الله وبركاته

واضح انك متخوفة من ان تقعي ضحية سوء اختيار

لكن انا نقولك الطريقة اختي الكريمة ، لانه حتى لو تعرفتي عليه لن يبين لك الجزء المظلم

يعني راح تشوفي فيه (روميو ، سوبرمان ، حديدوان ، نمر بن عدوان ..... الخ)

احسن طريقة هي تكثيف السؤال عنه ، تسئلي عنه ناس ثقة وامام اقرب مسجد له

لان الطبع يغلب التطبع .... اذا كانت طباعه جميلة راح تظهر للعيان

وموفقه ان شاء الله

كيما قتلك الاخت فوق استخيري ، واستشيري (اي السؤال عنه)

[ريم الفلى]

في رايي مكانش طريقة معينة وماكان لاه تديري في بالك حسابات بزاف كل حاجة رايحة تكون عادية وساهلة وربي راه رايح يألف بين القلوب وتولي تديري ولا هو يدير عفايس تقولي سبحان الله انا مكنتش متصورة بلي نقدر نهدر معاه هكذا ولا وندير هاديك الجاست هههههه ..الخ وزيد انا نآمن بوجود الحب قبل الزواج ولكن مينفيش باللي الحب الحقيقي يكون بحشن المعاشرة يعني مور الزواج وكل واحد ومكتوبوا وان شاء الله ربي يفرح كامل البنات بولاد الحلال اللي يوالمهم

[hiba ahmed]

حبيبتي صدقيني مكانشحب قبل الزواج الراجل اللي رايحة تتزوجي بيه راه ربي كاتبولك مللي كنت في بطن امك وماكانش منها انك ديري طرق باش تتزوجي يعني شدي في ربي وعندك ديري الحرام لانو الحب قبل الزواج في هاذ الوقت خاصة ولا يدير مشاكل ويصير المحال يخي رانا في عصر السرعة والانترنت يعني ولينا نشوفو حوايج تصرا من هاذ العلاقة الغير شرعية وذركة الشبيبة فاقو ولاو يقولو نحوسو علي اللي طرونكيل وما ديريش علاقة معاه يعني ولاو يحوسو علي اللي عاقلة وملتزمة نصيحتي اصبري وفعلا الزواج جميل مع انو فيه مشاكل بصح حلو ومع الذراري احلي وهو سترة لينا للذكر والنثي ربي يجيبلك بن الحلال اللي يهنيك

[hiba ahmed]

اقعدي في بيتك حتى يجي مكتوبك
وعندك لا يكذبو عليك ماكانش حاجة اسمها الحب قبل الزواج


يسلم ذاك الفم والله ماك غالط