تجميد السنة وتغيير الشعبة ''جامعة سطيف ؟ [الأرشيف] - منتديات الجلفة لكل الجزائريين و العرب

مشاهدة النسخة كاملة : تجميد السنة وتغيير الشعبة ''جامعة سطيف ؟

دنيا ملاك

2013-01-02, 11:04

السلام عليكم ورحمة الله
عندي استفسار
ادرس هندسة معمارية في جامعة سطيف وبصراحة لم استطع التأقلم معها لذلك
أريد تغيير الشعبة
يعني هل أستطيع تجميد السنة الجامعية وأذكر السبب بأنني اريد تغيير الشعبة العام الجاي ؟
اريد اجابة بسرعة من فضلكم فالامتحانات قربو
وجزاكم الله خيرا

سطايفية بكل فخر

2013-01-02, 11:21

اختي بامكانك تغيير الشعبة العام الجاي
+
اما بالنسبة لتجميد السنة لازم يكون عدر اخر مثل المرض العمل السفر الى اخره
المهم اختي حتى التجميد راهو انتهى في معظم الشعب تاع سطيف لكن الهندسة والله معلابالي سقسي ادارتكم
وادا عندك معريفة راهي تسهلك
بالتوفيق

دنيا ملاك

2013-01-02, 11:30

سطايفية بكل فخر

2013-01-02, 12:13

شكرا على الرد اختي ربي يعيشك
يخي نورمالمو تجميد السنة يقدر يكون قبل الكونطرول هكذا قريت لهنا في لمنتدى
و حفت اذا نابوندوني يعني ''نحبس قراية '' كيفاه ندير لكشف النقاط وانا ديجا راني اعدت سنة مرة وخفت المرة الدوزيام ينحيولي المنحة :(
وربي يحفظك سطايفية تاعنا

في سطيف حدوها مثلا حتنا في معهد البصريات داروهالنا 12_12_2012 انتم والله معلابالي
+
المنحة اختي تتنحا غير للعام لي عاودتيه مش تنحا نهائيا
+امين اجمعين ربي يحفظنا كامل

دنيا ملاك

2013-01-02, 13:22

شكرا جزيلا على الجواب عييناك معانا تستاهلي دعوات في ظهر الغيب
سؤال اخير برك ههه
يعني اذا قدرت نبلوكي وعام جاي نبدل
اسكو تصلح ولا اها
يعني ف لكواغط تع طرونسفار ؟
و ربي يوفقك

سطايفية بكل فخر

2013-01-02, 14:35

شكرا جزيلا على الجواب عييناك معانا تستاهلي دعوات في ظهر الغيب
سؤال اخير برك ههه
يعني اذا قدرت نبلوكي وعام جاي نبدل
اسكو تصلح ولا اها
يعني ف لكواغط تع طرونسفار ؟
و ربي يوفقك

العفو واجبي والدعوات الخير هداك واش نسحق ختي
=
اسئلي كيما حبيتي وانا نجاوبك بلي نعرف ولي منعرفوش نسقسيلك عليه مش مشكل
فيما يخص سوالك ادا قدرتي تبلوكي العام وان شاء الله يقبلولك اول حاجة لازم تعاودي ديبلوكيه في سبتمبل وديري اعادة ادماج رايحة تكون ساهلة لانو يعطيوك ورقة بلاكي متجيبيهاش ادا قبلولك لبلوكاج
ثم بعد ما تفحيه وديبلوكيه ديري ترونسفار لشعبة اخرى باش يكون في علمك هدا الشيء كامل في سبتمبر بلاكي يفوتك الوقت وتضيعي عام اخر

دنيا ملاك

2013-01-02, 16:06

سطايفية بكل فخر

2013-01-02, 19:53

شكرا جزيلا ربي يعيشك
اذا بلوكيت وقبلو و كلش مبعدا في طرونسفار يدومونديو كشف نقاط يعني وشمن كشف نمدولهم تع لعام لي فات ؟
و ايذا ما قبلوش يعني نحبس قراية نابوندوني ''باسكو كرهت خخخخ'' يعني ما منديرش كونطرول و كشف نقاط يديرولي فيه زيروات
هو ليندير بيه طرونسفار ؟
شكرا على جهودك خالص الدعوات

مديلهم لي مدوهولك في سبتمبر هدا
+
ختي احسن حاجة تقراي لشتا مطلعيش لانو في الطرونسافار يقبلو لي نجحوا ومن بعد لي قراو ومنجحو ش باش يجيو لي مقراوش وابوندوناو
يعني كي تقراي تزيدي من حظوظك في الطرونسافر
ربي يوفقك اختي ابدلي شوية مجهود برك وان شاء الله ربي يكون معاك

دنيا ملاك

2013-01-02, 20:38

شكرا جزيلا اختي على الاجابة و ان شالله برك يقبلولي بلوكاج
باسكو حنا قرايتنا كل يوم فيها بروجي كل يوم يعني ماشي حضور شرفي 'هههه'' على هاديك كرهنا منها و مع الخسائر المادية 'اييه''
على كل ربي يوفقك خيتي ويبقي عليك الستر كي عاونتيني وربي ينجحك

سطايفية بكل فخر

2013-01-02, 20:41

امين اختي اجمعين
+
بالتوفيق ليك

دنيا ملاك

2013-01-02, 20:49

امين ,,,,,,,,,

دنيا ملاك

2013-01-03, 15:01

حبيت نسقسيك برك ختي
منين نقدر نعرف البلوكاج حبسوه ولا في المعهد تع لارشيتاكتور باسكو حوست ف لنترنت وما لقيتش منين
وثاني قالولي لازم البلوكاج يدرلك طبيب تع الجاميعة شهادة سؤالي
وين هاذ الطبيب ف الباز و لا لافاك ؟
شحال يطولو بش يقبلو بلوكاج
و ربي يعيشك
وادعيلي معاك

سطايفية بكل فخر

2013-01-03, 15:07

اختي روحي لمصلحة الانخراط لي توالكم service de scolarité وثما يقولولك
+
لما تمدي الدوسي هو يقلك واش من طبيب تروحي ليه لانو كل فاكيلتي تابع ليهلاا طبيب

دنيا ملاك

2013-01-03, 15:11

شكرا ربي يحفظك و يعطيك ما تتمناي
ادعيلي معاك ''قوليلي يخي طماعة يخي ''هههه
بالتوفيق

سطايفية بكل فخر

2013-01-03, 15:32

هههه والله راني ندعيلك باش يقبللك البلوكاج وتتهناي

دنيا ملاك

2013-01-04, 21:19

onfused:
ربي يعيشك بنت سطيف تاعنا وربي يرزقك اللي في بالك
على الدوسي تع لبلوكاج برك واسباب التجميد هاذوك
يعني مثلا شهادة طبية الطبيب تع المعهد هو لي يمدها ؟هل نقدر نقول بلي اسباب
نفسية هههه موراال طايح من لقراية ''يعني ما نقدرش مورالمو '':D
وعندي أمي دارت عملية جراحية لكن 5 اشهر من قبل بصح مازالها أنبوب في عينها
هل نقدر نذكر هذا كسبب ؟
اسمحيلي على الازعاج لكن ما لقيت وين نسقسي وحتى دارنا ماراهمش معاونيني :mad::mad::mad:
و انا اذا ما قبلوش بلوكاج''بعيد الشر:D''نحبس لقراية
قوليلي برك اذا حبست مبعد طرونسفار نورمال نديرو ؟ باسكو حبيت نبدل أونغلي
اسمحيلي برك على التطفل :o:o:o
ربي يوفقك :)

سطايفية بكل فخر

2013-01-04, 21:40

وي تقدير يديري مرض نفسي روحي لكاش طبيب نفسي يسنييلك عطلة مرضية او تقدري ديري ملادي تاع ثلاث اشهر مي هنا لازم تفوتي على الطبة في الجامعة
+
الباقي جوبونس با يقبلوولك بيهم

سطايفية بكل فخر

2013-01-04, 21:41

ربي يشفي الام نتاعك ختي

سطايفية بكل فخر

2013-01-04, 21:43

http://im17.gulfup.com/g0bR2.jpg
هادي من جامعتنا

سطايفية بكل فخر

2013-01-04, 21:46

ان شا ءاله يبلوكيولك باش تسهلك الترونسفار
+
وي تقدري ديري ترونسفار ادا حبستي لقراية مي لازم قبل ديري اعادة ادماج للشعبة

دنيا ملاك

2013-01-04, 22:33

شكرا جزيلا بارك الله فيك ربي يعطيك ما تتمناي
ازحت عني هم كبير
هههه معليش نولي مهبولة لموهيم نبدل
بصح لبسيكولوج لي عندنا تفيقلي ''خخخخخ''
ان شاء الله تمشيلي في الصواب برك
صحيتي الزينة بنت بلادي سطيف وربي ينجحك ان شالله