رد بصراحة

[halim Nailiiiiii]

ما رأيك في زواج المصلحة .............بعنى أصح ما رأيك بأن يتزوج الشخص انسانة ذات منصب ...........

رد بصراحة .......ردي بصراحة.......

halim

[khiali]

و لم لا
و عسى ان تكرهوا

[madridano]

يعتبر هذا استغلال
في مجتمعنا الان أرى العكس الفتاة تبحث عن الشخص ذا منصب لتتزوجه

[الأمير العربي]

أعتقد أنه نهايته فاشلة ما دام قد بني على باطل

و إلا في حالة واحدة تحولت المصلحة لحب حقيقي بعد الزواج

[BEST ALGERIA]

زواج المصلحة أصبح موجود في أيامنا هذه وهذا راجع للبطالة ... فالشباب البطال أصبح يمضي النهار في اصطياد العصافير النادرة ( العصفورات النادرات ) فلربما ينتهي به الزواج بإحداهن وبهذا يخرج الزوالي من الغرقة ... وأنا في رأيي زواج المصلحة لا ينجح لأنه تم لأجل مصلحة لا لإنشاء أسرة ... وهذا هو رأيي الخاص
.... وشكرا لطرحك الموضوع خويا حليم النايلي .... مع تحياتي ... best algeria

[**/مها/**]

انا في راييييييييييي مرفوض الزواج من اجل المصلحة

[سمية87]

زواج المصلحة تقريبا هو زواج المتعة وهو في الشرع مذموم و الله أعلم

[halim Nailiiiiii]

أولا أشكر الجميع على الرد وخاصة الأخت سمية لأنها شافت الموضوع من عينها هيا لكن....يا جماعة لازم تعرفو انو اي انسان عندو شخصيتو وأنا كي طرحت الموضوع مش يعني انو طرحت مشروع بناء لا لا انا طرحت الموضوع للاجابة عليه بالمنطق وانا الظاهر شفت انو الجميع شاف الموضوع وكأنو مشكل أو جريمة وعلاش مش من حق انسانه تعجب بانسان وتكون لديها منصب وتحبو يعني مش من حقها انها تحبو شكون قال بلي ما يعيشوش عيشة هنية هذا اذا كان الحب حقيقي وكان مبني من البداية على ساس صحيحة ...يعني مش من حق البنت هذي تحب ...هذا اللي نحوس نقول عليه لنفرض انو انسان تعرف على بنت ذات منصب وكانت تبادلو نفس المشاعر واش يبقاو بهذي الفكرة ويديرو في الحسابات ....أنا اعتقد يا اصدقاء انا الشخصية تلعب دور ودور جدي ...لازم تعرفو انو فيه بنات عنهم منصب وجمال ويقيمو الحب ويشفو في الهنا مشي في حوايج وحدوخره المهم انا اشكركم جزيل الشكر واختم كلامي بلي لازم تعرفو بلي مشي الخظرة قاع حشيش ويا سباون انا طرحت موضوع مش بالظرورة راني نخمم في طبيبة والا مديرة ....سلام

halim

[benaissi noureddine]

اخي العزيز
ان زواج المصلحة كما تفضلت انه مجرد راي خاطئ على ما اضن ان النية للزواج يعني الحلال والعيش الكريم مع من كتب الله له وتكون النفس مطمئنة
وزواج المصلحة يعني للنفس الطماعة التي لاتريد ان تحرك ساكن وتكون النفس المريضة
واعلم اخي العزيز ان الزواج لا تستطيع ان تحكم علية في أوله اي اختيار(المصلحة) او اختيار( الشريكة ) وان اختيار المصلحة فتكون في
اول بداية الزواج تكون على شيئ وعند مرور الايام وتتذوق حلاوة الزواج فتعاقب نفسك على ان اخترت المصلحة
وشكرا على طرح الموضوع

[halim Nailiiiiii]

أنا نظن ماهيش شرط تتزوج بطبيبة والا مديرة باش تحب وتعيش حياة سعيدة البنت اللي في الدار ممكن تكون أحسن وأحسن بكثير ......هذا مجرد دفاع للماكثات وبنات الزوالية .......

halim

[halim Nailiiiiii]

تعرف واش المليح انك تتزوج انسانة ذات منصب وخاصة اذا كانت تحبك وتحبها هيا التفاهم في الحياة الزوجية والمليح هيا التفاهم على البر ولازم تحس انت انها تحبك صح صدقني راح تعيش معاها حياة سعيدة لكن أوصيك وأوصي الجميع وخاصة اللي رايحيين يحبو كيما قلت انت طبيبات أو مديرات .....أنك بمجرد أنك تحس انها تتباهى بالمركز والا السلطة انتاعها خليها والله وتكون ملكة جمال الكون وحاكمة اعلى السلطة شكرا لكم على هذه الردود هذا ان دل يدل على ثقافتكم ...شكرا

halim

[**/مها/**]

انا نقولك كيما الي في الدار كيما الطبيبات كيما المديرات كلهم بنات وميش المهم المنصب المهم الحب

[halim Nailiiiiii]

شكرا لكم على الاجابات ........

halim

[halim Nailiiiiii]

شكرا صديقي على شكرك للردود في مكاني واعتبر نفسك شريكي

halim

[**/مها/**]

هههههههههههههههههههههه ربي يدوم هذي الصداقة للابد ويحفظكم ومن كل شر ويحققلكم كل الي تتمناوه
اختكم في الله مها

[k.walid]

النسا قاع كيف كيف .. عليك وعلى ودنيها و تشوف بنفسك ruseltat ومادابيك تكونك صامط وما تقطعش لياس منها .. كي المديرة كي الحفافة كي لي راها فالدار .. على خاطر بنات اليوم يحوسو على لي يجي يخطب هداماكان .. و إدا طاح زهرك في وحدة شريكة اللهم بارك .. mais لازم tepruvilha بلي تحبها هي مشي دراهمها .. و لازم تكون نتا راجل و عندك النيف وما تتكلش عليها هي ..sinon عندك ما تسمع منها في أول مشكل يصرا بيناتكم malgréتكون تحبك ..

[salim_s3ad]

يا أخي حليم............شكرا على كل المواضيع و أقترح ترقيتك لتكون المشرف على منتدى االجلفة للنقاش العام ولا واش رايكم يا جماعة

[**/مها/**]

انا اقبل انو يكون مشرف يستاهل كل خير

[halim Nailiiiiii]

هههههههه يا جماعه احرجتونا وعلاش ديرونا هاك نحن لا نزكي انفسنا انا ماذا بيا نكون بيناتكم وناقشكم وتناقشوني في الموضوع وخلي المسؤولية لأصحابها اما عن الأخ وليد انت رأيك في نسبة من الصواب لكن لازم تعرف أنو كي ترتبط بانسانه تنحي كل شئ من أجل الحب يعني لازم من النهار الاول تحس بلي هذي الانسانه تحابيتو انت وهيا من اجل الحب وتكوين أسرة والعيش في هناء لأنو انا ضد صحبة المصالح حتى ولو كان يكون راجل مشي امٍرأة على العموم شكرا لكم والله حسيت انو شبابنا مثقف ويفتخر الواحد بيه

halim

[**/مها/**]

ههه حليم كنت باغياتك تصير مشرف والقرار يرجع اليك

[halim Nailiiiiii]

يا سيدي انا نخلي الاشراف ليي لانك ثان تستاهل وماذا بينا مشرفنا يكون طبيب هكذا تكون حج وحاجة مشرفنا وطبيبنا ولو انو .....

halim

[بوكابو سيف الدين]

زواج المصلحة زواج باطل الرجل يبحث عن زوجة دات منصب باش يعيش ويمرمد المرأة وولادها والمرأة تحوس على راجل باش دو منصب باش تغير الناس فهي تاع مظاهر او خلينا ابوها يطمع في الرجل ويشتري حوانت و و و و انا اتكلم واش راني نشوف فهده الصراحة

[زورق الاحلام]

مشكووووووور الاخ حليم على الموضوع الحساس والمهم يستاهل المناقشة .
من رايي اذا كان الحب لما لا ان تتزوج من وحدة ذات منصب المهم التفاهم بيناتكم واهم شيء الدين الي بيه تتبنى الاسرة الي هي قاعدة المجتمع .تقبل مرووووري.

[بنت الغزلان]

شكرا على هذا النقاشا المهم الحوارالمنطقي

[aiche]

ما كان لله دام واتصل، وما كان لغير الله انقطع وانفصل
الزواج نصف الدين وهو صفقة مع الله وليس (بزنس) مع البشر
من القواعد المؤسسة للزواج الاستمرارية والديمومة، فماذا لوتعطلت المصلحة أو........؟؟؟؟؟؟؟؟؟

[بنت الغزلان]

السلام عليكم

[alilo_m]

زواج المصلحة تقريبا هو زواج المتعة وهو في الشرع مذموم و الله أعلم

[بنت الغزلان]

السلام عليكم رمضان مبارك

[بنت الغزلان]

شكرا لك يااخت عائشة

[fifi08]

انا بصراحة اعتقد ان مثل هذا الزواج محكومعليه بالفشل مسبقا
تقبلي اجمل تحياتي

[اميرة اليالي البيضاء]

لا حول ولا قوة إلا باالله العلي العظيم

[halim Nailiiiiii]

شكرااااا لكم جميعا
halim

[delloula]

الزواج يكون مبنيا على أسس متينة يا أخي العزيزمن بينها الحبّ و المفاهمة.