للفتيات فقط فتاة كتبت لي هذا فهل هو حب؟؟؟؟؟؟؟؟؟؟؟

[التحنجير]

السلام عليكم هذه فتاة تصغرني بثلاث سنوات وتعمل معي ودائما تناديني ......اخي....
كتبت لي قصيدة وأعطني إياها وطلبت من ان لا أسيئ فهمها لأني شاب ولدي خطيبتي..
هذا بعض ماكتبت فما رأيكم هل تحبني أم هو مجرد إعجاب أم........أريد جوابا


أرواح نحكيلك واش كاين في قلبي
اللي تنحات منو هموم الدنيا
من قبل تفكيري كان سلبي
حتى في الاشياء الايجابية
من بعد عرفتك وزاد حسابي
وزادت الدنيا ضاقت بيا
ولمت روحي ولمت قلبي
وضميري قعد يأنب فيا
يأنبني ويزيد في عذابي
اللي ما عرفتكش قبل المرة هاذيا
ونتمنى من كل قلبي
نمد لكلامي أهمية
لأنو والله تنور دربي
من نهار لي درتك قدوة ليا (كتبتها هكذا(
انت انسان ولا ملاك
ما عرفتش واش هي الاجابة


هذه مقتطفات من القصيدة...........

[abdo02]

بدون رد ؟؟

[sarah1424]

Rabbi yehdina ya khou wech thebni n9olk
hadi rak 3ajebha whabatek whabba tet9arab mennek wnta rak fiance akhtik menha
rak khateb whadi tab9a dir kima hakka hatten tayhek

[أبوعبد الرحمن39]

الله المستعان

[التحنجير]

أكيد نشاله ربي يثبتني على الحق

[amirati]

rabi yahdiha hada rahi 3arfa bali rak khatab we ba3tatlk had 9assida rahi teseyi m3ak rabi yahdi ma khela9

[أمة الجبّار]

السلام عليكم

إيّاك اخي ان تقع في الفخ،، هي تعلم انّك خاطب صح،،، ان كررتها مرة اخرى تصرف معها و لو بشدة،لانها تعلم انك خاطب و تفعل هذا، ماذا لو لم تكن تعلم؟؟ لكن ربما تكون فعلت ذلك بحسن نية، لكن رغم ذلك لا تفسح المجال

[كريمة عمر]

انا من وجهة نظري ان لاتعيرها اي اهتمام ،خاصة وانك مقبل على مشروع زواجك ونتمنا نشاله ربي يحفظلك خطيبتك ،وعلى فكرة هذي الطفلة لي كتبتلك اذا كانت تحبك صح ماتكتبلكش هذي الرسالة خاصة و انت راك مرتبط ،ربي يهدينا .

[nibrasse76]

هاذي باغية اللبن ومخبية الطاس ..........

[mohamed miloudi]

راهي تلعب بيك المخلوقة

[assia81]

لا اظن انها تحبك بل هي تحترمك لم تستطع ان تقول ذلك مباشرة فكتبتها في رسالة لا تهتم للامر او تفكر في شيء اخر غير ان تكون اختك في الله ولا تحاول ان تجرح مشاعرها انا متاكدة انها لا تقصد ماتفكر فيه

[faty05]

دعك منها و لا تعطي لها جوابا
و هل تسمي هذي قصيدة ؟؟
هذه سبل من سبل الاغراء و تزينها لك بحزنها و اهتمامها و تشبيهك بالملاك؟؟؟؟؟؟؟
اخي لربما كنت تكلمها بطريقة لطيفة لهذا أستأنست الحديث اليك و راهي تبينلك عذابها لانك راك خاطب
شوف قطع القصيدة او احرقها
ثانيا لا تكلمها الا في اطار العمل او عن العمل و خلاص و تنحي الهم من راسك
سارع بالزواج و التعفف

[الجواهر]

كيف استطاعت ..........يا لجراتها ؟
عجبا لبنات جنسي ؟؟

[sengra]

السلا م عليكم
كلمات جميلة و معبرة ليتك كتبتها كاملة و كأنها تعبر عن الملايين

[هدى الجيجلية]

ليس لديها الحق
ان تكتب هذه الرسالة
إحنا بشر
وعندنا احاسيس
بصراحة
لازم تكلمها
وتقلها
لازم ايكون بينا حدود
وانا خاطب

[بلسم غرام2018]

والله لا استطيع قول اي شيء سوى عاملها على اساس اختك واقصو عليها حتى تفهم معنى انسان خاطب

[مسلمة وافتخر17]

تجاهلها الله يهديها ويهديك وانت وش همك الا تحبك ولا لا
خمم غير في خطيبتك لاتحبك ولالا هدا هو الصح لخاطر تبدا تخمم شيطان يلعب براسك
الله يثبتك ويثبتنا

[بتول8]

مخادعة كبيرة حذاري

[شموخ النسر]

هذه عصيدة ماهيش قصيدة

[houda_jijel]

السلام عليكم اخي. انا في رايي احتمالين الاول انها قصدت واش تقول و راها صادقة في كلامها و الثاني انها من البنات اللي يحبو يلعبو. وفي كلتا الحالتين انت الادرى لانك تشوفها و تصرفاتها.
و بما انك خاطب فلازمك الا انك تقولها و تفهمها باه متزيدش تكتبلك حتى حاجة من النوع هذا هاذي لاكان شفتها صادقة و لكان كانت من اللواتي يلعبن فرايحة تزيد تعاود تكتبلك و متخليكش في راحتك و هذا النوع تجاهلو و متتعاملش معاه ابدا.
هاذ كلامي..................

[bioblida]

السلام عليكم
انا اللي محيرنيكيفاش شديتها عليها وانت خاطب و قريتها و زيد حاب تعرف واش راهي تقصد !!! وانت خاطب بنت الناس لوكان خطيبتك في بللاصتك كنت خونتها
يا اخي اتقي الله ي بنت الناس اللي مسمية خطيبتك اما المكتوب باينمن عنوانوا ونما تنغرش بحكاية الملاك ياو الملايكة باينيين و احنا بشر

[يونس معبدي]

انت ارتكبت ثلاثة اخطأ
الاول
كما قالت الاخت
انا اللي محيرني كيفاش
شديتها عليها وانت خاطب
الثاني
نشرك لهذه الامور التي تعتبر شخصية
الثالث وهو الاهم
واش دخل هذه القصة في منتدى الحياة الزوجية
تقدر تقلي انت وكل واحد رد عليك من الاعضاء
اين العلاقة بين الموضوع والقسم

[nono hydrau]

اذا كانت هي غالطة فأنت غالط أكثر منها ببساطة لأنك عطيت الموضوع اهتمام واذا قلت مجرد فضول حبيت نعرف واش كتبت برك فأنا نقولك ...كلنا نعرفوا نهاية الفضول
أنت فاهم .....لأنك أكبر منها بثلاث سنوات .....وهي وصلتلك الرسالة قبل ما تقرأ رسالتها ...لأنك بمجرد ما قبلت تشد رسالتها أكيد راك فهمت واش تحوي سطورها ...مش محتاجة فهامة....لأنك فتحت قدامها الباب ...تعرف حتي لو ما قريتهاش وتكون شديتها باش ما تحشمهاش او متجرحهاش فانت ارتكبت في حق روحك وحق خطيبتك غلط كبير
علي العموم حاول أنك تفهمها أنها غلطت ومش لازم تعاود تديرها خطرة أخري وبما أنها تناديك أخي فهمها ووعيها
تربح فيها أجر
تقبل مروري
والسلام للجميع