بين أمي وخطيبي ؟؟؟؟؟؟؟؟؟؟؟؟

[مشكلتي]

يقولو واش يخرج العروس من دار باباها ؟؟؟؟؟؟؟؟؟؟؟؟؟ انا فتاة مخطوبة عندي تقريبا 3 سنوات خطيبي انسان مليح خاطي المشاكل مصلي يحبني يحترمني يقيمني جامي فاتت عليا مناسبة ولا عيد وماقيمنيش جامي سخفت على حاجة وماجابهاليش غير ادا ماقدرش خدام عسكري يخلص تقريبا 5 ملاين عندو ارض وراهو بدا يتفتف فيها ......امي تاني هايلة مليحة مع الناس لكل جامي تخرب في واحد بصح ماتحبش خطيبي من نهار خطبني كي ماحبوش خوالي حتى هي دير بكلامهم بصح ماتقوليش ماهوش مليح قليل وين تقولي ونعرف باللي قلبها معمر منو ...المشكل انو خطيبي ساكن مع 2 خاوتو وامو واحد مزوج ولاخر لالا كانو معولين يزيدو يبنو فوق دارهم ونسكن انا لفوق كيما نقولو بداري بصح صراو شوي مشاكل ومابناوش الفوق درك راح نسكن التحت معاهم في شمبرا عادي كي قلت لماما قاتلي لالا الشومبرا هاديك ضيقة بزاف(بصح خطيبي قالي واسعة ومليحة قالي درك نصورهالك وتشوفيها ؟؟؟) ماما قاتلي مانقبلش تسكني لتم قاتلي لوكان مايبنيش لفوق ولا تدي 2 شومبر لتحت مايتندارش العرس وخطيبي مايقدرش يبني لتم ويزيد يبني في ارضو بزاف عليه منين راح يجيب دراهم حتى باباه ميت ربي يرحمو كي درنا الخطبة والفاتحة عندو خاوتو4 هو الصغير دورو ماعطاوهش ودرك جايو العرس هاد الصيف وراهو يبني انا شفني وانا قابلة بالحلوة والمرة معاه بصح ماما ديما حاجة ماتعجبها وخايفة تكبرها بزاف
وقالي ادا تحب امك نخرج نكريلك نورمال بصح انا ديما بعيد على الدار وماتقدريش تقعدي وحدك ...... عييت كيفاه ندير هل هو الغالط ولا هيا وكيفاه ندير باه تولي حتى هي تقدر ضروفو مانحبش المشاكل بين امي وزوجي بويسك مفتحين وباقيلنا سمانة نروحو نعقدو....كثرت عليكم بصح والله كي نشوف اعز انسانة فالكون قلقانة نضيع انا نحبها تكون راضية عليا وفرحانة بيا

[mitrochka]

أمك باينة محاباش خطيبك
معليش أنت تعملي على ربي و استخيري بواش تديري و إن شاء الله يسهلك ربي سبحانه

[faty05]

فوضي امرك لله
و ان شاء الله ما يكون غير الخير

[soheib+206]

نفس حكاية أختي حتى مع اللول شكيت فيك أنك هي

هههههههههه أنا نصيحة ليك تبعي راي يماك

يماك كبيرة عليك و مجربة و تحبلك مصلحتك

مابيهاش تحب خطيبك و لا تكرهو

واحد ما يحب الخسارة لولادو سورتو الأم مكانش

الحنينة كيما هي ....

أنا ختي درك راهي في المشاكل و دايما متدابزين

مع نسيبنا على جال هاد المشكل نتاع السكنة

باسكو مع اللول يبست راسها و قالت نديه و نشالله

نسكن معاه في باطة زلاميط مي مين تزوجت و

وجابت لولاد و تربطت مليح بداو مشاكل نتاع نساء

خاوة راجلها و مشاكل عجوزتها

أنا نصيحتي ليك تبعي رأي يماك كبيرة و تعرف

واش يخرج عليك

وسلام

[بلسم غرام2018]

والله استخيري الله ولا خيرة الا في ما اختاره الله

[بتول8]

و الله مشكل صح
ربي يفرج اختي
بصح ديما قلب الام يصيب

[imane-2020]

السلام عليكم
اختي انتي ادرى بمشكلتك وبما انو يبني انا نقلك واش رايك لوكان تقبلي انك تكري المدة الااولى نتاع الزواج ونبعد ترجعي لدار شيخك حتى تكملي دارك وديري لالستخارة وربي يجيبلك الخير

[أبوعبد الرحمن39]

استخري الله وأنت إذا كنت راضية بخطيبك فلايهمك أين سكن ولادخل لإمك في الموضوع ولكن عليك مصارحتها وأقنعيها بهدوء ورفق ولين

[amouna.sem]

Rabi yssahalak mich sahla khlass mamak manwa khatibek man Wallah mahi sahla

[muslimone]

أختي هاذي أمك وتخاف عليك ومن حقها تتقلش أنت بنتها وتحبك تعيشي مقلشة، بصح علاحساب هدرتك باينة خطيبك صريح معاك للحد وما يخبي عليك حتى حاجة ومستعد يتنازل على قداه حاجة على جالك وراهو مساعفك لحد الآن حاولي ما تضغطيش عليه أكثر هو ما عندو ما دخلو في سوء التفاهم تاع أمك أما والدتك كلميها بالهداوة وفهميها بلي راكي مقدرة خوفها عليك بصح بينيلها بلي هاد السيد راه لحد الآن صادق معاكم خير من شي ناس مساكن وراه ناوي يكريلك وزيد راه بدا يبني وأكيد ما دامه عسكري من الأحسن أنك تسكني مع أهله أضمن لك وأعف لك من القيل والقال والله هو الموفق ادعي ربي وما تضخميش الأمور حاولي تسايسهم في زوج وربي يهنيك

[wissam5]

استخيري الله ..... وادعي ربي يفرج عليك

[sarl02]

الله يعطينا من قلب خطيبك هذا شوية ...با بنت الناس اي راجل عندو كرامة والله ما يرضى بحجم هذه الضغوطات من عايلتك وليس منك لانو على حسب كلامك تباني ما شاء الله رزينة كثر من امك هذه ولعل هذا ما زاد من تمسكه بك ...واش انقولك ان شاء الله ربي يهدي هذه المخلوقة تاع ماماك وانت ننصحك بالصبر والسعي جاهدة لارضاء الطرفين حتى ربي افرج عليك.

[لمياء كوكو]

المشكل في أمك ربي يهديها
ماحلى بنة تسوفري مع خطيبك ماش لازم كولشي ساجي http://www.djelfa.info/vb/1

[لمياء كوكو]

http://1ربي يسعدك معاه

[yasmina31]

ربي يحنن قلب ماماك انتي زيدي استخيري ربي و لي فيها خير يقدمهالك ان شاء الله و يفرج عليك

[مهونة]

اختي المشكلة تاعك كبيرة بين املك اعز انسانة وخطيبك يعني راح يكون شريك حياتك
انا من رايي مادام خطيبك راه يبني ماتخافيش يعني الفرج جاي جاي اتوكلي على ربي وقنعي ماماك ولازم ترضى عليك ربي يسهلك اختي ولعقوبة لكامل لبنات

[djihanegirl]

أمك هي الغالطة الناس تحوس على الراجل لمليح ومن بعد كل شيء بالعقل و راجلك على حساب الوصف هايل والله مشكل

[zima2012zima]

كان الله في عونك .......

[sasou2013]

انا عندي مشكلة كما تاعل انا حبيت واحد و حبني جا خطبني كي سمعت يما بلي ماشي وليد بلادنا بدات تمص القارص و الوخدة كي عرفت بلي ما يخلسص مليح و زادت كملت عليها مرت باباه كي عيطت في تيليفون ليما و قالتلها ماوش قادر يجيبلها صداق كبير و يما شرطت عليها 20 مليون و بارور.و السكنة.... و داك نهار بطلنا كلش هد لحكاية عندها عام و هو بقى شايد فيا و انا كيف كيف راو يوجد روحو و شرا بارور و راو يوجد دراهم بصاح راني خايفة كاش ما يسرى كي تعاود تعايطلها مرت باباه سورتو كل مايقول راو جاي هطا الايام تسرى حاجة تعطلنا ادعولي ربي يسهلي

[zeyar zeyar]

كيما قال الاخ خطيبك قلبه كبير بزاف ماماك راها باغيا كلش واجد اساليها اذا هي لقات ابوك واجد اي وحدة لازم تصبر مع رجلها فالحلوة والمرة وعلى حساب الشوفة خطيبك راه مساعفك بزاف انتي كوني مرا وسعفيه واقنعي امك انك راضية بهذا الشيئ كيما كان الحال .........شوية م الحنة وشوية مرطوبة اليدين