مشاكل عائلية

[soso k]

:dj_17: من المشاكل التي نشهدها في العائلات هي المشاكل بين الحماة والكنة , فالحماة تحس ان الكنة اخذت لها ولدها والكنة لاتحسن عون هذه الاخيرة ولكن السؤال الموجه هو هل يذهب الاولاد ضحية هذه المشاكل فالام عادة ما تحرد الاولاد على جدتهم فبماذا تنصح الامهات؟:confused:

[أبوعبد الرحمن39]

أنصح بالتفاهم والصبر وعلى الزوجة تحسن إلى الحماة فتملك قلبها وأما هذا الفعل وهو إمساك الاولاد عن جدتهم غلط ويزيد الأمر سوء ا

[مراد الأمل]

ربي يهديهم إن شاء الله..

[سدرةالمنتهى]

ننصحها انها تتحمل و تصبر الكنة لانها سياتي يوما و تصبح حمات و قد سلب منها هي ايضا ابنها لذا تحط روحها في بلاصة حماتها

[fati 17]

انصح خاصة المتسلطات لا تاخذ زمنها وزمن غيرها

[مريم الصابرة]

السلام عليكم اختي
الي نعرفها المرا تجي من دار والديها دايرة الحمات بين عينيها سبحان الله تكون مخطوبة وتحرق في قلبها لما يحب يماه ويجي يشوفها ماذا بيها لو يجي وحدو وتبدا النار تشعل في قلبها منين يقولها شريت ليمى او اختي رانا نسا ونفهمو بعضانا هذا واقع واللي تحرم جدة من حفيدها ربي يحرمها هي أيضا الدنا ساعة دوارة اليوم ليها غدوى عليها شكرا

[بتول8]

مشكل لم يوجد له حل للساعة

[~ فآيـزة ~]

السلام عليكم

اولا ليكن في علم الحماة ان ولدها ايضا اخذ تلك الفتاة من أمها وأهلها .... الحماة تعبت في تربية ورعاية ابنها حتى اصبح رجلا وام الكنة تعبت في تربية ابنتها ورعايتها حتى اصبحت امرأة ... ثم لا بد ان يكتمل النصف بالنصف الآخر ... وهكذا هي سنة الحياة .... فعلى الحماة ان تعامل الكنة كابنتها وعلى الكنة ان تعامل الحماة كأمها ... والمعاملة الحسنة والمودة والرحمة اساس استقرار الحياة واستمرارها بسلام وأمان ورضى الرحمن ...

[المتفآئلة]

هذه السلوكات اصبحت كعادات في مجتمعنا...للاسف .يعني لازم يكون خلاف بين الكنة والحماة ولا بين زوجات الاخوة ..؟؟ الاول يجب معالجة هذا التخلف الفكري صراحة ...

[loulou02]

لذلك يفضل الإستقلالية من البداية لأن العيش مع العائلة بداية المشاكل .

[هدى الجيجلية]

الصراع بين الحماة والكنة لا ينتهي
ولكي
ينتهي
لازم تكون في مودة وإحترام
حتى تزول هذه المشاكل
هذا رأيي الشخصي
تحياتي

[raboha]

السلام عليكم

اولا ليكن في علم الحماة ان ولدها ايضا اخذ تلك الفتاة من أمها وأهلها .... الحماة تعبت في تربية ورعاية ابنها حتى اصبح رجلا وام الكنة تعبت في تربية ابنتها ورعايتها حتى اصبحت امرأة ... ثم لا بد ان يكتمل النصف بالنصف الآخر ... وهكذا هي سنة الحياة .... فعلى الحماة ان تعامل الكنة كابنتها وعلى الكنة ان تعامل الحماة كأمها ... والمعاملة الحسنة والمودة والرحمة اساس استقرار الحياة واستمرارها بسلام وأمان ورضى الرحمن ...

و الله كلامك صح بارك الله فيك
دايما يقولو الحماة تحس بلي الكنة دات عليها ولدها
و جامي يقولو بلي الرجل دا البنت على أمها
علاه أم الولد حسبت وقاتو و رباتو و أم البنت ما رفدت مربات
صح باش متكونش مشاكل لازم الحماة تعامل الكنة كبنتها و الكنة تعامل حماتها كأمها
و نزيد على كلامي الحماة كي متكونش باغية الكنة من النهار الأول تبقى حاطتها بين عينيها و متهنيهاش حتى و ترفدها الكنة فوق راسها
و هذا المشكل يبقى حتى تفنى الدنيا ( إذا تفاهمت العجوز و الكنة بليس يدخل الجنة)

[raboha]

نسيت في كلامي باش نقول حرام الأم تحرش ولادها على جداتهم حتى و تكون ميش مليحة معاها
هي كل الطرفين يوكلو ربي و الظالم يخلص
أما الأولاد واش دخلهم

[~ فآيـزة ~]

و الله كلامك صح بارك الله فيك
دايما يقولو الحماة تحس بلي الكنة دات عليها ولدها
و جامي يقولو بلي الرجل دا البنت على أمها
علاه أم الولد حسبت وقاتو و رباتو و أم البنت ما رفدت مربات
صح باش متكونش مشاكل لازم الحماة تعامل الكنة كبنتها و الكنة تعامل حماتها كأمها
و نزيد على كلامي الحماة كي متكونش باغية الكنة من النهار الأول تبقى حاطتها بين عينيها و متهنيهاش حتى و ترفدها الكنة فوق راسها
و هذا المشكل يبقى حتى تفنى الدنيا ( إذا تفاهمت العجوز و الكنة بليس يدخل الجنة)

معك حق .. رغم ان الولد لا يكون قريبا لامه بقدر ما تكون البنت قريبة من امها وحنونة عليها مهما كانت درجة عطفه ...وهنا يحق ان نقول ان الرجل اخذ الفتاة من امها وليس العكس !!

لكن اكيد مازال هناك خير في امتنا رغم انهم قلة جدا هؤلاء الذين يكنون الاحترام والمودة لبعض .. وهذا سببه البعد عن قيمنا ... الله المستعاان

[منهاج]

السلام عليكم

يجب عدم ادخال الاطفال في المشاكل بين الحماة والكنة

[بين الحقيقة و السراب]

و تبقى الأولوية للحماة في الاحترام [ فهي الأمّ]

و للابن هنا دور فعّال في فكّ الخلاف بشيء من الحكمة!

[ريم الفلى]

من اللي خلقت الدنيا واحنا في هد المشكل تاع العجوزة والكنة ويقولو إذا تفاهمو ابليس اللعين يدخل للجنة مي يا اخواتي الكريمات متخليوش المشاكل تكبر مابيناتكم وعجايزكم تاني راهم امهات كيما انتوما ما لا لازم نحسو بيهم واللي فات على كلمة فات على روح مانيش راني ريحة نقولك ديريها كي يماك وانت نقوليلي يما متديرليش المشاكل ونبقاو في حل واربط راني رايحة نقولك خمي بعقلك شويا برك وعاودي وللي لبداية هاد الدنيا راكي تتفكري واش قريتي في قصص الأنبياء لما ربي سبحانو هبط ادم وحواء للأرض وخرجهم من الجنة يخي مكنوش زوج حوات كانت وحدة برك هي اللي جابت زوج ولاد وزوج بنات وكل واحد منهم كان لازم عليه ياخد وحدة وهكدا بدات الدنيا يعني في اللول وفي اللخر عندنا كامل ام وحدة وسيي تعوضي عجوزتك الحنان اللي كان عند يماك ماشي علاجال حتى واحد على وجه ربي برك