السلام عليكم اخواني [الأرشيف] - منتديات الجلفة لكل الجزائريين و العرب

مشاهدة النسخة كاملة : السلام عليكم اخواني

amina260

2012-12-30, 13:29

السلام عليكم ورحمة الله وبركاته
اخوتي انا فتاة تبلغ من العمر 19 سنة طالبة جامعية وانخطبت هذا العام مي يخوتي عندي شيئ راه لامحيرني
انا قبل كنت نلبس سروال وليكات طويلة ولا سروال ومنتو ونلبس دي فوا ساجدات مالا الخطيب تاعي طلب مني نلبس جلباب ولكن قالي اطا كنت مقتنعة وراضية بيه البسيه
انا بالنسبة ليا كنت امنيتي نلقى زوج كيما هاكا يخاف عليا ويسترني
بصح راني متردة شويا
اولا متخوفة من رد العائلة تاعي
ومن جهة كي نشوف فتاة دايرة ر الجلباب نبغي نديره وكانت امنيتي نديره بصح متخوفة بزاف
بواش تنصحني اخوتي الكل واجركم عند الله

knives55

2012-12-30, 13:34

الجلباب هو مونطوا طويل بزاف برك

شيئ عادي جلباب خير لانه يستر جميع الجسد وهو مريح أكثر من السروال و تليكات

amira19

2012-12-30, 13:44

البسي حجاب سامبل مستور و خلاص كي تروحي عندو ديري جلباب

hiba ahmed

2012-12-30, 15:52

حبيبتي الجلباب مذكور في القران الكريم وعندو الحق هادا انسان باين مليح ومتدين ربي يخليهلك

nassima08

2012-12-30, 15:59

اتوكلي على مولانا وديريه خطيبك هدا انسان صالح و يحبلك الخير و تهلي فيه و ارضيه و تفكري انه جنتك او نارك و ربي يسخر فيكم و يهنيكم مع بعض

هدى الجيجلية

2012-12-30, 16:38

اختي
فكري امليح
قبل
يعني
ما شي
تلبسيه
أيام ومنبعد
تنزعيه
ما شي
تلبسيه
باه اتراضي
أكلام خطيبك
البسيه عن قناعة

amina260

2012-12-30, 17:21

اخوتي الكرام ربي يحفظكم ويهنيكم شكرا على النصائح هذي
جزاكم ربي خيرا واسعدكم في الدارين
ارق تحية

sali-sali

2012-12-30, 17:24

خطيبك عنده الحق و انتي اطرحي الفكرة على اهلك
ادا ماعجبهمش الحال المهم تلابسي شيئ مستور ولما تكوني في داره ديري الجلباب

amina260

2012-12-30, 17:31

شكرا اختي الكريمة ان شاء الله ساعمل بنصيحتك ان شاء الله
دمتي بخير اخيتي

abdel02

2012-12-30, 20:30

رضى الله من رضى الزوج مادام طلب منك أمر مليح.

دعاء المحبوبة

2012-12-31, 08:00

عادي جدا البسي الجلباب ارضاء لله عز وجل
ثم ارضاء لزوجك

أم أسيل الاثرية

2012-12-31, 08:27

سلام اختي حبيت انقولك انا درت الجلباب كي كان عمري 9 سنين وراني مقتنعة بيه والجلباب راو مليح اختي والله منو ترضي ربك ومنو ترضي زوجك انا عني غير ديريه والله ميش راح تندمي عليه باسكو مع الوقت توالفيه

ibrahimm

2012-12-31, 10:58

شحال تحبو الحرام يا البنات

ديري الجلباب مكانش مقتنعه و لا مش مقتنعه

كيما واحد يقلك منصليش حتان نكون مقتنع وين جات هذي

amina260

2012-12-31, 14:49

شحال تحبو الحرام يا البنات

ديري الجلباب مكانش مقتنعه و لا مش مقتنعه

كيما واحد يقلك منصليش حتان نكون مقتنع وين جات هذيولو كنت فظا غليظ القلب لانفضوا من حولك
يا اخ على الاقل حسن طريقتك في ايصال الفكرة
لا حول ولا قوة الا بالله
شكرا على كل حال

amina260

2012-12-31, 14:50

شكرا لكن اخواتي ربي يحفظكم
اجركم عند الله
ادامكم الله في خدمة الدين
ارق تحية

سدرةالمنتهى

2012-12-31, 15:53

ماشاء الله لو انا منك نديرو بدون تردد هذه كانت امنيتي انا ايضا ادعيلي بالرجل الصالح اللي يسترني .......حتى وليت نشوف( في المنام انو خطبني انسان و قلي ديري جلباب لاني انا حاب نسترك ) على الاقل كان سبب في هدايتك الى الحجاب الشرعي و كان معاك سلس ماشي متشدد هذا غير طيعيه واش يقلك ديري ماتخافي ماتتردي رضا الزوج من رضا الله و انت الان في الطريق الى الجنة انشاء الله

amina260

2013-01-02, 21:57

الله يخليك يا ختي الحبيبة ربي يرزقك بالزوج الصالح ان شاء الله يارب