قال لي انت جايحة

[madoucha]

السلام عليكم منذ فترة اشتريت هاتف و لقيت فيه مشكل و خطيبي عاتبني كثيرا لدرجة انو قال لي بالكلمة انت جايحة
غاضتني روحي بزاف حسيت روحي ما نسواش هل يحق له معاتبتي بهذا الشكل
هل اذا غضب الرجل يقول واش يحب

[nibrasse76]

ايه الرجل اذا غضب يفعل كل شيئ ...والمرأة كذلك ..اذا غضبت لاااااااااااااا تفعل اي شيئ ...معناها تعاند وتدير روحها معلابالهاش ...بما يريده اللرجل ..هكذا سنة الحياة

[sali-sali]

هههههههههه
ممكن قالها وخلاص
لكن مافهمتش واش هو السبب لي خلاه يقولك انتي جايحة على جال الهاتف ماعرفتيلهش؟؟ نورماااااااال

يا اختي ماتكبريش المشكل برك ،على كلمات تافهين ممكن تكبر بيناتكم
فوتيها

[imene12]

عادي يا اختي ... أكيد ما يقصدش بيها الاهانة... نظن انو حب يبينلك إنك ما عرفتيش تخيري فقط... و هاذي هي طريقتو

[sarl02]

قالك انت جايحة برك جيتي اديري عليها موضوع في قسم المشاكل الاجتماعية ؟؟ انا واالله ما فهمت في النساء تاع هذا الوقت كيفاش راهم معولين يزوجو واديرو الدار ...خلاص على بالي غدوة اقولك انت شاطرة ة وما تنسايش ارواحي ديري عليها موضوع هنا.

[madoucha]

قال جايحة و قطيمة و لست اهلا لتكوني زوجة يا ريت قال جايحة برك بل اهانني و حسسني انو لم يحسن الاختيار

[كاميلا]

متروديش عليه وخليه حتى يعرف غلطته حاط روحه بوفهيمو ففففف

[حفيظ حيدر]

السلام عليكم . يا اختي و الله نورمال لازم تعودي نفسك من درك . راه غير يهدر لوكان ما عجبتيهش صح كان يبعد من ضرك. انت حساسة شوي وهو يهدر بالاك ما يوزنش الهدرة كي حالتي .

[sarra5]

hhhhh

c rien had le genre men les prblms yethalo f hadik ld9i9a

cvd ki 9alek heka konti ltema tetfahmi m3ah w tfahmih k machi ralta ta3ak ki l9itih fased w hoa maando marahlo yek machi men jibo

heka ba3da ta3tihalo bah mayzidch ytawal lsano

w cbn frat khalih yakol roho

ana 3andi kolchi w la dignité wahad maydor biha

[الجليس الصلح]

أظن بلا ما يقصد يهينك كلمة جايحة لا شيئ فيها
فوتي ذلك يلا عاودها نبهيه والله يسهل

[assia81]

هاذو هوما الرجال يريد المراة فيها كلش يحبها ست بيت رائعة ويتتبع التطور والتكنولوجيا وقارية وتفهم في كلش وكان هده المراة الة وكل صبع بصنعة ولكن ياهكا ياهكا بلاك تبرع في حاجة وحاجة اخرى ماتبعش فيها بص الرجل يقوللك مايتعيبش عندو خدمتو بزلف عليه سبحان الله وش ديري اختي اصبري عليه وخلاص

[monamimi]

éééhhh ana ygoli akter men hakka
mais ngolo matgolch haka ani manhebech basah mankaberech mochkel
rabi ihenina

[ange du paradis]

ياحنوووووووووونة ماتكبريهاش بزاف لحظة غضب الواحد مايعرفش واش يقول سورتو الراجل لازم عليك انت تثقلي اذا في زوج تعاندتو كيفاش تفرى ؟
واذا عاودها مرة أخرى ؟؟ ماتخليش روحك حتى تسمعي هاك واذا غلطتي اطلبي السماح وربي يهنيك ان شاء الله

[sarah1424]

قالك انت جايحة برك جيتي اديري عليها موضوع في قسم المشاكل الاجتماعية ؟؟ انا واالله ما فهمت في النساء تاع هذا الوقت كيفاش راهم معولين يزوجو واديرو الدار ...خلاص على بالي غدوة اقولك انت شاطرة ة وما تنسايش ارواحي ديري عليها موضوع هنا.

????? Ma3labalich 3lah raditlha haka
ki maye3jbekch sujet mahouch obliger 3lik tcommente
hia ghadha lhal wbghat tferegh 9albha
on demande un peu de respect

[fati 17]

لوكان ماكي جايحة ماديري على هدرتو اكيد ميقصدش انت حساسة اثبتلو العكس وخليه يحس بروحو هو الجايح يعني ابهريه بيك قفازة وشطارة وهدرة مرتبة واحفظي شوي معلومات ورديلي بالخبر

[سارة البوسعادية]

يابنتي ماعندك ماسمعتي
انا نهار قالي راكي جايحة على وحد الموضوع حكمني الضحك نطحت من الكنابي
غير فوتي ونقصي الكلام معاه لانو كثرة لكلام ترخس
واذا كان يعزيك الامر
انا قالي جايحة وماتفهميش وماتحبيش تفهمي وراسك يابس راسك حجرة مهبولة تتمهبلي تلعبي فيها صغيرة في العقلية وبزاااااف
مي كي يقولهالي نرجعهالو بضحك يقلي مهبولة نقلو مهبول يقلي جايحة نقلو جايح يقعد غير يضحك
اخر مرة قالي عقليتك كي دراري صغار قتلو وانت عقليتك كي الشيوخا لكبار
بالمختصر مانديش عليه ونقعد نضحك
وقيل راني صح جايحة ههههههه

[mohamed160]

هههههههههههههههههه من ضرك غضك الحل

[الدر المكنون]

فوتيها تجاوزي على الزلة اللي جاي كثر من كلمة جايحة الزواج مسؤووووووووووووووووووووووووووولية

[adel90]

أولا أنا أمزح :أنت لست جايحة والدليل على ذالك أنك نقلت الخبر من الفرن
ثانيا : عليك أختي أن تتعودي لأن الرجل بطبيعته أحرش وليس ناعم يستعمل العبارات اللطيفة الرجال يستعملون العبارت الفضة والزوجة الصالحة تكون دائما صابرة والله يهنيكم ببعض

[مناد بوفلجة]

من عادة الإنسان أن يتحدث بالكلمات التي تعود نطقها في محيطه الإجتماعي

ربما يقولها لــ أقرب المقربين له

فأمر عادي لو قالها لك

يعني : لا تلوميه

[زهايمر]

السلام عليكم ورحمة الله وبركاته

انا ننصحك نصيحة اخوية

لحبيتي تكسبي قلبو ويدوم زواج في سعادة وان شاء الله ربي يهنيكم ببعض

تجنبي اي شي ينارفيه ، وحاولي ما تعاوديش الخطأ اكثر من مرة

واذا كان سريع الاشتعال هذا يعني انه يعيش في ضيق سواء مادي او اجتماعي حاولي تتجنبي تكوني له ند بالند لازم تتحملي على نفسك في هاذيك اللحظة ، خليه كي يكون رايق وهادي قوليله انت زعلتني في كلمتك بطريقة فيها نعومة وانثوية

ممكن تعلقك بيه مخليك مركزة على كل شي فيه كلامة ولبسه واي شي يخصه

المهم نوع هذا من رجال افضل من نوع الصامت يشد في قلبو ويدير لي في راسو حتى لو كان فعله ظلم وجور

وربي يوفقكم

[بتول8]

ههههههههههههههههههههههه
عندك ماتسمعي فالمستقبل
ابداي تتعودي من ضرك اختي و الا فلن تتحملي الفاظا اخرى في المستقبل اشد قسوة
الله غالب لازم المراة تتنازل و هو مهما دار يبقا راجل و نتي اذا تغلطي بتفاهة وحدة تتحسب عليك لذا نصيحة كلي مهدرش و كي تزوجو لتم بينيلو بلي متحبيش هاد الامور بينكم باه يبقا لقدر اما اذا زعفتي من الان راح يمل منك و يطيشك خاصة اذا كنتي مغرمة بيه

[شخصية نرجسية]

ربي يهديك على كلمة حارقة روحك .....

[zineb_saib]

هههههههههههههههههههههههههههههههههه مهيش حاجة تقلق يا اختي كيما قالتلك الاخت سارة البوسعادية والله ضحكتني بزاااف
راهو زوجك نورمال واذا معجبكش الحال قوليلو مطيحش راني نحترمك ونقدرك بزاف دوك يفهم روحو
هههه والله نقرا ونضحك ربي يهنيك

[ibrahimm]

مسكينه قالها جايحه

طلعتي جايحه صح و حاطه موضو هنا

[madoucha]

مسكينه قالها جايحه

طلعتي جايحه صح و حاطه موضو هنا
ياو ماغاضتنيش كي قال جايحة
السيد ندم كي تزوج بوحدة جايحة كيما انا و يريد ان يفسخ انا نظن انو بعض الرجال اصبحو تافهين و يستهينو بعقد مقدس كالزواج و يفسخو كيما يحبو

[karimblida]

نصيخة ليك أختي..........كلمة ماهيش مليحة كل واحد تزعفو
يجب التعامل معه بحزم حسب عقليتو كالتنبيه الى ما قاله و تحتى تحذيره
ووجب عليه الاعتذار