أرشدوني بنصايحكم

[ليلى الجزائرية1]

السلام عليكم

نعرف باللي مارايحين تبخلوني بنصائحكم وإرشادتكم
عرفت واحد السيد عبر النت وهو ابن ولايتي شفتو وشافني شحال من مرة
هو حبني قبل ما نحبو انا
على كلامه لقى فيا المواصفات نتاع ست البيت اللي راه يحوس عليهم من زماان ،،فارق السن بيني وبينه 9 سنوات
وخدام في شركة بترولية وعندو دار جاهزة وعندو سيارة
وفوق كل هذا فيه مواصفات الرجل اللي تحلم بيه كل فتاة عقل ورزانة وجمال
المهم قالي باللي عندو مشكلة صغيرة يفريها ويتقدملي على طول ،،في اللول كان مخبي عليا هاذ السر ومع الوقت صارحني بيه
وقالي باللي راه قاطع عهد على نفسه ما يحكي هاذ السر لاحد غير كي عاد يحبني قالهولي
السر انه عندو بنت خالته في سني انا تقريبا أمه وخالته متفاهمين باه يزوجوهم لبعضهم
مي هو رافض وبنت خالته كيف كيف مي المشكلة في خالته
وهو برك حب يهدي الاحوال شوي ومن بعد يحكي لامه عليا

سؤالي الاْول
في رايكم العذر هذا مقبول والا مرفوض؟
والمشكلة الثانية انه في كل مرة نتناوش انا وياه ونرجعو نتصالحو في ظرف أقصاه يومين
مي المرة هاذي رانا متناوشين من يوم الخميس اللي فات وما حكنا مع بعضنا من نهار الاحد اللي فات وحتى حديثنا كان عر ال***** مي انقطع الاتصال بيني وبينه من عندي انا.
وهو عندو لالين نتاع موبيليس
والمشكلة اللي صرات بيناتنا واللي راه معاديني على جالها انه نحب نعرف اخباره ونحكي معاه وهو وى يشوف باللي التليفون ولى مرض عندي وصدقوني والله ما ني نعيطله ياسر لدرجة هاذي
المهم كل مرة كي نتصالحو يقولي "الله يجيب حرقة للقلب نتاعي اللي بغاك اوليتي مسيطرة عليه " ويقولي ثاني "باللي ما نقدرش نعش بلا بيك الله غالب"
المهم انا بقيت نعيط ونبعث في الميساجات لورطابلو وهو ولا معبرني ،،لدرجة وصلت اني نستعين بصاحبتي اللي يعرفها هو ثاني
كلماته نهار الثلاثاء اللي فات وقالها من بعد نعيطلها
وفات هاذك النهار وما عيط
الغدوة عاودت حكات معاه جاوب عليها ثاني وقالها وعد الليلة نكلمها
وما كلمنيش وانا حكمني واحد الحالة من اليأس يعلم بيها غير ربي سبحانه

السؤالي الثاني والأهم :.

في رايكم كي راه معاديني لمدة اسبوع زعمة كره مني والا يعاقب فيا برك ومن بعد يولي نورماال؟؟
أدعولي ربي يعطيكم ما تتمناو

:sdf::sdf::sdf::sdf::sdf::sdf:

[sali-sali]

لي يحب صح و الله مهما كانت الاعذار يجي و يخطبك و يعمل المستحيل

واش هدي بنت خالته ماهوش بنت باش يسيفو عليه يتزوجها

ماراحش نقولك نعرف واش كاين في قلبه وادا يحبك و لا يجيب في الوقت معاك
نصيحتي تقوليله يا يتقدم و يخطبك و الا اخطيك منه هدوك يحبو يلعبو و ديما عندهم الاسباب و الاعدار مايحبوش الحلال
ربي يصلح الاحوال اختي

[* الحلم سكر *]

اســمـحيـلي أخــتي مــي الــراجل اللـي عــنـدو كــلـمة ما يــقولش لــصـديـقتـك نتــصل و يــخلـف و زيــد يــقولــها مــرة أخـــرى وعــد نتـــصل و يــخــلف كــان الأولــى يــقولـها ما نتــصلـش عــادي ..يــعنــي الـلي عــندو كـلـمة تــكون فـي كـلــشي و الــراجـل بكـملـتو
و زيـــد خــيـر ان شــاء اللـه عــلاه تــحـاوليـه بــاه يتــصل و اللــه يالــوكان روحــي فــيه كــرامـتي أولــى ماهــوش راجــلك تتــنازلــي مــاهو الا واحــد غـــريب
ديـــري فــي بــالك الــراجل كـي يــحب حــاجة يــوصلـها و نـظن حــكاية خـالتي و بنــتها قــديمة شــويا .. و حـتى لــوكان صـح خـلـيه يـروح نـهار يــفري أمــورو يــرجـعلك و باب الـدار مــعروف
خــليك أخــتي عــزيـزة و عــزي روحــك يــعزك الــراجل ... ســامـحيـني نقلك هـكذا مي راني نقلك واش في مـصلـحتك و ربي ينــور طــريـقك

[abdel02]

أحترمك كثيرا..
ولكنك تختلين برجل ربما لن يتزوجك.

[loulou02]

ما تتعلقيش بيه بزاف ، و النت عمره ماكان وسيلة للتعارف من أجل الزواج ، ديري في بالك أنه كيما تعرف عليك بهذه الطريقة راهو تعرف على الكثيرات ...........يا أختي مابقاش لمان في هذ الوقت :sdf:.

[amira19]

ليلى حبيبتي شوفي انا راني مخطوبة و عاقدة و عندي خبرة و نعرف للعقليات


شوفي الراجل عامة كي يعود عينو في وحدة يروح يجري يخطبها يخاف لا تهرب من يديه و يديها و واحد اخر متلا انا راجلي عندو 3 سنوات او 4 و هو يعس فيا من بعيد فقط و ما حبش يجي يهدر معايا لانو كام ميش مستعد للزواج حينها لانو " نيتو صافية" معايا و من بعد منين وجد جا مباشرة للدار انا و الله جامي شفتو و ربي شرح قلبي من جيهتو و قبلت بيه و انا مغمضة العينين و الحمد لله رانا متفاهمين و نحبو بزاف بزاف


حبيت نقولك لي عينو فيك يجيك للدار و يهد الجبال من اجلك

نعطيك قاعدة الراجل لا بدا يديرلك في الاعذار و ما يعيطلكش و بتهرب منك اعرفي يا حاب يجبد روحو يا كاينه مرا اخرى


سامحيني على صراحتي و لكنك اختي و نحبلك الخبير و مانيش حابة نكذب عليك

الحل سهل و بسيط جدا

ما تزيديش تعيطيلو طول طول طول تحكمي في نفسك وشوفي معاه لا عاود الاتصال قوليلو انا راهم جاو خطبوني و رايحة نقبل لاني تاكدت انك ما تحبنيش مادام ماكش مسقسي عليا و شوفي ردة فعلو


هنا رايحة تبان احقيقة لا عاد عينو فيك يجي يجري باه يخطبك

لا عاد يعقب في الوقت رايح يلقالك 11245875566 عذر باه ما يتقدمش

لا طولت المدة و ما عيطش اعرفي بلي راهو يقول ته_نيت منها و ربي يحبل يا ليلى لانو ما حبش يخليك تعيشي في وهم

هادي نصيحتي ليك و انت دبري راسك

[soha1987]

كلامك صح مية بالمية يا اميرة ليلي اسمعي لهدرة اميرة هو الصح لي عينو فيك يجي لدار ديراكت ورجال هاد الزمان العوج ساكنهم انتي اجبدي وشوفي ولاكان جبد بدلي لابوس نتاعك وانسايه خلاص لي باعك بالفول بيعيه بقشورو هاكا يعرف قيمتك ربي يفرج عليك حنونتي
سلام

[amira19]

اكيد يا سهى لازم نديرو قيمه لروحنا باه يحترمونا و يبركاو ما يلعبو ببنات الفاميلات الله يهديهم

[nasma belle]

شوفي اختي العزيزة لي فات مات ومش رايحين نقوللك علاش ولي درتيه غالط الاهم الان ان تفطني على روحك وخليك من الحب وهذا الكلام عزي روحك يعزك الغير واذا صح عينو فيك راهو عارف باب الدار مليح واياك ان تضعفي امامو صح رايحة تتألمي ولكن خلي كرامتك وكرامت اهلك فوق الجميع واياك ان تنساقي نحو عواطفك

[didahe]

ربى معاك ربى ايجيب الخير

[sara.info]

لو إحترمكي فعلا و إعتبركي زوجت المستقبل لعاملكي مثل ما يحب ان تعامل اخته

زواج النت إخطيك

[ليلى الجزائرية1]

لي يحب صح و الله مهما كانت الاعذار يجي و يخطبك و يعمل المستحيل


واش هدي بنت خالته ماهوش بنت باش يسيفو عليه يتزوجها

ماراحش نقولك نعرف واش كاين في قلبه وادا يحبك و لا يجيب في الوقت معاك
نصيحتي تقوليله يا يتقدم و يخطبك و الا اخطيك منه هدوك يحبو يلعبو و ديما عندهم الاسباب و الاعدار مايحبوش الحلال

ربي يصلح الاحوال اختي



ادعيلي ترجع المياه لمجاريها بيني وبينه
ورب يجيب اللي فيه الخير

[ليلى الجزائرية1]

اســمـحيـلي أخــتي مــي الــراجل اللـي عــنـدو كــلـمة ما يــقولش لــصـديـقتـك نتــصل و يــخلـف و زيــد يــقولــها مــرة أخـــرى وعــد نتـــصل و يــخــلف كــان الأولــى يــقولـها ما نتــصلـش عــادي ..يــعنــي الـلي عــندو كـلـمة تــكون فـي كـلــشي و الــراجـل بكـملـتو
و زيـــد خــيـر ان شــاء اللـه عــلاه تــحـاوليـه بــاه يتــصل و اللــه يالــوكان روحــي فــيه كــرامـتي أولــى ماهــوش راجــلك تتــنازلــي مــاهو الا واحــد غـــريب
ديـــري فــي بــالك الــراجل كـي يــحب حــاجة يــوصلـها و نـظن حــكاية خـالتي و بنــتها قــديمة شــويا .. و حـتى لــوكان صـح خـلـيه يـروح نـهار يــفري أمــورو يــرجـعلك و باب الـدار مــعروف
خــليك أخــتي عــزيـزة و عــزي روحــك يــعزك الــراجل ... ســامـحيـني نقلك هـكذا مي راني نقلك واش في مـصلـحتك و ربي ينــور طــريـقك




رب يجازيك كل خير
مي ما جاوبتينيش على السؤال الثاني؟
يعني في رايكم ممكن يزعف لمدة معينة ومن بعد يرجع نورمال؟؟

[ليلى الجزائرية1]

أحترمك كثيرا..


ولكنك تختلين برجل ربما لن يتزوجك.



مشكور على احترامك لي لكن لم تجب على اْسئلتي ،،وياريت لو تدعيلي

[ليلى الجزائرية1]

ما تتعلقيش بيه بزاف ، و النت عمره ماكان وسيلة للتعارف من أجل الزواج ، ديري في بالك أنه كيما تعرف عليك بهذه الطريقة راهو تعرف على الكثيرات ...........يا أختي مابقاش لمان في هذ الوقت :sdf:.


اْختي أحترم رأيك لكن لا تنسي كثير من الزيجات الي كانت عبر النت نجحت
الباشكالية هنا ليست في الوسيلة إنما
هناك سؤالين مطروحين أبغي الاجابة عليهما

[ليلى الجزائرية1]

ليلى حبيبتي شوفي انا راني مخطوبة و عاقدة و عندي خبرة و نعرف للعقليات


شوفي الراجل عامة كي يعود عينو في وحدة يروح يجري يخطبها يخاف لا تهرب من يديه و يديها و واحد اخر متلا انا راجلي عندو 3 سنوات او 4 و هو يعس فيا من بعيد فقط و ما حبش يجي يهدر معايا لانو كام ميش مستعد للزواج حينها لانو " نيتو صافية" معايا و من بعد منين وجد جا مباشرة للدار انا و الله جامي شفتو و ربي شرح قلبي من جيهتو و قبلت بيه و انا مغمضة العينين و الحمد لله رانا متفاهمين و نحبو بزاف بزاف


حبيت نقولك لي عينو فيك يجيك للدار و يهد الجبال من اجلك

نعطيك قاعدة الراجل لا بدا يديرلك في الاعذار و ما يعيطلكش و بتهرب منك اعرفي يا حاب يجبد روحو يا كاينه مرا اخرى


سامحيني على صراحتي و لكنك اختي و نحبلك الخبير و مانيش حابة نكذب عليك

الحل سهل و بسيط جدا

ما تزيديش تعيطيلو طول طول طول تحكمي في نفسك وشوفي معاه لا عاود الاتصال قوليلو انا راهم جاو خطبوني و رايحة نقبل لاني تاكدت انك ما تحبنيش مادام ماكش مسقسي عليا و شوفي ردة فعلو


هنا رايحة تبان احقيقة لا عاد عينو فيك يجي يجري باه يخطبك

لا عاد يعقب في الوقت رايح يلقالك 11245875566 عذر باه ما يتقدمش

لا طولت المدة و ما عيطش اعرفي بلي راهو يقول ته_نيت منها و ربي يحبل يا ليلى لانو ما حبش يخليك تعيشي في وهم

هادي نصيحتي ليك و انت دبري راسك


مرسي على النصايح نتاوعهك اختي العزيزة رب يخليك
ادعيلي تعيشي باه ترجع المياه لمجاريها وتتصلح الامور

[ليلى الجزائرية1]

كلامك صح مية بالمية يا اميرة ليلي اسمعي لهدرة اميرة هو الصح لي عينو فيك يجي لدار ديراكت ورجال هاد الزمان العوج ساكنهم انتي اجبدي وشوفي ولاكان جبد بدلي لابوس نتاعك وانسايه خلاص لي باعك بالفول بيعيه بقشورو هاكا يعرف قيمتك ربي يفرج عليك حنونتي
سلام


مشكورة حنونة على التفاعل نتاعك
أدعيلي رب باه ترجع المياه لمجاريها
راه معاديني على مشكلة تافهة من السمانة اللي فاتت

[ليلى الجزائرية1]

اكيد يا سهى لازم نديرو قيمه لروحنا باه يحترمونا و يبركاو ما يلعبو ببنات الفاميلات الله يهديهم
ادعيولي برك حنونة

[ليلى الجزائرية1]

شوفي اختي العزيزة لي فات مات ومش رايحين نقوللك علاش ولي درتيه غالط الاهم الان ان تفطني على روحك وخليك من الحب وهذا الكلام عزي روحك يعزك الغير واذا صح عينو فيك راهو عارف باب الدار مليح واياك ان تضعفي امامو صح رايحة تتألمي ولكن خلي كرامتك وكرامت اهلك فوق الجميع واياك ان تنساقي نحو عواطفك


ربي يجازيك كل خير
مي قولولي سيرتو المتزوجات يعني ممكن يدوم الخلاف لاكثر من اسبوع ومن بعد ترجع الامور عادي
لمجراها

[ليلى الجزائرية1]

ربى معاك ربى ايجيب الخير


آمين يارب ،، رب يجازيك كل خير حنونة

[ليلى الجزائرية1]

لو إحترمكي فعلا و إعتبركي زوجت المستقبل لعاملكي مثل ما يحب ان تعامل اخته

زواج النت إخطيك


يا اختي احترم رأيك لكن رانا من منطقة واحدة وتقاليدنا وعاداتنا مشتركة المشكلة المطروحة موش في الطريقة نتاع التعارف
إنما المشكلة طرحتها عبر سؤالين
اهمهما هل ممكن يدوم خلاف أكثر من أسبوع وبعدها تعود المياه لمجراها عادي؟؟

[loulou02]

يا أختي ماعندك ماديري ، أنا ننصحك تصلي صلاة الإستخارة و أكيد لفيه خير ليك راح يرجع و هنا لازم تفتحي معاه موضوع الخطوبة و هنا تعرفي نيته تجاهك يعني إذا صح راه ناوي الحلال معاك و كلما كان أسرع كان أفضل ، مضيعيش وقت بزاف ، و إذا شفتيه يتهرب و يلم في الأسباب (الغير مادية)، هنا تتأكدي بلي حاب يعقب الوقت برك ، و ربي يفرج عليك و يكملك بالخير إن شاء الله .

[كاميلا]

ربي يكون في عونك درك ابقاي في مكانك مزيديش تتلاقايه
وحطي في بالك احتمالين لا ثالث لهما
الاول اما عنده ظروف وهو صح ناوي يجي
والثاني هاذي كاملة فيلم هندي يتورني فيه عليك
وكي تقطعي علاقتك بيه هاداك الوقت تفهمي اذا صح ناوي الحلال ام لا
وفقك الله الى ما يحبه ويرضاه

[ليلى الجزائرية1]

ربي يكون في عونك درك ابقاي في مكانك مزيديش تتلاقايه
وحطي في بالك احتمالين لا ثالث لهما
الاول اما عنده ظروف وهو صح ناوي يجي
والثاني هاذي كاملة فيلم هندي يتورني فيه عليك
وكي تقطعي علاقتك بيه هاداك الوقت تفهمي اذا صح ناوي الحلال ام لا
وفقك الله الى ما يحبه ويرضاه


حنونة هو راه معاديني من نهار الاحد اللي فات ما حكى معايا
هذا هو البروبلام اللي راني نعاني منه درك
في رايك كي يكون واحد يحب واحدة وهي ثاني تحبه
يجوز ينايفها وما يحكي معاها سمانة ومن بعد يوليلها نورمال والا موش نورمال؟

[كاميلا]

حنونة هو راه معاديني من نهار الاحد اللي فات ما حكى معايا
هذا هو البروبلام اللي راني نعاني منه درك
في رايك كي يكون واحد يحب واحدة وهي ثاني تحبه
يجوز ينايفها وما يحكي معاها سمانة ومن بعد يوليلها نورمال والا موش نورمال؟

وعلاش انا نقولك عزيزتي حطي الاحتمالات لانني شامة ريحة ماش مليحة في القصة وحاب يديرلك اي سبة تافهة تولي انت تحطي روحك غالطة وتحطي الحق عليك ولكن كل هذا تمويه فقط باش يتهرب افيقي اختي خوذي رايي من واش حكيتي باين طرافيك هذا كاش واحد بقاو يحتموا عليه زواج تدخل في راسك انتي؟ انا متدخلش في راسي خلاص اذا كنا احنا البنات مبقاوش اللي يزوجوها بلا ما هي راضية
من فضلك اعيدي التفكير مليا واحفظي كرامتك في منزلك واذا ولا وهدر قوليله انا في الدار حاب تجي تخطب او تتكلم ارواح مكش حاب ربي يسهلك امورك علابالي صعيبة مي من بعد اذا صرا شيء لا قدر الله تولي تندمي وكيما قتلك راكي رابحة في الحالتين ومتقوليش خسرته اذا كان ميستاهلش ما عندك مديري بيه

[ليلى الجزائرية1]

وعلاش انا نقولك عزيزتي حطي الاحتمالات لانني شامة ريحة ماش مليحة في القصة وحاب يديرلك اي سبة تافهة تولي انت تحطي روحك غالطة وتحطي الحق عليك ولكن كل هذا تمويه فقط باش يتهرب افيقي اختي خوذي رايي من واش حكيتي باين طرافيك هذا كاش واحد بقاو يحتموا عليه زواج تدخل في راسك انتي؟ انا متدخلش في راسي خلاص اذا كنا احنا البنات مبقاوش اللي يزوجوها بلا ما هي راضية
من فضلك اعيدي التفكير مليا واحفظي كرامتك في منزلك واذا ولا وهدر قوليله انا في الدار حاب تجي تخطب او تتكلم ارواح مكش حاب ربي يسهلك امورك علابالي صعيبة مي من بعد اذا صرا شيء لا قدر الله تولي تندمي وكيما قتلك راكي رابحة في الحالتين ومتقوليش خسرته اذا كان ميستاهلش ما عندك مديري بيه


تشكري يا غالية
ادعيلي ترجع المياه لمجاريها

[nibrasse76]

اذا كان الوضع كماذكرتي ...فالرجل قد يغضب ويكره حتى شهر عادي ......

لكن احسن من يجيب على سؤالك هي صديقتك ...وربما تكون هي بذاتها من خلقت المشكلة وقاعدة تخرب فالظلمة .؟؟..ااخخخخ ..من عفايس النساء ؟؟؟

[assia81]

اختي اسمحيلي ولكن مابني على باطل فهو باطل
لو كنت مكانك لقطعت صلتي به نهائيا لانه لا يصلح لان يكون زوجا ولن اندم حتى وان جاء لي ليخطبني لن اقبل به
يا اختي انه يتلاعب بمشاعرك وربما الكثيرات قبلك فعل معهم ذلك لا تزعجي نفسك به لو كان زوجك او لك معه اولاد اعطيك الحق لصبرت عليه اما شخص كهذا لا تندمي عليه ابدا

[ليلى الجزائرية1]

اذا كان الوضع كماذكرتي ...فالرجل قد يغضب ويكره حتى شهر عادي ......

لكن احسن من يجيب على سؤالك هي صديقتك ...وربما تكون هي بذاتها من خلقت المشكلة وقاعدة تخرب فالظلمة .؟؟..ااخخخخ ..من عفايس النساء ؟؟؟

أختي موالفين نتناوشو وثم ثم نولو لبعضنا
وكل مرة يقولي "ربي يجيب قلعة للقلب اللي بغاك وتذليت على سبابك كي بغيتك وليت ما نستحملش فراقك"
وبالنسبة لصديقتي ما عندها حتى دخل بالموضوع
انا اللي عطيتلها الرقم وطلبت منها باه تتصل بيه
ممكن تقوليلي العين نكون ماكم مي باه تكون صاحبتي هاذي ما نظنش

[ليلى الجزائرية1]

اذا كان الوضع كماذكرتي ...فالرجل قد يغضب ويكره حتى شهر عادي ......

لكن احسن من يجيب على سؤالك هي صديقتك ...وربما تكون هي بذاتها من خلقت المشكلة وقاعدة تخرب فالظلمة .؟؟..ااخخخخ ..من عفايس النساء ؟؟؟

اختي بالنسبة لجوابك تقصدي نورمال يعاديها؟

[nibrasse76]

اولا انا اخ ولست اخت ......هههه

نعم الرجل اذا زعف من قلبه ..يفسدلو كلش ويعمل وفقا لقاعدة : الباب لي جاك منو الريح ...الخ ...بصح كي يتخنق يعاود يفتح الباب ...ــــــ ..هذا اذا ما لقاش باب واحد اخر تفتحلو؟؟؟؟؟

بالنسبة لصديقتك ...خليها احتمال فقط ..........لكن بجدية

[ange du paradis]

شوفي ياأختي من ردودك راه قلبك اللي يهدر ماكيش متقبلة خلاص فكرة كذاب أو يجيب بيك في الوقت ... وحنا تاني مانقدروش نعرفو اللي في القلوب
اذا بالنسبة للخلاف على حسب بلاك تكون عزة نفسه ماتخليهش يحاولك وبلاك انتي اللي غلطتي في حقو اصبري وادعي ربي اذا فيه الخير ربي يقدمولك ويقدم اللي فيه الخير واذا مافيه خير ربي معاااك وتأكدي بلي ربي يحبلك اللي فيها الخير برك ودائما ديري في بالك كيما يقدر تكون ظروفو اللي مخلاتوش يتقدم يقدر يكون كذااااب معناها ديريه يجي ويروح باه ماتتعبيش ياسر وربي يفرج عليك ويقدملك اللي فيه الخير ان شاء الله

[دمعة سما]

سلام أختي مانيش حابة نجرحك بهدرتي نقلك أصلا بداية العلاقة غالطة ومش صحيحة النيت عمرها ماكانت وسيلة لإكمال نص الدين عندنا الجزائريين مع احترامي
أنا مع الأخت amira19 ديري برايها اذا ماخسرت تسلكي على خييير
وهذا الي قلك بنت خالتي وبنت عمتي ابانلي مش طفل يرضع في صبعو باه اسيفوعليه حاجة كيما هذه راهي حياتو هو مش أمو ولا خالتو
حبيت نقلك ديري قيمة لروحك وماتزيديش تعيطيلو ولا تحوسي عليه الرجال عموما مايحبوش المرأة الساهلة يحبو الثقيلة الي يجريو هما وراها مش العكس
والي داير الحلال في نيتو عمرو مايدير أعذار وربي اسهلك
وسمحيلي على صراحتي.....

[بتول8]

خليه هو يحوس عليك اذا صح ناوي الحلال راح يجي يخطب و اذا صح شخصيته قوية راح يوقف فوجه الف شخص و يديك انتي اما بنت خالتو و بنت عمتو و بنت فلان هادو حكايات فارغة الفرغي حجج واهية لا يستعملها الا الرجل الغير منفصل الشخصية عن الاهل
الراجل الحقيقي من يختار و يعمل خطوة للامام شخصيتو قوية و قراراتو رجوليه و فالحلال لا يلف و لا يدور و كي يعيطلك يقلك وجدي روحك اني جاي

[رؤيا الظلام 48]

معلاباليش شحال في عمرك بصح صرااااااااحة انا كي كنت في سن 18 و20 كنت نخمم هكة ...راكي مستهونة بزااااااااااااف وعاطية ثقة فوق اللزوووووووووووووووووووم في هذا الزمن الخطيب ومفيهش الثقة مش حتى الحبيب ...

وعلى سؤااااااااالك انا الي راه خاطبني كنت نعرفو من قبل وكنا نتزاعفوا بصح ميفوتش يوم قبل ما يصالحني ونتراجعوا ... والان رانا عاقدين ونفس السيرة الحمد لله

انا نقولك اوقفي وقفة مع نفسك وصلي صلاة الاستخارة ....ربي يوفقك

[ليلى الجزائرية1]

أشكر كل من ساهم وتفاعل مع الموضوع
و أبشكرم ان المياه عادت لمجراها الطبيعي
اتمنى من المشرفين على القسم غلق الموضوع
وادعولي ربي يتتم لي بالخير

[rozalindanina]

ربي يهنيك حبيبتي ويقدمك اللي فيه الخير شوفي الجواب الاول العذر يعني شوية مش مقبول بزاف يعني الواحد ممكن يحشم ولا مي مادام مايحبهاش وعمبالو بلي يماه وخالتو راهم متفاهمين يلزم ينطق ويقولهم بلي راه شاف وحدوخرا وحب يخطبها اشكون اللي راح يتزوج هو ولا يماه ولا خاتو كوم مام شوية
الجواب التاني انا رايي ماتعيطيلوش انتي استناي حتى يرجع ليك هو مانعرف واش راه يخمم وممكن كان يجوز بيك الوقت اسمحيلي مي اتوقعي كلش ماشي غدوة يروح يتزوج ببنت خلتو وتبقاي انتي مغبونة قوليلي يلزم يفري الحالة ولا يخطيك ربي يهنيك ويسهلك امورك حبيبتي

[polyma]

أنا مع الأخت amira19 ديري برايها اذا ماخسرت تسلكي على خييير