هل انت.......قرعاج؟

[khadredouane]

التقرعيج هو كلمة في اللغة العامية نتاعنا و جات الكلمة على ما أظن من القرعة la boutaille و نقول قرعج يقرعج فهو قرعاج و العبد القرعاج هو اللي عندو كل الأخبار لا تفوته لا صغيرة و لا كبيرة خاصة الاخبار الجديدة يطلعها قبل ما يطلع الجورنال و معرفة أخبار ناس سواء يعرفهم او لا يعرفهم و نلقبوا هذا العبد عدة القاب منها الرادار و لا CNN و حتى FBI و يقولوا أن المرأة تقرعج أكثر من الرجل فهل هذا صحيح في رأيكم ؟
أجب بصراحة هل انت قرعاج؟
إذا جات لحومتكم لوطو مليحة واش أديروا


ما تديهاش فيها
تشوف فيها دقيقة و تكمل واش كنت ادير
تحب تعرف وشكون مولاها

فات عليك واحد داير مصروف في صاشي نوار
A. ما تحبش تعرف واش كاين فيها
B. تشوف و تقول في نفسك واش فيها
C. تفيكسي عينيك فيها باه تعرف واش فيها
قاعد و زوج ما تعرفهمش يحكو على واحد تعرفوا
A. تمشي باه ماتسمعش واش يقولوا
B. تريح في بلاستك وادير روحك ما سمعتش
C. تركب الرادار نتاعك و تكابتي
صاحبك يحكيلك حكاية عن فلان و فلان
A. ما يهموكش الشخصيات المهم الفكرة و العبرة
B. يهمك الأشخاص لكن تنساهم بعد الموضوع
C. تحب تعرف أدق التفاصيل
حدثت حادثة ما في مكان ما هل انت
A. اخر من يسمع
B. تسمع وتنسى
C. تسمع وتنشر
أصدقائك المقربين هل هم
A. عندهم لقديم نتاع الأخبار
B. احيانا يوجد الجديد
c. كل يوم الجديد

إذا كانت معظم الإجابات A فلست قرعاجا
إذا كانت معظم إجابتكB فأنت تقرعج في حدود المعقول
إذا كانت معظم الإجابات C فأنت قرعاج من الطراز الاول
نتمنى يعجبكم الموضوع

[فارس الجزائري]

:dj_17:

السلام عليكم


أولا يا أخي أود أن أضيف



يقال كذلك: قرعجة يقرعج تقرعيجاً


وهو من امتلأت قرعته وفاضت


ههههههههههه



وأنا والحمد لله معظم إجباتي كانت B


يعني في حدود المعقول

[نورالدين17]

انا لست قرعاجا ولا مقرعجا ولا أحب التقرعيج.......................

[س..ع..ي..د]

انا قرعاش كبير وافتخر ههههههههههههههه


امزح فقط


انا نقرعج في حدود المعقول

[طارق القبطان]

يا أخي أنا ماشي قرعاج ، ما يهمني حتى واحد ، عايش خلوي عايش خلوي ، ولكن هناك أمور تحدث أشاهدها صدفة فأهتم بها ، على سبيل المثال مرة كنت قاعد في الكارتي شفت وحدة دخلت واحد للدار في غياب أهلها جذبني الأمر .

[حسام]

حياتي كلها راحت تقرعييييييييييييييييييييييييييييج:1::1:
هههههههههههههههههههههههه




في حدود المعقول:1::1:

[أختكم في الله]

السلام عليكم ورحمة الله
أنا نكره كلمة اسمها التقرعيج.

[سلاف26]

إذا كانت معظم الإجابات a فلست قرعاجا
الحمد لله مانيش قرعاجة و ما يهمني حتى واحد و الله يسهل على كل واحد

[دموع الحيــاة]

إذا جات لحومتكم لوطو مليحة واش أديروا

B تشوف فيها دقيقة و تكمل واش كنت ادير
فات عليك واحد داير مصروف في صاشي نوار

B.تشوف و تقول في نفسك واش فيها
قاعد و زوج ما تعرفهمش يحكو على واحد تعرفوا

C.تركب الرادار نتاعك و تكابتي
صاحبك يحكيلك حكاية عن فلان و فلان

C.تحب تعرف أدق التفاصيل
حدثت حادثة ما في مكان ما هل انت

C.تسمع وتنشر
أصدقائك المقربين هل هم
c.كل يوم الجديد

** إذا كانت معظم الإجابات C فأنت قرعاج من الطراز الاول
Bonne Continuation

[ابوانس 22]

السلام عليكم ورحمة الله
اول مرة اسمع هذه الكلمة ولكني فهمت معناه ولا عتقد انها متداولة في منطقتنا و لم اضع يدي بعد على مرادفها في لكنتنا
شكرا

[*جوداء*]

ياك راك عارف بلي لبنات قرعاجات علاش نجاوب ههههههههههه
نقرعج كي يكون الامر يستاهل التقرعيج يعني كي نعرف بلي في صالحي

[الغافقي]

مرادف هذه الكلمة في المغرب هي بركاك bergag اي براق . هولاء الناس لا يقرؤون الجرائد
ولا يستعملون الانترنت ولا يشاهدون التلفزة . في المديتة تجدهم دائمي الجلوس في المقهى ولهم طريقة جذابة في الكلام ويقولون لك دائما صحيح حتى ولو كنت على خطا .

[وسام وسام]

إذا جات لحومتكم لوطو مليحة واش أديروا

تشوف فيها دقيقة و تكمل واش كنت ادير

فات عليك واحد داير مصروف في صاشي نوار
a.ما تحبش تعرف واش كاين فيها

قاعد و زوج ما تعرفهمش يحكو على واحد تعرفوا
c.تركب الرادار نتاعك و تكابتي

صاحبك يحكيلك حكاية عن فلان و فلان
c.تحب تعرف أدق التفاصيل

حدثت حادثة ما في مكان ما هل انت
c.تسمع وتنشر

أصدقائك المقربين هل هم
b.احيانا يوجد الجديد


ميرسي بزاااااااااااااااااف
المشكل ديالي هو انه القرع ايجيو حتى لعندي...عجب

[ابوانس 22]

مرادف هذه الكلمة في المغرب هي بركاك bergag
وهده هي الكلمة المتداولة عندنا في الغرب الجزائري
شكرا لك

[chahd alger]

أجب بصراحة هل انت قرعاج؟ والله الناس تقول عليا قرعاجة لكن ليس لدرجة نطلع الخبر قبل الجورنال
إذا جات لحومتكم لوطو مليحة واش أديروا



تشوف فيها دقيقة و تكمل واش كنت ادير اللوطو تقرعيج خاص بالدراري

فات عليك واحد داير مصروف في صاشي نوار
A.ما تحبش تعرف واش كاين فيه حتى ولوكان جات ترونسبارو

قاعد و زوج ما تعرفهمش يحكو على واحد تعرفوا


C.تركب الرادار نتاعك و تكابتي هاذي خدمتي .....
صاحبك يحكيلك حكاية عن فلان و فلان

B.يهمك الأشخاص لكن تنساهم بعد الموضوع
C.تحب تعرف أدق التفاصيل يهمني بزاف نعرف ادق التفاصيل لكن ننساهم بعد الحديث
حدثت حادثة ما في مكان ما هل انت


C.تسمع وتنشر ههههه
أصدقائك المقربين هل هم

c.كل يوم الجديد مشكوووووووووور

[مشاعر سرمدية]

ههههههههههههههههههههههههههههههههههههههه

موضوع رووووووووووووووووووووووووووووووووووووووووووووووووو وووووووووعة....

شكرا لك أخي....

تقبل مرور أختك....أمــ يائس ــل....

[نسيمة48]

إذا كانت معظم إجابتكb فأنت تقرعج في حدود المعقول

[*أنسام*الجنة*]

فات عليك واحد داير مصروف في صاشي نوار
a.ما تحبش تعرف واش كاين فيها

قاعد و زوج ما تعرفهمش يحكو على واحد تعرفوا
c.تركب الرادار نتاعك و تكابتي

صاحبك يحكيلك حكاية عن فلان و فلان
a.ما يهموكش الشخصيات المهم الفكرة و العبرة

حدثت حادثة ما في مكان ما هل انت
a.اخر من يسمع

أصدقائك المقربين هل هم

b.احيانا يوجد الجديد


إذا كانت معظم الإجابات a فلست قرعاجا

مشكور موضوع مسلي وانا نكره التقرعيج كيما تسموه

[الغافقي]

شكرا لك على هذا الموضوع الشيق
كلما قراته الا واضحك كثيرا . وكذلك ردود الاخوة الجزائريين والجزائريات حفظهم الله من كل شر .

[إبتسامة أبي]

المواضيع لي يكون فيها عباد نعرفهم نحب نقرعج وإذا كانو عباد مانعرفهومش ما نقرعجش أي أنا تقرعيجي في حدود المعقول

[khadredouane]

الكل يقرعج في حدود المعقول انا ثاني كي مانلقاهاش نجي في الوسط في حدود المعقول المهم شكرا لكم جميعا على المرور الجميل و الردود الاجمل.

[سليم_الجزائر]

ان لم يكن لي ما افعله قرعاج ونص وان كنت لاهي في لهايا يعني ان كنت مشغولا فلست قرعاج بالمرة

[alger1787]

* طبيعة المرأة وعيب الرجل *
الحمد لله أنا منيش قرعاج

[ام زينب]

من تدخل في ما لا يعنيه سمع ما لا يرضيه
اعجبتني كلمة قرعاج كثيرالانني لم افهمها اولا
تشكر اخي على الموضوع

[khadredouane]

شكرا لكم على المرور الطيب