محاجيات زمان (الغاز جزائرية)

[bouchra1010]

نعلم ان كل ولاية من ولايات الجزائر تزخر بثقافتها و تراث اجدادها المتميز لذلك اردت اليوم ان نتشارك اليوم ونتبادل جزء بسيط من هذا التراث بالمشاركة مع ابائنا واجدادنا في ذلك والمتمثل في الالغاز او محاجيات بكري
اظا اعجبتكم الفكرة فشاركو معنا وذلك كل واحد يطرح محاجية ولازم نلقاولها اجابة تاع اللغز
نحتاج االيوم الى مساعدة العائلة والاجداد وسنكون جو بهيج لكن على شرط؟
* لا يتم طرح محاجية حتى نلقى حل للي قبلها
راح ابدا انا الاولى
محاجية رقم 1


_قدو قد لبرا ولبرا هي قياسو، الناس هاربة من لبﻼ وهو هازو فوق راس

يلااااااااا انتظر الاجابة

[nina love]

عود الثقاب

[nina love]

صحححح أليس كذلك؟؟؟؟؟؟؟

[meharga]

عود الثقاب
اجابتك صحيحة

لغزي يقول : جدي في دكانتو يأكل في مصرانتو

[salima sese]

صعب ماهي الاجابة

[madir15]

الشمعة.............................

[لبنى28]

هههه صعيبة شوي

[meharga]

الشمعة.............................

معليش نقبلها : لكن في الاصل الاجابة الصحيحة هي " الكانكي" او ما يسمى بـ " الفنار" في مناطق اخرى

وبما انكم ما قلتو ولا لغز اخر راح نعطيلكم انا

قاعد مربع والخير يجيه لكلام ما يتكلمش والحق يعطيه

[مناد بوفلجة]

معليش نقبلها : لكن في الاصل الاجابة الصحيحة هي " الكانكي" او ما يسمى بـ " الفنار" في مناطق اخرى

وبما انكم ما قلتو ولا لغز اخر راح نعطيلكم انا

قاعد مربع والخير يجيه لكلام ما يتكلمش والحق يعطيه



الجواب هو : الميزان

-------------
إليك :
ما يطير ما يتمشى ما يشوف ما يسمع ما ياكل ما يشرب ما يتحرك بصح يعرف يتكلم

[meharga]

يمكن يكون :

التلفاز او المذياع

[bouchra1010]

يمكن يكون :

التلفاز او المذياع


اجابة صحيحة

[amel amri]

اعجبني الموضوع وحبيت نشارك أنا تاني ولغزي يقول: تبدا بالخاء ودايرة خلاخل العين تشوف والراس يخمم من الداخل

[التواتي 24]

السلام عليكم احببت ان اشارك الاخوة باحجية قديمة تقول :عورة وتخيط الكتان واطرش ويجيب الخبر واين كان وعايب ويطلع الكيفان

[*باسم*]

اعجبني الموضوع وحبيت نشارك أنا تاني ولغزي يقول: تبدا بالخاء ودايرة خلاخل العين تشوف والراس يخمم من الداخل
ربما الخيال مجرد محاولة:rolleyes: