ماساتي والحمد لله

[nari21]

بعد تسعة شهور من العدب والشوق والانتظار وهدا بعد عام وشهر من زواجي استيقدتو في الصباح الباكر فستفرغات معدتي لم راني زواجي قال لي نودي نديك لطبيب كي رواحت لطبيب قالي لبيبي تاعك راهو ميت داربت لعقي مالقيتواش واليت غير نبكي وراجلي تاني عطني برية باش ندخل لسبيطار باش ينحواهوالي داخلت على الساعة الثانية زوالا من الزوج وانا تماك حتى لستة تاع الصبح وهوما يحمو فيا باليباري والسيروم باش اتجيني الزحمة كي جاني شوية اسطار طالعوني فوق الطابلة وبدوا يوروالي كيفاش نزحم ويعبزوالي فوق كراشي باش يخراجوه لخاطر انا منعرافش عمري غير 22سنة حتى كي خارج البيبي مشدواهش لخاطر كي خارج سمعتو طاح فوق حاجة اتخبط في هاديك ادقيقة طالعتالي لطونسيو 18 اتعمو عينيا اي قوالت لطبيب اعطيني غير انبوسو اتحرمت حتى من شوفتو قالي دقيقة دوك نمسحو ونجيبهوالك في هديك الدقيقة بديت نحس بالحمي يبرد وحاجة سخونة تخرج مني حتى سمعت الباب تحل تاع البالوك وواحدة تقول انموغجيت انموغجيت لبلوك كامل اتقلب في دقيقة وبدو يخيطو فيا قريب 3سوايع وانا غير نتعدب ونحس بالطبة يتجارو من بعد مازدت حاسيت بوالو في هدايك الدقيقة جا راجلي وعماتو جيبيلي القهوة تاع الصبح ايا لقو كل شيء مقلوب خارجلو الطبيب قالو حنا دارنا لعلينا دوكا راهي عند ربي ادعوالها انا دغالت كومة 3 ايام وهوما كل ميسوني اتليفون يقوالو هدا خبر موتها جانا راجلي وماما قريب هبالو وقالوالهوم قع كان عاشت تعيش عمية ولا معوقة بعد 3 ايام فطنت جاو كامل لفمي عندي بعد 4 ايام عوادو حالوالي الجرح لي في كارشي وانا مكونتش عارفة تاعش لخاطر ولادة نورمال ماشي سيزاغين وانا نشوف بالا لنستيزي عمري خارجت لخاطر لقوه يخرج واحد الماء من 12 وانا محلوالة حتى ل5 تاع لعشية لخاطر اطبيبة كانت عندها خدمة عوادو داخلوني للبالوك وزادو خيطوني من بعد حكمتني انفيكسيو لخاطر مكنوش يديروالي طاوالت معلبلهومش بالي مخيطة عوادووالو يديروالي طاوالت عمري تخرج كي يديروالي غير البواسمو كي تبدالهوالي وتقعد تعسر منحمالش بعد 18يوم عداب في السبيطار كي جيت خارجة اطبيبة قتلي منخرجكش حتى يخي راجالك عندي هدارة معك والصدمة نحوالي الولادة. تقبالت كل شيء وحمدت ربي على معطني والان بعد مخرجت لمنزالي حتى المقربون لي والي كونت دايرتهوم في عينيا يعيطولي ماشي يقوالوالي على سلامتك العكس يقوالوالي صح نحوالك الولادة ولا لالا والو يعيطوالي المسكينة وانا والله عمري مخسرات مع واحد ودايرا غير الخير في حياتي راح يهبالوني من راسي حتى واصلات قوالت لراجلي طلقني وعواد اتزوج منقدرش ندالمو ونحرمو من اجمل شيء في الكون هدا غير ملخص من معاناتي ادعوالي ربي يصبراني ويخفف عليا .الدنيا مكان والو انا بين ليلة ونهار تقلبت كامل حياتي ودواك منيش نشوف ماليح من عينيا حتى باش نحضن والدي ونبواسو اتحرمت منها كبدتي راهي محروقة وقلبي راهو مجروح

[YouCefo_dz]

لا حول ولا قوة إلا بالله فصبر جميل

[gomplayer]

ننصحك تروحي تشتكي بالفريق الطبي

هذا اجرام في حقك يا أختي، لازم تجيبي حقك بالطرق القانونية

ارفعي عليهم دعوة قضائية

[**مرآة الضمير**]

السلام عليكم ورحمة الله
قلبي معاك اختي الكريمة فعلا ربي يكون في عونك صبرا جميلا والله المستعان وما تايئسيس من رحمة الله فقد وسعت كل شيئ وبالعكس زيدي تقربي من ربي هذا بلاء والمؤمن مصاب دائما
اكثري من الدعاء وقولي

للهم اليك اشكو ضعف قوتي وقلة حيلتي وهواني على الناس. يا ارحم الراحمين انت رب المستضعفين . وانت ربي.الى من تكلني .الى بعيد يتجهمني.ام الى عدو ملكته امري.ان لم يكن بك غضب علي فلا ابالي.غير ان عافيتك هي اوسع لي.اعوذ بنور وجهك الذي اشرقت له الظلمات وصلح عليه امر الدنيا والاخره.ان يحل علي غضبك.او ينزل بي سخطك.لك العتبى حتى ترضى. ولاحول ولا قوة الا بك
اللهم اجعل لي من كل ما اهمني واكربني من امر دنياي وامر اخرتي فرجا ومخرجا وارزقني من حيت لا احتسب واغفر لي ذنبي وثبت رجائي واقطعه عمن سواك حتى لا ارجو احدا غيرك

[علم وأدب]

لا حول ولا قوة إلأا بالله...

لك وابل من الدعوات أختاه...

قدّرك الله على مصابك..وجعلها فترة تمر من حياتك بلا عودة...

[imene12]

لا حول و لا قوة الا بالله... ربي يصبرك و يعوضك خسر ان شاء الله

[ميمي مانو]

صبرا اخيتي سيعوضك الله عن كل لحضة الم وعن كل دمعة ذرفت
حقيقة المتني قصتك صعب ان يبتلى انسان وفوق هذا يتخلى عنك اقرب الناس
لختي ماتقوليش وش درت للناس باه يتعاملو معايا هكا ربي سبحان ومايحمدوهش كيفاه تحبي يوقفو معاك انتي
اصبري وربي راح يعوضك على كلش
المهم صحتك صح الاولاد ملاح مي بزاف ناس ماعندهمش ولاد وعايشين ونتي مزالك صغيرة ديري حوايج ينسيوك وعيشي حياتك
هدرة الناس ماتخلاصش ماتسمعيلهمش
ربي يشفيك ويصبرك

[بتول8]

قولي اللهم اجرني في مصيبتي و اخلف لي خيرا منها
حسبي الله و نعم الوكيل
ربي يصبرك ابتلاء من الله
و الحمد لله على كل شي

[soriaalg]

لا حول ولا قوة الا الله ربي يعطيك الصبر والقوة اختي وان شاء الله يعوضك ياااااااااااااااارب

[knives55]

والله غير وجعني قلي علاه تطلبي طلاق ختي هذ مكتوب ربي

اذ رجلك مزال حابك علاه ديري في روحك هكذ

والله نفس المشكل صرا الخالتي ونحوالها الولادة في عام لول لزوجها

والله ما طلقها رجلها وراه عايش معها الى يومنا هذ

صبر اختي صبر

[الدر المكنون]

لا حول ولا قوة الا بالله

ابتلاء عظيم اخية ربي يصبر ك

ويعوضك بالخير

الحمد لله على كل حال

[النجمة القطبية]

لا حول ولا قوة الا بالله
قدر الله وما شاء فعل
معليش لازم تكونى قوية ومتديريش على الشعب الفارغ
خلى ايمانك قوى بالله سبحانه وتعالى وتاكدى انه راح يعوضك كل خير
موفقة

[جوهرة الغرب.]

لاحول ولا قوة الا بالله العلي العظيم
ربي معاك حنونة وربي يقويك
مزالك صغيرة ماشاء الله والدنيا قدامك توكلي على ربي سبحانو وربي درك يعوضك كل خير
لااله الا الله

[الملتزمة بالدين]

قال تعالى"إنما يوفى الصابرون أجرهم بغير حساب"
صبرا جميلا أختي ربي يعوضك كل الخير ولا تيأسي فان رحمة الله واسعة.

[imane-2020]

لا حول ولا قوة الا بالله
ربي يكون معاك و يفرج عليك ويشفيك ويعوضك خير
قدر الله وما شاء فعل
اللهم لا نسأل رد القضاء انما نسألك اللطف فيه

[ikhbb81]

و لماذا الطلاق ؟
و إذا كان على كلام الناس , هذي هي عقلية الغاشي و المجتمع نتاعنا ...
الصبر اختي و ربي يعوضك احسن من الشيء اللي فقدتيه .

اسوأ شيء انوا الانسان يستسلم ... ثقي في ربي . و قدر الله و ما شاء فعل .

[loulou02]

لا حول ولا قوة الا بالله ، ربي يصبرك و يقويك أختي ، ربي يفرج عليك ، إحتسبي و فوضي أمرك لله إنه نعم المولى و نعم النصير .

[sali-sali]

لا حول و لا قوة الا بالله

ربي يصبرك اختي و ماتزيديش تعمري راسك و قلبك بكلام الناس كي يقولوا مسكينة راهم هوما تاني مساكين
وانا مافهمتش واش هدا القلب لي عند الاطباء لي يعملو هكدا بالناس الرحمة مابقاتش عندهم

وماتتقلقيش ولا تخلي الكلام ياثر على العلاقة بينك و بين الزوج نتاعك

ربي يجيب الخير

[اريج06]

لاحول ولا قوة الا بالله والله بكيت أختي المؤمن مصاب وهذا ابتلاء من عند ربي لازم تصبري وتفوضي امرك لربي سبحانو هو أعلم وادرى بحالك
ربي يعوضك ومتخميش بزاف ومتفكريش بالطلاق وربي يشفيك ويبراو عينيك وترجعي خير من الاول

[املي في ربي]

صبرا جميلا و الله المستعان ..............و الله العظيم لا اجد العبارات ...........غير ربي يصبرك و حسبي الله و نعم الوكيل فيمن ظلمك و اهملك ربي يجيبلك حقك ان شاء الله ولكن يا أختي ما تسمحيش في حقك ارفعي قضيتك و ان شاء الله ربي يرزقك الفرج اجلا غير عاجل ياااااااااااااارب

[nari21]

مشكورين والله العظيم غير راجعتوالي شوية امل وصبر
ادعوالي بالصبر والنسيان

[منهاج]

السلام عليكم

ربي يعوضك خير

[ام يوسف 2737]

شوفي يا اختي والله قصتك احزنتني بزاف لكن واش تديري هذا امر الله لازم نتقبلوه وهو لا يظلم احدا واذا حدث لك كل هذا فتقربي من الله لانه الوحيد الذي يرزقك الصبر والقدرة على التحمل فهذا اختبار لقوة ايمانك وسيعوضك الله من حيث لا تحتسبين و ما حصل كان مقدرا عليك منذ كنت جنينا في بطن امك الله يصبرك وينسيك ويعوضك واعلمي ان الفريق الطبي لا ياخذ قرارا خطيرا مثل هذا الا اذا كان فيه خطر على حياتك فلا تلومين حدا على قدر الله وهذه ليست نهاية الدنيا وحتى الطلاق يحدث يوميا لمن لهم العديد من الاطفال لكن اذا كان زوجك متمسك بك فلا تطلبي منه هذا الطلب لانه حرام و الايام كافية لحل مشكلتك باذن الله فلا تقنطي اختي و الله المستعان

[nibrasse76]

السلام عليكم ...والله يا اختي لا أملك الا ان أطلب من الله ان يمنحك القوة والايمان ...لان مصابك جليل ...وليس بامكان اي شخص تحمله الا اذا كان راسخ الايمان بالله .....من حقك ان تحزني وهذا طبيعي ...لكن هي الحياة هكذا ..في لحظة تأتي كلها ..وتذهب في لحظة . لكن العبرة بالاخرة ..ضعي بين عينيك ان الحياة فانية ...ولا الزوج او الابن سينفعنا يوم الحساب الا أعمالنا ...فهل تستطيعين رغم الالم ان تمنحي الحب والحنان للمحتاجين ...اكثري من الاعمال الخيرية والله ستنسيك همومك وتخلق فيك احساس جديد للحياة ..بالتوفيق .

[peaceful spirit]

لااااا حول ولا قوة الا بالله ربي يصبرك و يجاااااااااااازيك و يقدرلك الخير حبيبتي

[* الحلم سكر *]

مأساتـي و الـحـمـد للـه
و هذا بيت القصيد يا أخــتي ربي يـكون مـعاك هـذا ابتـلاء من الـمولى عـز و جـل اصـبري و احـمدي ربـي .. قــضاء أخـف من قــضاء
خــليك قـاوية و صــبورة و باذن اللـه ربي بسـحانه راح يــعوض صــبرك خـير
اللـي راهـم يـهدرو هـداك الكلام الفارغ بالاكـي تسـمعـيلهم و بالـناقص منـهم ماتـرديش خلاص على المـكالمات و اذا جاك أمـثالهم كل ما يحـكو قولــيلـهم الـحمد للـه و اللــي بيــدو منـهم يمـنع الـقضاء .. أســتغفر الله يا ربي
و اللـه يا اخـتي راح تخـرجي من محـنتك و راح تــفرقي شــكون حبـيب صـح و يـحس بيك و شــكون لا
راجــلك ان شاء الله راه ولد حـلال ما تقنـطيش و خلـيك من كلمة روح تــزوج ياما ناس ماكـتبلـهمش ربـي لــولاد و لــقاو كــيفاه يــعوضو هـذا الـنقص على العـكس هـذي المحنة راح تــقربي أكـثر من زوجك ان شاء الله بوقــوفو مــعاك و انت ثاني عاونـيه و عاوني روحـك و ما تيـأسيش
المــهم درك تــهلي في صحتك و ان شـاء الله ربــي مــعاك

[w05]

rabi ysabrak in chaa allah

ne t'inquietes pas ma soeur kol amri al momin khayr w nas haka mdayrine okol mala matdakhlihomch f rassk tol 3ichi hyatk w ahmdi rabi ktablk 3omr jdid ala jal haja okhra

[fati1988]

لا حول الله ولا قوة الا بالله.. والله دمعة نزلت واش نقولك اختي هاد ابتلاء من عند ربي ربي يهون عليك ويعوضك خيرا ان شاء الله

يالله بلادي وين رهي رايحة ربي يلطف بالجميع

[sarah1424]

Wallah bakitini wtataret bik bezééééééf
9adar allah wmachaa faal
mat3amrich rassek bennéss hadi khedmethom ihmdi rabbi wosbri wkatri men douaa
rabbi y3awdek khir wrabbi yaatik essbar

[دعاء شيماء]

لا حول ولا قوة الا بالله
ربي يعوضك خير انشاء الله
اللهم فرج عن كربتها وصبرها عن همها
انت انسانة قوة جدا وايمانك بربي سبحانو كبير
واكيد راح يفرج عليك ربي بالاحسن

[بيلسان11]

سبحانه و تعالى ما اخذ منك شيئا الا أعطاك خيرا منه ربي يعوض حمدك خير ان شاء الله رانا كاملين ندعيولك. أما عن زوجك فلا تطلبي الطلاق كثيرون من يعيشون بدون أولاد و عايشين متهنيين . ما راكمش وحدكم, كل حاجة تبدا صغيرة و تكبار الا الألم و الحزن يبداو كبار و يصغارو. ربي يخفف عنك و يعطيك القوة و الصبر باش تتجاوزي حالتك.

[ضحى تسابيح]

لا حول و لا قوة الا بالله ,,,,,,,,,,وو كان الله في عونك أختي وكلي أمرك لربي سبحانه هو القادر على كل شيء

[ناشدة السؤدد]

السلام عليكم و رحمة الله و بركاته

هذا ابتلاء يا أختي ربي يصبرك الشدة في ربي وحدو

و كيما قلتي الدنيا هذي مكان والو

أكل رانا ضياف كي اللي عندو الولاد كي اللي ماعندوش اللي تزوج اللي ماتزوجش

و الحمد لله كاين (و بشر الصابرين)
و لازم نعيشو كيما حب ربي

ربي يأجرك خيرا و يصبرك

[zaza22]

ثقي في الله كل ما حدث لك مجرد ومكتوب من عند الله رددي استغفر الله من كل ذنب عظيم

[7anine 87]

والله يااختى لا اجد مااقول الا انى سادعو لك ولن انساك فى صلاتى ونصيحة هى كما قال الاخوة وبشر الصابرين مصابك جلل ولكن الله رحيم بعباده كان الله فى عونك واحسن عزائك فى وليدك وعوضك خيرا فى الدنيا والاخرة

[لؤلؤة الفردوس]

السلآم عليكم
لآ حول و لآ قوة الا بالله
فصبر جميل و الله المستعان
هذا ابتلاء ، و ربي يفرج عليك ان شاء الله

[yasmina31]

ربي يفرج عليك و يصبرك قوي ايمانك بربي و تأكدي انو ماراحش يخليك و أياكي تسمعي لكلام الناس خليك مع زوجك و ما تزيديش تطلبي الطلاق ربي يعوضكم ان شاء الله

[chazed]

قدر الله وماشاء فعل,ربي يعطيك الصبر أختي,و إن شاء الله يعوضك بالجنة على صبرك على هذا الابتلاء.
اللهم أجرها في مصيبتها واخلفها خيرا منها

[faty05]

قدر الله يا اختي
المني قلبي لما جرى معكي اصبري و احتسبي و ارفعي قضية ضد الطاقم الطبي
اما اختي تطالبي بالطلاق لا يا اختي راح يزيد لعذاب تاعك
و به ما يتحرمش زوجك من لولاد خليه يزوج بثانية
اختي ربي يصبرك و يعوضك بخير
ربي معاك

[موج و صخر]

الله يصبرك و يكون في عونك ...و ربي ان شاء الله يعوضك بالصحة و العافية و السعادة مع زوجك و مع اهلك...
و بالاك تطلبي منه الطلاق...دعيه يتزوج بثانية...و عيشي معاه حياتك

و اصبري و احتسبي الاجر فنِعْمَ اجر الصابرين...
و بشِّر الصابرين...
إنّ الله مع الصابرين...
إنّ الله يحب الصابرين...
إنّما يُوفى الصابرون اجرهم بدون حِساب...
الله يشفيك

[maiar]

لا حول و لا قوة الا بالله ربي يصبرك اختي و يعوضك بكل ما هو خير و ما تنسايش ربي مع الصابرين

[kamilia85]

rabi ykoun ma3ak w yssabrek.

[rimaas]

فصبر جميل و الله المستعان على ما تصفون....

[enseignant fiévreux]

السلام عليكم
انا لله و انا اليه راجعون
اختي الكريمة كان الله معاك كوني على يقين ان الله رحيم بعبده اكثر من رحمة الام بولدها
و من احبه ابتلاه عليك بالصبر و الاحتساب على الله و سوف ترين العجب
عوضك الله خير و ان شاء الله الجنة
الصبر على المصائب قربة إلى الله جل وعلا، الله يقول: (وَبَشِّرِ الصَّابِرِينَ * الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ * أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ) (155-157 البقرة)، ويقول سبحانه: ..وَاصْبِرُواْ إِنَّ اللّهَ مَعَ الصَّابِرِينَ (46) سورة الأنفال، ويقول جل وعلا: ..إِنَّمَا يُوَفَّى الصَّابِرُونَ أَجْرَهُم بِغَيْرِ حِسَابٍ (10) سورة الزمر، ويقول النبي -صلى الله عليه وسلم-: (عجباً لأمر المؤمن وإن أمره كله له خير، إن أصابته ضراء صبر فكان خيراً له، وإن أصابته سراء شكر فكان خيراً له) فإذا أصاب المرأة أو الرجل هموم أو غموم وصبر ولم يفعل إلا الخير فله أجر عظيم، وهكذا إذا صبر على الأمراض والأحزان موت قريب كل ذلك فيه الخير العظيم والفضل الكبير.
لكي منا الدعاء لكن اكثر واحد يحبك هو الله كوني على يقين انه لن يتركك فوكليه امرك
و ابقي مع زوجك بارك الله فيكما و وفقكما للخير

[marwa50]

rabi yfarej alike okhti , wrabi kader sebhanou yfarhak , edenya hadi kol wahed wash kteblou rabi esebri okhti ala ma ibtalaki

[mitrochka]

لا حول ولا قوة إلا بالله
اصبري يا أختي
ولدك راهو سبقك للجنة
و تشوفيه و تعانقيه و تشبعي منه تم

[شروق الاسلام12]

لاحول ولا قوة الا بالله ربي يفرج همك ويعطيك القوة ويعوضك خير ان شاء الله لا اله الا الله محمد رسول الله

[nari21]

بارك الله فيكم

[شهد حنان]

ربي يكون معاك اخيتي

لكن لازم تطلبي تحقيق .. مع الفريق الطبي .عما حدث لك ...

صبرا اختاه

[oprah]

habibti goli hasbia lah w ni3ma el wakil
sah el hyat bine nhar w lila tetbadal
l hamdo li lah

[مريم الصابرة]

السلام عليكم اختي
نقولك ربي يكون معاك وقولي الحمد لله على حاجة ربي وكوني قوية
بالنسبة للناس ما تعمريش راسك بالناس المهم راجلك وتكوني اولا قانعة بحاجة ربي اختي قولي الحمد لله صح واعرة والامومة هي كل شي لكن ربي كتبلك هكذا احمديه وما تعرفي الخير وين لكن ما فهمتش علاه نحاولك الولادة يعني عادي بزاف يموت الجنين وعادي تعاود تحمل هذا خطأ طبي وننصحك تقاضيهم ولكن معليش وكلي ربي وخليهم
بالنسبة لزوجك شوفي راني معاك ما تقدريش تحرميه من الاولاد لو راكي عاقر الفرج يجي من عند الله ونقولك إصبري ويصبر لكن لما نحاو الولادة فواعرة بزاف انا نقولك تشاوري معاه وطلبي منو وهني ضميرك قدام ربي كان قبل فعفسي على قلبك وأصبري كان ما قبلش عيشي مع زوجك وربي يهنيكم المهم اختي انا ثاني مريضة ونوع آخر من المرض ومريت بازمات نفسية حطمتني لكن الآن الحمد لله ما نعمرش راسي بالمرض نهائيا على العكس فرحانة ربي إبتلاني اصبري اصبري وجهي دموعك لربي مي للشكر وليس للوم ربي معاك اختي

[nari21]

مشكورة اختي على الكلام الطيب

[حزن بحر]

ربي يصبرك اختي
الدنيا ماشي ضلام جيبي ولد او بنت وربيها تدي فيها الاجر وتحسي بالامومة معاها
وخليكي مع زوجك
علابالي الهدرة صعيبة بصح الجرح مع القوت يببدا يبرى
حاوللي برك انك تشوفي الى الجانب المشرق وتذكري في الاخير هذي دنيا رانا ضياف فيها
اكيد ربي ابتلاك لانه يحبك وراح يعوضك

[nari21]

نشكر كل من سندني ولو كان بكلمة ربي يهنيكم ويحميكم ويجعلكم من اهل الجنة
ادعوالي بالصبر

[l'étoile]

الله يجيب الخير و ربي يعوضيك خير ان شاء الله
المهم الصحة و العافية

[wahiba T]

ربي انشاء الله يشفيك ويعوضك على كلشي جاز عليك وربي عمروا ماينساك

[اسماء47]

لا حول ولا قوة الا بالله
ربي يعوضك اختي
قطعتيلي قلبي
ربي معاك

[طيبة نفس]

لا حول ولا قوة الا بالله صبرااااااااااااجميلا ربي يعوضني خير في الدنيا والاخرة الدنيا مازال فيها الخير جيبي واحد وربيه كما قالولك تستأجري فيه ربي يهنيك ماتنسايش مرة على مرة طمنينا عليك اختنا الغالية نحبك في الله

[سدرةالمنتهى]

قال الله تعالى :(و بشر الصابرين الذين اذا اصابتهم مصيبة قالو انا لله و انا اليه راجعون *اولائك عليهم صلوات من ربهم و اولائك هم المهتدون )
اختي المبتلاة انت من بين ضمن هذه الاية الكريمة فانت في عز شبابك و اصابك الله بمرض ليبتليك و يمتحنك فاذا صبرت فثوابك عند الله هو الثناء من الله عليك و الرحمة و علاوة من الله لشدة صبرك فانت لم تخسري شيئافربما بدلك الله ذلك الرحم بولد صالح ينير دربك اذا عشت و يدعو لك اذا مت اللهم اجعله لها قرة عينها و يجعله ولدا صالحا يعوض ماساتها و لو بابتسامة في وجهك ..... فربما عوضك الله خيرا من هذا الاستلاصال....... فلا تقنطي من رحمة الله و اكثر الناس المبتلون هم الانبياء ربي يشافيك يااختي

[سدرةالمنتهى]

اختي عفوا عن هذه الاشارة داخل الاية لم اعرف كيف دخلت

[سارة البوسعادية]

ربي يعينك ويصبرك
وقولي اللهم اجرني في مصيبتي وعوضني خيرا منها
وماتزيديش يا اختي على راجلك

[جويرية الإيمان]

و الله يا أختي

فلبي تقطع من حكايتك

هذا أمر الله من قبل و من بعد

لكن كذالك مش لازم تسكتي على حقك

الأطباء غالطيين 100/100

لازملك تقاضيهم

و ربي صبر أختي

كل واحد ربي يمتحنو في هذا الدنيا

[soussou_saida]

allah yechafik
inchallah rabi yekoune me3aak w yekaderek

[سارة غفران]

لا حول ولا قوة الا بالله حسبي الله ونعم الوكيل صبر جميل اختى وتوفون اجركم ان شاء لله

[nari21]

الف شكر لكل من ساندني في محنتي والحمد لله على مااعطني والله ياخواتي الى حد الان عقلي مهواش مامن واش صارالي خطارات تبنالي راني نحلم

[nari21]

لكم مني كل التقدير والاحترام لكنني اصبحت حساسة جدا وابكي في كل دقيقة وبدون سبب

[ريحانة الجوري]

هدا ابتلاء من عند ربي ولازم تصبري

وبما أنو ابتلاك حاب بختبر صبر فلازم تصبري وترضاي

لأانو ربي اذا حب عبد ابتلاه

ربي يكون معاك ويعوضك بكل خير ان شاء الله

[المتيقنة بالله سارة]

لا حول ولا قوة الا بالله.........ربي يصبرك ويخلف عليك يا رب في آخرتك منقولكش فهاد دنيا.........والله شوكتيلي لحمي ودمعة عيني على شي لجوزتيه ومهما يكون ما نقدروش نحسو بلي راكي فيه كيما راكي نتي.......الحمد الله لي جات هم هكذا ولا أكثر ولك كل الدعاء من اعماق قلبي

[ardfatima]

ابكتني قصتك كثيرا
وليدك ان شاء الله تشوفيه في الجنة مع الولدان الذين يحفظون القران عند سيدنا ابراهيم عليه السلام
و ان شاء الله يكون لك سببا في دخولك الجنة
هذي الدنيا فانية الاخرة هي دار القرار
لا تتخلي عن زوجك
صبرا جميلا و الله المستعان

[محبة عبد الرحمان]

السلام عليكم أختي ربي يكون في عونك لازم تعرفي باللي ربي سبحانه يبتلي المؤمن على قدر دينه عليك بالصبر قال الرسول صلى الله عليه و سلم " انما الصبر عند الصدمة الأولى" و ما تراعيش لكلام الناس لأنك راح تتعبي و قولي "اللهم أجرني في مصيبتي و اخلفلي خيرا منها"

[ميمنة الجزائر]

ربي يفرج عليك اختي والعيب ماشي فيك العيب في الفريق الطبي لانو ما كانش في خدمتك

والشكوى لله وربي يفرج عليك ويعوضك اكثر فاكثر وقولي حسبي الله ونعم الوكيل

والله قطعتيلي قلبي لانو ربي يستر برك خذا هو فريق العمل الطبي في بلادي الا من رحم ربك

[ام اروى 2]

حسبك الله ونعم الوكيل
نصيحة من عندي ارفعي قضية باش يعتبروا لخرين
ماعندهمش الحق ينحولك الرحم بلا موافقتك انت وزوجك
انا ولدت وحدي وبنتي شديتها بيديا قبل ماطيح من الطابلة
والمقابلة كانت تحكي درنا فوضى كبيرة جاتنا المديرة واستسمحتنا
وعزلت هذيك المقابلة لوكان انا ووالله مانسكت اللي رايحة تولد تقولي رايحة للباطوار
مات الضمير المهني

[ميمنة الجزائر]

شفتي ام أروى أنا تاني راني معاك لازم تدير الشرع لانو واش سرالها كامل

هو بسبب مهني وواعر يعني قضية اهمال

[salma s]

لا حول و لا قوة الا بالله
لا يسعني اختي الا ان ادعو لك بالصبر
الله يصبرك و يعوضك خيرا ان شاء الله

[فراشات العمر]

ان الله اذا احب قوم ابتلاهم قد ما يصرالنا ما نلحقوش لي صرى اارسول صلى الله عليه وسلم او سيدنا داوود عليه السلام

[ام ايمان16]

لا حول ولا قوة إلا بالله

ربي يصبرك ويعوضك بللي يخفف عليك معاناتك ان شاء الله

[ام إثري]

لاحول ولاقوة الا بالله
والله يا اختي عينيا تعمرو بالدموع ربي يكون في عونك اختي
وتاكدي اختي انو هذا ابتلاء من رب العالمين فصبري اختي وان شاء الله ربي يعوضك خير
تاكدي بلي لولاد مش هوما كل السعادة في هذي الدنيا
والفريق الطبي اذا تهاون ولا كان السبب في حالتك هذي وكلي عليهم ربي هو ينتقم منهم

[ثواب الصابرين]

لا حول ولا قوة إلا بالله العلي العظيم
ربي يصبر قلبك أختي المؤمن مصاب

[ثواب الصابرين]

ننصحك تروحي تشتكي بالفريق الطبي

هذا اجرام في حقك يا أختي، لازم تجيبي حقك بالطرق القانونية

ارفعي عليهم دعوة قضائية

مع إحتراماتي لرأيك أخي ولكن أنا لا أوافقك لأن طريق القضاء لا يحقق لها شيئا بل بالعكس يزيد من معاناتها
نحن في الجزائر يا أخي ولا يوحد قانون يعطي الحق للأضعف خاصة في ما يخص قضايا الطب
الشكوى للمولى فحسب

[soumeya_cons]

لا حول و لا قوة الا بالله
قل لن يصيبنا الا ما كتب الله لنا هادي دايما حطيها في بالك و ان شاء الله ربي يعوضك خير و كلمة الحمد لله بعد الابتلاء راهي ان شاء الله حاجة كبيرة بزاف عند ربي سبحانه و ان شاء الله تؤجرين عل الصبر تاعك