الى كل من درس علوم فلاحية [الأرشيف] - منتديات الجلفة لكل الجزائريين و العرب

مشاهدة النسخة كاملة : الى كل من درس علوم فلاحية

نور الجنة س

2012-12-21, 20:59

حب نعرف شكون هنا في منتدى درس علوم فلاحية و خاصة ولاية عين الدفلى
لاني عندي دبلوم علوم فلاحية و لا يوجد اي عمل
حب اسال هل وجدتوا فرص العمل
لانوا هذه الشعبة الدولة لم تعطلها اهمية كبيرة
و شكرا و ارجوا تفاعل
و نستنى ردودكم بفارغ الضبر
بارك الله فيكم و ربي يرزقناا كل خير

karimb7

2012-12-21, 23:01

أنا هنا منذ خمس سنوات أختي وراني نادم أشد الندم على هاذي الشعبة لكن في الحقيقة الدولة هي التي همشتنا وصرنا أسفل سافلين
المهم أنا منذ خمس سنوات ملفات في ملفات ولا عمل
تاخذي راي اذا حبيتي تجوزي مسابقات التوظيف خيري المسابقات لي بالباك ولا التارمينال يكون عندك حظ أكثر
واذا راكي قادرة تقراي من جديد اقراي شعبة اخرى ولا ديري تقني سامي في اي حاجة اعلام الي ولا خير من تضيعي 5 سنين كيما أنا بلا فايدة
الاشخاص الذين في السلطة هم المسؤولون عن حالتنا انشاء الله ربي ينتقم منهم كيما ضيعونا
المهم نقولك اذا حابا جربي حظك بهذا الدبلوم جربي ولكن الامل ضعيف جدا جدا
وربي يكون معانا
واذا احتجتي اي مساعدة راني موجود وشكرا

نور الجنة س

2012-12-22, 08:24

شكر اخي و بارك الله فيك لكم انا درسة بيولوجيا لكن تخصص تع النبات و في دبلوم اعطوني شعبة علوم الفلاحية
و انا رني في نص بين البيولوجيا و علوم الفلاحية
و ان شا ء الله اي واحد دارس علوم الفلاحية يرد
و شكر

profcontractuel

2012-12-22, 09:52

تخصص علوم فلاحية مهمش في الجزائر يعني ابواب التوظيف لحاملي هذه الشهادة قليلة تنحصر في مديرية الفلاحة او مناصب اخرى قليلة لكن المشكلة الاكبر عند الناس لي قراو هذا التخصص كلهم ساكتين
مقارنة بسيطة مع تخصص البيولوجيا عندهم ابواب توظيف واسعة في التعليم الادارة الصحة الحماية المدنية
المشكلة نعاودها هي انو كل حاملي هذه الشاهدة ساكتين
من الافضل تتكتلو جميعا في تنظيمات نقابية للدفاع عن المهندس الفلاحي
فاذا لاحظتوا طلبة الشلف العام الماضي في النظام الجديد بيولوجيا قاطعو الدراسة رفضا منهم توجيههم بعد التخصص الى علوم فلاحية بحجة عدم وجود عمل
وبالتوفيق للجميع

athmen29

2012-12-22, 11:15

ربي يوفقكم إن شاء الله

cmoi085

2012-12-22, 12:32

السلام عليكم ، والله كيما قال الأخوان (http://www.djelfa.info/vb/member.php?u=16659) karimb7 و profcontractuel (http://www.djelfa.info/vb/member.php?u=358192) ، أنا مهندس دولة زعمة في الفلاحة من ولاية باتنة تخرجت سنة 2009 و قالك لازم تسوية الوضعية تاع العسكر ياسيدي رحت و جوزت العسكر كملت في مارس .....لحد الآآآآن لا حياة لمن تنادي حتى الجماعة اللي تخرجو قبلي نلقاهم بالمئات في مسابقات التوظيف و كامل في نفس الوضعية والله محقورين جماعة البيولوجيا و علوم الأرض عندهم الحق خير منا على الأقل في التعليم أنا رأيي نديرو حركة احتجاجية في كامل الولايات أو نتفاهموا كامل على نهار و نحتجو أمام وزارة الفلاحة !!!!!!!!! وش رايكم ؟ (http://www.djelfa.info/vb/member.php?u=358192)

aissantaa

2012-12-22, 13:19

والله شيئ مؤسف انك تقرا هدا التخصص انا مهندس مكا انتم هدا العام تخرجت لكن دقت المرارة في عامي الثالث وعرفت بلي هدا التخصص ميسواش واس على التعبير ودرنا انا واصدقائي اعتصام امام وزارة التربية من اجل اعادة توجيهنا في السنة التالتة الى علوم الارض lmd اوف فاح مناصب متنوعة كالتعليم متلا ولكن والله لاحياة لمن تنادي ولدرجة اننا اضربنا عن الطعام وامن يكدب يرجع للارشيف تاع الشروق ويقرا عن طلبة الفلاحة لولاية تيارت . ومدير الجامعة تلاعب معانا بوعود انه يبدلنا الي تخصص اخر ولككن راحت لاشخاص محددين المهم انا دكة راني نخدم بدراعي في مجال الفلاحة وربي يوفقكم انتم ايضا ان شاء الله

cmoi085

2012-12-22, 14:01

ربي يجيب الخير إنشاء الله

"راجية الجنة"

2012-12-22, 16:44

وجعتولي قلبي

ربي يفرج عليكم يارب

نور الجنة س

2012-12-22, 18:10

عندي صحبتي درس علوم فلاحية قترحت عليا ندروا عارض الى وزار مطلب بفتح مناصب شغل لهذه تخصص
هي عندها مجموع من اصدقاء ريحين يشركوا و طلبت مني نشارك
لكن انا مبفهم في هذا مجال
و قلولها لزن يكونوا اكثر من 10 اشخاص و كلما كان عدد اكثر يكون احسن
حب اعرف راييكم
و حب كل شخص يقترح شي خاصة اصحاب دبلوم علوم فلاحية
حتى يكون عندنا حق عمل

profcontractuel

2012-12-23, 17:42

اين انتم يا مهندسي الفلاحة انظمو الى صفحتنا على الفايس بوك
ingénieur agronome

profcontractuel

2012-12-23, 19:45

ان شاء الله اختي وبالتوفيق ا ليك وللجميع

cmoi085

2012-12-23, 20:26

يا أخي صفحة الفايسبوك مش واضحة ......كاين بزاف !!!!! شحال فيها mentions J’aime ؟؟؟

profcontractuel

2012-12-23, 21:31

يا اخي هذه صفحة جديد groupe
فتحتو غير البارح من اجل لم شمل مهندسي الفلاحة لطرح انشغالاتهم و كذى الاستفادة من بعضنا البعض
رمز groupe نبتة
في محرك البحث الخاص بفايس بوك اكتب ingénieur agronome لي يطلعلك فيها groupe ورمز انبتة

rabah ag

2012-12-24, 00:50

انا متخرج فلاحة 2008 لحد الان مخدمتش ... نهار ليفوتنا المسابقة انتاع السهوب في الجلفة كانو مسجلين اكثر من 900 مترشح ... معناها هذا العدد كامل راهم مريحين ... لعنده خوه ولا صاحبه داير هذا الاختصاص غير يبدل تحشاتلنا حنا باراكات....اما حكاية نديرو حل نهار ليفوتنا اتفقنا انو كامل نتجمعو ونكتبوالمطالب ونمضيو على الورقة وقت لكملنا المقابلة لقينا رواحنا 6 من الناس الباقي كل واحد حكم طريق...

najih7

2012-12-24, 14:13

ياخاوتي الدولة مهمشة بزاف المجال الفلاحي
اظن انها تضعه في المرتبة الاخيرة من اهتماماتها
علا بيها نستوردو كل الاغذية من الخارج وكان يحبسو علينا بابور القمح
الناس تاكل بعضها بعص

نور الجنة س

2012-12-24, 19:48

ان شاء الله نلقوا حل
كي جوزة مسابقة توظيف في مدرية الفلاحة لقيت ناس فمك لي متخرج 2002 تخلعت و حدى الان ملقوا عمل
قلتلهم الله يسمح

rachid1985

2012-12-25, 10:39

dirou magister

hida2012

2012-12-25, 11:24

نعرف واحد جارنا درس العلوم الزراعية وتخرج سنة 2001 ومازال يعاني في التوظيف وطلب العمل -12سنة بطالة -
الله يجيب الخير لكل مواطن جزائري

rabah ag

2012-12-26, 01:29

dirou magister
كاين صاحبي الماجور انتاع الدفعة انتاعي كمل الماجستير انتاعو ونهار المسابقة انتاع السهوب كان معايا في لاشين ...حتى هو مالقا مايخدم بالماجستير انتاعو

nounouess

2012-12-26, 12:08

mon frere envoi un CV au N° de fax 020 44 20 03/04 entreprise rebrab Boussada

lalib40

2012-12-26, 12:57

انسى الديبوم انتاعك اوروح اتعلم حرفة خيرلك الوقت يجري

cmoi085

2012-12-26, 15:38

انسى الديبوم انتاعك اوروح اتعلم حرفة خيرلك الوقت يجري

يا أخي الحرفة ديرها وانت صغير ماشي كي يولي في عمرك 30 أو أكثر ..............والله خلاونا نندمو علاش كملنا القراية

profcontractuel

2012-12-27, 17:30

يا خاوتي الخدمة مكتوب الانسان ماعليه غير يسعى ماشي شرط فالتخصص والباقي على ربي

نور الجنة س

2013-01-18, 11:28

اخي دخلتت للفيسبوك و ملقيت ممكن تساعدني