زغلي وماء يغلي ....الشاربة فريك كم درت حصلت

[mahdiak]

:mad::mad::mad::mad::mad:زغلي ومازغلي وماء يغلي ....الشاربة فريك كم درت حصلتء يغلي ....الشاربة فريك كم درت حصلت

[*ام رامي*]

اختي ما تتقلقي ما والو كل شيء بالشوية
نعطيك الشربة بطريقتي
دجاج قطعتين صدر +حبة بصل متوسطة رابيها + زوج سنات ثوم + شوية زيت حوالي اربع ملاعق
الكل على نار هادئة وقلي مع اضافة الملح والفلفل الاسود والفلفل الاحمر الحار والكسبر قلي مليح ثم اضيفي 2 فنجان قهوة فريك + ملعقتين كبيرتين طمااطم مصبرة + ورقة رند واذا عندك كرفس زيدي قلي مع كاس ماء باه الفريك يتشرب التوابل مليح ثم مرقي بلتر ونصف ماء ساخن واغلقي الكوكوت من 20 د الى نص ساعة
تكون جاهزة اذا لقيتيها مايهة خليها على نار هادية تزيد تغلي اذا لقيتيها مسوس زيدي ملح اذا تحبي الحار زيدي الهريسةوعينك ميزانك ديما ذوقي وريقلي اذا لقيتيها خاثرة زيدي شوية ماء مش تطفي النار وتحطي كيما جات تجي
اوقفي معاها واعدليها ونوعية الفريك تلعب دور كاين اللي يجي بنين وكاين السامط

قمديها وزينيها بالدبشة وشوية نعناع يابس
المقادير تعطيك 4 بولات نتاع شربة صغار نتاع رمضان

[نجمة ساطعة]

شوفي ثلاث حوايج هي السبب في الزغلي و الماء يغلي ...

كثرة الماء ... نقص الطماطم المصبرة ... و غلق القدر مباشرة دون تداخل المكونات مع بعضها البعض

اذن الحل ... انك متكثريش الماء يعني على حسب الكمية و زيد الطماطم على حسب الكمية يعني مش تحمضيها

بصح مش تنقصيها و الشيء المهم جدا هو كي تحسي ان المكونات نضجت ديريها في الكانون و قوي النار

حتى تداخل المكونات لانو كي تغلقي طول علابالك تعود المكونات لتحت و الماء لفوق ...

[ميرثا]

كمية الما وفريك وطماطم عندهم دور كبير

[سمراء الدنيا]

شكرا للاخوات الشاطرات على التوضيحات

[Basketteuse]

اختي تاني اضافة ادا لقيتها زايدة شوي مرق زيديلها شوي الغبرة تاع الفريك راهي فعالة جداً.

[شلال فرح]

ممكن نتي من الاخوات لي يقول و من بعد يصفو المرقة

هاذا من اهم اسباب انو الشربة تجب مايهة و ماش خاثرة

اذا استعملتي لحم و خصوصا لو فيه عظم صغير

قطعي الخضر نتاعك البصل و الطماطم و الثوم كبار مع ملح و فلفل احمرو اسود

و قليهم مع اللحم على نار هاديئة جدا و لما يدخلو الطياب ضيفي ملعة اكل طماطم

و قلي مليح ثم مرقي يكاس ماء

لما تغلي 5 دقائق نحي اللحم نتاعك و صبي المرقة فوق كسكاس صبي الماء غير بالشوية و حاولي تنزلي بكفك الخضر حتى تنزل اكبر كمية و تبقى القشور و العظم

فرغي هداك المرق فالقدر و حاولي ما تفرغيش نتاع القاع لانو يترسب فيه العظم الرقيق

زيدي شوية ملح و فلفل اسود و رجي اللحم نتاعك مع المرقة و ضيفي غرفية صغيرة نتاع فريك و حركي حتى ما ينزلكش للقعر

و لما يغلي مرة على مرة حركي حتى ما يترسبش و يتحرق الاسفل و ذوقي الملح

و خليه على نار هادئة حتى تنقص المرقة و يطيب الفريك

اختي الفريك المشري يسمط الاكل و ما يخثرش الشربة لانو ما فبهش الدقاق و

ماشي كيما لي نخدموه وحدنا فالمنزل يجي مالح و بنين و نضيف ما فيهش حصى و نستعملوه مياشرة دون ما نسوموه

[حياة نور الدين]

اهلا انا طريقتي في شربة فريك كالتالي:
ندير الزيت والبصل واللحم او الدجاج مع القرعة المقطعة صغير والحمص والملح والفلفل الاسود الفلفل الاحمر والقرفة وقليل من راس الحانوت وهو اختياري والقصبر وملعقة طماطم مصبرة نخلي الكل يتقل جيدا مع الخلط من حين لاخر ثم نزيد كاس ماء ونتركه يغلي بعدها نضيف الفريك والطماطم ادا احتو جنا و نمرق ونتركها تطيب على نار هادئة

[zitoukar]

هههههههه كيما حالتي كيما نديرلها ماتعجبنيش سيرتو في رمضان درت حريرة بكل انواعها درت فارميسال...... لحم دجاج والوووو بدلت لفريك وااالو كيما نديرها ما تعجنيش وما لقيتش حتى حل وتخلطت علي .................

[روسلين]

اكيد اشربة اذا كثرتيلها الماء وخليتيهاش تخثار تجيك مش باهية

خليها تخثار شوية وكيما وضحولك الأخوات والطماطم ثانا لازم تعرفي الكمية اللي تحطيها وعينك ميزانك

[سندس1967]

الشربة فريك تتطلب النفس الطويل في الطياب وكذلك نوعية اللحم والفريك غير ما تتقلقيش يا اختي ان شاء الله المرة الجاية تنجحي فيها وتورينا الشطارتك

[mariana1]

ربما ما كثرتيش الفريك ، ديري كيل مثلا فنجان قهوة أو مغرفة أكل وكلما كان عدد الأفراد كبير كثري الفريك وخليه يطيب مليح حى يتشرب الماء ويتنفخ

[ام دعاء ومارية]

السلام عليكم طريقة ناس الصحراء في شربة لفريك

نضع اللحم + فلفل حار +راس الحانوت +الزيت + طماطم مصبرة +طماطم طازجة +ملح+ثوم

نترك الجميع يغلي في قليل من الماء وعندما ينضج اللحم ننزعه ونزيد الماء حسب كمية الشربة لراح نطيبها


نضع لفريك مع الحمص ونتركها تنضج حتى تخثار عينك ميزانك عندما نطفئ عليها نضع لها


راس فلفل اخضر الرد ودبشة يزيدو بنة في الشربة

[chahinez_alg]

يا رب تخرجلك الشربة مليحة

[taboucha]

شوفي اختيحت نوعية الطماطة تلعب دور في الشربة فريك انا طريقتي ديري اللحم ف الطنجرة زيديلو ال4 سنات ثوم وفاح المتكون من كسبر ناشف وبسباس وكروية و ورقة رند و 2 ملاعق زيت وملح خليه على نار قليلة يتشرب مليح اللحم الدوزان ثم زيدي فنجان كاش ماء والزم يكون الماء سخووووووووووون وديري الفريك حسب االافراد فنجان فريك يديرلك 5 بول ومبعد يغلي مليح مرقي وخلي الطنجرة تغلي مليح وسكري نص ساعة افتحي وشوفي وش ناقص وزيدي وف الاخير ديري قرن فلفل حار و دبشة وسنة ثوم مرحية والفاح لاستعمالتيه في البداة تجيك روعة ان شاء الله وادعيلي ربي يسهل اموري

[سماح 26]

نصائح رائعة شكرا لكن

[mahdiak]

بارك الله فيك حبيبتي ربي يجزيك خير

[mahdiak]

بارك الله فيكم اخواتي الكريمات

[om3imad]

كيلي الفريك على حسب المرق

[rodaina mimi]

حنوناتي نوريلكم شربة تاع ناس الشرق لازم لحم خروف +زيت +بصل +فلفل اكحل +ثوم مخلط مع لفاحوشوية دبشة +شوية حميصة طماطم مصبرة فلفل احمر حار ورقة كرافس ولفريك تقلي مليح هذا هو السر وتمرقي بماء سخون وتحركي في اقدرة قريب 10دقايق باش ميلسقش وتخليه طيب براحتها وبشوية تشوفي واش ناقصها ملح طماطم وفي اخر كي تخثار ترمي فيها قرن فلفل حار وشوية دبشة وطفي عاى النار وبصحتكم نحن شربة لفريك تتركب على لحم لخروف والثوم +لفاح وتقليها مليح على نار هادية ان شاء الله تنجحو فيها

[Fifilondon]

شوفي اختي اهم شيء باش الشربة تحي بنينة لازم كل المكونات تكون قد قظ يعني متوازنة الماء والفريك والطماطم ونزيدلك باه ماتجيش الزغلي والماء يغلي لازم تضيفي كمية من الهضر اضافة الى التوابل لي تناسب شربة فريك وهذي طريقتي ربما تساعدك
في قد على نار هادءة نحط بصلة مبشورة مع كمية من اللحم مع حبة جزرة مبشورة في الجهة الرقيقة مع خبة كورجات ايضا مبشورة في الجه الرقيقة متخافيش لان الهضر من بعد تذوب زيدي شوية زيت ملح فلفل اسود فلفل عمري وشوية قرفة وشوية قصبر مرحي وشوية كروية وقلي مليح ثم مرقي بحوالي لتر ونصف من الماء اوحسب القدر لي عندك وخليه حتى يغلي في هاد الوقت جيبي ثلاث او اربع ملاعق كبار تع فريك واغسليه ثم صفيه وخليه حتى كي تغلي القدر رمي لفريك خلطي مليح وخليه يطيب من نصف ساعة الى 45 دقيقة ثم ضيفي طماطم مصبرة وحمص مشمخ وخليه يزيد يطيب 20 د ثموقبل ما كفي ظيري قصبر مقطع رقيق وشوية نعناع يابش وطفي على القدرة

[دانية لينة]

السلام عليكم
خلعتيني و ضحكتيني اختي لازم ما تمرقيش بزاف هذا اولا و ثانيا البصلة تبنن المرق ديري حبة كبيرة و لا لى حسب اللحم و بالمداومة راحا تلقاي الجاري من اسهل الوصفات و منو راحا تقدري ديري المرق لحاجات اخررى طبعا يختالفو لكن نفس المبدا

[anfal10]

شوفي حنونة انا شربتي اقولو عليها بنينة بزاف ايا ما نشكرش روحي :1::1::1::1::1::1:
الفريك انواع كاين لرقيق كاين المتوسط كاين خشين كاين المرمز وحدوا
انا ندير المتوسط او كل واحد او ذوقوا على حساب المنطقة
ادا تحبي الحار ارمي فلفلة و لا نص انتي او واش تحبي
نجوا للصح الفريك نغربلو مليح او على حساب العايلة ادا افراد ماشي بزاف ديري غرفية تاع الحليب و لا بو تاع ياوورت يكفي
باللحم و لا الدجاج انتي لو مقدورك مي باللحم اجي بنينة اكثر او اكثر
ديري البصل يتقلى الله الله هو او اللحم و لا الدجاج ديري الملح الزيت و لا حبيتي شويا سمن انتي او واش تحبي قليهم مليح ديري التوابل اهنا انا ندير فلفل اسود ,عكري,راس الحانوت ,كسبر تابل
كركم ,كروية,زريعة البسباس ,على راس المغرف قرفة ماشي حاجة شويا برك باش ما تكحلكش المرقة ندير طماطم مصبرة ماشي بزاف رايحة ندير تاع الحب حبة و لا زوج على حساب الكمية
كي يتقلاو هادوا نرمي الخضر تاعي زرودية زوج حبات كورجات واحدة حبة بطاطا مرات تكون عندي بسباس نكرفج شويا مرات الماشطوا نقطعها صغيرة ما كاش نديرو الكسبر لازم نمرقوا انا ندير عليها كسرونة فيها طوماطيش حبة من بعد نرحيها مع الخضرة لي درتها الداخل كي يدخلوا الطياب لللحم نرمي الفريك نخليها اطيب في غردها في رمضان ما نديرش تاع الكوكوط نحطها في قدرة اطيب باش اجي بنينة
ادا تحبيها مايهة شوي خلي فيها الماء شويا ادا تحبيها مجمرة خثريها مي ماشي ختى تولي بيطون ديري في بالك كي تحطيها رايحة تزيد تخثار
في الاخير ديرا الكسبر امممممممم:d
بصحتكم

[mahdiak]

بارك الله فيك اختي

[الشاوية*]

...طريقتي في شربة الفريك ..الدجاج مع البصل و 2سانات ثوم +طماطم حب و مصبرة +التوابل فلفل اسود و احمر و كسبر و ملح اكيد يتقلاو ملييييح مع كاس ماء و مبعد مرقي حسب عدد افراد العائلة من الافضل بالماء السخون و كي يغلي هذيك المرقة اضيفي الفريك كل شخص ديري ملعقة أكل و اغلقي الكوكوط و ماتوليش عليها قولي 10 دقائق
....و اهم حاجة ماتكثريش الماء لان الدجاج مايطولش في طياب و الفريك ثاني ..
....و اذا درتيها باللحم طيبي اللحم اولا و كي يطيب اضيفي الفريك و عاودي اغلقي 10 دقائق فقط و حللي
...الفريك من الافضل يكون رقييييق ...
اكيد مع الاخير تضيفي الدبشة كمية مليحة ...

[أ م ساجد وسيم]

يعطيكم صحة شاطرات والله ستافدنا الكل

[سوسو المغتربة]

الأخت أم رامي كفت ووفت ماشاء الله تبعية نصائحها وبالتوفيق