المساعد الشخصي الرقمي

مشاهدة النسخة كاملة : وحيدة ابوها.........

linda landaucha
2012-12-20, 17:19
سلام الله عليكم اخوتي في الله.......

.حكايتي تمثلت في كوني وحيدة ابوهاا....انا بنت مع 4 دكور اخوة.....لكنني اشعر انني بدون اخوة احيانا كثيرة

.عائلتي ولله يا اخوتي متعب العيش معهم ....لايكادون يكلمونني ابداااا......خاصة اخوتي الدكور الاكبر مني سنا...لا يفهونني .....لا يعرفون من هي الانثة...........لا يكادون يعرفون اخباري...جيدة سيئة ...لا احد يكترث...

اشعر بمغص في قلبي ........اتمنى ان افضفض لاي كان .....المهم اتكلم ...اضحك.....لان طبعي ليس مثلهم احب التكلم المزاح .....و..و......لاكن مع من ؟؟؟
.
احب اوقاااااااااات الدراسة ..........مع صديقاتي.......الحمد لله صديقاتي رائعات.....لكنني اظن احيانا انه من كثرت اهتمامي بهم .........هم هكدا معي؟؟؟

كم عانيت في سن المراهقة....ولا ازال اعاني............ولكن دعواتي لربي هي من جعلتني امر عليه مر ور الكرام ...الحمد الله

فاتعلمت اشياء كثيرة اكبر من عمري ....كنت دائما ابكي .............لا لشيء ينقصني الا لكوني افتقد لمن ادردش معه

........معظم وقتي يمر وانا وحدي ....ولكن الحمد لله

.من يهديه الله فلا مظل له...........رغم كل هدا الفراغ الدي كنت اعيشه....ورغم ان كل شيء موفر لي.......فلم اظل على طريق ربي

كنت دائما كلما شعرت بالوحدة .........اقول في نفسي مابالك انت لست وحيدة.........رب العباد معك..؟؟؟؟.......هده هي العبارة التي ابقتني .....اعيش في هدا الجو .........الصعب...........واحافظ على عرضي وعلمي واخلاقي

اخوتي لا اقصد من هده الفضفضة الشكوى...بقدر ما اقصد بها ...والله لا اعرف..........ولكن ولله تعبت..........تعبت...

كثيرة هي الاوقات التي احمد فيها الله ................لانه بفظل ما اتعرض لها من معانات معنويااااااا ونفسيااااا...تعلمت اشياااء كثيرة.....

اخوتي في الله ارجووو ان اتفوق في دراستي ..bac2013............لانها هدف حياتي الوحيد...........اقضي معها جل فراغي..........

لعلي اخرج من جو الوحدة المنزلية هته..................

دمتم بالف خير

سلام
تواصل الارواح
2012-12-20, 17:31
وحنا علاه رانا هنا مشاركين فالباطل تحتاجي تفرغي قلبك راني هنا فكلي عيون واعية واذان صاغية اختك في الله
الجواهر
2012-12-20, 17:38
تحدثت عن الاب و لم تذكري الام ؟
dala3 dalou3a
2012-12-20, 18:07
السلام اختي احنا هنا كامل باش انساعدوك متقلقيش روحك و ادعي غير لربي هو الاعلم بحالك مي يماك ما ذكرتيهاش يعني اذا كانت موجودة احكي معاها هي و اذا كانت مش موجودة ربي يرحمها احكي مع باباك و ربي يوفقك انشاء الله و تنجحي و تقراي على روحك,و يعطيك ربي زوج الحلال الي يسعدك و يهنيك اختي.
rimaas
2012-12-20, 18:12
اختي هي فترة و سوف تمر يعني ممكن انك تجعلي لك صديقة صالحة تكون كاخت لك... ثانيا تقربي من امك فهذا حتما سيفيدك و الحمد لله انك تدرسي يعني ملا الفراغ ... انا متلك مريت بنفس التجربة لكن الحمد لله هو شعور لا اكثر صدقيني... و احنا كلنا اخواتك .. ان احتجت اي شيء كيما يقولو رانا هنا.... ربي يوفقك في دراستك
linda landaucha
2012-12-20, 20:55
مشكوووووووووووووووووووورين اخوتي ...........

ربي يخليكم لياااااااااا ...........لالا امي حية ........ربي يخليهااا

شكرااااااا على الردوود الرااااااااائعة
Aicha1994
2012-12-20, 21:17
اختي راني هنا..........قريت قصتك وتأثرت بيها بالزاف **دموعي طاحت** بالصّح نورمال هدا شعور عادي بمرور الوقت يروح ان شاءالله مي معليش ربي يحفظك ويرعاك عوّلي عليه وهو الي راح يعاونك... ربي ينجحك في الباك وتولي تقراي في الجامعة وتنساي كلش تبقى غير الذكريات ..واصبري ربي معااااااااااااك واذا كنتي مزالك بحاجة وحدة راني مستعدة نكون معاك فكلي آذان صاغية .......
موج و صخر
2012-12-21, 10:14
بنيتي... وحيدة العائلة...ليندة
لما لا تقوي علاقتك مع والدتك ؟؟ فوالله هي احسن رفقة في العالم باسره...
حاولي ان تتقربي منها ...كلميها عن اهتماماتك و مشاريعك و طوايشك و امزحي معها
اتخذيها صديقة فوالله نعم الصديقة ستكون : لا تبخلك ولا تحسدك و لا تغير منك و لا توقعك في مشاكل...ولا...
ثم من بعد امك اين هم بنات العم او بنات الخال ...بنات العايلة الكبيرة اختاري منهم الاحسن
و ان شاء الله ربي ينجحك في الباك و تلقاي صديقة وفية في مشوار الجامعة.
و اخيرا كما قالوا لك من سبقوني
احنا هنا عائلة ثانية لبعضنا البعض
لا تترددي لحظة اذا اردت اي شيء.
knives55
2012-12-21, 12:33
كلنا مللنا من الوحدة

انا خوتي قريب ننساهم نهائيا من كثرة ما نتفهمش معاهم ديما ضدي في كل شيئ جبدت روحي وريحت

أناعندي غير ميكروا صاحبي ليفهمني هذا مكان بصح والفت خلاص واش راح اندير

حاولي ملئ وقت فراغ بتعلم اشياء جديد او مشارك هنا في المنتدي

والله راح تنحي عليك هذك الهم

وربي ينجحك هذ العام حتي انا راني نعاود في الباك تاع الهم


شــــــــــــــــــــــــــــكرا
linda landaucha
2012-12-21, 13:20
اختي راني هنا..........قريت قصتك وتأثرت بيها بالزاف **دموعي طاحت** بالصّح نورمال هدا شعور عادي بمرور الوقت يروح ان شاءالله مي معليش ربي يحفظك ويرعاك عوّلي عليه وهو الي راح يعاونك... ربي ينجحك في الباك وتولي تقراي في الجامعة وتنساي كلش تبقى غير الذكريات ..واصبري ربي معااااااااااااك واذا كنتي مزالك بحاجة وحدة راني مستعدة نكون معاك فكلي آذان صاغية .......

ربي يعزك اختي ..........دموعك طاحووو........اووو مرسي حبوبة


ان شاء الله كيما راكي تقولي مسالة وقت .........راني نعول على رابي ....واش رايحة ندير؟؟؟

اووووه حبيبتي مرسي بيانسووووور مدابياااا نتعرف عليك ونكونو حبابات ..........:19:

ربي ينجحني وينجحك ان شاء الله ................في الباك

دمتي بالف خير اخيتي
linda landaucha
2012-12-21, 13:25
بنيتي... وحيدة العائلة...ليندة
لما لا تقوي علاقتك مع والدتك ؟؟ فوالله هي احسن رفقة في العالم باسره...
حاولي ان تتقربي منها ...كلميها عن اهتماماتك و مشاريعك و طوايشك و امزحي معها
اتخذيها صديقة فوالله نعم الصديقة ستكون : لا تبخلك ولا تحسدك و لا تغير منك و لا توقعك في مشاكل...ولا...
ثم من بعد امك اين هم بنات العم او بنات الخال ...بنات العايلة الكبيرة اختاري منهم الاحسن
و ان شاء الله ربي ينجحك في الباك و تلقاي صديقة وفية في مشوار الجامعة.
و اخيرا كما قالوا لك من سبقوني
احنا هنا عائلة ثانية لبعضنا البعض
لا تترددي لحظة اذا اردت اي شيء.


اهلاااااااااا اختي الكبيرة

والله حااااااااولت كثير من مرة .....علاقتي مع امي جيدة ......لكن امي لكن طبع امي ....يختلف تمااااما عني ....هنا المشكل ؟

بنات العم والخال ..........صح راهم يعزوني ونعزهم مي يا خيتي رانا بعاد في السكن .....غير تيلفون بينتنا....ديمااااااا نحاولهم يجيو عندنااااااااا ميحبووووووووش .................:mad::mad::mad:

ان شاء الله ياربي ...الباااك هو لي يفكني ..........؟؟؟

شكرااااا واحلى عائلة .........انتم .............لن اتردد ...اكييد؟؟

اختك الصغيرة ليندة

دمتي بالف خير:mh31:
linda landaucha
2012-12-21, 13:28
كلنا مللنا من الوحدة

انا خوتي قريب ننساهم نهائيا من كثرة ما نتفهمش معاهم ديما ضدي في كل شيئ جبدت روحي وريحت

أناعندي غير ميكروا صاحبي ليفهمني هذا مكان بصح والفت خلاص واش راح اندير

حاولي ملئ وقت فراغ بتعلم اشياء جديد او مشارك هنا في المنتدي

والله راح تنحي عليك هذك الهم

وربي ينجحك هذ العام حتي انا راني نعاود في الباك تاع الهم


شــــــــــــــــــــــــــــكرا





اهلا اخي
راك في نفس المشكل.............ايه ربي يعاونك...غير انا لي نفهم بلى متحكي؟؟؟

ان شاء الله راني ديما نحاول نعمر هدا الفراااغ ..............ولا راني نهبل :sdf:؟؟

ربي ينجحك خوياااااااااا في الباك .............اقرااااااااااا وتوكل على ربي .........

سلام
~ فَرْشِـي التُّـرَآبـْـ ~
2012-12-21, 15:00
راني حاسة بيك ختي حتى انا ماعنديش خواتاتي بنات عندي غير خويا واحد برك ربي يخليهولي وساعات نحس بالوحدة ونكره
لكن الحمد لله تنقصلي شوية الوحدة والقلقة هاديك كي نجي هنا ونقرا المواضيع ونطلع على الجديد ^^
وتاني يا ختي خلي القرآن يكون صديقك كل ماتحسي بالقلقة والضيقة والوحدة روحي اقرايه تحسي براحة وتربحي حسنات
ربي يوفقك فالباك بمعدل مليح يااااااارب حتى انا عندي الباك السنة ربي ينجحنا كامل يااااارب آميـــن
sali-sali
2012-12-21, 15:06
كاين البعض في حياتهم كثير من الاشخاص و لكن يشعرون بالوحدة هنا السبب هو الروتين و التخمام بزاف في اشياء ممكن تكون تافهمة
يعني حاولي انتي ان تخلقي جو جميل مع اخوتك و عائلتك
اهتمي بدراستك اكثر

ربي يوفقك
linda landaucha
2012-12-21, 19:35
مشكووووووووووورين على الردود اخوتي
النجمة القطبية
2012-12-21, 21:43
اعتقد انك ربما والله اعلم تبالغين قليلا او احتمال انك تمرين بمرحلة مراهقة كى تكبرى راح تختلف الامور
يعنى شوفى انا تانى وحيدة ابوها على قولك ههههه
بصح فى نفس الوقت انا اقرب الناس لابى
واغلب وقتى مع امى
يعنى الطفلة كى تكون وحدها تتقرب من اهلها وتكون حنينة عليهم وهذا هو المطلوب وتكون محبوبة العائلة
ما هو ترتيبك فى العائلة اتوقع انك الاصغر
انا نصيحتى ليك تقربى من اهلك ومن خاوتك تكسبيهم
وشوفى الجانب الايجابى واحمدى ربى
موفقة