توضيح لإسمي الرمزي : (((أنا أمهم))), من فضلكم الدخول

[أنا أمهم]

السلام عليكم و رحمة الله و بركاته
بسم الله



حبيباتي يظهر أنه صار إلتباس بالنسبة للإسم الرمزي اللي اخترته (أنا أمهم) بسبب اختلاف اللهجات



كل ما في الأمر أنه عند اختياري للإسم فكرت أن أكتب : أم ......... (اسم بنتي) , و بعد قلت لا حرام عليا علاش نظلم ولدي :D, لازم نكتب : أم ....... (اسم ولدي) , و بعد قلت لااااااااااااااااااااااا بنتي أكبر , لازم نحط إسمها هي :D:D

و بعد قلت : لاااااااااااااااااااااا نكتب أساميهم الإثنين : أم ........ و .........., و بعد قلت لاااااااااااااااااااااااااااااااا إسم طويل يتعبني :D:D


و كان الحل أني اخترت : أنا أمهم, بمعنى : أنا أم أطفالي, و كانت المفاجأة : بعد فترة طويلة من المشاركة معكم, اكتشفت أن له معنى آخر في لهجتكم :( في تونس يقولو : أنا للاتهم) :o:o:o:o:o:o:o:o:o:o

أي أن هذا الإسم عندكم يعني : أنا أفضل منهم :o:o:o:o


و الله على ما أقول شهيد, لم أكن أعني به يوما تفاخرا أو تكبرا ...... و الله إنها الصدفة و اختلاف لهجات فقط لا غير:o



أقول لكل العضوات في قسم الطبخ : سامحوني إذا فهمتوني بالغالط. اللهم إني أعوذ بك من الكبر, اللهم إني أعوذ بك من التفاخر على سائر البشر.



المشكل إني حتى فكرت الآن أن أغير من الإسم, لكني سأخسر عدد المشاركات و أنا عندي مدة أصارع حتى أصل لل1000 باش نقدر نبعث رسالات خاصة :1::1:, و أيضا صور مواضيعي القديمة بكلها بهذا الإسم يعني صعيب إني نعدل فيها.



لكن إذا تحبو إني نغيرو, سأغيره :rolleyes::rolleyes: كل شيء يهون على خاطركم :D


و السلام

[فيفي سكيكدية]

:rolleyes:ايه هداوان فهمت معنى اسمك أختي
أنا أمهم ربي يحفظلك أولادك ويهنيك

[*سماح 94*]

لالا اختي واحد مافهم هكذا الاسم واضح انك تقصدي اطفالك ممطن التباس او سوء فهم برك من بعض الاخوات ماكيش مظطرة تغيري اسمك
رانا نعرفوك ملييييييييييييييييح ونعرفو بلي ماكيش من هاذ النوع لي حاسب روحو
سلاااااااااااااااااااااااااااااااااااااام

[حفيظ حيدر]

بارك الله فيك علي الشرح . انا شحال من مرة نتعجب من هاد الاسم فخيرا فعلت . بصح تعودنا عليه وعدنا نحبوه خليه احسن وما تقلقيش روحك. مساهماتك رايعة تفيدنا نتمناولك التوفيق اختي امهم

[natacabell]

lala ana fhamt beli nti yamahoum taa wlidatek marahch bali lhaja wahdoukra choukran ala tawdih

[anfale 86]

لا أختي ما تغيريهش والفناك بهذ الاسم وانا شخصيا فهمتك بللي راكي على أطفالك ربي يخليهملك درتي مليح كي مغيضتيش ولدك ولا بنتك وعدلت بيناتهم وما درتي تواحد وفكرة جميلة ’’أنا أمهم ’’

[sali-sali]

ربي يحفظلك اولادك

[الأمنيات]

يا اختي راني فهمتك من اول يوم دخلتي وعلاه قلت لك انا امهم يا انتي امهم وانا خالتهم ههههههههههههههههههه
ربي يحفظهم لك افهم اللهجة تونسية ياك رانا جوارين
ما تغيريهش اختي خليه راه مميز كصاحبته ربي يحفظها احبك اختي

[بنت الحاج]

وعليكم السلام ورحمة الله وبركاته

لا تغيريه ولا شيء هو اسم عادي جدا وأنا شخصيا فهمته على معناه الحقيقي من أول يوم
لست مضطرة للتغيير وخصوصا بعد توضيحك للامر بالنسبة لمن التبس عليهم الفهم

أنا مع تغيير اسمك في حالة واحدة فقط كي تزوجي اولادك ويرزقك ربي بأحفاد
سمي نفسك : أنا جدتهم :d

كما يقول المثل ما أعز من الولد إلا ولد الولد
ربي يقر عينيك بذريتك
تقبلي تحيتي أختي أنا أمهم

[*أم كوثر*]

السلام عليكم
اسمك مفهوم ومانشوف فيه حتى التباس
تعودنا عليك بهدا المعرف وادا غيرتيه رح تصعاب عليا نتعود عليك هههههههههههه
خليك كما راكي مميزة باسمك واطباقك وربي يحفظلك اللي انت امهم

[missahani]

ربي يحفظلك اولادك

[أم ياسين الزهراء]

من الاول كنت فاهمة اسمك بصح نحسب بلي عندك بزاف ولادد ربي يعيشهم خلي اسمك كيما راه افضل لينا

[رباب08]

انا الحمد لله من الاول فهمت معنى اسمك
ربي يخليلك ولادك يا رب
تقبلي مروري اختك رباب

[نجمة ساطعة]

اسمك واضح و مفهوم انك ام اولادك ربي يحفظهم يا رب و لا داعي لتغييره بصح اعتقدت انك ام لاولاد كثر عشرة مثلا هههههه

طلعوا زوج برك ربي يخليكم لبعض

[عروبتي]

لالا اختي انا فهمتو كيما راك شارحاتو بلي انتي ام لاولادك
عموما شكرا على التوضيح الذي يدل على تواضعك واخلاقك العالية وربي يخليلك اولادك

[miri_27]

السلام عليكم و رحمة الله تعالى و الله يااختي منذ البداية كنت أعرف معنى الاسم لكن جاني شئ عادي فمن خلال مشاركاتك التي تدل على طيبة قلبك و الجهد الذي تبذلينه من أجل فائدة العضوات العزيزات تبين لي أن الإسم لايبين أنك متعالية أو متكبرة و العياذ بالله على الاخرين رجاءا لاتغيرة تعودن على إسمك و على طلتك المميزة بيننا تقبلي تحياتي وقبلاتي

[soriaalg]

السلام عليكم بارك الله فيك اختي على التوضيح انا عن نفسي فهمتو على انك امنا نحن جميعا كأننا اطفالك ولم افهم ابدااااااااااااااااااا انك الافضل ابدا ابدا ولم يخطر ببالي هذا المعنى لكن اختي حتى لو كان هناك من فهم هذا فمشاركاتك تؤكد العكس يعني تباني انسانة ما شاء الله
تقبلي احترامي وصداقتي اختي ربي يخليك لاطفالك ويخليك لينا لانك احد نجمات المنتدى ربي يحفظك

[وصال7]

انت امهم ونحن خالاتهم مفهمتش علاه التبديل الاسم مع ان المضمون هو الدليل الاكبر مشاركاتك ربى يشدلك فى اولادك

[أم أسامة 07]

إنما الاعمال بالنيات
لالوم عليك حبيبتي رب يحفظلك وليداتك
ويخليك ليهم يارب
جزاكم الله خيرا

[~ حراير ~]

السلام عليكم و رحمة الله تعالى و بركاته
أختي العزيزة و الحبيبة انا امهم ياك قتلك راكي امنا كامل مش قصدي كبيرة في العمر و لكن كبيرة في القدر و قيمتك عندنا فوق الراس و العين
علابالك خليتيني نندم الي شاركت في هذاا القسم يعني اول ما تكلمت معاك خدمتهالك في راسك و هاد كله من فمي المحلول
و بكل صراحة اني لما سألتك لأني من كثرة ما نحب تونس العزيزة نحب نستفسر على كل حوايجها و اسمك جاني شوية غريب خاصة و اني نعرف بعض الأسماء الغريبة عنا نحن الجزايريين سمعتها في تونس و كانت عندها معنى جميل و معبر لما استفسرت عنها...
يخي قتلك راني نهدر بزاف
عموما تسمحيلي نخرج عن الموضوع و نطلب منك تقوليلي على الكسكسي بالحوت راني كليتو في هرقلة و من هاداك الوقت و بنتو في فمي كي العسل
اذا ما فيهاش ازعاج تكتبيلنا الوصفة في موضوع جديد متفضلة عليا و مشورة و لست مأمورة حبيبتي أنا امهم
ربي يحفظلك وليداتك و يفرحك بيهم و يرزقك برهم اللهم آمين

[ام يوسف 2737]

المهم نيتك الصادقة

[ام ملاك.]

لالا حنونة خلي اسمك هو اللي يميزك هنا ونعرفوك بيه
انا كنت حاسبة كي كاتبة انا امهم لاني اول مرة دخلت لهاد المنتدى وسجلت فيه واول موضوع قريتو ليك كتبتي على وصفات ام كوثر وام رامي على مااظن وقلتي انهم غايبين وانا فكرتك انت ام ام كوثر وام رامي ههههه
حسبتهم خيات هههههههه
بعد الوقت لقيتك من تونس وهم من هنا قلت بالاك يماهم من تونس هههههههههههههههههههههههههههههههههههههههههههههه
مي خلي اسمك ماتبدليهش ومعناه مليح ماشي معناه كيما قصدتي

[polyma]

هو اسم عادي جدا وأنا شخصيا فهمته على معناه الحقيقي من أول يوم
لست مضطرة للتغيير

[maiar]

والله يا اختي انت وحدك شكون هذه لي ما فهمتش اسمك من الاول انا شخصيا كي قريتو فهمتو و ماراح بالي لحتى حاجة ربي يحفظك لوليداتك تحياتي

[feuilleblanche17]

انا فاهماتوا من الاول بلي تقصدي الام
متغيريش رانا تعودنا عليك بهذا الاسم

[amiramirna]

من الاول فهمت ام احدهم قلت يمكن عندك بنات المنتدى تحبيهم بصفتنا رانا عايلة وحدة

[يـاسمين]

اختي تستطيعين تغيير اسمك بمراسلة الادارة و تبقى عدد مساهماتك نفسها و باسمك الجديد
صحيح انا عندما قرأت اسمك بدى لي و كانه انا الافضل.....
شكرا على التوضيح

[zenouba]

لالا اختى الاسم الرمزى جميل و ربى يحفضلك وليداتك و يفرحك بيهم و انا شخصيا ارفض ان تغيرى اللاسم
و دمتى لنا وفية

[linat]

أنا أمهم ربي يحفظلك أولادك ويهنيك

شكراااااااااااااااااااااااا سلمت يداك

[مريم07]

ربي يحفظلك اولادك

[souheila dz]

بارك الله فيك أختي و ربي يحفظلك وليداتك و يسترهم بالنسبة لي ماتغيريهش فالاسم مختلف و انا كي قريته فكرت قصدك انك الكبيرة في المنتدى هههههههههههه مزحة
الله يكبرنا في طاعته ويحفظ الجميع

[أنا أمهم]

مشكورين أخواتي , ردودكم فرحتني برشة



و بعض الردود ضحكتني برشة :) :) كل واحدة فهمت الإسم بطريقتها :)




و نحب نقول لأختي العزيزة أريج المسك, و الله لم أقصدك أنت بالكلام متاعي و بالعكس إنت كلامك عسل , و أيضا لم أقصد أي أخت أخرى فقط حبيت نوضح لعل و عسى يصير سوء تفاهم .
و بالنسبة للكسكسي إنتظريني في القريب العاجل أول ما تتوفرلي كل المكونات نصورلك المراحل الكل إن شاء الله. حبيت نبعثلك رسالة خاصة أما حاليا ما نقدرش. تقبلي إعتذاري زميلتي في الثرثرة ههههههه.

[درة بيتي]

إسم رائع ومميز أختي وأنت أروع منو بمواضيعك وأطباقك وأخلاقك العالية وتواضعك تقبلي مروري مع أطيب التمنيات ليك ولولادك رلي يفضلهملك والمعنى تع إسمك واضح وضوح الشمس

[odyssée]

عادي اختي انا فهمت معنى اسمك يعني انتي ام اولادك فقط هناك لهجات مختلفة واسمك واضح
دمتي متالقة

[ام سامي15]

تعودنا عليك بهدا المعرف

انت امهم و انا عضوة في منتدى امهم

و نتمنى نكون صديقة مقربة من امهم

ربي يحفظك و يحفظلك اولادك


درتي مليح كي وظحتي


رغم انه يبدوا معرف مميز

يعني

لو تسجلي بيه في منتدى آخر راح نعرفك بسرعة

[قمر الزمان رؤية]

ربي يحفظلك اولادك و يخليك ليهم...

[Manel_Ski]

واضح من الأول يا أختي..ربي يحفظهم إن شاء الله

[ْفاطمــــ الزهراء ــــة]

اسمك عادى و واضح
ربي يحفظلك اولادك و خليهملك

[آمِيْرَتُه]

اول مرة نتصادف مع اسمك لكن فهمته كيما انت ام لكن مكنتش نعرف ام من تقصدين
نورمال ان شاء الله يفهموك البقية

[jackin]

ربي يحفظلك أولادك ويهنيك

[موج و صخر]

لالا لم يحدث اي التباس
اسمك مفهوم و فهمناه بلي انت ام اولادك ربي يحفظهم لك و يحفظ لنا اولادنا اجمعين
لالا ما تبدليهش هو جميل و اوريجينااال
سلام

[دموع تائبة]

انا ايضا اختي كنت علابالي انك تقصدي اطفالك
ماتغيريهش اسمك شباب
والفناك بيه

[الدنيا]

انا فهمت باللي اسمك يدل على انك محترفة في شؤون المراة طبخ جمال تجهيزات خياطة و انك من بين الاوائل المسجلين في المنتدى و يستشيروكي الاخوات على بيها اسمك انا امهم و هذا فخر لنا كلهم

[The_Best]

أهلا و سهلا

[aminata amina]

ismak wadih

[nesrina10]

شكرا يا اختي اسم رائع ربي يحفظلك لولادك لا داعي للتغيير

[سَـآجدة]

ربي يحفظلك اولادك او يهديهم للطريق الصحيح

[ツღعـصُـ♥ـوِݦۑツღ]

آهلآ وِ سًِهًِـلآ وًِمًٍِرًحًٍِبًٍـآآآ

[walidbenchne]

بارك الله فيك علي الشرح

[❀عنْفُوَاפּ طُمُوحْ❀]

اول مرة رايته فهمت انك تقصدين اولادك حفظهم الله ، كان مجرد تخمين و الان اكدتيه

[djfr]

سلام عليكم
لابأس عليك اختي
احترماتي لك

[Houssam Zemmouri]

اهلا وسهلا ومرحبا بك :)

[oum ayyoub]

لا عليك اختي العزيزة ربي يحفظلك اولادك

[malak achark]

ربي يحفظلك أولادك ويهنيك

[الجزائرية المحبوبة]

انا فهمتك لانى في مشكلتك لما تكتبي ا سم ولدك يقلك آخر وانا علاه ماكتبتيش اسمى لازم ترضي طرفين
هو اسم عادى ماتغيريه

انتى امهم والامومة عنوان محبة اولاد

[Houssam Zemmouri]

اهلا وسهلا ........بارك الله فيك :)

[omsalah]

وفعلا انت اهم عضوة تعرفت عليها اليوم سلام